LDF Chittur

Directions

LDF Chittur ചിറ്റൂർ നിയോജക മണ്ഡലം LDF ഒഫീഷ്യൽ പേജ്

സൗഹാർദ്ദവും സഹവർത്തിത്വവും നിറഞ്ഞ ഒരു ഇൻഡ്യയെ വാർത്തെടുക്കാൻ നമുക്ക് ഒന്നിച്ചു മുന്നേറാം. ഏവർക്കും ഹൃദയം നിറഞ്ഞ ഗാന്ധി ജ...
02/10/2026

സൗഹാർദ്ദവും സഹവർത്തിത്വവും നിറഞ്ഞ ഒരു ഇൻഡ്യയെ വാർത്തെടുക്കാൻ നമുക്ക് ഒന്നിച്ചു മുന്നേറാം. ഏവർക്കും ഹൃദയം നിറഞ്ഞ ഗാന്ധി ജയന്തി ആശംസകൾ!

ഒക്ടോബർ 1 സഖാവ് കൊടിയേരി ബാലകൃഷ്ണൻ ദിനം പ്രിയപ്പെട്ട സഖാവിന്റെ ഓർമ്മയ്ക്ക് മുന്നിൽ ഒരായിരം ബാഷ്പാഞ്ജലികൾ🙏🏻🌹
01/10/2026

ഒക്ടോബർ 1 സഖാവ് കൊടിയേരി ബാലകൃഷ്ണൻ ദിനം പ്രിയപ്പെട്ട സഖാവിന്റെ ഓർമ്മയ്ക്ക് മുന്നിൽ ഒരായിരം ബാഷ്പാഞ്ജലികൾ🙏🏻🌹

30/09/2026

കർണ്ണാടകയിലെ കോൺഗ്രസ് സർക്കാരിന്റെ വളം തട്ടിപ്പ്: കർഷകരുടെ കണ്ണീരപ്പിയുള്ള കരിഞ്ചന്ത കച്ചവടം!

കർണ്ണാടകയിൽ ഭരണത്തിലേറിയ കോൺഗ്രസ് സർക്കാരിൻ്റെ യഥാർത്ഥ കർഷകവിരുദ്ധ മുഖം വെളിവാക്കുന്ന വൻ സംഭവവികാസങ്ങളാണ് ഇപ്പോൾ പുറത്തുവരുന്നത്. പാവപ്പെട്ട കർഷകർക്ക് അർഹതപ്പെട്ട സബ്‌സിഡി യൂറിയ അനധികൃതമായി കരിഞ്ചന്തയിലേക്കും സ്വകാര്യ മാഫിയകൾക്കും മറിച്ചുവിറ്റ് കോൺഗ്രസ് ഭരണം കർഷകരെ വഞ്ചിക്കുകയാണ്. വിത്ത് വിതയ്ക്കാൻ സമയമായിട്ടും സഹകരണ സംഘങ്ങൾക്ക് മുന്നിൽ ദിവസങ്ങളോളം ക്യൂ നിന്നിട്ടും യൂറിയ ലഭിക്കാതെ പാവപ്പെട്ട കർഷകർ നെട്ടോട്ടമോടുമ്പോൾ, ടൺ കണക്കിന് യൂറിയയാണ് മറ്റ് സംസ്ഥാനങ്ങളിലേക്കും സ്വകാര്യ ഏജന്റുകൾക്കും കരിഞ്ചന്തയിൽ മറിച്ചുവിൽക്കുന്നത്.

കേന്ദ്ര സർക്കാർ ആവശ്യത്തിന് കൃഷി വളങ്ങൾ ലഭ്യമാക്കിയിട്ടും കൃത്രിമമായി ക്ഷാമം സൃഷ്ടിച്ച് ഉയർന്ന വിലയ്ക്ക് മറിച്ചുവിൽക്കാൻ കോൺഗ്രസ് ഭരണനേതൃത്വവും കരിഞ്ചന്ത മാഫിയയും ഒത്തുകളിക്കുന്നു എന്നത് ഗുരുതരമായ വസ്തുതയാണ്. മൈസൂരുവിലും റായ്ച്ചൂരിലും ചാമരാജ് നഗറിലുമെല്ലാം പരിശോധനകളിൽ പിടിയിലായ വാഹനങ്ങളും റെയ്ഡുകളിൽ കണ്ടെത്തിയ യൂറിയ ശേഖരവും കോൺഗ്രസിന്റെ അഴിമതിക്കൂട്ടുകെട്ട് പരസ്യമായി വെളിച്ചത്തുകൊണ്ടുവന്നിട്ടുണ്ട്.

