Prashanti Dham Ashram, No 1 Barpathar, North Lakhimpur (2026)

07/10/2026

কণমানি নিবিড় নিয়ৰৰ প্ৰথম ওপজা দিনত প্ৰশান্তি ধামত এসাজ অন্ন আৰু আইতাহঁতৰ আশীৰ্বাদ! 🌸🎂🙏

আজি ০৭-১০-২০২৬ তাৰিখে গহপুৰৰ ককিলা, নাহৰণিৰ পৰা শ্ৰীহেমন্ত দুৱৰা (পিতৃ) আৰু শ্ৰীমীনাক্ষী গগৈ (মাতৃ) তেওঁলোকৰ একমাত্ৰ মৰমৰ পুত্ৰ শ্ৰীনিবিড় নিয়ৰ দুৱৰাৰ প্ৰথম বছৰীয়া জন্মদিন উপলক্ষে আমাৰ ‘প্ৰশান্তি ধাম’লৈ আহে।

এই পৱিত্ৰ ক্ষণত তেওঁলোকে আশ্ৰমৰ আইতাহঁতক দুপৰীয়াৰ এসাজ তৃপ্তিদায়ক আহাৰ খুৱাই সেৱা আগবঢ়ায়। আইতাহঁতৰ সৈতে বহু সময় অতিবাহিত কৰি তেওঁলোকে নিজৰ মনৰ এটা পুৰণি আশা পূৰণ হোৱা বুলি প্ৰকাশ কৰে। আশ্ৰমৰ আইতাহঁতৰ মৰম আৰু কৰ্মকৰ্তাসকলৰ আদৰ-সাদৰ ব্যৱহাৰত অভিভাৱকদ্বয় অত্যন্ত আপ্লুত হয়।

আইতাহঁতেও কনমানি নিবিড় নিয়ৰৰ মূৰত হাত থৈ তাৰ সু-স্বাস্থ্য, দীৰ্ঘায়ু আৰু উজ্জ্বল ভৱিষ্যত কামনা কৰি হিয়াভৰা আশীৰ্বাদ প্ৰদান কৰে।

প্ৰশান্তি ধাম তথা DVERDS পৰিয়ালৰ তৰফৰ পৰা কণমানি নিবিড়লৈ ওপজা দিনৰ আন্তৰিক শুভকামনা জনোৱাৰ লগতে হেমন্ত দুৱৰা ডাঙৰীয়াৰ সমগ্ৰ পৰিয়ালটোলৈ ধন্যবাদ জ্ঞাপন কৰিলোঁ! 🙏❤️

02/10/2026

🌸🎂🙏✨

আজি লখিমপুৰ জিলাৰ শিমলুগুৰিৰ ১ নং ৰামপুৰৰ পৰা এটি অতি সহৃদয় পৰিয়াল আমাৰ ‘প্ৰশান্তি ধাম’ (DVERDS) বৃদ্ধাশ্ৰমৰ বাকৰিত উপস্থিত হয়। পৰিয়ালটোৰ শ্ৰদ্ধাৰ শ্ৰীমতী অমিয়া বৰা (Amiya Bora)ৰ পৱিত্ৰ ওপজা দিন উপলক্ষে তেওঁলোকে আশ্ৰমৰ মৰমৰ আইতাহঁতৰ সৈতে এই বিশেষ দিনটো উদযাপন কৰাৰ সুন্দৰ সিদ্ধান্ত লয়।

জন্মদিনৰ পৱিত্ৰ ক্ষণত পৰিয়ালবৰ্গই আশ্ৰমৰ প্ৰতিগৰাকী আইতাৰ বাবে অতি মৰম আৰু যত্নৰে এসাজ তৃপ্তিদায়ক অন্নৰ সু-ব্যৱস্থা কৰি দিয়ে। আইতাহঁতক নিজ হাতে খাদ্য পৰিৱেশন কৰি তেওঁলোকে নিজৰ মনৰ গভীৰ সন্তুষ্টি আৰু মানৱীয় ভাৱ প্ৰকাশ কৰে।

