19/09/2026
🌸 ആര്യനന്ദയ്ക്ക് താങ്ങായി SYS സാന്ത്വനം; രണ്ട് ദിവസത്തെ സമാഹരണം കൈമാറി 🌸
ഇരു വൃക്കകളും തകരാറിലായി ചികിത്സയിൽ കഴിയുന്ന കുമാരി ആര്യനന്ദയുടെ ചികിത്സാ സഹായത്തിനായി SYS സാന്ത്വനം കുഞ്ഞിമംഗലം വെറും രണ്ട് ദിവസം കൊണ്ട് സമാഹരിച്ച ₹26,500/- ആര്യനന്ദ ചികിത്സാ സഹായ കമ്മിറ്റിക്ക് ഔദ്യോഗികമായി കൈമാറി.
SYS കണ്ണൂർ ജില്ലാ സെക്രട്ടറി കാസിം മാസ്റ്റർ, സർക്കിൾ സെക്രട്ടറി ഫിറോസ്, യൂണിറ്റ് സെക്രട്ടറി ഫൈസൽ, യൂണിറ്റ് ട്രഷറർ അമീർ എന്നിവർ ചേർന്ന് കുഞ്ഞിമംഗലം പഞ്ചായത്ത് പ്രസിഡന്റ്, ചികിത്സാ സഹായ കമ്മിറ്റി കൺവീനർ പ്രശാന്ത് ഉൾപ്പെടെയുള്ള ഭാരവാഹികൾക്ക് തുക കൈമാറി.
ഈ വലിയ ദൗത്യത്തിൽ പങ്കാളികളായ മുഴുവൻ പ്രവർത്തകർക്കും, ചുരുങ്ങിയ സമയത്തിനകം സഹായങ്ങൾ നൽകി പിന്തുണച്ച എല്ലാ സുമനസ്സുകൾക്കും SYS സാന്ത്വനത്തിന്റെ ഹൃദയം നിറഞ്ഞ നന്ദി രേഖപ്പെടുത്തുന്നു. ആര്യനന്ദയുടെ പൂർണ്ണമായ രോഗമുക്തിക്കായി നമുക്ക് തുടർന്നും പ്രാർത്ഥിക്കുകയും കൂടെ നിൽക്കുകയും ചെയ്യാം