Vineesh Memorial Palliative Care Society

22/10/2026

താനിക്കുന്നുള്ള സദാനന്ദനും കുടുംബവും വിനിഷ് സ്മാരക സാന്ത്വന പരിചരണ കേന്ദ്രത്തിന് സംഭാവനയായി നൽകിയ വാട്ടർ ബെഡ്ഡ് , വാക്കർ, ബാത്ത്റൂം ചെയർ ഉൾപ്പെടെയുള്ള പാലിയേറ്റിവ് ഉപകരണങ്ങൾ ഏറ്റുവാങ്ങി.

14/09/2026

'ക്യാൻസറിന് യാതൊരു വിവേചനവുമില്ല' എന്ന തിരിച്ചറിവിലാണ് പ്രിയപ്പെട്ട കാൻസർ രോഗ വിദഗ്ധൻ ഡോ. വി.പി. ഗംഗാധരൻ തന്റെ വാക്കുകൾ അടയാളപ്പെടുത്തിയത്.
ജാതിയോ മതമോ രാഷ്ട്രീയമോ ലിംഗഭേദമോ നോക്കാതെ, ശരീരത്തിന്റെ ഏത് കോണിലെ രോമകൂപങ്ങളിൽ പോലും വിഹരിക്കാൻ കഴിയുന്ന ഒരു സോഷ്യലിസ്റ്റ് ഭാവമുണ്ട് ഈ രോഗത്തിന്. ആ തിരിച്ചറിവ് നമ്മെ ഭയപ്പെടുത്തുകയല്ല, മറിച്ച് യാഥാർത്ഥ്യബോധത്തോടെ നേരിടാൻ സജ്ജമാക്കുകയാണ് ചെയ്യുന്നത്. വേദനയില്ലാതെ പതുക്കെ വളരുന്ന മുഴകളായും, അകാരണമായ ഭാരക്കുറവായും, മലമൂത്രവിസർജ്ജനത്തിലെ വ്യതിയാനങ്ങളായും, വിട്ടുമാറാത്ത ചുമയായും അത് വേഷംമാറി വരാം. ഈ ലക്ഷണങ്ങൾ ആരിൽ കണ്ടാലും തനിക്ക് കാൻസറാണെന്ന് വിശ്വമിഥ്യകളിൽ വീണ് പതറരുതെന്ന് അദ്ദേഹം ഓർമ്മിപ്പിക്കുന്നു. കാരണം, ഈ ലക്ഷണങ്ങൾ മാത്രമാണ് കാൻസർ എന്ന് 100 ശതമാനം തറപ്പിച്ചു പറയാനാവില്ല. കൃത്യമായ പരിശോധനകളിലൂടെ, ബയോപ്സിയിലൂടെ മാത്രം തിരിച്ചറിയേണ്ട ഒന്നാണത്.
​പലപ്പോഴും രോഗം വരുമെന്ന ഭയത്താലോ, അല്ലെങ്കിൽ വന്നുകഴിഞ്ഞാൽ സമൂഹം എന്തു പറയും എന്ന ചിന്തയാലോ തങ്ങളുടെ അസുഖങ്ങളെ മൂടിവെക്കുന്നവരാണ് നമ്മളിൽ പലരും.
ഈ ഭയപ്പാട് മാറ്റിയെടുക്കാനാണ് ഇത്തരം സദസ്സുകൾ വഴിയൊരുക്കുന്നത്. സ്ത്രീകളിലെ സ്തനാർബുദവും ഗർഭാശയ കാൻസറുമെല്ലാം തുടക്കത്തിലെ കണ്ടെത്തിയാൽ പൂർണ്ണമായും ചികിത്സിച്ച് ഭേദമാക്കാൻ കഴിയുന്നവയാണ്. ഇന്ത്യയിൽ ഏറ്റവും കൂടുതൽ കാൻസർ കേസുകൾ റിപ്പോർട്ട് ചെയ്യുന്നത് കേരളത്തിലാണെന്ന കണക്കിൽ ഭയപ്പെടേണ്ടതില്ല; പകരം നമ്മുടെ ആരോഗ്യ സംവിധാനങ്ങളുടെയും ജനങ്ങളുടെ ബോധവൽക്കരണത്തിന്റെയും വിജയമായാണ് അതിനെ കാണേണ്ടത്. മറ്റെവിടെയുമില്ലാത്ത വിധം നമ്മൾ രോഗം മുൻകൂട്ടി കണ്ടെത്തി ചികിത്സ തേടുന്നു എന്നതാണ്.
ഒരു കാലത്ത് ആശുപത്രി ബെഡുകളിൽ കിടന്നവർ, ഇന്ന് ആ വേദിയിൽ നേർസാക്ഷികളായി എഴുന്നേറ്റു നിന്നു. കാൻസറിനെ തോൽപ്പിച്ച് ജീവിതത്തിലേക്ക് തിരികെനടന്ന ആ മനുഷ്യരുടെ വാക്കുകളും അവരുടെ പുഞ്ചിരിയും ആ സദസ്സിൽ അലയടിച്ചുയർന്നപ്പോൾ, അത് അവിടെ കൂടിയ ഓരോ മനുഷ്യനിലേക്കും പകർന്നത് വലിയൊരു ആവേശമായിരുന്നു.
​ശരീരത്തിന്റെ പ്രതിരോധശേഷി കൂട്ടാൻ ജങ്ക് ഫുഡുകളെ അകറ്റിനിർത്തി, മത്സ്യങ്ങളും ,മുട്ടയും, ഇലക്കറികളും അങ്ങനെയുള്ള ഭക്ഷണങ്ങളും ശീലമാക്കിയാൽ ക്യാൻസർ വരുന്നത് 30% കുറയുമെന്ന് ഡോക്ടർ വി.പി ഗംഗാധരൻ പറഞ്ഞു. വിനീഷ് സാന്ത്വന പരിചരണ കേന്ദ്രത്തിൻ്റേയും , പൂക്കോട്ടുകാവ് ഗ്രാമപഞ്ചായത്തിന്റെയും നേതൃത്വത്തിലാണ് , തുടർന്ന് തുടർന്ന് പാലിയേറ്റീവ് പ്രവർത്തകരും ഗ്രാമപഞ്ചായത്ത് പ്രവർത്തകരും കൂടി ഡോക്ടർ വി പി ഗംഗാധരനെ ആദരിച്ചു.
സ്വാഗതം സാന്ത്വനപരിചരണ കേന്ദ്രത്തിന്റെ സെക്രട്ടറി ശ്രീകുമാരൻ , അധ്യക്ഷൻ പൂക്കോട്ടുകാവ് ഗ്രാമപഞ്ചായത്ത് പ്രസിഡണ്ട് ഡോ. എൻ രാജേഷ് മാഷ് , സാന്ത്വന പരിചരണ കേന്ദ്രത്തിന്റെ ട്രഷറർ ടി .പി പ്രഭാകരൻ , പ്രസിഡണ്ട് വേണു പുഞ്ചപ്പാടം രാധാകൃഷ്ണൻ മാസ്റ്റർ എന്നിവർ സംസാരിച്ചു