কেৱল অন্নদান কৰাই নহয়, সমগ্ৰ পৰিয়ালটোৱে আইতাহঁতৰ কাষত বহি বহুপৰ সময় অতিবাহিত কৰে। আইতাহঁতৰ সৈতে মন খুলি সুখ-দুখৰ কথা পাতি, তেওঁলোকৰ খবৰ লৈ এক নিভৃত আপোন পৰিৱেশ গঢ়ি তোলে, যাৰ ফলত আইতাহঁতৰ মনবোৰো অপাৰ আনন্দেৰে ভৰি পৰে।

আইতাহঁতেও অমিয়া বৰা ডাঙৰীয়াৰ মূৰত হাত থৈ তেওঁৰ দীৰ্ঘায়ু, সু-স্বাস্থ্য, নিৰোগী জীৱন আৰু সৰ্বাংগীন উন্নতি কামনা কৰি হৃদয়ভৰা আশীৰ্বাদ প্ৰদান কৰে। লগতে সমগ্ৰ পৰিয়ালটোলৈকে মংগলৰ শুভাশিস যাচে।

নিজৰ আনন্দৰ দিনটোত আমাৰ আশ্ৰমৰ আইতাহঁতৰ কাষলৈ আহি এনেদৰে মৰম আৰু সেৱা আগবঢ়োৱাৰ বাবে ১ নং ৰামপুৰৰ অমিয়া বৰা তথা সমগ্ৰ পৰিয়ালটিক ‘প্ৰশান্তি ধাম’ পৰিয়ালৰ তৰফৰ পৰা ওপজা দিনৰ আন্তৰিক ওলগ আৰু গভীৰ কৃতজ্ঞতা জনালোঁ। 🙏❤️

01/10/2026

প্ৰশান্তি ধামত আন্তৰ্জাতিক জ্যেষ্ঠ নাগৰিক দিৱস উদযাপন: আইতাহঁতক বিশেষ সম্বৰ্ধনা আৰু সুৰীয়া গীতৰ অনুপম অনুষ্ঠান! 🌸🧓🎶

আজি পহিলা অক্টোবৰ, সমগ্ৰ বিশ্বৰ লগতে আমাৰ ‘প্ৰশান্তি ধাম’ (DVERDS) বৃদ্ধাশ্ৰমৰ বাকৰিত অত্যন্ত আনন্দ আৰু ভক্তিভাৱেৰে উদযাপন কৰা হয় "আন্তৰ্জাতিক জ্যেষ্ঠ নাগৰিক দিৱস" (International Day of Older Persons)।

জীৱনৰ বিয়লি বেলাত আশ্ৰমৰ আইতাহঁতৰ সান্নিধ্য আৰু আশীৰ্বাদেই আমাৰ পৰিয়ালৰ আটাইতকৈ ডাঙৰ শক্তি। এই বিশেষ দিনটোৰ লগত সংগতি ৰাখি প্ৰশান্তি ধাম পৰিয়ালৰ তৰফৰ পৰা আশ্ৰমৰ প্ৰতিগৰাকী আইতাক ফুলাম গামোচাৰে সশ্ৰদ্ধ সম্ভাষণ আৰু সম্বৰ্ধনা জনোৱা হয়। গামোচাৰে আদৰণি জনোৱাৰ সময়ত আইতাহঁতৰ মুখত বিৰিঙি উঠা সন্তুষ্টিৰ হাঁহিয়ে আশ্ৰমৰ সমগ্ৰ পৰিৱেশটো আৱেগিক কৰি তুলিলে।

সম্বৰ্ধনা অনুষ্ঠানৰ পাছতেই সৃষ্টি হয় এক অতি অনন্য আৰু সুৰীয়া পৰিৱেশৰ। আশ্ৰমৰে কেইবাগৰাকীও মৰমৰ আইতাই নিজৰ সুমধুৰ কণ্ঠৰে পুৰণি দিনৰ ভক্তিগীত আৰু দিহানাম পৰিৱেশন কৰি সকলোকে মুগ্ধ কৰি তোলে। আইতাহঁতৰ কণ্ঠৰ পৱিত্ৰ গীতৰ সুৰে প্ৰশান্তি ধামৰ চৌহদ আধ্যাত্মিক আৰু শান্তিময় কৰি ৰাখিলে। সকলোৱে হাত চাপৰিৰে আইতাহঁতৰ সৈতে তাল মিলাই এক অপূৰ্ব আনন্দ উপভোগ কৰে।

