Gandhighar Kachholi

10/10/2026

🎂🎉 *૯૪મો જન્મદિનની ઉજવણી - ગાંધીઘર પરિવારનો ગર્વ* 🎉🎂

*ગાંધીઘર કછોલી ટ્રસ્ટના આદરણીય પ્રમુખશ્રી બળવંતરાય નાયક (ફુવાજી) ના ૯૪માં જન્મદિનની ભવ્ય ઉજવણી*

તા. ૦૮/૧૦/૨૦૨૬ ના રોજ ગાંધીઘર કછોલી ખાતે આપણા સૌના વડીલ, માર્ગદર્શક અને ટ્રસ્ટના પ્રમુખશ્રી બળવંતરાય નાયક (ફુવાજી) નો ૯૪મો જન્મદિવસ ખૂબ હર્ષોલ્લાસ સાથે ઉજવવામાં આવ્યો.

કાર્યક્રમની શરૂઆત પ્રાર્થના અને દીપ પ્રાગટ્યથી કરવામાં આવી હતી. ત્યારબાદ ફુવાજીના હસ્તે કેક કાપવામાં આવી હતી.

શાળાના વિદ્યાર્થીઓ દ્વારા સુંદર સાંસ્કૃતિક કાર્યક્રમ રજૂ કરવામાં આવ્યો હતો. સમગ્ર સ્ટાફ પરિવાર અને સ્વજનો દ્વારા ફુવાજીને જન્મદિનની હાર્દિક શુભેચ્છાઓ પાઠવવામાં આવી હતી.

કાર્યક્રમના અંતે સૌએ સમૂહ ભોજન લીધું હતું.

ઈશ્વર ફુવાજીને તંદુરસ્ત, દીર્ઘાયુષ્ય જીવન આપે એવી પ્રાર્થના.

*જન્મદિનની ખૂબ ખૂબ શુભેચ્છાઓ ફુવાજી! 🙏*

05/10/2026

*📰 ગર્વની ક્ષણ! અમારું કછોલી સંદેશ ન્યૂઝપેપરમાં! 🙏*

ગઈકાલ રોજ *સંદેશ સમાચારપત્ર (નવસારી-ડાંગ આવૃત્તિ, તા. ૦૪/૧૦/૨૦૨૬)* માં આપણા આદર્શ ગામ કછોલી વિશે વિશેષ અહેવાલ પ્રસિદ્ધ થયો છે.

*“આધ્યાત્મિક ધરોહર, સમૃદ્ધ ખેતી અને સેવાભાવી વિકાસનું આદર્શ ગામ - અંબિકા નદીના કાંઠે વસેલું કછોલી”*

આ અહેવાલમાં ગાંધીઘર કછોલી સંસ્થા દ્વારા થતી દિવ્યાંગ સેવા, શિક્ષણ, ખેતી અને ગામના સર્વાંગી વિકાસની વાતને ખૂબ સુંદર રીતે રજૂ કરવામાં આવી છે.

આ બદલ સંદેશ પરિવારનો ખૂબ ખૂબ આભાર!

03/10/2026

*🙏 ગાંધી જયંતી ઉજવણી - ગાંધીઘર કછોલી 🙏*

*ગાંધીઘર કછોલી સંચાલિત બ. અને ઈ. નાયક કુમાર શાળા અને ગ.કી. નાયક બધિર કન્યા વિદ્યાલય દ્વારા ગાંધી જયંતીની ઉજવણી*

📅 તા. ૦૨-૧૦-૨૦૨૬, શુક્રવાર | 📍 ગાંધીઘર કછોલી

ગાંધી જયંતી નિમિત્તે ગાંધીઘર કછોલી સંસ્થા ખાતે વિવિધ કાર્યક્રમોનું આયોજન કરવામાં આવ્યું હતું.

કાર્યક્રમની શરૂઆત ગાંધીજીની પ્રતિમા પાસે મુખ્ય મહેમાન *એડવોકેટ શ્રી વિરેન્દ્રભાઈ દેસાઈ (નવસારી)* ના વરદ હસ્તે દીપ પ્રાગટ્યથી કરવામાં આવી હતી.

ત્યારબાદ સવારે ૮:૩૦ કલાકે ગામના મુખ્ય માર્ગ પર *ભજન રેલી* કાઢવામાં આવી હતી. રેલીનું પ્રસ્થાન એડવોકેટ શ્રી વિરેન્દ્રભાઈ દેસાઈના હસ્તે કરાવવામાં આવ્યું હતું.