കർഷക സ്നേഹത്തെക്കുറിച്ച് വേദിയിൽ പ്രസംഗിക്കുകയും പ്രവർത്തിയിൽ കരിഞ്ചന്ത കച്ചവടക്കാരെയും കോർപ്പറേറ്റുകളെയും സഹായിച്ച് കമ്മീഷൻ അടിക്കുകയും ചെയ്യുന്ന നയമാണ് കോൺഗ്രസിന്റേത്. പാവപ്പെട്ട കർഷകരുടെ വയറ്റത്തടിച്ച് ഖജനാവ് വീർപ്പിക്കുന്ന കോൺഗ്രസ് സർക്കാരിൻ്റെ ഈ ജനവിരുദ്ധ നയങ്ങൾക്കെതിരെ ജനാധിപത്യ സമൂഹവും കർഷകരും ഒന്നടങ്കം പ്രതിഷേധിക്കേണ്ടതുണ്ട്.

30/09/2026

‘ചിറ്റൂരിലേത് എൽഡിഎഫിന്റെ മധുരപ്രതികാരം, അപര സ്ഥാനാർത്ഥിയെ ഇറക്കി വിജയിച്ചവർക്കുള്ള ജനങ്ങളുടെ മറുപടി’; കോൺ​ഗ്രസിനെ പരിഹസിച്ച് ഡോ. പി സരിൻ
https://www.kairalinewsonline.com/ml/news/kerala/chittur-bypoll-ldf-win-p-sarin-sweet-revenge-congress-amj1/

പട്ടഞ്ചേരി പാറക്കാട്ടുചള്ള വാർഡും... ചിറ്റൂർ എം.എൽ.എയുടെ പരുത്തിക്കാവ് വാർഡും!പട്ടഞ്ചേരിയിലെ പാറക്കാട്ടുചള്ള വാർഡ് എൽ.ഡി...
30/09/2026

പട്ടഞ്ചേരി പാറക്കാട്ടുചള്ള വാർഡും... ചിറ്റൂർ എം.എൽ.എയുടെ പരുത്തിക്കാവ് വാർഡും!

പട്ടഞ്ചേരിയിലെ പാറക്കാട്ടുചള്ള വാർഡ് എൽ.ഡി.എഫിൽ നിന്ന് പിടിച്ചെടുക്കണമെന്ന പിടിവാശിയിൽ, കഴിഞ്ഞ നിയമസഭാ തെരഞ്ഞെടുപ്പിൽ പയറ്റിയ അതേ വളഞ്ഞവഴി കുതന്ത്രങ്ങൾ തന്നെയാണ് ഇത്തവണയും യു.ഡി.എഫ് പുറത്തെടുത്തത്. അപര സ്ഥാനാർത്ഥിയെ നിർത്തി, 'മോതിരം' ചിഹ്നം വാങ്ങിച്ച് നൽകി വീടുവീടാന്തരം കയറിയിറങ്ങി വോട്ട് ചോദിച്ചു. പോരാത്തതിന് ബി.ജെ.പിയുമായി അഡ്ജസ്റ്റ്മെന്റ് ധാരണ ഉണ്ടാക്കി വോട്ടു മറിക്കാനും ശ്രമിച്ചു. എന്നിട്ടും വോട്ടെണ്ണി കഴിഞ്ഞപ്പോൾ എട്ടുനിലയിൽ പൊട്ടി പാളീസായ അനുഭവമാണ് യു.ഡി.എഫിന് ഉണ്ടായത്! ജനങ്ങൾ കൃത്യമായി മധുരപ്രതികാരം വീട്ടിയിരിക്കുന്നു!

ഇനി ചിറ്റൂർ പരുത്തിക്കാവ് വാർഡിന്റെ കാര്യമോ...?

തെരഞ്ഞെടുപ്പ് ഫലം വന്നതിന് ശേഷം മാധ്യമങ്ങളോട് ചിറ്റൂർ എം.എൽ.എ പറഞ്ഞത്, സ്വന്തം വാർഡിൽ ഇലക്ഷൻ വർക്ക് ചെയ്യാൻ സമയം കിട്ടിയില്ലെന്നാണ്! സാമ്പത്തിക പ്രതിസന്ധിയും വികസന മുരടിപ്പും ചർച്ചയാകുമ്പോൾ എം.എൽ.എ സൗത്ത് അമേരിക്കയിലെ പനാമയിലേക്ക് 'വിദേശ ടൂർ' പോയത് കൊണ്ടാവാം സമയം കിട്ടാതിരുന്നത്!

