24/08/2026
🟧 कल्याणमध्ये कोळी महासंघाच्या वतीने 'विद्यार्थी गुणगौरव सोहळा २०२५-२०२६' उत्साहात संपन्न
कोळी महासंघ (ठाणे जिल्हा शाखा: कल्याण) च्या वतीने गुणवंत विद्यार्थ्यांच्या उज्ज्वल भविष्याला प्रोत्साहन देण्यासाठी 'विद्यार्थी गुणगौरव सोहळा २०२५-२०२६' अत्यंत उत्साहात आणि दिमाखात पार पडला.या सोहळ्याला कल्याण-डोंबिवली महानगरपालिकेच्या महापौर ॲड. हर्षाली विजय चौधरी-थविल आणि कोळी महासंघाचे राष्ट्रीय अध्यक्ष तथा माजी आमदार श्री. रमेशदादा पाटील यांची प्रमुख उपस्थिती लाभली.
समाजातील विविध क्षेत्रांतील इतर मान्यवर, पदाधिकारी, विद्यार्थी व पालक मोठ्या संख्येने उपस्थित होते. कार्यक्रमादरम्यान गुणवंत विद्यार्थ्यांना सन्मानचिन्ह व प्रशस्तीपत्र देऊन गौरविण्यात आले. समाजात शिक्षणाचा प्रसार व्हावा आणि तरुण पिढीला आयएएस, आयपीएस व इतर उच्च पदांवर जाण्यासाठी प्रेरणा मिळावी, हा या सोहळ्याचा मुख्य उद्देश होता.
यावेळी श्री. रमेशदादा पाटील यांनी विद्यार्थ्यांचे कौतुक करत त्यांना पुढील शैक्षणिक प्रवासासाठी मोलाचे मार्गदर्शन व शुभेच्छा दिल्या. तसेच, गरजू व होतकरू विद्यार्थ्यांना उच्च शिक्षणासाठी आवश्यक ते सर्व सहकार्य, मार्गदर्शक वर्ग आणि शिष्यवृत्ती मिळवून देण्यासाठी संघटना सदैव कटिबद्ध राहील, असा विश्वास त्यांनी व्यक्त केला.
याप्रसंगी कोळी महासंघाचे कार्याध्यक्ष श्री. प्रकाश बोबडी, सरचिटणीस श्री. राजहंस टपके, राज्यनेते श्री. देवानंद भाईर, भाजप मच्छिमार सेलचे महाराष्ट्र राज्य अध्यक्ष तथा महासंघाचे युवा प्रदेश अध्यक्ष ॲड. चेतन पाटील, नगरसेवक राहुल कोट, नगरसेवक रोहन कोट, नगरसेविका रेखाताई चौधरी, उल्हासनगर प्रभाग समिती-१ च्या सभापती भावनाताई ओवलेकर, जिल्हाध्यक्ष राम तरे, महिला अध्यक्ष सुषमाताई ढोणे, युवा नेते दशरथ पाटील, युवा नेते भावेश पाटील व इतर मान्यवर उपस्थित होते.
Rameshdada Patil Chetan Ramesh Patil