অনুষ্ঠানৰ শেষত আইতাহঁতে আশ্ৰমৰ সকলোৰে মূৰত হাত থৈ সু-স্বাস্থ্য, দীৰ্ঘায়ু আৰু মংগল কামনা কৰি হিয়াভৰা আশীৰ্বাদ প্ৰদান কৰে।

আইতাহঁতৰ এই মৰম আৰু আশীৰ্বাদে যাতে আমাক ভৱিষ্যতলৈকো নিষ্ঠাৰে সেৱা আগবঢ়াই নিয়াত সদায় অনুপ্ৰাণিত কৰি থাকে, ঈশ্বৰৰ চৰণত তাকেই প্ৰাৰ্থনা জনালোঁ। সমাজৰ প্ৰতিগৰাকী জ্যেষ্ঠ নাগৰিকলৈ আমাৰ শতকোটি প্ৰণাম! 🙏❤️✨

25/09/2026

প্ৰশান্তি ধামত বিশেষ স্বাস্থ্য পৰীক্ষা শিবিৰ... জিলা প্ৰশাসন আৰু অভিজ্ঞ চিকিৎসক দলৰ দ্বাৰা আইতাহঁতৰ স্বাস্থ্য সেৱা! 🌸🏥🙏

আজি আমাৰ ‘প্ৰশান্তি ধাম’ (DVERDS) বৃদ্ধাশ্ৰমৰ বাকৰিত লখিমপুৰ জিলা প্ৰশাসন আৰু স্বাস্থ্য বিভাগৰ বিশেষ উদ্যোগত এক বৃহৎ স্বাস্থ্য পৰীক্ষা শিবিৰ (Integrated Screening Camp) অনুষ্ঠিত হয়। ‘প্ৰধানমন্ত্ৰী টিবি মুক্ত ভাৰত অভিযান’ৰ অধীনত আয়োজিত এই কাৰ্যসূচীত বিশেষজ্ঞ চিকিৎসক, মনোবিজ্ঞানী আৰু স্বাস্থ্যকৰ্মীৰ এক বৃহৎ দল উপস্থিত হৈ আমাৰ মৰমৰ আইতাহঁতৰ স্বাস্থ্য পৰীক্ষা কৰে।

পুৱা ১০ বজাৰ পৰা বিয়লি ২ বজালৈ চলা এই শিবিৰত ডাঃ দীপংকৰ সোণোৱালৰ নেতৃত্বত অহা মোবাইল মেডিকেল ইউনিটৰ জৰিয়তে আইতাহঁতৰ যক্ষ্মা (TB), কুষ্ঠৰোগ, দৃষ্টিশক্তি, উচ্চ ৰক্তচাপ, মধুমেহ আদি বিভিন্ন জটিল ৰোগৰ পৰীক্ষা আৰু প্ৰয়োজনীয় ঔষধ যোগান ধৰা হয়। ইয়াৰ উপৰিও আইতাহঁতৰ মানসিক স্বাস্থ্যৰ যত্ন ল'বলৈ অভিজ্ঞ মনোবিজ্ঞানীয়ে তেওঁলোকৰ সৈতে অতি মৰমেৰে কথা পাতি মানসিক পৰামৰ্শ আগবঢ়ায়।

আমাৰ আইতাহঁতৰ সু-স্বাস্থ্য আৰু মংগলৰ প্ৰতি লক্ষ্য ৰাখি এই প্ৰশংসনীয় পদক্ষেপ গ্ৰহণ কৰা বাবে লখিমপুৰ জিলা প্ৰশাসন, স্বাস্থ্য বিভাগ আৰু অহা সমগ্ৰ চিকিৎসক-স্বাস্থ্যকৰ্মী দলটোলৈ ‘প্ৰশান্তি ধাম’ তথা DVERDS পৰিয়ালৰ ফালৰ পৰা যাচিলোঁ গভীৰ কৃতজ্ঞতা আৰু আন্তৰিক ধন্যবাদ! 🙏✨

