Milan Arts & Sports Club Pattikkad

09/09/2025

അനുമോദിച്ചു....

MBBS പരീക്ഷയിൽ ഉന്നത വിജയം കരസ്ഥമാക്കിയ Dr. അംജദ് അലി യെ (S/o. അലി പുളിയക്കുത്ത്) മിലാൻ ക്ലബ്ബ് ആഭിമുഖ്യത്തിൽ അനുമോദിച്ചു. തൊടുപുഴ അൽ അസ്ഹർ കോളേജിൽ MBBS ന് പഠിക്കുമ്പോഴും നാട്ടിൽ വരുന്ന സമയങ്ങളിലെല്ലാം ക്ലബ്ബ് പ്രവർത്തനങ്ങളിൽ സജീവമായിരുന്നു അംജദ്. പട്ടിക്കാട് മിലാൻ ക്ലബ്ബിന്റെ സജീവ അംഗം എന്ന നിലയിലുള്ള അംജദിന്റെ വിജയം ക്ലബ്ബ്‌ പ്രവർത്തകർക്കും നാടിനും കൂടുതൽ അഭിമാനം പകരുന്ന ഒന്നായി മാറി.

അനുമോദന യോഗം ബ്ലോക്ക് പഞ്ചായത്ത്‌ സ്റ്റാൻഡിങ് കമ്മറ്റി ചെയർമാൻ ശ്രീ. അസീസ് പട്ടിക്കാട് ഉൽഘാടനം ചെയ്തു. ക്ലബ്ബ് പ്രസിഡന്റ് സൽമാൻ Qlite അധ്യക്ഷമനായി. ഗ്രാമ പഞ്ചായത്ത്‌ അംഗം എൻ കെ ബഷീർ മാസ്റ്റർ, പി എം എ ഗഫൂർ, സി ഹമീദ്, എൻ കെ മരക്കാർ, കക്കാട്ടിൽ കുഞ്ഞാലൻ ഹാജി, പി അബ്ദു ഹാജി, പി അലി, സി അഷ്‌റഫ്‌ തുടങ്ങിയവർ സംസാരിച്ചു. എൻ കെ നൗഷാദ് സ്വാഗതവും ക്ലബ്ബ് ട്രഷറർ കെ ടി ശരീഫ് ബാബു നന്ദിയും പറഞ്ഞു.

ചടങ്ങിൽ വെച്ച് ഈ വർഷത്തെ ഓണാഘോഷ പരിപാടിയിൽ വിജയികളായവർക്ക് സമ്മാനങ്ങൾ വിതരണം ചെയ്തു.

15/06/2025

ദേശീയ പഞ്ചഗുസ്തി ചാമ്പ്യൻഷിപ്പിൽ വെങ്കല മെഡൽ നേടിയ എ ടി ഷാഹിദലി യെ മിലാൻ ക്ലബ്ബ് ആഭിമുഖ്യത്തിൽ അനുമോദിച്ചു...

15/06/2025

ദേശീയ പഞ്ചഗുസ്തി ചാമ്പ്യൻഷിപ്പിൽ സ്വർണ്ണം, വെള്ളി മെഡലുകൾ നേടിയ ജന്ന ഫാത്തിമയെ മിലാൻ ക്ലബ്ബ് ആഭിമുഖ്യത്തിൽ അനുമോദിച്ചു...

15/06/2025

മിലാൻ അനുമോദന സദസ്സ് ...

BCAI ദേശീയ പഞ്ചഗുസ്തി ചാമ്പ്യൻ ഷിപ്പിൽ നാടിന് അഭിമാനമായി സ്വാർണ്ണം - വെള്ളി മെഡലുകൾ നേടിയ ജന്ന ഫാത്തിമ, വെങ്കല മെഡൽ നേടിയ എ ടി ഷാഹിദലി, ഈ വർഷത്തെ SSLC - പ്ലസ്ടു, LSS-USS വിജയികൾ ഉൾപ്പടെ 47 പ്രതിഭകളെ പട്ടിക്കാട് മിലാൻ ആർട്സ് & സ്പോർട്സ് ക്ലബ്ബ് ആഭിമുഖ്യത്തിൽ അനുമോദിച്ചു. കീഴാറ്റൂർ ഗ്രാമ പഞ്ചായത്ത് പ്രസിഡണ്ട് ശ്രീമതി. ജമീല ചാലിയത്തൊടി ചടങ്ങ് ഉത്ഘാടനം ചെയ്തു. ക്ലബ്ബ് രക്ഷാധികാരി അംഗം സി അഷ്‌റഫ് അധ്യക്ഷനായി. ബ്ലോക്ക് പഞ്ചായത്ത് അംഗം അസീസ് പട്ടിക്കാട്, ഗ്രാമ പഞ്ചായത്ത് അംഗം എൻ കെ ബഷീർ മാസ്റ്റർ, ക്ലബ് ഉപദേശക സമിതി അംഗങ്ങളായ പി എം എ ഗഫൂർ, വി പി ശശീന്ദ്രൻ, എൻ കെ മരക്കാർ, ഖാസിം തട്ടയിൽ, സി ഹമീദ്, അസീസ് കക്കാട്ടിൽ, എൻ കെ നൗഫൽ, മൂസക്കുട്ടി കെ കെ തുടങ്ങിയവർ ആശംസകൾ നേർന്ന് സംസാരിച്ചു. ക്ലബ് രക്ഷാധികാരി അംഗം എൻ കെ നൗഷാദ് സ്വാഗതവും , സെക്രട്ടറി യാസീൻ മാലിക് വി പി നന്ദിയും പറഞ്ഞു. ക്ലബ് മുൻകാല ഭാരവാഹികളും അംഗങ്ങളും രക്ഷിതാക്കളും നാട്ടുകാരും ചടങ്ങിൽ സംബന്ധിച്ചു. മിലാൻ ക്ലബ്ബ് ചരിത്രത്തിലെ ഏറ്റവും വലിയ അനുമോദന ചടങ്ങുകളിലൊന്നായി പരിപാടി മാറി.

