Friends of Bharathapuzha, Pattambi (2026)

Friends of Bharathapuzha (FoB), as the name says are the collective group of Organizations, people and other ecosystems under the leadership of Dr. E Sreedharan.

19/07/2026

നിളയുടെ നാട്ടുവഴികൾ - 9
മാപ്പിള പാരമ്പര്യം.
=======================

അഷ്ടാംഗം ആയുർവ്വേദ മെഡിക്കൽ കോളേജിൽ പ്രവർത്തിക്കുന്ന പത്മശ്രീ പി. ആർ. കൃഷ്ണകുമാർ പൈതൃക വിജ്ഞാന കേന്ദ്രത്തിൻ്റെ നേതൃത്വത്തിൽ, ആറങ്ങോട്ടുകര വയലി നാട്ടറിവ് സംഘം, ഫ്രണ്ട്‌സ് ഓഫ് ഭാരതപ്പുഴ എന്നിവയുടെ സഹകരണത്തോടെ "നിളയുടെ നാട്ടുവഴികൾ" എന്ന സംസ്ക്കാര പഠന, സമാഹരണ, പ്രചാരണ പദ്ധതിയുടെ ഭാഗമായി ആറങ്ങോട്ടുകര വയലരങ്ങിൽ നിളയുടെ തീരത്തെ മാപ്പിള പാരമ്പര്യം ചർച്ച ചെയ്യുന്നു. പഴയകാല മാപ്പിള കലകൾ അവതരിപ്പിക്കുന്നു.

പട്ടാമ്പി എം. ഇ. എസ് കോളേജ് പ്രിൻസിപ്പാൾ ഡോ. അബ്‌ദു ചർച്ച മോഡറേറ്റ് ചെയ്ത് സംസാരിക്കും തുടർന്ന് പ്രമോദ് ഇരുമ്പഴി മാപ്പിള സമുദായത്തിന്റെ ഭക്ഷണം - ഭാഷ എന്ന വിഷയവും സലാം ഒളാട്ടയിൽ പൊന്നാനി വിശേഷങ്ങളും അവതരിപ്പിക്കുന്നു. പാരമ്പര്യ കെട്ടുപാട്ടുകളുടെ (മാപ്പിളപാട്ട്) പ്രചാരകനായിരുന്ന ആറങ്ങോട്ടുകര കുഞ്ഞുമുഹമ്മദ് ഇക്ക, കാഞ്ഞിരശ്ശേരി വീരാൻകുട്ടി മുസ്ലിയാർ എന്നിവർ പഴയകാല മാപ്പിളപ്പാട്ട് പാരമ്പര്യത്തെ പരിചയപ്പെടുത്തുന്നു. വരവൂർ തളിയിലെ പഴയ തലമുറയിലെ കലാകാരൻമാർ കോൽക്കളി, മാപ്പിള പാട്ടുകൾ അവതരിപ്പിച്ചിരുന്നു കൂടെ ദേശമംഗലം തലശ്ശേരിയിലെ പുതിയ തലമുറ ദഫ് മുട്ട്, അറബന മുട്ട് കലകളുമായി കൂടെ ചേരുന്നു.

നിളയുടെ സാമൂഹിക - സാംസ്ക്കാരിക - പാരിസ്ഥിതിക വിഷയങ്ങൾ ഇഷ്ടപ്പെടുന്ന ഏവർക്കും സ്വാഗതം.

ടീം നിളയുടെ നാട്ടുവഴികൾ
98462 02711 / 9446938770.
[email protected]

23/06/2026

അഷ്ടാംഗം ആയുർവ്വേദ മെഡിക്കൽ കോളേജിൽ പ്രവർത്തിക്കുന്ന പത്മശ്രീ.പി. ആർ. കൃഷ്ണകുമാർ സെന്റർ ഫോർ ട്രഡീഷണൽ നോളഡ്ജ് സിസ്റ്റംസിന്റെ നേതൃത്വത്തിൽ, ആറങ്ങോട്ടുകര വയലി നാട്ടറിവ് സംഘം, ഫ്രണ്ട്‌സ് ഓഫ് ഭാരതപ്പുഴ എന്നിവയുടെ സഹകരണത്തോടെ "നിളയുടെ നാട്ടുവഴികൾ" എന്ന സംസ്ക്കാര പഠന, സമാഹരണ, പ്രചാരണ പദ്ധതിയുടെ ഭാഗമായി ജൂൺ 27, ശനിയാഴ്ച 2.30ന് നിളയുടെ "തീരത്തെ കാർഷിക പാരമ്പര്യം" ആറങ്ങോട്ടുകര കൃഷി പാഠശാലയിൽ (മൺവീട്) ചർച്ച ചെയ്യുന്നു.