રેલી પૂર્ણ થયા બાદ ગ.કી. કન્યા વિદ્યાલયના પ્રાર્થના હોલમાં ભજન અને પ્રાર્થના યોજાઈ હતી. ત્યારબાદ મુખ્ય મહેમાન એડવોકેટ શ્રી વિરેન્દ્રભાઈ દેસાઈ દ્વારા ગાંધીજીના જીવન, સત્ય અને અહિંસાના વિચારો અંગે પ્રેરણાદાયી વક્તવ્ય રજૂ કરવામાં આવ્યું હતું.

સમગ્ર કાર્યક્રમમાં ગાંધીઘર પરિવારના કર્મચારીઓ અને બાળકો ઉત્સાહભેર જોડાયા હતા.

01/10/2026

*🏐 ગાંધીઘર કછોલીનો વોલીબોલમાં ડંકો! 🏆*

*૧૫મી ઓલ ગુજરાત વોલીબોલ ટુર્નામેન્ટ ઓફ ધ ડેફ - ૨૦૨૬, બરોડા*

તા. ૨૯ અને ૩૦ સપ્ટેમ્બર ૨૦૨૬ ના રોજ બરોડા સ્થિત સમા સ્પોર્ટ્સ કોમ્પલેક્ષ ખાતે યોજાયેલ ૧૫મી ઓલ ગુજરાત વોલીબોલ ટુર્નામેન્ટ ઓફ ધ ડેફમાં ગાંધીઘર કછોલી પરિવારે શાનદાર પ્રદર્શન કરી સંસ્થાનું નામ રોશન કર્યું છે.

*ગાંધીઘર કછોલી સંચાલિત બ. અને ઈ. નાયક બહેરા-મૂંગા શાળા, કછોલી:*
🥇 *અંડર-૧૮ ટીમ - પ્રથમ ક્રમ (ચેમ્પિયન)*
🥉 *અંડર-૧૬ ટીમ - તૃતીય ક્રમ*

*ગાંધીઘર કછોલી સંચાલિત ગ.કી. નાયક બધિર કન્યા વિદ્યાલય, કછોલી:*
🥇 *જુનિયર દીકરીઓ - પ્રથમ ક્રમ (ચેમ્પિયન)*
🥈 *સબ-જુનિયર દીકરીઓ - દ્વિતીય ક્રમ*

આ સિદ્ધિ બદલ તમામ વિજેતા ખેલાડીઓ,માર્ગદર્શક શિક્ષકોને સંસ્થાના સમગ્ર ગાંધીઘર પરિવાર વતી ખુબ ખુબ અભિનંદન!

આપણા દિવ્યાંગ બાળકોની મહેનત, નિષ્ઠા અને ખેલદિલીને સલામ!

28/09/2026

26/09/2026

તા.૨૫/૯/૨૦૨૬ન રોજ દમણ ખાતે પર્પલ ફેર - ૨૦૨૬નું આયોજન કરવામાં આવ્યું હતું જેમાં ગાંધીઘર કછોલી સંચાલિત બ. અને ઈ.નાયક બહેરા મૂંગાની શાળા, કછોલી તથા ગ.કી.નાયક બધિર કન્યા વિધાલય, કછોલી બન્ને શાળાની ઉત્કૃષ્ટ સહભાગીતા અને સહયોગ બદલ શ્રી ઉમેશભાઈ બાબુભાઈ પટેલ માનનીય સાંસદ ( દીવ દમણ દાદરા અને નગર હવેલી) ના વરદ હસ્તે પ્રશસ્તિ પત્ર અને મોમેન્ટો એનાયત કરાયા હતા. આ પ્રસંગે યોજાયેલ ચિત્ર સ્પર્ધામાં પ્રિતેશ નિલેશભાઈ પટેલને પ્રથમ ક્રમે વિજેતા થતાં પ્રશસ્તિપત્ર અને ઉપહાર એનાયત કરવામાં આવ્યા હતા.

23/09/2026

*ગાંધીઘર કછોલી ખાતે 'સેવા મેરા યોગદાન' ઝુંબેશ અંતર્ગત વિવિધ કાર્યક્રમો યોજાયા*

*કછોલી, તા. ૨૨/૦૯/૨૦૨૬*

દિવ્યાંગ મૂક-બધિરોના શિક્ષણ અને પુન:ઉત્થાનનું કાર્ય કરતી સંસ્થા ગાંધીઘર કછોલી ખાતે સરકારશ્રીની વિશિષ્ટ પહેલ એવા *‘સેવા મેરા યોગદાન’* ઝુંબેશ અંતર્ગત વિવિધ કાર્યક્રમોનું આયોજન કરવામાં આવ્યું હતું.