10/06/2025

03/03/2025

ജഴ്സി പ്രകാശനം ചെയ്തു...

മിലാൻ ജൂനിയർ ഫുട്ബാൾ ടീമിന് 'സിറ്റി ലൈഫ് കെയർ ഹോസ്പിറ്റൽ ചുങ്കം - പട്ടിക്കാട് ' സ്പോൺസർ ചെയ്ത ഫുട്ബാൾ ജഴ്സി സിറ്റി മാനേജിങ് പാർട്ണർ ശ്രീ. ബഷീർ ചേരിയത്ത് പ്രകാശനം ചെയ്തു. ക്ലബ്ബ് ഭാരവാഹികളും പ്രവർത്തകരും ചടങ്ങിൽ സംബന്ധിച്ചു.

27/02/2025

കെ പി രാജേഷ് ചികിത്സ സഹായവുമായി ബന്ധപ്പെട്ട് മിലാൻ ക്ലബ്‌ നടത്തിയ ധന സമാഹരണ പ്രവർത്തനത്തിനുള്ള ചികിത്സ സഹായ സമിതിയുടെ സ്നേഹോപഹാരം ഏറ്റ് വാങ്ങി....

16/02/2025

ഫണ്ട്‌ കൈമാറി....

കെ പി രാജേഷ് കിഡ്നി മാറ്റി വെക്കൽ ചികിത്സ ധനശേഖരണാർത്ഥം പട്ടിക്കാട് മിലാൻ ആർട്സ് & സ്പോർട്സ് ക്ലബ്ബ് സമാഹരിച്ച 1,07,777/- രൂപ ചികിത്സാ സമിതിക്ക് കൈമാറി. വാർഡ് മെമ്പർ എൻ കെ ബഷീർ മാസ്റ്റർ, എൻ കെ നൗഷാദ്, ചികിത്സ സമിതി കൺവീനർ കെ പി നജ്മുദ്ധീൻ, ക്ലബ്‌ സെക്രട്ടറി യാസീൻ മാലിക്, അസീസ് കക്കാട്ടിൽ തുടങ്ങിയവർ സംസാരിച്ചു. ക്ലബ്ബ് പ്രവർത്തകരും ചികിത്സ കമ്മറ്റി ഭാരവാഹികളും സംബന്ധിച്ചു.

02/02/2025

അനുമോദിച്ചു....

നിയമ ബിരുദം കരസ്ഥമാക്കി നാടിന് അഭിമാനമായി മാറിയ ADVOCATE: ശബാന മജീദ് കെ പി യെ (BA, LLB) മിലാൻ ക്ലബ്‌ ആഭിമുഖ്യത്തിൽ അനുമോദിച്ചു. അനുമോദന യോഗം വാർഡ് മെമ്പർ എൻ കെ ബഷീർ മാസ്റ്റർ ഉൽഘാടനം ചെയ്തു. സി അഷ്‌റഫ്‌ ആധ്യക്ഷം വഹിച്ച ചടങ്ങിൽ പി എം എ ഗഫൂർ, വി പി ശശീന്ദ്രൻ, കാക്കാട്ടിൽ ശിഹാബ് മാസ്റ്റർ, എൻ കെ മരക്കാർ തുടങ്ങിയവർ ആശംസകൾ നേർന്നു സംസാരിച്ചു. എൻ കെ നൗഷാദ് സ്വാഗതവും, ക്ലബ്ബ്‌ സെക്രട്ടറി യാസീൻ മാലിക് വി പി നന്ദിയും പറഞ്ഞു. Adv: ശബാന മറുപടി പ്രസംഗം നടത്തി. ക്ലബ്ബ്‌ പ്രവർത്തകരും നാട്ടുകാരും ചടങ്ങിൽ സംബന്ധിച്ചു.

26/01/2025

മിലാൻ 5's ഫുട്ബാൾ മേളക്ക് വിജയകരമായ പരിസമാപ്തി....