പ്രസിദ്ധ ചരിത്രകാരൻ ഡോ. എസ് . രാജേന്ദു മോഡറേറ്ററാകുന്ന ചർച്ചയിൽ, കൃഷി ഡെപ്യൂട്ടി ഡയറക്ടർ (റിട്ടയേർഡ്) രുക്മണി ആർ, നിളയുടെ തീരത്തെ കാർഷിക പാരമ്പര്യം വിവരിക്കുന്നു. നാട്ടറിവ് ഗവേഷകൻ സി. രാജഗോപാലൻ പള്ളിപ്പുറം, നാടക - സാമൂഹിക പ്രവർത്തക ശ്രീജ കെ. വി തുടങ്ങിയവർ ചർച്ചയിൽ പങ്കെടുക്കുന്നു.

നിളയുടെ സാമൂഹിക സാംസ്ക്കാരിക പാരിസ്ഥിതിക വിഷയങ്ങൾ ഇഷ്ടപ്പെടുന്ന ഏവർക്കും സ്വാഗതം.

ടീം നിളയുടെ നാട്ടുവഴികൾ
98462 02711 / 9446938770.
[email protected]

22/02/2026

നിളയുടെ നാട്ടുവഴികൾ എന്ന സംസ്ക്കാര പഠന, സമാഹരണ, പ്രചാരണ പദ്ധതിയുടെ ഭാഗമായി :

അടുത്ത വിഷയം : നിളയുടെ പക്ഷിപുരാണം - 1

നിളയുടെ തീരങ്ങളിൽ വാമൊഴിയായി പാടിയും, പറഞ്ഞും പ്രചാരത്തിലുള്ള പക്ഷികളെ കുറിച്ചുള്ള പാട്ടുകളും, കഥകളും പരിചയപ്പെടാൻ, പുതിയ തലമുറക്ക് പറഞ്ഞു കൊടുക്കാൻ ഒരു സുവർണ്ണാവസരം.

നിളയുടെ നാട്ടുവഴികൾ പരമ്പരയിൽ, ഫെബ്രുവരി 28ന് വാവനൂർ അഷ്ടാംഗത്തിൽ 2.30 മുതൽ 5 വരെ. നിളയോരത്ത്‌ പക്ഷികളെ നിരീക്ഷിച്ചുകൊണ്ട് പ്രശസ്തനായ കെ. കെ നീലകണ്ഠൻ എന്ന ഇന്ദുചൂഡനെ കുറിച്ചുള്ള ഡോക്യുമെന്ററി പ്രദർശിപ്പിക്കുന്നു. തുടർന്ന് നാടൻ കലാകാരൻ, നാട്ടറിവ് പ്രവർത്തകൻ എന്നീ മേഖലകളിൽ പ്രശസ്തനായ പ്രദീപ് വയലി നിളയോരത്ത്‌ പ്രചാരത്തിൽ ഉണ്ടായിരുന്ന നാട്ടറിവ് കഥകൾ, പാട്ടുകൾ പരിചയപ്പെടുത്തുന്നു.

ഏവരെയും ഹാർദ്ദമായി സ്വാഗതം ചെയ്യുന്നു.

ടീം നിളയുടെ നാട്ടുവഴികൾ
C/o അഷ്ടാംഗം ആയുർവേദ ആശുപത്രി
വാവനൂർ ,കൂറ്റനാട്
പാലക്കാട്.
98462 02711 / 9446938770.
[email protected]
*************

01/02/2026

മരംകൊട്ടും പാട്ടും ശിൽപ്പശാല നടന്നു.