આ કાર્યક્રમમાં મુખ્ય અતિથિ તરીકે ૧૭૫-નવસારી વિધાનસભાના ધારાસભ્ય *શ્રી રાકેશભાઈ દેસાઈ*, પીએસઆઈ શ્રી નિલેશભાઈ રાઠોડ, ગણદેવી તાલુકા પંચાયત કારોબારી અધ્યક્ષ શ્રી પાર્થિવભાઈ નાયક, શ્રીમતી પુષ્પાબેન તથા ગામના વિવિધ અગ્રણીઓ ઉપસ્થિત રહ્યા હતા.

કાર્યક્રમની શરૂઆત પરમ પૂજ્ય શ્રી કીકુબાપાની છબી સમક્ષ દીપ પ્રાગટ્યથી કરવામાં આવી હતી. ત્યારબાદ ગ.કી. નાયક બધિર કન્યા વિદ્યાલયની દિવ્યાંગ દીકરીઓ દ્વારા સુંદર પ્રાર્થના રજૂ કરવામાં આવી હતી. સંસ્થાના સંચાલક *શ્રી મનોજભાઈ નાયકે* સૌને આવકાર્યા હતા અને સંસ્થાની વિવિધ પ્રવૃત્તિઓ અને સિદ્ધિઓ વિશે માહિતગાર કર્યા હતા.

*મહાનુભાવોનું સ્વાગત:*
ધારાસભ્ય શ્રી રાકેશભાઈ દેસાઈનું પુષ્પગુચ્છ અને પુસ્તકથી સ્વાગત સંસ્થાના ટ્રસ્ટી શ્રીમતી હિનાબેન મિલર દ્વારા કરવામાં આવ્યું હતું. પીએસઆઈ શ્રી નિલેશભાઈ રાઠોડનું સ્વાગત પણ હિનાબેન મિલરના વરદ હસ્તે કરવામાં આવ્યું હતું. શ્રી ભરતભાઈ નાયકનું પુસ્તકથી સ્વાગત બ. અને ઈ. નાયક બહેરા-મૂંગાની શાળાના ઇન્ચાર્જ આચાર્ય શ્રી સુનિલભાઈ પટેલ દ્વારા કરવામાં આવ્યું હતું.

*સાંસ્કૃતિક કાર્યક્રમો:*
ગ.કી. નાયક બધિર કન્યા વિદ્યાલયની દિવ્યાંગ દીકરીઓ દ્વારા ઉર્જાસભર *ડાંગી નૃત્ય*, બ. અને ઈ. નાયક બહેરા-મૂંગાની શાળાના બાળકો દ્વારા *બાંબુ નૃત્ય* અને નાની બાળાઓ દ્વારા રજૂ કરાયેલ *બાળકૃષ્ણ આધારિત નૃત્ય* એ કાર્યક્રમનું મુખ્ય આકર્ષણ રહ્યું હતું.

*મહાનુભાવોના પ્રવચનો:*
પીએસઆઈ શ્રી નિલેશભાઈ રાઠોડે દિવ્યાંગ બાળકોની પ્રતિભા જોઈ ભાવવિભોર થઈ, સાંકેતિક ભાષા શીખવાની ખાતરી આપી હતી. શ્રી પાર્થિવભાઈ નાયકે પૂજ્ય કીકુબાપાના ભગીરથ કાર્યને બિરદાવી સંચાલક શ્રી મનોજભાઈ નાયક અને તેમની ટીમને અભિનંદન પાઠવ્યા હતા.

મુખ્ય મહેમાન શ્રી રાકેશભાઈ દેસાઈએ માનનીય વડાપ્રધાનશ્રીના અવિરત સેવાના ૨૫ વર્ષના સેવાયજ્ઞને બિરદાવી, પૂજ્ય કીકુબાપાની દિવ્યાંગ બાળકોની નિસ્વાર્થ સેવાને પણ બિરદાવી હતી.

અંતમાં વિદ્યાર્થીઓ દ્વારા બનાવેલ વિવિધ નમુનાઓ અને ચિત્ર પ્રદર્શન નિહાળી મહેમાનોએ બાળકોની કલાને બિરદાવી હતી. સાઈન લેંગ્વેજમાં રાષ્ટ્રગાન બાદ કાર્યક્રમ પૂર્ણ થયો હતો. બાળકો માટે પૌષ્ટિક ભોજનમાં લાડુ, દાળ-ભાત, શાક અને પૂરી પીરસવામાં આવી હતી.

સમગ્ર કાર્યક્રમને સફળ બનાવવા માટે ગાંધીઘર કછોલીના તમામ કર્મચારીઓનો ખૂબ ખૂબ આભાર