06/02/2026
वंचित बहुजन आघाडी प्रणित सम्यक विद्यार्थी आंदोलन, नाशिककडून सावित्रीबाई फुले पुणे विद्यापीठाच्या सहाय्यक कुलसचिवांना निवेदन.
नाशिक येथे होणाऱ्या कुंभमेळ्यात सहभागा होण्यासाठी विद्यार्थ्यांना श्रेयांक (क्रेडिट पॉइंट्स) देण्याचा प्रस्ताव हा अत्यंत चिंताजनक व शैक्षणिक दृष्टिकोनातून चुकीचा असल्याचे मत व्यक्त करत सम्यक विद्यार्थी आंदोलन, नाशिक यांच्यावतीने सावित्रीबाई फुले पुणे विद्यापीठाच्या विभागीय कार्यालयात निवेदन देण्यात आले.
निवेदनात नमूद करण्यात आले की, विद्यापीठ ही धर्मनिरपेक्ष संस्था असून कोणत्याही धार्मिक कार्यक्रमासाठी अधिकृत (परिपत्रक) सर्क्युलर काढून विद्यार्थ्यांना श्रेयांक देण्याचे आमिष दाखवणे हे विद्यापीठाच्या नियमावलीच्या तसेच संविधानिक मूल्यांच्या विरोधात आहे. अशा निर्णयांमुळे धार्मिक कार्यक्रमात सहभागी न होणाऱ्या किंवा पूर्णतः शिक्षणावर लक्ष केंद्रित करणाऱ्या विद्यार्थ्यांवर अन्याय होईल व त्यांच्यावर अप्रत्यक्ष रित्या दबाव निर्माण होईल.
या संदर्भात सावित्रीबाई फुले पुणे विद्यापीठाचे सहाय्यक कुलसचिव मा. संजय सानप सर यांच्याशी चर्चा करण्यात आली. त्यांनी स्पष्ट केले की, अद्याप असा कोणताही अधिकृत परिपत्रक (सर्क्युलर) विद्यापीठाकडून काढण्यात आलेलं नाही. मात्र, सम्यक विद्यार्थी आंदोलनाने दिलेले निवेदनवर गांभीर्याने विचार करून या विषयावर काम करण्यात येईल आणि विद्यार्थ्यांच्या भूमिकेचा विचार करूनच पुढील निर्णय घेण्यात येईल, असे त्यांनी सांगितले.
स्वयंस्फूर्तने जे विद्यार्थी स्वयंसेवक म्हणून काम करू इच्छितात, त्यांच्या सहभागाचा स्वतंत्र विचार केला जाईल, असेही त्यांनी नमूद केले.
या वेळी सम्यक विद्यार्थी आंदोलनाची भूमिका योग्य असल्याचे सांगत ती भूमिका विद्यापीठ प्रशासनापर्यंत पोहोचविण्यात येईल, असे आश्वासन देण्यात आले.
या प्रतिनिधीमंडळात - मिहिर गजबे (जिल्हाध्यक्ष, सम्यक विद्यार्थी आंदोलन, नाशिक), गौतमी धिवरे, वैष्णवी पाटील, सुरज पाटील, दीपेश वाव्हाळ, आदित्य निर्भावणे, प्रज्ञा जाधव, स्वामी होळकर, नागेश गोणेकर यांचा सहभाग होता.