അഷ്ടാംഗം ആയുർവ്വേദ മെഡിക്കൽ കോളേജിൽ പ്രവർത്തിക്കുന്ന പത്മശ്രീ.പി. ആർ. കൃഷ്ണകുമാർ സെന്റർ ഫോർ ട്രഡീഷണൽ നോളഡ്ജ് സിസ്റ്റംസിന്റെ നേതൃത്വത്തിൽ, ആറങ്ങോട്ടുകര വയലി നാട്ടറിവ് സംഘം, ഫ്രണ്ട്‌സ് ഓഫ് ഭാരതപ്പുഴ എന്നിവയുടെ സഹകരണത്തോടെ ജനുവരി 31, ശനിയാഴ്ച നിളയുടെ നാട്ടുവഴികൾ എന്ന സംസ്ക്കാര പഠന, സമാഹരണ, പ്രചാരണ പദ്ധതിയുടെ ഭാഗമായി നിളയുടെ തീരത്തെ "മരം കൊട്ടും പാട്ടും" ചർച്ച വാവനൂർ അഷ്ടാംഗം ആയുർവ്വേദ മെഡിക്കൽ കോളേജിൽ നടത്തുന്നു. ചർച്ച കോയമ്പത്തൂർ ആയുർവ്വേദ ഫാർമസി ഡയറക്ടർ ശിവദാസ് വാരിയർ ഉദ്‌ഘാടനം നടത്തി. പുതിയ തലമുറയിലെ പാട്ടാശാൻ രമേശ് കരിന്തലക്കൂട്ടം മോഡറേറ്റ് ചെയ്യുന്ന ചർച്ചയിൽ, ഡോ. ശ്രീജ കെ. ടി (അസി. പ്രൊഫസർ, ചിറ്റൂർ ഗവണ്മെന്റ് കോളേജ് ), വാദ്യ - നാടൻപാട്ട് മേഖലയിൽ പ്രശസ്തരായ എ. കെ. ജി മണികണ്ഠൻ പെരിങ്ങോട് , മനോജ് പുനർജ്ജനി, അപ്പു വയലി , വിനോദ് വാവനൂർ, ബാലാജി എന്നീ കലാകാരൻമാർ മരം പാട്ട് രീതികളെ പരിചയപ്പെടുത്തി. അഷ്ടാംഗം സെക്രട്ടറി ഉണ്ണി മങ്ങാട്ട് സ്വാഗതവും, വിനോദ് നമ്പ്യാർ വയലി ആമുഖ പ്രഭാഷണവും നടത്തി. അഷ്ടാംഗം ആയുർവ്വേദ കോളേജിലെ ഡോ. ശ്രീപാർവ്വതി നന്ദി രേഖപ്പെടുത്തി. ചർച്ചയിൽ അമ്പതോളം അംഗങ്ങൾ പങ്കെടുത്തു. ഫെബ്രുവരി മാസത്തെ ചർച്ച 28 ശനിയാഴ്ച 2.30 ന് നടക്കും, വിഷയം "നിളയുടെ തീരത്തെ പക്ഷികളെ" കുറിച്ചായിരിക്കും. മാർച്ച് മാസത്തെ വിഷയം, നിളയോരത്തെ കളിയോഗങ്ങൾ എന്ന വിഷയത്തിൽ നടക്കും.

ടീം നിളയുടെ നാട്ടുവഴികൾ
C/o അഷ്ടാംഗം ആയുർവേദ ആശുപത്രി
വാവനൂർ ,കൂറ്റനാട്
പാലക്കാട്.
98462 02711 / 9446938770

30/01/2026

നിളയുടെ നാട്ടുവഴികൾ
നിള സംസ്ക്കാര പഠന, സമാഹരണ, പ്രചാരണ പദ്ധതി.

അടുത്ത ചർച്ച : നിളയുടെ തീരത്തെ "മരം കൊട്ടും പാട്ടും"
സമയം : 2.30 P. M
ദിവസം : 31 ജനുവരി, 2026
സ്ഥലം : അഷ്ടാംഗം ആയുർവ്വേദ മെഡിക്കൽ കോളേജ്, വാവനൂർ, പട്ടാമ്പി.