23/09/2026

আজি আমাৰ ‘প্ৰশান্তি ধাম’ৰ একেবাৰে কাষৰে সৰজান গাঁৱৰ এটা মৰমিয়াল পৰিয়াল আশ্ৰমখনিলৈ আহে। ওচৰ-চুবুৰীয়া হৈ তেওঁলোকে আমাৰ মৰমৰ আইতাহঁতৰ খবৰ ল’বলৈ আৰু তেওঁলোকৰ কাষত কিছু সময় কটাবলৈ উপস্থিত হয়।

পৰিয়ালটোৱে আইতাহঁতক চৰণ চুই সেৱা কৰে আৰু তেওঁলোকৰ সৈতে মন খুলি কথা পাতি সুখ-দুখৰ বাৰ্তা লয়। আইতাহঁতৰ সান্নিধ্যত কিছু সময় কটোৱাৰ লগতে তেওঁলোকে আশ্ৰমৰ সকলোৰে বাবে সন্ধিয়াৰ চাহ আৰু মিঠাইৰ সুন্দৰ ব্যৱস্থা কৰি মৰমৰ উপহাৰ আগবঢ়ায়।

আপোন পৰিয়ালৰ দৰে এনেদৰে কাষলৈ আহি খবৰ লোৱা আৰু মন জুৰোৱা কথা-বতৰাই আমাৰ আইতাহঁতৰ হৃদয় ভৰাই তুলিলে। আইতাহঁতেও মনৰ সন্তুষ্টিৰে তেওঁলোকৰ মূৰত হাত থৈ পৰিয়ালটোৰ কুশল, সু-স্বাস্থ্য আৰু মংগল কামনা কৰি আশীৰ্বাদ প্ৰদান কৰে।

আমাৰ কাষৰীয়া সৰজান গাঁৱৰ এই সহৃদয় পৰিয়ালটোলৈ ‘প্ৰশান্তি ধাম’ তথা DVERDS পৰিয়ালৰ ফালৰ পৰা যাচিলোঁ অন্তৰভৰা শ্ৰদ্ধা আৰু আন্তৰিক ধন্যবাদ। ওচৰ-চুবুৰীয়াৰ এনে আত্মীয়তাই সমাজখনিক সদায় সুন্দৰ কৰি ৰাখক! 🙏❤️

20/09/2026

আজি গহপুৰৰ পৰা আমাৰ ‘প্ৰশান্তি ধাম’ বৃদ্ধাশ্ৰমলৈ এটি সহৃদয় পৰিয়াল ডাঃ অঞ্জন কুমাৰ ওজা আৰু তেখেতৰ সহধৰ্মিনী শ্ৰীমতী বৰ্ণালী কটকী ওজা ডাঙৰীয়ানীয়ে তেখেতসকলৰ স্বৰ্গীয় পিতৃ-মাতৃৰ পৱিত্ৰ শ্ৰাদ্ধ উপলক্ষে আশ্ৰমত উপস্থিত হয়।

পিতৃ-মাতৃৰ স্মৃতি চিৰসেউজ কৰি ৰখাৰ উদ্দেশ্যে তেওঁলোকে আশ্ৰমৰ মৰমৰ আইতাহঁতৰ বাবে বিভিন্ন ফল-মূল তথা পুষ্টিকৰ খাদ্য সামগ্ৰী আগবঢ়ায়। কেৱল সামগ্ৰী বিতৰণ কৰাই নহয়, ওজা দম্পতীয়ে আইতাহঁতৰ কাষত বহি বহু সময় অতিবাহিত কৰে, তেওঁলোকৰ সুখ-দুখৰ বাৰ্তা লয় আৰু আপোনজনৰ দৰে মৰম-চেনেহ বিনিময় কৰে।