ഒരു മാസക്കാലം നീണ്ട് നിന്ന മിലാൻ 5's ഫുട്ബാൾ മേളക്ക് ആവേശകരമായി സമാപനം കുറിച്ചു. 24 ടീമുകൾ മാറ്റുരച്ച ഈ മേളയുടെ ഫൈനൽ പോരാട്ടത്തിൽ എതിരില്ലാത്ത ഒരു ഗോളിന് WZFC പെർഷന്നൂരിനെ പരിചയപ്പെടുത്തി AYASCA അലുങ്ങൽ ജേതാക്കളായി. ഫൈനൽ മത്സരം ആരംഭിക്കുന്നതിനു മുമ്പ് അകാലത്തിൽ മരണപ്പെട്ട മുൻ മിലാൻ ഭാരവാഹികളുടെ ഓർമ്മകൾക്ക് മുമ്പിൽ എല്ലാവരും ഒരു നിമിഷം മൗനം ആചരിച്ചു. ടൂർണ്ണമെന്റിന്റെ ആരംഭം മുതൽ കലാശക്കൊട്ട് പോരാട്ടം വരെ ഒട്ടനവധി വ്യത്യസ്തങ്ങളായ മുഹൂർത്തങ്ങൾ ഈ ഫുട്ബാൾ മേള നാടിനു സമ്മാനിച്ചു. നാട്ടിലെ ആബാല വൃദ്ധം ജനങ്ങളും ഈ ടൂർണ്ണമെന്റിനെ നെഞ്ചോട് ചേർത്തു. ടൂർണ്ണമെന്റ് വിജയത്തിനായി വിവിധ സൗഹൃദ കൂട്ടായ്മകളും, സ്ഥാപനങ്ങളും, സുഹൃത്തുക്കളും, വ്യക്തികളും, പ്രവാസി സഹോദരങ്ങളും വിവിധ സ്പോൺസർഷിപ്പുകളിലൂടെ കരുത്തുറ്റ ഇടപെടലുകൾ നടത്തി. നാടിന്റെ ആഘോഷമാക്കി മാറ്റി ടൂർണ്ണമെന്റിനെ ജനകീയമാക്കുന്നതിൽ ക്ലബ്ബ്‌ പ്രവർത്തകരും ടൂർണമെന്റ് കമ്മറ്റി അംഗങ്ങളും രക്ഷാധികാരികളും നിസ്തുലമായ പങ്കാണ് വഹിച്ചത്.

ടൂർണ്ണമെന്റിന്റെ സമാപന യോഗം ബ്ലോക്ക്‌ പഞ്ചായത്ത്‌ സ്റ്റാൻഡിങ് കമ്മറ്റി ചെയർമാൻ ശ്രീ. അസീസ് പട്ടിക്കാട് ഉൽഘാടനം ചെയ്തു.ടൂർണ്ണമെന്റ് കമ്മറ്റി ചെയർമാൻ സി അഷ്‌റഫ്‌ അധ്യക്ഷനായി. രക്ഷധികാരി അംഗങ്ങളായ ശ്രീ. പി എം എ ഗഫൂർ, ശ്രീ. വി പി ശശീന്ദ്രൻ തുടങ്ങിയവർ ആശംസകൾ നേർന്നു സംസാരിച്ചു. ടൂർണമെന്റ് കമ്മറ്റി കൺവീനവർ എൻ കെ നൗഷാദ് സ്വാഗതവും ശിഹാബ് മാസ്റ്റർ നന്ദിയും പറഞ്ഞു. രക്ഷധികാരി അംഗങ്ങൾ, ടൂർണമെന്റ് - ക്ലബ്ബ് ഭാരവാഹികൾ, പ്രവർത്തകർ തുടങ്ങിയവർ ട്രോഫികൾ വിതരണം ചെയ്തു.

വിവിധ തരത്തിൽ ടൂർണ്ണമെന്റ് വിജയത്തിനായി കൂടെ നിന്ന് കരുത്തേകിയ എല്ലാ പ്രിയപ്പെട്ടവർക്കും ഒരിക്കൽ കൂടി ഹൃദ്യമായ നന്ദി രേഖപ്പെടുത്തുന്നു.

⚽ടൂർണ്ണമെന്റ് കമ്മറ്റി⚽

26/01/2025

മിലാൻ 5's ഫുട്ബാൾ മേളയിൽ AYASCA അലുങ്ങൽ ജേതാക്കളായി..

25/01/2025

മിലാൻ 5's ഫുട്ബാൾ മേളക്ക് പരിസമാപ്തി കുറിച്ച് കൊണ്ടുള്ള കലാശപ്പോരാട്ടമായ ഫൈനൽ മത്സരം ഇന്ന് വൈകുന്നേരം 5 മണിക്ക് മണ്ണാർമല ജംഗ്ഷൻ മിനി സ്റ്റേഡിയത്തിൽ ..
ഏവർക്കും സ്വാഗതം 🌷🌷