എം.എൽ.എ പരുത്തിക്കാവിലെ വീടുകൾ കയറിയിറങ്ങി വോട്ട് ചോദിച്ചിരുന്നെങ്കിൽ, എൽ.ഡി.എഫ് സ്ഥാനാർത്ഥി ഇരൂറിലധികം വോട്ടിന്റെ ഭൂരിപക്ഷത്തിൽ അവിടെ ജയിച്ചേനെ!

നിയമസഭാ തെരഞ്ഞെടുപ്പിൽ കുറുക്കുവഴികളിലൂടെ ജയിച്ചു കയറിയ നിങ്ങൾ, അന്നത്തെ വാഗ്ദാനങ്ങളെല്ലാം മറന്നിട്ടുണ്ടാവാം. നമ്മുടെ നാടിന്റെ നട്ടെല്ലായ കർഷകരുടെ കണ്ണീര് കണ്ടില്ലെന്ന് നടിച്ച് അവരെയും നിങ്ങൾ വഞ്ചിച്ചിട്ടുണ്ടാവാം. പക്ഷേ, ജനങ്ങൾ ഒന്നും മറക്കില്ല എം.എൽ.എ സർ!

അതുകൊണ്ടാണ് സ്വന്തം വാർഡിൽ പോലും ജനങ്ങൾ നിങ്ങളെ അമ്പേ കൈവിട്ടത്. സ്വന്തം വാർഡ് പോലും നോക്കാൻ കഴിയാത്ത നിങ്ങൾ എങ്ങിനെ ചിറ്റൂർ നിയോജകമണ്ഡലം നോക്കും...???

വഞ്ചനാ രാഷ്ട്രീയത്തിന് തിരുത്തൽ! ചിറ്റൂരിലും പാറക്കാട്ടുചള്ളയിലും ജനവിധി എൽ.ഡി.എഫിനൊപ്പം!

ഡോ. സരിൻ എഴുതുന്നു.. .അങ്ങനെ,ജനങ്ങൾ ജയിപ്പിക്കാത്ത ചിറ്റൂരിന്റെ കോൺഗ്രസ് MLAയെ ഇന്ന് അതേ ജനങ്ങൾ വീണ്ടും തോൽപ്പിച്ചിരിക്ക...
30/09/2026

ഡോ. സരിൻ എഴുതുന്നു.. .

അങ്ങനെ,
ജനങ്ങൾ ജയിപ്പിക്കാത്ത ചിറ്റൂരിന്റെ കോൺഗ്രസ് MLAയെ ഇന്ന് അതേ ജനങ്ങൾ വീണ്ടും തോൽപ്പിച്ചിരിക്കുന്നു.
കഴിഞ്ഞ നിയമസഭാ തിരഞ്ഞെടുപ്പിൽ LDF-ന്റെ ചിറ്റൂർ നിയമസഭാ മണ്ഡലം സ്ഥാനാർത്ഥിയായിരുന്നു
അഡ്വ. വി. മുരുകദാസ്. പുതിയ രജിസ്റ്റേഡ് പാർട്ടിയായ ISJD(ജനതാദൾ) എന്ന മുരുകദാസിന്റെ പാർട്ടിക്ക് തെരഞ്ഞെടുപ്പ് കമ്മീഷൻ അനുവദിച്ച ചിഹ്നം 'മോതിരം' ആയിരുന്നു.
ഇദ്ദേഹത്തിനെതിരെ ഒരു അപര സ്ഥാനാർത്ഥിയെ കോൺഗ്രസ് മത്സരിപ്പിച്ചു.
പേര് - പി. മുരുകദാസ്.
ചിഹ്നം - 'നെക്ലേസ്'.
രണ്ട് മുരുകദാസും EVMൽ തൊട്ടടുത്ത ക്രമ നമ്പർ 3 ലും 4 ലും !
ചിഹ്നങ്ങളുടെ കൂട്ടത്തിൽ മോതിരം ഏതാണെന്നും നെക്ലേസ് ഏതാണെന്നും തിരിച്ചറിയാൻ പറ്റാത്ത രൂപത്തിലായിരുന്നു എന്ന് കണ്ട് ആ ചിഹ്നം കോൺഗ്രസ് ചോദിച്ചു വാങ്ങുകയായിരുന്നു.
അങ്ങനെ സാമ്യമുള്ള ചിഹ്നം അപര സ്ഥാനാർത്ഥിക്ക് തിരഞ്ഞെടുപ്പ് കമ്മീഷൻ അനുവദിക്കാൻ പാടില്ലാത്തതാണ്.
തിരഞ്ഞെടുപ്പ് റിസൾട്ട് വന്നപ്പോൾ LDF സ്ഥാനാർത്ഥി പരാജയപ്പെട്ടത് 6510 വോട്ടിന്. നെക്ലേസ് ചിഹ്നമുള്ള അപരൻ നേടിയത് 6984 വോട്ടും!
ഇത്രയും നഗ്നമായ തിരഞ്ഞെടുപ്പ് അട്ടിമറി ഇന്ത്യയുടെ ചരിത്രത്തിൽത്തന്നെ ഉണ്ടാകില്ല.
അവിടെ വിജയിച്ച കോൺഗ്രസിന്റെ സുമേഷ് അച്യുതൻ രാജിവെച്ച മുനിസിപ്പാലിറ്റി സീറ്റ് ഇന്ന് LDF പിടിച്ചെടുക്കുമ്പോൾ അത് ഒരു മധുര പ്രതികാരം കൂടിയാണ്. ഇന്നത്തെ വിജയം നിങ്ങളുടേത് കൂടിയാണ്, Viswanathan ❤️✊🏼

