23/07/2026
ഇന്നാലില്ലാഹ്....
സമസ്ത ജനറൽ സെക്രട്ടറി അഭിവന്ദ്യരായ ശൈഖുൽ ജാമിഅ പ്രൊഫ.കെ ആലിക്കുട്ടി മുസ്ലിയാർ വഫാത്തായി. ആഗോള പണ്ഡിത സമൂഹത്തിനിടയിലെ ജ്വലിക്കുന്ന മുഖമായ, ആയിരക്കണക്കിന് ശിഷ്യ ഗണങ്ങൾ സമ്പത്തായുള്ള ശൈഖുന വിനയം കൊണ്ട് സർവ്വരുടേയും ഹൃദയം കീഴടക്കിയ മഹാ പണ്ഡിതനാണ്. സൈനുൽ ഉലമ ചെറുശ്ശേരി സൈനുദ്ദീൻ മുസ്ലിയാരുടെ വിയോഗത്തെ തുടർന്നാണ് സമസ്തയുടെ ജനറൽ സെക്രട്ടറി സ്ഥാനത്തേക്ക് അദ്ദേഹത്തെ തിരഞ്ഞെടുക്കപ്പെട്ടത്. പട്ടിക്കാട് ജാമിഅ നൂരിയ്യ അറബിയ്യയുടെ ദീർഘകാല അധ്യാപകനും പ്രിൻസിപ്പളുമായ അദ്ദേഹം, ആത്മീയ ലോകത്ത് പ്രോജ്വലിക്കുന്ന വിനയാന്വിതനായ മഹാപ്രതിഭയായിരുന്നു.
നാഥൻ സ്വർഗ്ഗത്തിൽ ഉന്നത പദവി നൽകി സന്തോഷിപ്പിക്കട്ടെ... ആമീൻ
