17/12/2024
* *
*പശ്ചിമഘട്ട മലനിരകളുടെ തകർച്ചയുടെ പ്രത്യാഘാതങ്ങളാണ് ഇപ്പോൾ കേരളം അനുഭവിച്ചുകൊണ്ടിരിക്കുന്നത് .*
*1600 കിലോമീറ്റര് നീളത്തിലും 160000 ചതുരശ്ര കിലോമീറ്റര് വിസ്തൃതിയിലും സ്ഥിതിചെയ്യുന്ന പശ്ചിമഘട്ടം അറബിക്കടലിന് സമാന്തരമാണ്.* *കേരളത്തില് ഇതിന്റെ നീളം 600 കിലോമീറ്റര് വരും. പശ്ചിമഘട്ടത്തിന്റെ പടിഞ്ഞാറെ ചരിവിലാണ് കേരളം. വയനാടും അട്ടപ്പാടിയും മാത്രമാണ് കിഴക്കന് ചരിവിലുള്ളത്. പശ്ചിമഘട്ടമലനിരകള്ക്കും അറബിക്കടലിനുമിടയില് ശരാശരി 40 കിലോമീറ്റര് വീതി മാത്രമുള്ള അപൂര്വ്വ ഭൂഭാഗമാണ് കേരളം.*
*ഇന്ത്യയുടെ ഭൂവിസ്തൃതിയുടെ രണ്ട് ശതമാനം മാത്രമുള്ള പശ്ചിമഘട്ടത്തിലാണ് രാജ്യത്താകെ കിട്ടുന്ന മഴയുടെ 40 ശതമാനവും പെയ്യുന്നത്.*
*ജൈവവൈവിദ്ധ്യത്തില് ലോകത്ത് 20 ‘ഹോട്ട് സ്പോട്ടുകള്’ തിരഞ്ഞെടുത്തിട്ടുണ്ട്.* *അവയില് തന്നെ സുപ്രധാനമായ അഞ്ചെണ്ണത്തില് (ഹോട്ടസ്റ്റ് ഹോട്ട്സ്പോട്ട്) ഒന്നാണ് പശ്ചിമഘട്ടം.*
*അറബിക്കടലിന് സമാന്തരമായി ഭൂമദ്ധ്യരേഖയില് സ്ഥിതിചെയ്യുന്നതുകൊണ്ട് ശക്തമായ മഴയും ജലസമൃദ്ധിയും വനങ്ങളും പശ്ചിമഘട്ടത്തിനുണ്ട്.* *മലഞ്ചെരിവുകളില് മേല്മണ്ണ് വളരെ കുറവാണ്. പാറക്കെട്ടുകള്ക്കുമേല് നേര്ത്തപാളിയായി 2 മുതല് 4 അടി ആഴത്തിലേ മണ്ണുള്ളൂ. നിബിഡവനങ്ങളിലെ വിവിധ വലിപ്പത്തിലുള്ള വൃക്ഷവേരുകള് ഉപരിതലത്തിലും ആഴത്തിലും വേരോടിച്ച് മണ്ണിനെയും പാറയെയും ചരിഞ്ഞ പ്രദേശത്തും പിടിച്ചുനിര്ത്തുകയാണ്. തുമ്പിക്കൈ വണ്ണത്തില് ശക്തമായി പെയ്യുന്ന മഴയെ ഏറ്റുവാങ്ങി മണ്ണൊലിപ്പ് തടഞ്ഞ് സാവധാനം ഭൂമിയുടെ അടിത്തട്ടിലേക്കും നദികളിലേക്കും ഒഴുക്കുന്ന ധര്മ്മം നിര്വ്വഹിക്കുന്നത് പശ്ചിമഘട്ടത്തിലെ നിബിഡമായ വനങ്ങളാണ്.*
*ഗാഡ്ഗില് ശുപാര്ശകളില് പ്രമുഖമായത് പശ്ചിമഘട്ടപ്രദേശത്തെയാകെ അത് മൂന്നു സോണുകളായി തിരിക്കുന്നു എന്നതാണ്. സോണ് ഒന്നില്പെട്ട പ്രദേശങ്ങള് വളരെയധികം പ്രാധാന്യമര്ഹിക്കുന്നതും അതീവ പരിസ്ഥിതി പ്രാധാന്യം ഉള്ളതുമായ പ്രദേശമാണ്. ഇവയൊക്കെയും മലനിരകളുടെ ഉന്നതമുടികളാണ്.* *നദികളുടെയൊക്കെ പിറവി ഇവിടെ നിന്നാണ്. ഈ പ്രദേശത്ത് ഖനനം, കൃഷി, മനുഷ്യന്റെ ഇടപെടല് എന്നിവയൊക്കെ നിരോധിച്ചിട്ടുണ്ട്. സോണ് രണ്ടില് നിയന്ത്രിതതോതിലും സോണ് മൂന്നില് യഥേഷ്ടവും കൃഷിയും മറ്റും നടത്താവുന്നതാണ്. കര്ഷകരുടെ എക്കാലത്തെയും സുരക്ഷ ഇത് ഉറപ്പുവരുത്തുന്നു. എന്നാല് പള്ളിക്കാരും റിസോര്ട്ട് – ഖനന – രാഷ്ട്രീയ അവിശുദ്ധ കൂട്ടുകെട്ടും കുപ്രചരണങ്ങള് നടത്തുകയും കേരള സര്ക്കാരിന്റെ പൂര്ണ്ണമായ പിന്തുണയോടെ ഗാഡ്ഗില് റിപ്പോര്ട്ടിനെ കുഴിച്ചുമൂടുകയും ചെയ്തു.,*
*മനുഷ്യന് സ്പര്ശിക്കാന് കൂടിപാടില്ലാത്ത ചെങ്കുത്തായ മര്മ്മകേന്ദ്രങ്ങളിലേക്കാണ് കുടിയേറ്റക്കാരും കയ്യേറ്റക്കാരും റിയല് എസ്റ്റേറ്റ് മാഫിയയും കരിങ്കല് ക്വാറി മാഫിയയും നിര്ബാധം കടന്നുകയറിയത്. 15 ഡിഗ്രിയില് കൂടുതല് ചരിവുള്ള പ്രദേശങ്ങളില് മനുഷ്യന് ഇടപെടേണ്ടതെങ്ങനെയെന്ന് കൃത്യമായ മാനദണ്ഡങ്ങള് ഉണ്ടെങ്കിലും കടന്നുകയറ്റക്കാര്ക്ക് അതൊന്നും പ്രശ്നമല്ല. ജിയോളജിക്കല് സര്വ്വെ ഓഫ് ഇന്ത്യയും സെന്റര് ഫോര് എര്ത്ത് സയന്സും നല്കിയ മുന്നറിയിപ്പുകള് ഒക്കെയും അവഗണിക്കപ്പെടുകയാണുണ്ടായത്.*
കേരള ജനതയും അതിന്റ ഫലം അനുഭവിച്ചോണ്ടിരിക്കുന്നു. ഗാഡ്ഗിലിനെതിരെ എറ്റവും ശക്തമായി നിലകൊണ്ടത് വയനാടും ഇടുക്കിയുമായിരുന്നു. ഇരു ജില്ലകൾക്കും അതിന്റെ പ്രതിഫലം വേണ്ടുവോളം കിട്ടി. മുല്ലപ്പെരിയാർ പോലുള്ള അഗ്നിപർവതങ്ങൾ നില നിൽക്കുന്ന ഇടുക്കിയുടെ ഭാവി വലിയൊരു ദുരന്തത്തിലേക്കാണ് നീങ്ങുന്നത്.*
* *