വെറുമൊരു വിജയമല്ല, കഴിഞ്ഞ നാല് മാസത്തെ യു.ഡി.എഫ് ദുർഭരണത്തിന് ശേഷം കേരളം ഇന്ന് എങ്ങനെ ചിന്തിക്കുന്നു എന്ന് വ്യക്തമാക്കുന...
29/09/2026

വെറുമൊരു വിജയമല്ല, കഴിഞ്ഞ നാല് മാസത്തെ യു.ഡി.എഫ് ദുർഭരണത്തിന് ശേഷം കേരളം ഇന്ന് എങ്ങനെ ചിന്തിക്കുന്നു എന്ന് വ്യക്തമാക്കുന്ന ചരിത്രപരമായ മുന്നേറ്റമാണ് തദ്ദേശ ഉപതെരഞ്ഞെടുപ്പുകളിൽ എൽ.ഡി.എഫ് കൈവരിച്ചിരിക്കുന്നത്!

തെക്ക് ചിറയിൻകീഴ് മുതൽ വടക്ക് പെരളശ്ശേരി വരെ, ഗ്രാമ-ബ്ലോക്ക്-ജില്ലാ പഞ്ചായത്തുകളിലും കോർപ്പറേഷൻ തലങ്ങളിലും യു.ഡി.എഫിന്റെ സുരക്ഷിത താവളങ്ങൾ ഒന്നൊന്നായി എൽ.ഡി.എഫ് പിടിച്ചെടുത്തു. അഞ്ച് യു.ഡി.എഫ് എം.എൽ.എമാർ രാജിവെച്ച സീറ്റുകളിൽ രണ്ടെണ്ണം എൽ.ഡി.എഫ് പിടിച്ചെടുത്തപ്പോൾ, ചിറ്റൂർ-തത്തമംഗലം നഗരസഭയിൽ എം.എൽ.എയുടെ സിറ്റിംഗ് സീറ്റിൽ തന്നെ കനത്ത അട്ടിമറിയാണ് സംഭവിച്ചത്.

പല്ലശ്ശേന ജില്ലാ പഞ്ചായത്ത് ഡിവിഷനിൽ എൽ.ഡി.എഫ് സ്ഥാനാർത്ഥി വി. പൊന്നുക്കുട്ടൻ 10,658 വോട്ടിന്റെ കൂറ്റൻ ഭൂരിപക്ഷത്തിൽ വിജയിച്ചു. ആലത്തൂർ ബ്ലോക്കിലെ അത്തിപ്പൊറ്റ ഡിവിഷനും, കോട്ടയം തൃക്കൊടിത്താനത്ത് എം.എൽ.എയുടെ സിറ്റിംഗ് സീറ്റും, യു.ഡി.എഫ് കോട്ടയായ മലപ്പുറത്തെ രണ്ട് സീറ്റുകളും എൽ.ഡി.എഫ് തിരിച്ചുപിടിച്ചു.

