शिव गजर प्रतिष्ठान हे फक्त ढोल पथक नसून महाराष्ट्राचा गौरवशाली इतिहास प्रत्येक मराठी माणसापर्यंत पोहोचविण्याचा प्रयत्न करणारी एक संस्था आहे.
महाराष्ट्राचा इतिहास म्हणजे फक्त छत्रपती शिवराय नसून स्वराज्यसंकल्पक शहाजी राजे, राजमाता जिजाऊ, रणधुरंधर शंभूराजे, स्वराज्यातील असंख्य मावळे, महाराष्ट्रातील गडकोट आणि तसेच आपला अफाट सह्याद्री ....
वेड लागल्याशिवाय इतिहास घडत नाही, वेडी माणसेच इतिहास घडवतात.
देव, देश आणि धर्मासाठी हातात प्राण घेणाऱ्या वेड्यांचा हाच गौरवशाली इतिहास जपण्याचा प्रयत्न करण्यासाठी शिव गजर प्रतिष्ठान ची स्थापना करण्यात आली आहे .
शिव गजर ढोल पथक हा आपल्या प्रतिष्ठान चा फक्त एक भाग असून आपल्या प्रतिष्ठान चा मूळ हेतू महाराष्ट्रीय संस्कृती जपणे, महाराष्ट्राचा गौरवशाली इतिहास प्रत्येकापर्यंत पोहोचविणे तसेच इतर समाजोपयोगी कार्यक्रम राबविणे हा आहे. त्याचप्रमाणे ढोल पथकाद्वारे जी काही मानधन स्वरुपात रक्कम मिळविली जाईल ती रक्कम वैयक्तिक कारणासाठी न वापरता त्याद्वारे इतर सामाजिक-सांस्कृतिक कार्यक्रम राबविण्यात येतील. याच उपक्रमासाठी तुम्हा सर्वांच्या मदतीची तसेच आशीर्वादांची गरज आहे ....
शिवराय यश देवो या कार्यात हीच इच्छा ....
ढोल ताशा म्हटला की अंगावर येतो शहारा , एक जोश , एक उन्माद, एक मस्ती , एक उल्हास आणि नसा नसातून
सळसळू लागते ती मराठी संस्कृती .
ह्याच संस्कृतीला जोपासण्यासाठी मालाड (मुंबई) मधील काही तरुणानी एकत्र येऊन मराठी संस्कृतीचे संवर्धन आणि ते करताना
आपल्या हातून काही समाजकार्य घडावे हीच सदिच्छा मनाशी बाळगून, शिव शंभूंच्या आशिर्वादाने ,
शिव गजर प्रतिष्ठान ची स्थापना केली .
पुण्याप्रमाणेच मुंबईतही ढोल ताशा परंपरा रुजावी ह्यासाठी शिव गजर नेहमीच तत्पर राहील .
जगभरातील सर्व ढोल ताशा वादक आणि शिव गजरचे चाहते ह्यांचे ह्या official page वर सहर्ष स्वागत आहे .
