ओबीसी अधिकारी कर्मचारी संघ

ओबीसी अधिकारी कर्मचारी संघ केंद्रीय तथा राज्य शासकीय, निमशासकीय, खाजगी क्षेत्रातील अधिकारी-कर्मचारी यांचे गैर-राजनैतिक संघटन.

ओबीसी अधिकारी कर्मचारी संघ हे केंद्रीय आणि राज्य शासकिय, निमशासकिय, खाजगी क्षेत्रातील अधिकारी कर्मचाऱ्यांचे भारतीय संविधानाच्या चौकटीत राहून हितसंबंध जोपासणारे, बिगर राजकीय संघटनेची स्थापना वर्ष 2018 मध्ये करण्यात आली.

समाजातील प्रत्येकाला ओबीसी साक्षर करणे हे ध्येय आहे. सामाजिक न्यायाबद्दल समाजामध्ये जाणीव व जागृती निर्माण करणे, भारतीय राज्यघटनेवर निष्ठा असणाऱ्या सर्व समाजघटकांमध्ये व ओबीसीसह इ

तरही वर्गांमध्ये सुसंवाद ठेवून बंधूभाव निर्माण करण्याचे महत्त्वपूर्ण कार्य हे संघटन करीत आहे. ओबीसी समाजाला आपल्या हक्कांबाबत जागरूक करणे ही महत्वाची उद्दिष्टे ठेवून, प्रशिक्षण, प्रबोधन व संघटन या तीन माध्यामातून ओबीसी मधील जातीय चेतना नाहीशी करून, वर्गीय चेतना निर्माण

करणे, सामाजिक समता निर्माण होण्यासाठी, सर्व समाजघटकांना समान प्रतिनिधित्व मिळणे आवश्यक आहे. यासाठी संघटनेच्या माध्यामातून अल्पकालीन व दिर्घकालीन कार्यक्रम आखण्यात आले आहे. यामध्ये ओबीसी समाजाच्या तात्कालीक प्रश्नांपासून तर भविष्यात ओबीसींच्या हक्कांचे रक्षण करणे, हे सुद्धा महत्वाचे आहे. यासाठी ओबीसींची नेमकी स्थिती काय आहे, हे जाणून घेण्यासीठी जातीनिहाय जनगणना होणे अत्यंत महत्वाचे आहे.

ब्रिटीश काळात 1931 साली जातीनिहाय जनगणना झाली होती, तद् नंतर आजतागायत ओबीसींची जातीनिहाय जनगणना झालेली नाही. म्हणून ओबीसींची जातीनिहाय जनगणना व्हावी तसेच मंडल आयोगाची 100 टक्के अंमलबजावणी करण्यात यावी, यासाठी ओबीसी अधिकारी कर्मचारी संघ वेळोवेळी पाठपुरावा करीत आहे. सर्व क्षेत्रात काम करणाऱ्या ओबीसी कर्मचाऱ्यांमधील समन्वय वाढवून सेवाविषयक सर्व अडचणी नियमितपणे सोडविण्याचे, पदोन्नतीमधे आरक्षण मिळवून देण्याचे, ओबीसी विद्यार्थ्यांना शैक्षणिक सवलती आणि विविध शिष्यवृत्त्यांचे लाभ मिळवण्यासाठी व नॉन क्रिमिलेयरची उत्पन्न मर्यादा वाढवण्यासाठी संघटनात्मक प्रयत्न ओबीसी अधिकारी कर्मचारी संघ करीत आहे.

मंडल दिनाच्या हार्दिक शुभेच्छा!मंडल आयोगाच्या शिफारशींच्या अंमलबजावणीसाठी संघर्ष करणाऱ्या सर्व ज्ञात-अज्ञात मंडल योद्ध्य...
07/08/2026

मंडल दिनाच्या हार्दिक शुभेच्छा!

मंडल आयोगाच्या शिफारशींच्या अंमलबजावणीसाठी संघर्ष करणाऱ्या सर्व ज्ञात-अज्ञात मंडल योद्ध्यांना विनम्र अभिवादन!

