21/04/2026
રાજ્ય પરીક્ષા બોર્ડ દ્વારા ડી.એલ.એડ (D.El.Ed.) દ્વિતીય વર્ષની નડિયાદ ખાતે પરીક્ષાનો આજથી પ્રારંભ
પ્રાથમિક શાળાઓ માટે શિક્ષકો તૈયાર કરતી ડી.એલ.એડ (D.El.Ed.)કોલેજમાં અભ્યાસ કરતા દ્વિતીય વર્ષના વિધાર્થીઓ માટેની વાર્ષિક પરીક્ષાનો ગુજરાતની સાથે ખેડા જિલ્લામાં પણ પ્રારંભ થયો છે.
નડિયાદ સ્થિત સરદાર વલ્લભભાઈ સ્ત્રી અધ્યાપન મંદિર ખાતે સંસ્થાના પ્રમુખ દિનશા પટેલ, મંત્રી ભગવતીબેન પંડ્યા, ડાયરેક્ટર નલીનભાઇ પંડ્યા આચાર્યા ડૉ. પ્રીતિબેન રાઠોડ તેમજ અધ્યાપકોએ તાલીમાર્થી દીકરીઓને પેન, પુષ્પ, મોં મીઠું કરાવી શુભેચ્છાઓ પાઠવી હતી.
આચાર્યા ડૉ.પ્રીતિબેન રાઠોડે જણાવ્યું હતું કે, રાજ્ય પરીક્ષા બોર્ડ ગાંધીનગર દ્વારા લેવાતી ભાવિ શિક્ષકો માટેની ડી.એલ.એડ (D.El.Ed.) દ્વિતીય વર્ષની પરીક્ષાનો આજથી પ્રારંભ થયો છેઆ વિધાર્થીઓ પી એમ પટેલ હાઈસ્કૂલ ડભાણ ખાતે પરીક્ષા આપી રહ્યા છે. દરેકને સંસ્થા પરિવાર તરફથી શુભેચ્છાઓ પાઠવી શાંત ચિત્તે પરીક્ષા આપવા માર્ગદર્શન આપયું છે.
