AJYCP Asom Jatiyotabadi Yuva Chatra Parishad. Naharkatia Anchalik Samiti.

17/04/2026

পশ্চিম বংগৰ গায়িকা মৰ্মিতা মিত্ৰই
অসমৰ বিভিন্ন সাংস্কৃতিক মঞ্চত জুবিন গাৰ্গৰ গীত সমূহ বেসুৰা ভাৱে পৰিবেশন কৰা পৰিলক্ষিত হৈছে। প্ৰাণৰ শিল্পী জুবিন গাৰ্গৰ গীত সমূহ এনেদৰে পৰিবেশন কৰা কাৰ্যই অসমীয়া মানুহৰ মনত আঘাত দিছে। কেৱল জুবিন গাৰ্গৰেই নহয় অসমৰ প্ৰখ্যাত শিল্পী সকলৰ গীত সমূহ কোনোবাই বিকৃতভাৱে পৰিৱেশন কৰিলে আমাৰ আপত্তি থাকিব। গতিকে আমি মৰ্মিতা মিত্ৰক জুবিন গাৰ্গৰ গীত সমূহ বিকৃতভাৱে পৰিৱেশন নকৰিবলৈ সকিয়াই দিলো।

15/04/2026

14/04/2026

অসম জাতীয়তাবাদী যুৱ -ছাত্ৰ পৰিষদ
নাহৰকটীয়া আঞ্চলিক সমিতিৰ তৰফৰপৰা সমূহ অসমবাসী ৰাইজলৈ
ৰঙালী বিহু আৰু অসমীয়া নৱবৰ্ষৰ আন্তৰিক শুভকামনা যাচিলোঁ ।

ব'হাগ মাথোঁ এটি ঋতু নহয়, নহয় ব'হাগ এটি মাহ, অসমীয়া জাতিৰ ই আয়ুসৰেখা ।আমাৰ জাতীয় জীৱনৰ হৃদস্পন্দনস্বৰূপ অসমীয়াৰ বাপতি সাহোন ৰঙালী বিহু আৰু আগন্তুক নৱবৰ্ষৰ শুভকামনা যাচিলোঁ । ঢোলৰ চাপৰ আৰু পেঁপা-গগণাৰ অমিয়া সুৰৰ মূৰ্চ্ছনাই সকলোৰে জীৱন জীপাল কৰি তোলক।
বহাগে জাতিটোক সাহস, উদ্যম, প্ৰেৰণা আৰু জাতীয় জীৱনক প্ৰাণৱন্ত কৰি তুলিব আন্তৰিকতাৰে আশা কৰিছোঁ।

08/04/2026

01/04/2026

অসম জাতীয়তাবাদী যুৱ-ছাত্ৰ পৰিষদ এটা সম্পূৰ্ণ অৰাজনৈতিক সংগঠন। অসম জাতীয়তাবাদী যুৱ-ছাত্ৰ পৰিষদে প্ৰত্যক্ষ সংসদীয় ৰাজনীতিৰ বাহিৰত অৱস্থান কৰি পৰিষদৰ নিজৰ মূল দাবী আৰু অসমৰ প্ৰতিটো মৌলিক সমস্যা সমাধানৰ কল্পে নিৰবিচ্ছিন্নভাৱে কাম কৰি আছে। সেয়ে হলেও ৰাজনৈতিকভাৱে যুৱ-ছাত্ৰ পৰিষদে জাতীয়তাবাদী মনোভাৱাপন্ন আঞ্চলিক ৰাজনৈতিক আদৰ্শৰ প্ৰতি সহমত পোষণ কৰে। "কা" গৃহীত কৰাৰ পিছত তীব্ৰ সংকটৰ গৰাহত থকা অসমৰ থলুৱা খিলঞ্জীয়া জাতি জনগোষ্ঠী সমূহৰ সকলো অধিকাৰ ৰাজনৈতিক ক্ষমতাৰ জৰিয়তে সুৰক্ষিত কৰাৰ স্বাৰ্থত গঠন কৰা অসম জাতীয় পৰিষদে দলটোৰ নেতা লুৰিণজ্যোতি গগৈৰ নেতৃত্বত দলৰ নীতি আদৰ্শত অবিচল থাকি আপোচহীন ভাৱে ৰাজনৈতিক যাত্ৰা অব্যাহত ৰাখিছে। অসম জাতীয়তাবাদী যুৱ-ছাত্ৰ পৰিষদ যিহেতু জাতীয়তাবাদী ভাৱধাৰাৰ আঞ্চলিকতাবাদী ৰাজনৈতিক আদৰ্শত বিশ্বাসী সেয়েহে সম্প্ৰতি এটা জাতীয়তাবাদী মনোভাৱাপন্ন আঞ্চলিক দলৰ নেতা হিচাপে লুৰিণজ্যোতি গগৈৰ প্ৰতি যুৱ-ছাত্ৰ পৰিষদৰ নৈতিক সমৰ্থন থকাটো স্বাভাৱিক।
আমি সমাগত অসম বিধান সভাৰ নিৰ্বাচনৰ বাবে লুৰিণজ্যোতি গগৈক শুভেচ্ছা জ্ঞাপন কৰিলোঁ লগতে তেখেতৰ ভবিষ্যত ৰাজনৈতিক জীৱনৰ উত্তৰোত্তৰ কামনা কৰিলোঁ।

31/03/2026

খুলুম্বায়
বড়ো সমাজৰ সৰ্বাঙ্গীণ উন্নয়ন আৰু অধিকাৰৰ বাবে অহোপুৰুষাৰ্থ অৱদান আগবঢ়োৱা বডোফা উপেন্দ্ৰ নাথ ব্ৰহ্ম ডাঙৰীয়া চিৰনমস্য ব্যক্তিত্ব ৷ আজি জন্মদিৱসত বডোফাক শ্ৰদ্ধাৰে স্মৰণ কৰিছোঁ। বড়ো সকলৰ সৱলীকৰণৰ বাবে অহোপুৰুষাৰ্থ কৰা বডোফাৰ সংগ্ৰামী ভূমিকাক অসমবাসীয়ে সদায়ে ৰোমন্থন কৰি আহিছে ।

27/03/2026

ত্যাগ আৰু প্ৰেমৰ প্ৰতীক সতীজয়মতী ৰ মহান ত্যাগক স্মৰণ কৰি প্ৰতিবছৰে ২৭ মাৰ্চত অসমত জয়মতীদিৱস পালন কৰা হয় । আজি স্মৃতি দিৱসত নাৰী শক্তিৰ অন্যতম নিদৰ্শন জয়মতী ক শ্ৰদ্ধাৰে সোঁৱৰিছো ।

19/03/2026