आजचा दिवस केवळ मंडल आयोगाच्या अंमलबजावणीचा दिवस नाही, तर भारतीय संविधानाने दिलेल्या सामाजिक न्याय, समता, प्रतिनिधित्व आणि समान संधीच्या अधिकारांचा विजयदिन आहे.

मंडल आयोगामुळे इतर मागासवर्गीय (OBC) समाजाला शिक्षण, रोजगार आणि शासन-प्रशासनात घटनात्मक प्रतिनिधित्वाचा मार्ग खुला झाला. हा अधिकार सहज मिळाला नाही; त्यासाठी अनेक विचारवंत, समाजसुधारक, लोकनेते आणि लाखो कार्यकर्त्यांनी दीर्घकाळ संघर्ष केला.

मंडल आयोग हा केवळ २७% आरक्षणाचा विषय नव्हता, तर सामाजिक, शैक्षणिक आणि राजकीयदृष्ट्या मागासलेल्या समाजाला संविधानाने दिलेल्या प्रतिनिधित्वाच्या हक्काची ऐतिहासिक मान्यता होती. त्यामुळे मंडल हा एका आयोगाचा इतिहास नसून सामाजिक न्यायाच्या नव्या युगाचा प्रारंभ आहे.
OBCAdhikariKarmchariSangh
ओबीसी अधिकारी कर्मचारी संघसोबत जॉईन👇🏻व्हा! सभासद नोंदणी लिंक: https://obcadhikarikarmacharisangh.in
व्हाट्सएप चॅनेल फॉलो करा: https://whatsapp.com/channel/0029Va93Bi159PwPD2lH3D0G

मंडल आयोगाच्या शिफारशींच्या अंमलबजावणीत अत्यंत महत्त्वपूर्ण भूमिका बजावणारे, सामाजिक न्यायाचे प्रखर पुरस्कर्ते आणि माजी ...
05/07/2026

मंडल आयोगाच्या शिफारशींच्या अंमलबजावणीत अत्यंत महत्त्वपूर्ण भूमिका बजावणारे, सामाजिक न्यायाचे प्रखर पुरस्कर्ते आणि माजी केंद्रीय मंत्री रामविलास पासवान यांना जयंतीदिनी विनम्र अभिवादन!

१९९० मध्ये विश्वनाथ प्रताप सिंह यांच्या नेतृत्वाखालील केंद्र सरकारने मंडल आयोगाच्या शिफारशी लागू करण्याचा ऐतिहासिक निर्णय घेतला. त्या काळात देशाचे राजकारण एका निर्णायक वळणावर उभे होते. एका बाजूला काही राजकीय पक्ष आणि संघटना धार्मिक व सांप्रदायिक ध्रुवीकरणाचा अजेंडा पुढे नेत होते, तर दुसऱ्या बाजूला सामाजिक न्याय, समता आणि संविधानिक हक्कांच्या बाजूने ठामपणे उभे राहणारे रामविलास पासवान आणि शरद यादव यांसारखे नेते मागास, वंचित आणि उपेक्षित समाजाच्या भविष्याचा लढा लढत होते.

केंद्रीय समाजकल्याण मंत्री म्हणून रामविलास पासवान यांनी मंडल आयोगाच्या शिफारशींच्या प्रभावी अंमलबजावणीत अत्यंत महत्त्वपूर्ण भूमिका बजावली. इतर मागासवर्गीय (OBC) समाजाच्या जातीय याद्यांचे पडताळणी व समन्वय, तसेच केंद्र सरकारच्या नोकऱ्या आणि शैक्षणिक संस्थांमध्ये OBC समाजासाठी २७ टक्के आरक्षणाची प्रभावी अंमलबजावणी सुनिश्चित करण्याची जबाबदारी त्यांनी समर्थपणे पार पाडली. मंडल आयोगाच्या शिफारशी केवळ सरकारी निर्णय म्हणून न राहता त्या प्रत्यक्षात राबवल्या जाव्यात, यासाठी त्यांनी धोरणात्मक पातळीवर महत्त्वपूर्ण निर्णय घेतले आणि प्रशासनाला दिशा दिली.