യു.ഡി.എഫ് ജയിച്ചിടങ്ങളിൽ അവരുടെ ഭൂരിപക്ഷം കുത്തനെ ഇടിഞ്ഞു വീഴുന്ന കാഴ്ചയാണ് കണ്ടത്. കോഴിക്കോട് കോർപറേഷൻ സീറ്റിൽ ഭൂരിപക്ഷം 2275-ൽ നിന്ന് 436 ആയും, കൊച്ചി കോർപറേഷനിൽ 1183-ൽ നിന്ന് 549 ആയും കുറഞ്ഞു. വെറും നാല് മാസം കൊണ്ട് യു.ഡി.എഫ് ഭരണം മടുത്ത ജനങ്ങളുടെ കൃത്യമായ പ്രതികരണമാണിത്. സത്യസന്ധവും ധീരവുമായ തിരുത്തൽ നടപടികളിലൂടെ ജനവിശ്വാസം കൂടുതൽ കരുത്തോടെ തിരിച്ചുപിടിക്കുകയാണ് ഇടതുപക്ഷം! ❤️✊

വെറും മുന്നേറ്റമല്ല, നാല് മാസം കൊണ്ട് മാറ്റം മടുത്ത ജനങ്ങളുടെ ഗംഭീര മറുപടി! ചിറ്റൂരിലും കേരളമാകെയും ജനങ്ങൾ ഇടതുപക്ഷത്തോട...
29/09/2026

വെറും മുന്നേറ്റമല്ല, നാല് മാസം കൊണ്ട് മാറ്റം മടുത്ത ജനങ്ങളുടെ ഗംഭീര മറുപടി! ചിറ്റൂരിലും കേരളമാകെയും ജനങ്ങൾ ഇടതുപക്ഷത്തോടൊപ്പം! 🔴💚

കഴിഞ്ഞ നിയമസഭാ തിരഞ്ഞെടുപ്പിൽ ചിറ്റൂരിൽ ഇടതുപക്ഷം പരാജയപ്പെട്ടപ്പോൾ പലരും വിധിയെഴുതി, ചിറ്റൂരിലെ ജനങ്ങൾ ഇടതുപക്ഷത്തിന് എതിരാണെന്ന്. എന്നാൽ ആ വ്യാജ പ്രചാരണങ്ങളെ കാറ്റിൽ പറത്തിക്കൊണ്ട് ജനങ്ങൾ അടിവരയിട്ട് പറയുന്നു, "ഞങ്ങൾ ഇടതുപക്ഷത്തോടൊപ്പം തന്നെയാണ്!"

ഏറ്റവും വലിയ രാഷ്ട്രീയ മറുപടി ലഭിച്ചിരിക്കുന്നത് ചിറ്റൂർ-തത്തമംഗലം നഗരസഭയിലാണ്. നിലവിലെ എം.എൽ.എ സുമേഷ് അച്യുതൻ രാജിവെച്ച സീറ്റ് എൽ.ഡി.എഫ് തിരിച്ചുപിടിച്ചിരിക്കുന്നു. വെറുമൊരു സീറ്റല്ല ഇത്. പരേതനായ മുൻ എം.എൽ.എ കെ. അച്യുതൻ ഉൾപ്പെടെ പ്രമുഖ യു.ഡി.എഫ് നേതാക്കൾ ജയിച്ചുവന്ന പരമ്പരാഗത യു.ഡി.എഫ് കോട്ട. കഴിഞ്ഞ തവണ 186 വോട്ടിന് സുമേഷ് അച്യുതൻ ജയിച്ച് ചെയർമാനായ അതേ വാർഡ്! യു.ഡി.എഫ് കൺവീനർ അടൂർ പ്രകാശ് ഉൾപ്പെടെയുള്ള സംസ്ഥാന നേതാക്കൾ ക്യാമ്പ് ചെയ്ത്, ഭരണത്തിൽ കയറി നാല് മാസം പിന്നിടുമ്പോഴേക്കും അതിന്റെ സകല സ്വാധീനവും ഉപയോഗിച്ച് പൊരുതിയിട്ടും സിറ്റിംഗ് എം.എൽ.എയുടെ സ്വന്തം വാർഡിൽ അദ്ദേഹത്തിന്റെ പിതൃസഹോദരനെ തന്നെ പരാജയപ്പെടുത്തിയാണ് എൽ.ഡി.എഫ് ഈ അട്ടിമറി വിജയം നേടിയത്.