12/09/2026

'ക്യാൻസറിന് യാതൊരു വിവേചനവുമില്ല' എന്ന തിരിച്ചറിവിലാണ് പ്രിയപ്പെട്ട കാൻസർ രോഗ വിദഗ്ധൻ ഡോ. വി.പി. ഗംഗാധരൻ തന്റെ വാക്കുകൾ അടയാളപ്പെടുത്തിയത്.

ജാതിയോ മതമോ രാഷ്ട്രീയമോ ലിംഗഭേദമോ നോക്കാതെ, ശരീരത്തിന്റെ ഏത് കോണിലെ രോമകൂപങ്ങളിൽ പോലും വിഹരിക്കാൻ കഴിയുന്ന ഒരു സോഷ്യലിസ്റ്റ് ഭാവമുണ്ട് ഈ രോഗത്തിന്. ആ തിരിച്ചറിവ് നമ്മെ ഭയപ്പെടുത്തുകയല്ല, മറിച്ച് യാഥാർത്ഥ്യബോധത്തോടെ നേരിടാൻ സജ്ജമാക്കുകയാണ് ചെയ്യുന്നത്. വേദനയില്ലാതെ പതുക്കെ വളരുന്ന മുഴകളായും, അകാരണമായ ഭാരക്കുറവായും, മലമൂത്രവിസർജ്ജനത്തിലെ വ്യതിയാനങ്ങളായും, വിട്ടുമാറാത്ത ചുമയായും അത് വേഷംമാറി വരാം. ഈ ലക്ഷണങ്ങൾ ആരിൽ കണ്ടാലും തനിക്ക് കാൻസറാണെന്ന് വിശ്വമിഥ്യകളിൽ വീണ് പതറരുതെന്ന് അദ്ദേഹം ഓർമ്മിപ്പിക്കുന്നു. കാരണം, ഈ ലക്ഷണങ്ങൾ മാത്രമാണ് കാൻസർ എന്ന് 100 ശതമാനം തറപ്പിച്ചു പറയാനാവില്ല. കൃത്യമായ പരിശോധനകളിലൂടെ, ബയോപ്സിയിലൂടെ മാത്രം തിരിച്ചറിയേണ്ട ഒന്നാണത്.