আইতাহঁতেও তেওঁলোকৰ এই মহানুভৱতাত আপ্লুত হৈ স্বৰ্গীয় পিতৃ-মাতৃৰ বিদেহ আত্মাৰ চিৰশান্তি আৰু সদ্গতি কামনা কৰি ভগৱানৰ ওচৰত আন্তৰিক প্ৰাৰ্থনা জনায়। লগতে সমগ্ৰ পৰিয়ালটোৰ সু-স্বাস্থ্য আৰু মংগলৰ বাবে হিয়াভৰা আশীৰ্বাদ প্ৰদান কৰে।

প্ৰশান্তি ধাম তথা DVERDS পৰিয়ালৰ তৰফৰ পৰা ডাঃ অঞ্জন কুমাৰ ওজা আৰু শ্ৰীমতী বৰ্ণালী কটকী ওজা ডাঙৰীয়ানীলৈ গভীৰ শ্ৰদ্ধা তথা আন্তৰিক ধন্যবাদ জ্ঞাপন কৰিলোঁ। 🙏❤️

19/09/2026

আজি ১৯ ছেপ্টেম্বৰ— সমগ্ৰ অসমৰ বুকু খালী কৰি আমাৰ সকলোৰে অতি মৰমৰ শিল্পী জুবিন গাৰ্গ আমাৰ মাজৰ পৰা চিৰবিদায় লোৱা আজি এটা বছৰ হ’ল। এই গভীৰ শোকাকুল দিনটোত লখিমপুৰ জিলাৰ পথালিপাহাৰৰ দুজন হৃদয়বান যুৱ ব্যৱসায়ী আমাৰ ‘প্ৰশান্তি ধাম’ বৃদ্ধাশ্ৰমলৈ আহে।

জুবিন দাৰ প্ৰথম মৃত্যুবাৰ্ষিকী উপলক্ষে তেওঁলোকে আশ্ৰমৰ মৰমৰ আইতাহঁতৰ বাবে প্ৰয়োজনীয় খাদ্য সামগ্ৰী আগবঢ়ায়। যুৱক দুজনৰ মূল উদ্দেশ্য আছিল যাতে আশ্ৰমৰ আইতাহঁতে একেলগে সমবেত হৈ সকলোৰে প্ৰিয় জুবিন দাৰ বিদেহ আত্মাৰ চিৰশান্তি আৰু সদ্গতিৰ বাবে ভগৱানৰ চৰণত প্ৰাৰ্থনা জনায়।

আইতাহঁতে বিয়লিৰ নাম-প্ৰসংগৰ জৰিয়তে হৰিনামৰ ধ্বনিৰে জুবিন দাৰ পৱিত্ৰ আত্মাৰ শান্তিৰ বাবে ভগৱান শ্ৰীকৃষ্ণৰ চৰণত আন্তৰিক প্ৰাৰ্থনা জনায়। জুবিন দা শাৰীৰিকভাৱে আমাৰ মাজত নাই যদিও তেওঁৰ কালজয়ী গীত আৰু মানৱদৰদী কৰ্মৰাজিৰে তেওঁ চিৰকাল প্ৰতিগৰাকী অসমীয়াৰ হৃদয়ত জীয়াই থাকিব।

আমাৰ আইতাহঁতৰ কাষলৈ আহি এনেদৰে প্ৰিয় শিল্পীজনক সুঁৱৰি সেৱা আগবঢ়োৱাৰ বাবে পথালিপাহাৰৰ দুয়োগৰাকী ভাতৃলৈ ‘প্ৰশান্তি ধাম’ আৰু DVERDS পৰিয়ালৰ তৰফৰ পৰা অশেষ ধন্যবাদ জনালোঁ।

জুবিন দাৰ পৱিত্ৰ আত্মাই চিৰশান্তি লাভ কৰক। ওম শান্তি! 🙏🕊️

16/09/2026

Interested Candidates can apply within 21st September, 2026.