കഴിഞ്ഞ തെരഞ്ഞെടുപ്പിൽ കേവലം കുറഞ്ഞ വോട്ടുകൾക്കാണ് നമുക്ക് ഈ സീറ്റ് നഷ്ടമായത്. അന്നത്തെ പരാജയത്തിന് പിന്നിൽ ജനങ്ങൾ ഇടതുപക്ഷത്തെ തള്ളിക്കളഞ്ഞതായിരുന്നില്ല, മറിച്ച് വോട്ടർമാരെ തെറ്റിദ്ധരിപ്പിക്കാൻ എതിരാളികൾ ഇറക്കിയ 'അപര' സ്ഥാനാർത്ഥികളുടെ കടന്നുകയറ്റവും സാങ്കേതികമായി ഉണ്ടായ ചില ആശയക്കുഴപ്പങ്ങളുമായിരുന്നു. അപര സ്ഥാനാർത്ഥി പെട്ടിയിലാക്കിയ വോട്ടുകൾ മാത്രമായിരുന്നു അന്നത്തെ വിജയപരാജയങ്ങൾ നിശ്ചയിച്ചത്. ജനവികാരത്തെ കൃത്രിമമായി വഴിതിരിച്ചുവിട്ട് നേടിയ ആ താൽക്കാലിക ജയം തങ്ങളുടെ രാഷ്ട്രീയ മേൽക്കോയ്മയാണെന്ന് അഹങ്കരിച്ചവർക്ക് ജനങ്ങൾ നൽകിയ ഏറ്റവും ശക്തമായ പ്രഹരമാണ് ഈ ഉപതെരഞ്ഞെടുപ്പ് ഫലം.

അന്ന് അബദ്ധവശാൽ സംഭവിച്ച ആ പാളിച്ച, ഏറ്റവും ജനാധിപത്യപരമായ രീതിയിൽ വോട്ടിലൂടെ തന്നെ ജനങ്ങൾ ഈ ഉപതെരഞ്ഞെടുപ്പിൽ തിരുത്തിക്കുറിച്ചിരിക്കുന്നു. വ്യാജ പ്രചാരണങ്ങൾക്കും കുതന്ത്രങ്ങൾക്കും മേലെ യഥാർത്ഥ വികസനവും ജനകീയ രാഷ്ട്രീയവുമാണ് വലുതെന്ന് വോട്ടർമാർ തെളിയിച്ചു.

ചിറ്റൂർ മണ്ഡലത്തിൽ നടന്ന രണ്ട് ഉപതെരഞ്ഞെടുപ്പുകളിലും എൽ.ഡി.എഫ് കൈവരിച്ച ഈ ചരിത്രവിജയം വെറുമൊരു മുന്നേറ്റമല്ല; മറിച്ച് അപരരാഷ്ട്രീയത്തെയും കപട പ്രചാരണങ്ങളെയും അടിമുടി തള്ളിപ്പറഞ്ഞ്, ജനങ്ങൾ ഇടതുപക്ഷത്തിൽ അർപ്പിച്ച മായാത്ത വിശ്വാസത്തിന്റെ നിഷേധ്യമായ തെളിവാണ്!

നാലേ നാല് മാസം കൊണ്ട് മാറ്റം മടുത്ത ജനങ്ങളുടെ വിധിയെഴുത്താണിത്. ഭരണകൂട സ്വാധീനങ്ങളെയും വലതുപക്ഷ പ്രചാരണങ്ങളെയും അതിജീവിച്ച്, സത്യസന്ധവും ധീരവുമായ തിരുത്തൽ നടപടികളിലൂടെ ഇടതുപക്ഷം ജനവിശ്വാസം കൂടുതൽ കരുത്തോടെ തിരിച്ചുപിടിക്കുകയാണ്. വിജയിച്ച എല്ലാ സ്ഥാനാർത്ഥികൾക്കും, ഒപ്പം നിന്ന മുഴുവൻ ജനങ്ങൾക്കും ഹൃദയം നിറഞ്ഞ അഭിവാദ്യങ്ങൾ

29/09/2026

പട്ടഞ്ചേരി ഗ്രാമപഞ്ചായത്ത് പാറക്കാട്ടുചള്ള ഒമ്പതാം വാർഡ് ഉപതെരഞ്ഞെടുപ്പിൽ എൽ.ഡി.എഫ് സ്ഥാനാർത്ഥി ബിന്ദുകുമാരി മികച്ച ഭൂരിപക്ഷത്തോടെ വിജയിച്ചിരിക്കുന്നു!