​പലപ്പോഴും രോഗം വരുമെന്ന ഭയത്താലോ, അല്ലെങ്കിൽ വന്നുകഴിഞ്ഞാൽ സമൂഹം എന്തു പറയും എന്ന ചിന്തയാലോ തങ്ങളുടെ അസുഖങ്ങളെ മൂടിവെക്കുന്നവരാണ് നമ്മളിൽ പലരും.

ഈ ഭയപ്പാട് മാറ്റിയെടുക്കാനാണ് ഇത്തരം സദസ്സുകൾ വഴിയൊരുക്കുന്നത്. സ്ത്രീകളിലെ സ്തനാർബുദവും ഗർഭാശയ കാൻസറുമെല്ലാം തുടക്കത്തിലെ കണ്ടെത്തിയാൽ പൂർണ്ണമായും ചികിത്സിച്ച് ഭേദമാക്കാൻ കഴിയുന്നവയാണ്. ഇന്ത്യയിൽ ഏറ്റവും കൂടുതൽ കാൻസർ കേസുകൾ റിപ്പോർട്ട് ചെയ്യുന്നത് കേരളത്തിലാണെന്ന കണക്കിൽ ഭയപ്പെടേണ്ടതില്ല; പകരം നമ്മുടെ ആരോഗ്യ സംവിധാനങ്ങളുടെയും ജനങ്ങളുടെ ബോധവൽക്കരണത്തിന്റെയും വിജയമായാണ് അതിനെ കാണേണ്ടത്. മറ്റെവിടെയുമില്ലാത്ത വിധം നമ്മൾ രോഗം മുൻകൂട്ടി കണ്ടെത്തി ചികിത്സ തേടുന്നു എന്നതാണ്.

ഒരു കാലത്ത് ആശുപത്രി ബെഡുകളിൽ കിടന്നവർ, ഇന്ന് ആ വേദിയിൽ നേർസാക്ഷികളായി എഴുന്നേറ്റു നിന്നു. കാൻസറിനെ തോൽപ്പിച്ച് ജീവിതത്തിലേക്ക് തിരികെനടന്ന ആ മനുഷ്യരുടെ വാക്കുകളും അവരുടെ പുഞ്ചിരിയും ആ സദസ്സിൽ അലയടിച്ചുയർന്നപ്പോൾ, അത് അവിടെ കൂടിയ ഓരോ മനുഷ്യനിലേക്കും പകർന്നത് വലിയൊരു ആവേശമായിരുന്നു.

​ശരീരത്തിന്റെ പ്രതിരോധശേഷി കൂട്ടാൻ ജങ്ക് ഫുഡുകളെ അകറ്റിനിർത്തി, മത്സ്യങ്ങളും ,മുട്ടയും, ഇലക്കറികളും അങ്ങനെയുള്ള ഭക്ഷണങ്ങളും ശീലമാക്കിയാൽ ക്യാൻസർ വരുന്നത് 30% കുറയുമെന്ന് ഡോക്ടർ വി.പി ഗംഗാധരൻ പറഞ്ഞു. വിനീഷ് സാന്ത്വന പരിചരണ കേന്ദ്രത്തിൻ്റേയും , പൂക്കോട്ടുകാവ് ഗ്രാമപഞ്ചായത്തിന്റെയും നേതൃത്വത്തിലാണ് , തുടർന്ന് തുടർന്ന് പാലിയേറ്റീവ് പ്രവർത്തകരും ഗ്രാമപഞ്ചായത്ത് പ്രവർത്തകരും കൂടി ഡോക്ടർ വി പി ഗംഗാധരനെ ആദരിച്ചു.
സ്വാഗതം സാന്ത്വനപരിചരണ കേന്ദ്രത്തിന്റെ സെക്രട്ടറി ശ്രീകുമാരൻ , അധ്യക്ഷൻ പൂക്കോട്ടുകാവ് ഗ്രാമപഞ്ചായത്ത് പ്രസിഡണ്ട് ഡോ. എൻ രാജേഷ് മാഷ് , സാന്ത്വന പരിചരണ കേന്ദ്രത്തിന്റെ ട്രഷറർ ടി .പി പ്രഭാകരൻ , പ്രസിഡണ്ട് വേണു പുഞ്ചപ്പാടം രാധാകൃഷ്ണൻ മാസ്റ്റർ എന്നിവർ സംസാരിച്ചു.

12/09/2026

ഇന്ന് രാവിലെ 10.30 മണിക്ക്

11/09/2026

"അതെ! ക്യാൻസർ ചികിത്സാരംഗത്തെ ഇന്ത്യയിലെ തന്നെ ഏറ്റവും പ്രഗൽഭരായ മുൻനിര ഡോക്ടർമാരിൽ ഒരാളായ ഡോ. വി.പി. ഗംഗാധരൻ ആദ്യമായി പൂക്കോട്ടുകാവിലേക്ക് എത്തുന്നു!"