ഒരു നദി അതിന്റെ തീരങ്ങളിൽ നട്ടു വളർത്തിയ സംസ്‌കൃതിയുടെ വേരുകൾ തേടിയുള്ള യാത്രകളാണ് നിളയുടെ നാട്ടുവഴികൾ എന്ന ചർച്ച - പഠന പരമ്പര. ഓരോ മാസവും അവസാനത്തെ ശനിയാഴ്ച 2.30 മണിക്ക് വാവനൂർ അഷ്ടാംഗത്തിൽ നിളയുടെ പാരമ്പര്യം ചർച്ച ചെയ്യപ്പെടുന്നു. പുഴയുമായി ബന്ധപ്പെട്ട വിവിധ വിഷയങ്ങൾ പഠന വിധേയമാക്കിയവരും, പ്രയോക്താക്കളും, നാട്ടറിവ് അവേദകരും ഒരുമിച്ചു ചേരുന്ന ചർച്ചകളിൽ, 2026 ജനുവരി മാസത്തെ വിഷയം നിളയുടെ തീരത്തെ സാംബവ കലകളിൽ പ്രധാനമായ "മരംകൊട്ടും പാട്ടും". പാരമ്പര്യ കലകളിൽ വളരെ പഴക്കം ചെന്ന വാദ്യമാണ് മരം, താളവാദ്യങ്ങളുടെ ആദിമരൂപമെന്നും അറിയപ്പെടും. സാംബവ സമുദായം, മരമാണ് പ്രധാന വാദ്യ ഉപകരണമായി ഉപയോഗിക്കുന്നത്. മരം കൊട്ടി പാട്ടുകൾ പാടുന്ന രീതിയാണ് നിലനിൽക്കുന്നത്. പല അവസരങ്ങളിൽ പലതരത്തിലുള്ള പാട്ടുകൾ പാടുന്നത് പതിവാണ്. ഇതിൽ ചാക്കാട് പാട്ട്, നെടും പാട്ട് , കുറും പാട്ട് അങ്ങിനെപോകുന്നു വൈവിധ്യമായ പാട്ട് രീതികൾ. ഈ രീതികളെ പരിചയപ്പെടുന്നതിനും, ചർച്ച ചെയ്യുന്നതിനും ഏവരെയും നിളയുടെ നാട്ടു വഴികളിലേക്ക് ഹാർദ്ദമായി സ്വാഗതം ചെയ്യുന്നു.

പുതിയ തലമുറയിലെ പാട്ടാശാൻ രമേശ് കരിന്തലക്കൂട്ടം മോഡറേറ്റ് ചെയ്യുന്ന ചർച്ചയിൽ, ഡോ. ശ്രീജ കെ. ടി (അസി. പ്രൊഫസർ, ചിറ്റൂർ ഗവണ്മെന്റ് കോളേജ് ), വാദ്യ - നാടൻപാട്ട് മേഖലയിൽ പ്രശസ്തരായ മണികണ്ഠൻ പെരിങ്ങോട് , മനോജ് പുനർജ്ജനി എന്നീ കലാകാരൻമാർ മരം പാട്ട് രീതികളെ പരിചയപ്പെടുത്തുന്നു. പാട്ടുവഴിയുടെ വിവിധ മേഖലകൾ യോഗത്തിൽ ചർച്ചചെയ്യുന്നു.

ചർച്ചയിലേക്ക് സ്നേഹപൂർവം സ്വാഗതം ചെയ്യുന്നു.

അഷ്ടാംഗം ആയുർവ്വേദ മെഡിക്കൽ കോളേജിൽ പ്രവർത്തിക്കുന്ന പത്മശ്രീ.പി. ആർ. കൃഷ്ണകുമാർ സെന്റർ ഫോർ ട്രഡീഷണൽ നോളഡ്ജ് സിസ്റ്റംസിന്റെ നേതൃത്വത്തിൽ, ആറങ്ങോട്ടുകര വയലി നാട്ടറിവ് സംഘം, ഫ്രണ്ട്‌സ് ഓഫ് ഭാരതപ്പുഴ, നാട്ടുകാലാകാര കൂട്ടം തൃത്താല യൂണിറ്റ് എന്നിവയുടെ സഹകരണത്തോടെ നടത്തുന്നു.

ടീം നിളയുടെ നാട്ടുവഴികൾ
C/o അഷ്ടാംഗം ആയുർവേദ ആശുപത്രി
വാവനൂർ ,കൂറ്റനാട്
പാലക്കാട്.
98462 02711 / 9446938770.

Address

Pattambi

Telephone

+919446938770

Website

https://friendsofbharathapuzha.wordpress.com/

Alerts

Be the first to know and let us send you an email when Friends of Bharathapuzha posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Friends of Bharathapuzha:

Friends of Bharathapuzha