17/12/2025
खैरे कुणबी समाज सुधारक संस्थेच्या अमृतमहोत्सवी वर्षानिमित्त आयोजित वर वधू परिचय मेळावा व स्नेहमिलन सोहळा सुरेश भट सभागृहात पार पडला, या प्रसंगी उदघाटक म्हणून प्रगतीशील शेतकरी रवींद्र वैद्य व मेघाताई वैद्य उपस्थित होत्या, तर अध्यक्ष स्थानी माजी राज्यमंत्री अशोक भाऊ शिंदे होते, याप्रसंगी मुख्य अतिथी म्हणून माजी आमदार सुभाषजी धोटे, दक्षिण नागपूर चे लोकप्रिय आमदार मोहन भाऊ मते व वरोरा मतदार संघाचे आमदार करण भाऊ देवतळे होते, तर प्रमुख उपस्थिती म्हणून श्री विजयजी वाकुळकर, अनिल पाटील मशाखेत्री, प्रदीपजी वादाफळे, प्रेमभाऊ झाडे, बाल्याभाऊ बोरकर, प्रभाकरजी शिवणकर,संजयजी वाकडे, उषाताई थुटे, कलावतीताई वाकोडकर,रत्नमालाताई भोयर, शेवंताताई तेलंग,सुवर्णाताई मुंगाटे आदी मान्यवर उपस्थित होते.
या प्रसंगी संस्थेतर्फे प्रकाशित करण्यात आलेले सोयरीकालय मासिक व कॅलेंडर चे विमोचन मान्यवरांचा हस्ते करण्यात आले, त्याच प्रमाणे समाजातील महिलांनी सुरुवात केलेल्या गृहउद्योग प्रकल्पाचा शुभारंभ करण्यात आला,या प्रसंगी समाजातील विविध क्षेत्रातील प्रतिभावंत समाज बांधव व भगिनींचा समाज भूषण पुरस्कार देऊन गौरव करण्यात आला, या नंतर जेष्ठ सप्त खंजिरी वादक व समाज प्रबोधनकार आदरणीय भाऊ साहेब थुटे यांनी विवाह पूर्व समुपदेशन केले.
यानंतर उपवर व उपवधू यांनी परिचय दिला, सोबतच बायोडाटाचे पॉवर पॉईंट प्रेझेंटेशन करण्यात आले!!
या कार्यक्रमाला अभूतपूर्व अशी गर्दी झाली होती, सुरेश भट सभागृह हे विदर्भातील सर्वात मोठे सभागृह आहे व या प्रसंगी कार्यक्रम हाऊस फुल्ल होणे म्हणजेच कार्यक्रम यशस्वी झाला असे म्हणता येईल, या कार्यक्रमाचे विशेष म्हणजे या कार्यक्रमाचे उदघाटन एका प्रगतीशील शेतकरी दाम्पत्याच्या शुभ हस्ते करण्यात आले, तसेच आपल्या समाजाची जुनी शुक्रवारी येथील जागा खरेदी करताना १९६० साली स्व. रुखमाबाई देशमुख यांनी आपली ३० एकर शेती, नागपुरातील घर व गोठा समाजाला बक्षीस दिला होता त्यांच्या कुटुंबियांना या प्रसंगी सन्मानित करण्यात आले व जुन्या आठवणीना उजाळा देण्यात आला,तसेच शेवटी दक्षिण नागपूर चे लोकप्रिय आमदार ज्यांनी आपल्या समाज भवनाचे स्वप्न पूर्ण केले असे मोहन भाऊ मते यांनी या पूर्वी ५ कोटींचा निधी मिळवून दिला व आता आणखी ३ कोटींचा निधी देण्याची घोषणा केली व समस्त समाज बांधवांना सुखद धक्का दिला!!
या कार्यक्रमाला यशस्वी करण्याकरीता विविध तालुक्यातील व जिल्ह्यातील समाजाच्या विविध संघटना व टीम यांनी मोलाचे सहकार्य केले, सोबतच सगळ्या युवा कार्यकर्ते यांचा सुद्धा महत्व पूर्ण योगदान मिळाले, सोबतच संस्थेचे जेष्ठ मार्गदर्शक, माजी पदाधिकारी यांनी सुद्धा मदत मिळाली,या कार्यक्रमात जर काही उणीवा राहिल्या असतील तर आम्ही त्याबद्दल दिलगिरी व्यक्त करतो.वर्धा, यवतमाळ, भंडारा, अमरावती, गडचिरोली, चंद्रपूर व इतर जिल्ह्यातुन आलेले समाजबांधव, उपवर उपवधू, त्यांचे पालक यांचे प्रेम, आशीर्वाद, मार्गदर्शन व सूचना नेहमी मिळत राहो हिच सदिच्छा!!
संचालक मंडळाच्या वतीने
अध्यक्ष /सचिव
खैरे कुणबी समाज सुधारक संस्था, जुनी शुक्रवारी, नागपूर.
