01/06/2026
आज शाळेचा आणि वसतिगृहाचा पहिला दिवस अत्यंत आनंददायी वातावरणात साजरा झाला. सुट्टीनंतर अनेक विद्यार्थी आपल्या घरी गेले होते. आज त्यांना सोडण्यासाठी आई-वडील, भाऊ-बहिणी आणि इतर नातेवाईक शाळेत आले होते.
ज्यांचे पालक किंवा नातेवाईक येऊ शकले नाहीत, ते विद्यार्थी वसतिगृहातच होते.
खूप दिवसांनी सर्व मित्र-मैत्रिणी पुन्हा एकमेकांना भेटले. त्या भेटीचा आनंद प्रत्येकाच्या चेहऱ्यावर स्पष्टपणे दिसत होता. हसरे चेहरे, उत्साह आणि आपुलकीचे वातावरण यामुळे संपूर्ण परिसर आनंदाने भरून गेला होता.
विद्यार्थ्यांचे औक्षण करून त्यांचे मनापासून स्वागत करण्यात आले. तसेच त्यांना शुभेच्छा देऊन छोटेखानी भेटवस्तू देण्यात आल्या. नवीन शैक्षणिक वर्षाची सुरुवात आनंद, प्रेम आणि उत्साहाच्या वातावरणात झाली. सर्व विद्यार्थ्यांना शिक्षकांनी नव्या वर्षासाठी खूप खूप शुभेच्छा! दिल्या.🌸🎉📚✨