09/09/2026

09/09/2026

രാജ്യത്ത് ഇന്ന് ജീവിച്ചിരിക്കുന്ന പ്രധാന കാൻസർ ചികിത്സകരിൽ ഒരാളായ ഡോ. വി.പി. ഗംഗാധരൻ പൂക്കോട്ടുകാവിൽ വരുന്നുണ്ട്.
സെപ്തംബർ 12 ന് രാവിലെ 10.30 ന് .
സൗമ്യ കല്യാണ മണ്ഡപത്തിൽ വെച്ചാണ് പരിപാടി . അദ്ദേഹത്തെ കേൾക്കാനും എന്തെങ്കിലും ചോദിക്കാനുമുള്ള ഈയവസരം സമീപത്തുള്ളവർ ഉപയോഗപ്പെടുത്തുമല്ലോ

05/09/2026

അർബുദം -
ഭയം വേണ്ട ചികിത്സ മതി

അർബുദ രോഗത്തെക്കുറിച്ചുള്ള അവബോധം ജനങ്ങളിൽ വളർത്തി, അർബുദരോഗം മുൻകൂട്ടി കണ്ടുപിടിക്കാനും, പ്രതിരോധ പ്രവർത്തനങ്ങൾ പ്രോത്സാഹിപ്പിക്കുന്നതിനും, ചികിത്സ സംവിധാനങ്ങൾ ശക്തിപ്പെടുത്തുന്നതിൻ്റെ പ്രാധാന്യം ജനങ്ങളിൽ എത്തിക്കാനുമായ്

സെ: 12 ന് രാവിലെ 10.30 ന്
Dr. വി.പി ഗംഗാധരൻ പൂക്കോട്ടുകാവിൽ
സംസാരിക്കുന്നു

വരിക .....

01/09/2026

പൂക്കോട്ടുകാവിൽ ആദ്യമായി ചരിത്രപ്രസിദ്ധമായ ഒരു ആരോഗ്യ ബോധവൽക്കരണ ക്ലാസ്!
​ക്യാൻസർ എന്ന രോഗത്തെക്കുറിച്ച് സമൂഹത്തിലുള്ള ഭയവും തെറ്റായ ധാരണകളും അകറ്റാൻ കേരളം കണ്ട പ്രശസ്തനായ ക്യാൻസർ നിർണയ വിദഗ്ധൻ ഡോ. വി. പി. ഗംഗാധരൻ പൂക്കോട്ടുകാവിൽ എത്തുന്നു.
​ഈ മാസം 12-ാം തീയതി സൗമ്യ കല്യാണമണ്ഡപത്തിൽ വെച്ചാണ് ഈ നിർണ്ണായക പരിപാടി സംഘടിപ്പിച്ചിരിക്കുന്നത്. വിനീഷ് സാന്ത്വന പരിചരണ കേന്ദ്രത്തിന്റെയും പൂക്കോട്ടുകാവ് ഗ്രാമപഞ്ചായത്തിന്റെയും നേതൃത്വത്തിലാണ് പരിപാടി ഒരുക്കിയിട്ടുള്ളത്.
​ക്യാൻസറിനെ ഭയപ്പെടേണ്ടതില്ലെന്നും, മറിച്ച് കൃത്യസമയത്തെ രോഗനിർണ്ണയത്തിലൂടെയും മികച്ച ചികിത്സയിലൂടെയും അതിനെ എങ്ങനെ വിജയകരമായി പ്രതിരോധിക്കാമെന്നും ഡോക്ടർ ഈ ക്ലാസ്സിൽ വിശദീകരിക്കുന്നു. നമ്മുടെ നാട്ടിൽ ആദ്യമായാണ് ഇത്രയും വലിയൊരു വിദഗ്ധൻ ഈ വിഷയത്തിൽ ക്ലാസ്സെടുക്കാനെത്തുന്നത്.
​നാടിന്റെ ആരോഗ്യത്തിന് ഏറെ പ്രയോജനപ്രദമായ ഈ അവസരം ആരും പാഴാക്കരുത്. യാതൊരുവിധ ഒഴിവുകഴിവുകളും പറയാതെ ഈ മാസം 12-ന് സൗമ്യ കല്യാണമണ്ഡപത്തിൽ നടക്കുന്ന ഈ പരിപാടിയിൽ കുടുംബസമേതം പങ്കെടുക്കണമെന്ന് സംഘാടകസമിതി ഏവരെയും സ്നേഹപൂർവ്വം സ്വാഗതം ചെയ്യുന്നു.

26/08/2026

പങ്കെടുക്കുക