Alparambha

12/10/2026

अल्पारंभ एज्युकेशनल अँड कल्चरल फाऊंडेशन मार्फत आयोजित आणि SWS Fintech Services Pvt. Lld. याचे तर्फे प्रायोजित "शाम ए ग़ज़ल" हा सुरेल कार्यक्रम, श्रीमती माई लेले श्रवण विकास विद्यालय, नाशिक येथील विद्यार्थ्यांसाठी "कर्णयंत्र सहाय्यता निधी संकलन" हेतुस्तव ९ ऑक्टोबर २०२६ रोजी कुर्तकोटी सभागृह, शंकराचार्य न्यास, गंगापूर रोड, नाशिक येथे संपन्न झाला.
१० ऑक्टोबर हा गझल सम्राट स्व. जगजीत सिंग यांचा स्मृतिदिन ! या निमित्ताने तत्यांना सूर आदरांजली देण्यात आली ! स्व. जगजीत सिंग यांनी स्वरबद्ध केलेल्या, गायलेल्या काही सुरेल गझल रचनांचा आस्वाद यावेळी उपस्थितांनी घेतला.
नाशिकचे गायक श्री. धनंजय मनोहर यांनी अनेक सुरेल ग़ज़ल सादर केल्या. "हज़ारों ख़्वाहिशें ऐसी", "झुकी झुकी सी नजर" , "बात निकलेगी तो", "कल चौदहवीं की रात थी", इ. अनेक ग़ज़लगीतांनी रसिकांना आनंद दिला. त्यांना उत्तम साथसंगत केली ती रागेश्री धुमाळ (सिंथेसायझर), श्री. रसिक कुलकर्णी (तबला), श्री. आशिष ढेकणे (गिटार), श्री. सागर मोरस्कर (तालवाद्य) यांनी.
श्रोत्यांनी वेळोवेळी दिलेली दाद आणि शेवटपर्यत कार्यक्रमास लाभलेली उपस्थिती यामुळे हा कार्यक्रम यशस्वी झाल्याची पोहोच पावतीच मिळाली. ही सूर आदरांजली स्व. जगजीत यांच्यापर्यत नक्कीच पोहोचली असावी अशी आशा आहे.

09/10/2026

आजच्या ग़ज़ल कार्यक्रमाची आठवण !

जरूर उपस्थित राहून या कार्यक्रमाचा आनंद घ्यावा !!

06/10/2026

06/10/2026

अल्पारंभ एज्युकेशन अँड कल्चरल फाउंडेशन मार्फत, 'कापरेकर कॉर्नर' या उपक्रमा अंतर्गत आणि शिक्षक दिन २०२६ निमित्ताने "गणित: क्रिएटिव्ह व्हिडिओ स्पर्धा" , ही शालेय गणित शिक्षकांसाठी करण्यात आयोजित करण्यात आली होती. या स्पर्धेस उत्तम प्रतिसाद लाभला.

नाशिक शहरातील नामांकित आणि म.न.पा. शाळा तसेच ग्रामीण भागातील आश्रमशाळेतील शिक्षकांनीही या स्पर्धेत सहभाग नोंदविला ही आमच्यासाठी उमेद वाढवणारी बाब होती. शिक्षकांनी खूपच कल्पकतेने विडिओ बनवले होते हे कौतुकास्पद होते.

स्पर्धेचा पारितोषिक वितरण समारंभ सोमवार दिनांक ५ ऑक्टोबर रोजी संपन्न झाला. क. का. वाघ अभियांत्रिकी आणि संशोधन महाविद्यालय, नाशिक येथील प्रा. नितीन शहाणे हे प्रमुख अतिथी म्हणून उपस्थित होते. पारितोषिक प्राप्त विडिओचे सादरीकरण झाले. प्रा. शहाणे यांनी "गणितातील सौंदर्य" या विषयावर उपस्थितांशी संवाद साधला. 'जीवनातील सर्वच क्षेत्रात गणित कसे सामावले आहे आणि त्याकडे डोळसपणे बघितले तर गणिताची गोडी आपसूकच निर्माण होते', हा त्यांचा संदेश त्यांनी खूपच सहज उदाहरणांतून सर्वांपर्यत पोहचविला.

विद्यार्थी आणि शिक्षक यांच्यासाठी अशा नवनवीन उपक्रमांना मिळणार प्रतिसाद आम्हाला पुढील कार्यास प्रेरित करत आहे.

06/10/2026

✨ गझलप्रेमींसाठी एक सुरेल संध्याकाळ… “शाम-ए-गझल” ✨
गझल सम्राट स्व. जगजीत सिंग यांच्या स्मृतींना समर्पित — शब्द, सूर आणि आठवणींनी सजलेली खास मैफल! 🎵
📅 शुक्रवार, ९ ऑक्टोबर २०२६ | सायं. ६ ते ८:३०
📍 कुर्तकोटी शंकराचार्य न्यास, गंगापूर रोड, नाशिक
हा कार्यक्रम श्रीमती माई लेले श्रवण विकास विद्यालयातील विद्यार्थ्यांसाठी कर्णयंत्र सहाय्यता निधी संकलनाच्या हेतूने आयोजित करण्यात आला आहे.
या सुरेल संध्याकाळी आपण जरूर सहभागी व्हा! 💐
#शामएगझल

05/10/2026

28/09/2026

👟 छोटे पाऊल… मोठ्या स्वप्नांकडे! 💙

अल्पारंभ फाऊंडेशनच्या माध्यमातून आणि साई स्पोर्ट्स यांच्या सहकार्याने, नुकतेच नाशिक येथील श्रीमती माई लेले श्रवण विकास विद्यालयातील विद्यार्थ्यांना स्पोर्ट्स शूज देण्यात आले.

डॉ. सुनीता देशमुख, श्री. संजय देशमुख आणि श्री. रघुवीर अधिकारी हे यावेळी उपस्थित होते.

या उपक्रमासाठी मोलाचे सहकार्य करणारे श्री. सुनील देव, साई स्पोर्ट्स, कॅनडा कॉर्नर यांचे मनःपूर्वक आभार! 🙏

मुलांचा खेळ बहरो ! त्यांचा आनंद वाढीस लागो या सदिच्छा !! 😊

#समाजभान