05/09/2026
২০২৫ চনৰ শেষৰ ফালে উত্তৰ গুৱাহাটীৰ দিহিং সত্ৰৰ কদমতলৰ গীতা বনিয়া আৰু তেওঁৰ বিশেষভাবে সক্ষম কিশোৰ পুত্ৰ বিজন বনিয়াৰ বিষয়ে সদিচ্ছাক অৱগত কৰিছিল ইলোস্মিতা কোঁৱৰে । পৰিয়ালত অকল মাতৃ-পুত্ৰ। সদিচ্ছাৰ তৰফৰ পৰা তেওঁলোকক কিছু নিত্যব্যৱহাৰ্য সামগ্ৰী প্ৰদান কৰা হৈছিল। পুত্ৰক এৰি মাক বাহিৰত কাম কৰিবলৈ যোৱা অসম্ভৱপ্ৰায় আৰু আন উপাৰ্জনৰ পথো নাই। সেয়েহে ২০২৬ বৰ্ষৰ প্ৰথম দিনটোতে গীতা বনিয়াক সদিচ্ছাৰ তৰফৰ পৰা এটি চিলাই মেচিন দিয়া হয় । যোৱা ৮টা মাহত তেওঁ সৰু-সুৰা চিলাইৰ কাম কৰি উপাৰ্জনৰ পথ মুকলি কৰিছে । আজি ৫/৯/২৬ তাৰিখে সদিচ্ছা পৰিয়াল তেওঁৰ বাসগৃহত উপস্থিত হওঁতে তেওঁ নিজমুখে এয়া ব্যক্ত কৰে । আজিও তেওঁলোকৰ বাবে সদিচ্ছাই গাখীৰ, কণী, বিস্কুট আদি লৈ গৈছিল।
বি:দ্ৰ: মাতৃৰ অনুমতি আৰু আগ্ৰহত ভিডিঅ’ত কিশোৰজনৰ মুখ স্পষ্টকৈ ৰখা হৈছে ।