09/09/2026

আমাৰ মৰমৰ সম্পাদক মহোদয়লৈ জন্মদিনৰ হিয়াভৰা ওলগ আৰু আইতাহঁতৰ প্ৰাণভৰা আশীৰ্বাদ! 🎂💐✨

আজি আমাৰ সন্মানীয় NGO (DVERDS) ৰ সুযোগ্য সম্পাদক শ্ৰীযুত ৰূপম ভূঞা ডাঙৰীয়াৰ পৱিত্ৰ ওপজা দিন। এই বিশেষ দিনটো আমাৰ ‘প্ৰশান্তি ধাম’ পৰিয়ালৰ মাজত অতি আনন্দ আৰু উলহ-মালহেৰে উদযাপন কৰা হয়।

আশ্ৰমৰ প্ৰতিগৰাকী মৰমৰ আইতাই তেওঁৰ মূৰত হাত থৈ অন্তৰৰ পৰা সু-স্বাস্থ্য, নিৰোগী জীৱন আৰু দীৰ্ঘায়ু কামনা কৰি আশীৰ্বাদ প্ৰদান কৰে।

প্ৰশান্তি ধাম তথা সমগ্ৰ পৰিয়ালবৰ্গৰ তৰফৰ পৰাও শ্ৰীযুত ৰূপম ভূঞা ডাঙৰীয়ালৈ ওপজা দিনৰ আন্তৰিক শুভকামনা জনালোঁ। তেওঁৰ বলিষ্ঠ নেতৃত্ব আৰু সমাজসেৱাৰ কৰ্মৰাজিয়ে আমাক সদায় এনেদৰেই অনুপ্ৰাণিত কৰি তোলক, ভগৱানৰ চৰণত তাকেই প্ৰাৰ্থনা কৰিলোঁ। 🙏❤️

06/09/2026

🙏🙏🙏

আজি ০৬/০৯/২০২৬ তাৰিখে গহপুৰৰ পুৰূপবাৰী (ৱাৰ্ড নং-৫) নিবাসী এটি অতিথি পৰিয়াল আমাৰ ‘প্ৰশান্তি ধাম’লৈ আহে। তেওঁলোকৰ মৰমৰ পুত্ৰ শ্ৰীমান অতুল্য দেৱ প্ৰতীম দত্তৰ শুভ জন্মদিন উপলক্ষে তেওঁলোকে আশ্ৰমখনত উপস্থিত হৈ আমাৰ আইতাহঁতৰ সৈতে দিনটো আনন্দৰে উদযাপন কৰে।

আশ্ৰমলৈ আহি পৰিয়ালটোৱে ইয়াৰ পৱিত্ৰ পৰিৱেশ, সকলোৰে মৰমিয়াল ব্যৱহাৰ-পাতি আৰু সুন্দৰ পৰিচালনা দেখি অত্যন্ত মুগ্ধ হোৱা বুলি প্ৰকাশ কৰে। আশ্ৰমৰ আইতাহঁত আৰু সকলো আৱাসীৰ সু-স্বাস্থ্য তথা দীৰ্ঘায়ু কামনা কৰাৰ লগতে তেওঁলোকে প্ৰশান্তি ধামৰ উত্তৰোত্তৰ উন্নতি কামনা কৰে।

আমাৰ আশ্ৰমলৈ আহি এই বিশেষ দিনটো সৰ্বতোপ্ৰকাৰে আনন্দমুখৰ কৰি তোলাৰ বাবে শ্ৰী চন্দন দত্ত আৰু তেঁ‌ওৰ পৰিয়াললৈ আমাৰ ফালৰ পৰা অলেখ ধন্যবাদ আৰু শ্ৰীমান অতুল্য দেৱ প্ৰতীম দত্তলৈ জনালোঁ ওপজা দিনৰ অনেক শুভকামনা! 🎂❤️

Prashanti Dham Ashram

07/10/2026

02/10/2026

01/10/2026

25/09/2026

23/09/2026

20/09/2026

19/09/2026

16/09/2026

09/09/2026

06/09/2026

Address

Website

Alerts

Shortcuts

Share

Category

Listing takedown request