देशभर मंडल आयोगाला तीव्र विरोध होत असतानाही रामविलास पासवान आणि शरद यादव यांनी सामाजिक न्यायाच्या भूमिकेवर ठाम राहत मागास, वंचित आणि उपेक्षित समाजाच्या संविधानिक हक्कांसाठी सातत्याने संघर्ष केला. त्यांच्या या निर्धारामुळे लाखो OBC युवक-युवतींसाठी शिक्षण, रोजगार आणि प्रशासनातील प्रतिनिधित्वाची नवी दारे खुली झाली. भारतीय सामाजिक न्यायाच्या इतिहासात हा संघर्ष एक मैलाचा दगड ठरला.

रामविलास पासवान यांनी आपल्या संपूर्ण राजकीय कारकिर्दीत आरक्षण ही सामाजिक प्रतिनिधित्वाची आणि ऐतिहासिक अन्याय दूर करण्याची घटनात्मक व्यवस्था असल्याची ठाम भूमिका मांडली. आरक्षणाला अधिक बळकटी मिळावी आणि न्यायालयीन आव्हानांपासून त्याचे संरक्षण व्हावे, यासाठी आरक्षणाचा समावेश संविधानाच्या नवव्या अनुसूचीत करण्यात यावा, अशी मागणीही त्यांनी वेळोवेळी केली.

ओबीसी अधिकारी कर्मचारी संघसोबत जॉईन👇🏻व्हा! सभासद नोंदणी लिंक: https://obcadhikarikarmacharisangh.in
व्हाट्सएप चॅनेल फॉलो करा: https://whatsapp.com/channel/0029Va93Bi159PwPD2lH3D0G

वसंतराव नाईक जयंतीदिनी विनम्र अभिवादन!महाराष्ट्राचे माजी मुख्यमंत्री वसंतराव नाईक यांनी राज्याच्या कृषी विकासाला नवी दिश...
01/07/2026

वसंतराव नाईक जयंतीदिनी विनम्र अभिवादन!

महाराष्ट्राचे माजी मुख्यमंत्री वसंतराव नाईक यांनी राज्याच्या कृषी विकासाला नवी दिशा दिली. शेतकरी, ग्रामीण अर्थव्यवस्था आणि सिंचन क्षेत्राला बळकटी देण्यासाठी त्यांनी महत्त्वपूर्ण काम केले. त्यांच्या काळात महाराष्ट्राने कृषी उत्पादन वाढविण्यासाठी आणि दुष्काळी भागांच्या विकासासाठी अनेक उपक्रम राबवले.

ग्रामीण समाजाच्या उन्नतीसाठी, शेतकऱ्यांच्या हितासाठी आणि सामाजिक विकासासाठी दिलेले त्यांचे योगदान सदैव प्रेरणादायी राहील.

ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

ओबीसींचे मसीहा शरद यादव यांना जयंतीदिनी विनम्र अभिवादन!मंडल आयोग हा केवळ एक सरकारी अहवाल म्हणून न राहता, त्याची प्रभावी ...
01/07/2026

ओबीसींचे मसीहा शरद यादव यांना जयंतीदिनी विनम्र अभिवादन!

मंडल आयोग हा केवळ एक सरकारी अहवाल म्हणून न राहता, त्याची प्रभावी अंमलबजावणी होऊन सामाजिक समावेशकतेचे व्यापक मंच निर्माण करण्यात शरद यादव यांचा मोलाचा वाटा आहे.

ओबीसी चळवळीला राष्ट्रीय राजकारणात मानाचं आणि निर्णायक स्थान मिळवून देणारे ते एक अग्रगण्य नेतृत्व होते. सामाजिक न्याय, समता आणि हक्कांसाठी त्यांनी आपलं संपूर्ण आयुष्य समर्पित केलं. त्यांच्या कार्यामुळे कोट्यवधी वंचित घटकांना आत्मसन्मान आणि संधीचं दार खुलं झालं.

ते ओबीसी वर्गाचे कट्टर हिमायती आणि सर्वसमावेशक समाजवादाचे खरे समर्थक होते. महिला आरक्षण विधेयकाच्या चर्चेत त्यांनी “जातीनिहाय आरक्षण”ची मागणी पुढे रेटली आणि २०११ मध्ये आर्थिक-सामाजिक वर्गवारीवर आधारित जनगणनेसाठी सरकारला भाग पाडलं.

ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

न्यायमूर्ती पी. बी. सावंत यांना जयंतीदिनी विनम्र अभिवादन! भारतीय न्यायव्यवस्थेतील एक निर्भीड, प्रामाणिक आणि लोकशाही मूल्...
30/06/2026

न्यायमूर्ती पी. बी. सावंत यांना जयंतीदिनी विनम्र अभिवादन!

भारतीय न्यायव्यवस्थेतील एक निर्भीड, प्रामाणिक आणि लोकशाही मूल्यांशी बांधील असलेले व्यक्तिमत्त्व म्हणून न्यायमूर्ती पी. बी. सावंत यांचे योगदान सदैव स्मरणात राहील.

मंडल आयोगाच्या अंमलबजावणीदरम्यान इंदिरा साहनी (मंडल) प्रकरणाच्या संदर्भात न्यायमूर्ती सावंत यांनी स्पष्ट केले होते की, घटनेच्या कलम १६ (४) अंतर्गत 'मागास वर्ग' ओळखण्यासाठी आर्थिक निकष लावता येत नाहीत. मागासलेपणाचे मूळ कारण हे त्यांचे 'सामाजिक आणि शैक्षणिक मागासलेपणा' हेच असते. आरक्षण हे केवळ सवलत नसून ऐतिहासिक विषमता दूर करून समान संधी निर्माण करण्याचे संविधानिक साधन आहे. हा सामाजिक न्यायाचा व्यापक विचार त्यांनी अधोरेखित केला.
OBCAdhikariKarmachariSangh
ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

लोककल्याणकारी राजा राजर्षी शाहू महाराज यांना जयंतीनिमित्त विनम्र अभिवादन!समता, बंधुता आणि सामाजिक न्यायाची ज्योत प्रज्वल...
26/06/2026

लोककल्याणकारी राजा राजर्षी शाहू महाराज यांना जयंतीनिमित्त विनम्र अभिवादन!

समता, बंधुता आणि सामाजिक न्यायाची ज्योत प्रज्वलित करणारे, बहुजन समाजाच्या उत्थानासाठी आपले संपूर्ण आयुष्य समर्पित करणारे महान समाजसुधारक म्हणजे राजर्षी शाहू महाराज.

शिक्षण, शेती, उद्योग आणि सामाजिक सुधारणा यांना प्राधान्य देत त्यांनी एका न्याय्य आणि समताधिष्ठित समाजनिर्मितीचा आदर्श घालून दिला. दीन-दुबळे, वंचित आणि शोषित घटकांना मुख्य प्रवाहात आणण्यासाठी त्यांनी केलेले कार्य ऐतिहासिक आहे. आरक्षणाच्या माध्यमातून सामाजिक प्रतिनिधित्वाची संकल्पना प्रत्यक्षात आणून त्यांनी सामाजिक समतेच्या दिशेने क्रांतिकारी पाऊल उचलले.

"बहुजन हिताय, बहुजन सुखाय" या विचारांचा वारसा जपणाऱ्या या लोककल्याणकारी राजाचे कार्य आजही प्रत्येक पिढीला प्रेरणा देते. राजर्षी शाहू महाराजांच्या विचारांना व कार्याला कोटी कोटी प्रणाम!
OBCAdhikariKarmachariSangh
ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

सामाजिक न्यायाचे अग्रदूत, ओबीसी आरक्षणाचे संरक्षण करणारे, देशाचे माजी प्रधानमंत्री मा. विश्वनाथ प्रताप सिंह (व्ही. पी. स...
25/06/2026

सामाजिक न्यायाचे अग्रदूत, ओबीसी आरक्षणाचे संरक्षण करणारे, देशाचे माजी प्रधानमंत्री मा. विश्वनाथ प्रताप सिंह (व्ही. पी. सिंग) यांना जयंतीदिनी विनम्र अभिवादन!

