23/05/2025
*एक मदतीचा हातभार माझाही अन् तुमचाही*
*युवा मंच चा वार्षिक उपक्रम - आदिवासी शाळांसाठी शैक्षणिक साहित्य वाटप*
युवा मंच (नोंदणी क्रमांक :एफ-७०५०३)
प्रती महोदय ,
मुंबई पासून अवघ्या काही किमी अंतरावर शैक्षणिक व दैनंदिन गरजांपासून वंचित असलेला फार मोठा विद्यार्थी वर्ग आहे. त्यांना आपल्या सारख्यांच्या मदतीची फार गरज आहे. गेली १९ वर्ष युवा मंच त्यांच्या शैक्षणिक, वैयक्तिक गरजा पूर्ण करण्याचा प्रयत्न करत आहे.
पहिल्या वर्षी ५० विद्यार्थ्यांची गरज पूर्ण करता आली होती हा मदतीचा आलेख दरवर्षी वरच होत आला आहे. आज पर्यंत जवळ जवळ दरवर्षी अंदाजे ३००० विद्यार्थ्यांपर्यंत युवा मंच ची मदत पोहचत होती म्हणजेच जर १८ वर्षांची सरासरी बघितली तर युवा मंच कडून आजपर्यंत ३५,००० विद्यार्थ्यांना शैक्षणिक साहित्य देण्यात आले आहेत व यापुढे ही हा मदतीचा आलेख असाच चढता राहो यासाठी आपल्या सारख्या सहृदय व सृजनशील नागरिकांची मदत व पाठिंबा अपेक्षित आहे.
दरवर्षी प्रमाणे ह्यावर्षी सुद्धा युवा मंच तर्फे आदिवासी आश्रम शाळेतील विद्यार्थ्यांसाठी प्रत्येक शाळेत जाऊन शैक्षणिक साहित्य पुरवण्याचा प्रयत्न करणार आहे व त्यासाठी *शैक्षणिक साहित्य मदत उपक्रम - २०२५* जून-जुलै २०२५ महिन्यामध्ये राबविण्यात येणार आहे. तारीख दुसऱ्या व तिसऱ्या आठवड्यातील असणार आहे.
ह्या उपक्रमाबाबत प्रत्येकाने आपापल्या परीने मदतीचा हात पुढे करून आपापल्या मित्रमंडळींनाही ह्यात सहभागी होण्याबाबत व सहकार्य करण्याचे आवाहन करावे.
आपला सक्रिय सहभाग अपेक्षित आहे.
युवा मंच मार्फत २०० पानी long वह्या, १०० पानी long वह्या, २०० पानी छोट्या वह्या, १०० पानी छोट्या वह्या, पाट्या, पाटी पेन्सिल, शिस पेन्सिल, पेन, Geometry box, Graph book, चित्रकला वही छोटी, चित्रकला वही मध्यम, चित्रकला वही मोठी, छोटी क्रेयॉन, मिडीयम क्रेयॉन, वॉटर कलर, पट्टी, खोड रबर, शार्पणर इत्यादी
वरील सर्व शालेय उपयोगी शैक्षणिक साहित्य सर्व विद्यार्थ्यांना वर्षभर पुरेल इतके वाटप केले जाते.
तुम्ही शैक्षणिक साहित्य सुद्धा युवा मंच कडे देऊ शकता किंवा इतर तेवढया गोष्टी घेण्यासाठी रक्कम सुद्धा देऊ शकता. कोणावरही कसलंही बंधन नाही, कोणी कितीही किंवा कोणतीही वस्तू देऊ शकता, एक वही चा खर्चसुद्धा महत्वाचा आहे.
अधिक माहितीसाठी संपर्क करावा.
सिद्धेश दाभोळकर ९८६७९१४१०५