വികസന തുടർച്ചയ്ക്കും ജനക്ഷേമ പ്രവർത്തനങ്ങൾക്കും ഒപ്പം നിൽക്കുമെന്ന പാറക്കാട്ടുചള്ളയിലെ ജനങ്ങളുടെ ഉറച്ച പ്രഖ്യാപനമാണ് ഈ തിളക്കമാർന്ന വിജയം. കുപ്രചാരണങ്ങളെയും ചതിക്കൂട്ടങ്ങളെയും തള്ളിപ്പറഞ്ഞ് വികസനത്തിന് വോട്ടുചെയ്ത ജനമനസ്സുകൾക്ക് ഹൃദയം നിറഞ്ഞ നന്ദി.

ജനങ്ങളുടെ ആഗ്രഹങ്ങൾ സഫലീകരിക്കാനും വാർഡിന്റെ സമഗ്ര മുന്നേറ്റത്തിനുമായി എന്നും നമ്മിലൊരാളായി, ഒരു കുടുംബാംഗത്തെപ്പോലെ ബിന്ദുകുമാരി കൂടെയുണ്ടാകും!

ഈ തിളക്കമാർന്ന വിജയത്തിന് രാപ്പകലില്ലാതെ പോരാടിയ മുഴുവൻ എൽ.ഡി.എഫ് പ്രവർത്തകർക്കും, വികസനത്തിന് വോട്ടുചെയ്ത പ്രിയപ്പെട്ട വോട്ടർമാർക്കും ഹൃദയം നിറഞ്ഞ നന്ദിയും അഭിവാദ്യങ്ങളും!

വികസനം തുടരും... പാറക്കാട്ടുചള്ള മുന്നോട്ട്!

പാറക്കാട്ടുചള്ള തൂക്കി എൽ.ഡി.എഫ്! ബിന്ദുകുമാരിക്ക് മിന്നുന്ന വിജയം! പട്ടഞ്ചേരി ഗ്രാമപഞ്ചായത്ത് പാറക്കാട്ടുചള്ള ഒമ്പതാം വ...
29/09/2026

പാറക്കാട്ടുചള്ള തൂക്കി എൽ.ഡി.എഫ്! ബിന്ദുകുമാരിക്ക് മിന്നുന്ന വിജയം!

പട്ടഞ്ചേരി ഗ്രാമപഞ്ചായത്ത് പാറക്കാട്ടുചള്ള ഒമ്പതാം വാർഡ് ഉപതെരഞ്ഞെടുപ്പിൽ എൽ.ഡി.എഫ് സ്ഥാനാർത്ഥി ബിന്ദുകുമാരി വൻ ഭൂരിപക്ഷത്തോടെ വിജയിച്ചിരിക്കുന്നു! വികസന തുടർച്ചയ്ക്കും ജനക്ഷേമ പ്രവർത്തനങ്ങൾക്കും ഒപ്പം നിൽക്കുമെന്ന ജനങ്ങളുടെ പ്രഖ്യാപനമാണ് ഈ തിളക്കമാർന്ന ജയം. ജനങ്ങളുടെ ആഗ്രഹങ്ങൾ സഫലീകരിക്കാനും വാർഡിന്റെ സമഗ്ര മുന്നേറ്റത്തിനുമായി എന്നും നമ്മിലൊരാളായി കൂടെയുണ്ടാകും.

വിജയിച്ച പ്രിയ സ്ഥാനാർത്ഥി ബിന്ദുകുമാരിക്കും, രാപ്പകലില്ലാതെ പോരാടിയ മുഴുവൻ എൽ.ഡി.എഫ് പ്രവർത്തകർക്കും, വികസനത്തിന് വോട്ടുചെയ്ത പാറക്കാട്ടുചള്ളയിലെ പ്രിയപ്പെട്ട വോട്ടർമാർക്കും ഹൃദയം നിറഞ്ഞ നന്ദി!

Address

Chittur
Palghat
678101

Website

Alerts

Be the first to know and let us send you an email when LDF Chittur posts news and promotions. Your email address will not be used for any other purpose, and you can unsubscribe at any time.

Shortcuts

Share

Category