भारतीय संविधानातील समता, बंधुता आणि सामाजिक न्याय या मूल्यांना प्रत्यक्ष कृतीत उतरवण्याचे ऐतिहासिक धाडस करणारे नेतृत्व म्हणजे व्ही. पी. सिंग. मंडल आयोगाच्या शिफारशींची अंमलबजावणी करून त्यांनी ओबीसी समाजाला प्रतिनिधित्वाचा आणि समान संधीचा घटनात्मक मार्ग खुला केला. हा निर्णय केवळ आरक्षणाचा विषय नव्हता, तर शतकानुशतके वंचित राहिलेल्या समाजघटकांना न्याय, सन्मान आणि मुख्य प्रवाहात स्थान मिळवून देणारा सामाजिक परिवर्तनाचा टप्पा होता. त्यांच्या निर्णयामुळे सामाजिक न्यायाची चळवळ देशभर अधिक व्यापक झाली आणि समानतेच्या लढ्याला नवी ऊर्जा मिळाली.
OBCAdhikariKarmachariSangh
ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

अथांग विद्वत्ता, अढळ स्वाभिमान, अपराजित शौर्य आणि स्वराज्यनिष्ठेचा अखंड दीप प्रज्वलित ठेवणारे छत्रपती संभाजी महाराज हे क...
14/05/2026

अथांग विद्वत्ता, अढळ स्वाभिमान, अपराजित शौर्य आणि स्वराज्यनिष्ठेचा अखंड दीप प्रज्वलित ठेवणारे छत्रपती संभाजी महाराज हे केवळ पराक्रमी योद्धे नव्हते, तर राष्ट्रनिष्ठा, त्याग आणि संघर्षाचे जाज्वल्य प्रतीक होते. छत्रपती संभाजी महाराज यांना जयंतीनिमित्त विनम्र अभिवादन!

ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

महात्मा ज्योतिराव फुले “महात्मा” पदवी प्रदान दिन!सत्य, समता, शिक्षण आणि सामाजिक न्यायासाठी संपूर्ण आयुष्य अर्पण करणारेस्...
11/05/2026

महात्मा ज्योतिराव फुले “महात्मा” पदवी प्रदान दिन!

सत्य, समता, शिक्षण आणि सामाजिक न्यायासाठी संपूर्ण आयुष्य अर्पण करणारे
स्त्री-शूद्र-अतिशूद्रांच्या मुक्तीचे महानायक, सत्यशोधक विचारांचे जनक क्रांतिसूर्य महात्मा ज्योतिराव फुले यांना सन ११ मे १८८८ मध्ये मुंबईतील मांडवी कोळीवाडा येथे जनतेतर्फे “महात्मा” ही पदवी प्रदान करण्यात आली.

ही केवळ पदवी नव्हती तर अन्याय, अंधश्रद्धा, जातिव्यवस्था आणि सामाजिक गुलामगिरीविरुद्ध त्यांनी पेटवलेल्या क्रांतीचा जनतेने केलेला गौरव होता. मुलींच्या शिक्षणासाठी पहिली शाळा, सत्यशोधक समाजाची स्थापना, शेतकरी, कामगार आणि वंचितांच्या हक्कांसाठी संघर्ष या कार्यातून त्यांनी भारताला समतेचा नवा विचार दिला. महात्मा पदवी प्रदान दिनानिमित्त क्रांतिसूर्य महात्मा ज्योतिराव फुले यांना विनम्र अभिवादन!
#महात्मा #सत्यशोधक
ओबीसी अधिकारी कर्मचारी संघसोबत जॉईन👇🏻व्हा! *सभासद नोंदणी लिंक:* https://obcadhikarikarmacharisangh.in
*व्हाट्सएप चॅनेल फॉलो करा:* https://whatsapp.com/channel/0029Va93Bi159PwPD2lH3D0G

Address

Office No. 1204, 12th Floor, Kamdhenu, International Trade Centre, Sector 14, Kharghar, Navi Mumbai
Navi Mumbai (New Mumbai)
410210

Website

Alerts

Be the first to know and let us send you an email when ओबीसी अधिकारी कर्मचारी संघ posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ओबीसी अधिकारी कर्मचारी संघ:

Shortcuts

Share

Category