KGN Educational and Welfare Trust

07/10/2026

03/10/2026

ایکشن یا پرفیکشن؟

زندگی میں دو راستے ہوتے ہیں: پرفیکشن (Perfection) اور ایکشن (Action)۔

پرفیکشن کا انتظار کرنے والے اکثر منصوبے بناتے رہ جاتے ہیں، جبکہ ایکشن لینے والے محدود وسائل کے باوجود معاشرے میں مثبت تبدیلی پیدا کر دیتے ہیں۔

KGN Public School اور KGN Education Centre کی بنیاد بھی اسی سوچ پر رکھی گئی ہے۔ ہمارے پاس نہ بے شمار وسائل تھے، نہ شاندار عمارتیں، نہ ہر چیز کو کامل بنانے کی طاقت۔ اگر ہم صرف پرفیکشن کا انتظار کرتے رہتے تو آج تقریباً دو سے ڈھائی سو بچے معیاری، اخلاقی اور کم خرچ تعلیم سے محروم رہ جاتے۔

ہم نے فیصلہ کیا کہ کامل حالات کا انتظار کرنے کے بجائے خدمت کا آغاز کیا جائے۔ کیونکہ ہمارا یقین ہے کہ:

«"کامل آغاز سے زیادہ اہم، آغاز کرنا ہے۔"»

ہم آج بھی سیکھ رہے ہیں، بہتر ہو رہے ہیں اور ہر دن ترقی کی طرف بڑھ رہے ہیں۔ پرفیکشن ایک مسلسل سفر ہے، لیکن ایکشن وہ پہلا قدم ہے جو خوابوں کو حقیقت میں بدل دیتا ہے۔

اسی لیے KGN Public School اور KGN Education Centre کی پہچان یہ ہے کہ ہم نے ہمیشہ ایکشن کو ترجیح دی، خدمت کو مقصد بنایا، اور بہتری کے سفر کو جاری رکھا۔

— Dr. M. M. Rahman
Director, KGN Public School

13/09/2026

13/09/2026

خواجہ غریب نواز ایجوکیشن سینٹر فار قرآن اینڈ دینیات، رتوارہ چندن، مظفر پور

عرسِ حضرت تیغِ علی قادری فریدی آبادنی مجیبی رحمۃ اللہ علیہ اور قرآن کریم کے آغاز کی تقریب

الحمدللہ! آج کے جی این ایجوکیشن سینٹر فار قرآن اینڈ دینیات میں نہایت روحانی، ایمان افروز اور بابرکت تقریب منعقد ہوئی، جس میں حضرت تیغ علی قادری فریدی آبادنی مجیبی رحمۃ اللہ علیہ کا سالانہ عرس انتہائی عقیدت و احترام کے ساتھ منایا گیا۔

حضرت تیغ علی قادری فریدی آبادنی مجیبی رحمۃ اللہ علیہ، کے جی این ایجوکیشن سینٹر کے بانی و ڈائریکٹر ڈاکٹر مفتی محمد مجیب الرحمن علیمی کے والدِ گرامی مولوی عبدالرزاق قادری رحمۃ اللہ علیہ کے پیر و مرشد تھے۔ اسی نسبت سے آپ کی یاد کو تازہ کرتے ہوئے ان کی دینی، روحانی اور اصلاحی خدمات کو خراجِ عقیدت پیش کیا گیا اور ان کی تعلیمی و دعوتی خدمات کو یاد کرتے ہوئے ایصالِ ثواب کی دعا کی گئی۔

اس بابرکت محفل میں ڈاکٹر مفتی محمد مجیب الرحمن علیمی کے صاحبزادے محمد حبیب الرحمن اور صاحبزادی نفیسہ فاطمہ کو قرآن مجید کا آغاز کرایا گیا۔ حافظ محمد رضا سعیدی نے بچوں کو بسم اللہ پڑھا کر قرآن کریم ہاتھ میں دیا اور باقاعدہ قرآن کریم کی تعلیم کا آغاز کرایا۔ اس موقع پر والدین، اساتذہ اور طلبہ نے بچوں کے لیے دعائیں کیں اور ناشتے و شیرنی کا اہتمام کیا گیا۔

تقریب سے مولانا مفتی اختر علی سعیدی نے خصوصی خطاب کرتے ہوئے قرآن کریم کی عظمت، دینی تعلیم کی اہمیت، اولیائے کرام سے محبت اور ان کی تعلیمات پر عمل کی ضرورت کو نہایت مؤثر انداز میں بیان کیا۔ انہوں نے طلبہ و طالبات کو نصیحت کی کہ قرآن کریم کو اپنی زندگی کا دستور بنائیں اور بزرگوں سے مضبوط تعلق قائم رکھیں۔

بعد ازاں مولانا ممنون رضا سعیدی نے نہایت عقیدت کے ساتھ نعت و منقبت پیش کی، جس سے محفل کا روحانی ماحول مزید معطر ہوگیا۔

تقریب کے اختتام پر اجتماعی طور پر صلوٰۃ و سلام پیش کیا گیا اور حضرت تیغ علی قادری فریدی آبادنی مجیبی رحمۃ اللہ علیہ کے ایصالِ ثواب، امتِ مسلمہ کی فلاح، ادارے کی ترقی، طلبہ و طالبات کی دینی و دنیاوی کامیابی اور ملک و ملت کی سلامتی کے لیے خصوصی دعا کی گئی، اور طلبہ و طالبات میں شیرنی تقسیم کی گئ۔

اللہ تعالیٰ حضرت تیغ علی قادری رحمۃ اللہ علیہ کے درجات بلند فرمائے، ان کے فیوض و برکات کو جاری رکھے، اور ہمیں قرآن کریم، سنتِ نبوی ﷺ اور اولیائے کرام کی تعلیمات پر اخلاص کے ساتھ عمل کرنے کی توفیق عطا فرمائے۔ آمین۔

13/09/2026

Students of KGN Public School organized an awareness rally against drug abuse, marching through the school premises and neighboring localities with informative posters. Holding slogans and banners, the boys and girls educated the community on the harmful effects of addiction. Local residents appreciated the students' initiative, emphasizing the importance of such campaigns for a healthier and safer society.

10/09/2026

KGN Public School, Ratwara Chandan

10/09/2026

قرآنِ کریم کا آغاز، KGN Education Centre میں روحانی و تعلیمی محفل کا انعقاد

الحمدللہ! KGN Education Centre (For Quran & Diniyat) میں آج ایک بابرکت موقع پر دو طلبہ ارشد ابن نور محمد اور اجالے ابن اشرف (عمر تقریباً 8 تا 9 سال) نے قرآنِ کریم کا آغاز کیا۔

اس خوشی کے موقع پر دونوں بچوں کے والدین کی جانب سے طلبہ کے لیے شیرینی اور ناشتے کا اہتمام کیا گیا۔ اساتذۂ کرام نے بچوں کو قرآنِ پاک شروع کرایا اور قرآنِ کریم کی عظمت، دینی تعلیم کی اہمیت اور علم حاصل کرنے کی فضیلت پر روشنی ڈالی۔

محفل میں طلبہ کو تعلیم کے میدان میں محنت، لگن اور قرآن و دینیات سے وابستگی کے لیے ترغیبی کلمات بھی کہے گئے۔ آخر میں صلوٰۃ و سلام، فاتحہ خوانی اور خصوصی دعا کے ساتھ یہ بابرکت محفل اختتام پذیر ہوئی۔

KGN Education Centre قرآنِ کریم اور دینی تعلیم کے فروغ کے لیے اپنی کوششیں مسلسل جاری رکھے ہوئے ہے۔