28/12/2025
🔴 जाहीर निवेदन 🔴
मराठा क्षत्रिय विद्यावर्धक मंडळ, मुंबई (मक्षवीमं)
108 वर्षांचा गौरवशाली वारसा, 108 वर्षांची सेवा, 108 वर्षांची साधना…
म्हणजेच आपली मक्षवी!
ही संस्था इमारत नाही,
ती संस्कारांची शाळा आहे.
ही संस्था व्यवहार नाही,
ती सेवेची उपासना आहे.
ही संस्था नाव नाही,
ती माता सरस्वतीची पूजा आहे!
वारकरी संप्रदायाच्या विचारांतून जन्मलेली,
संतांच्या शिकवणीतून घडलेली,
विठ्ठलाच्या कृपेने वाढलेली
आणि माऊलींच्या पसायदानावर चाललेली —
ही संस्था आजही प्रामाणिकपणा, सत्य आणि निर्भयतेने उभी आहे.
“जे खळांची व्यंकटी सांडो,
तया सत्कर्मी रती वाढो…”
ही केवळ ओवी नाही,
ही आमच्या जीवनाची दिशा आहे!
परंतु…
आज काही टवाळखोर, उचापती, स्वार्थी, लालची आणि विकृत प्रवृत्तींची टोळी
खोट्या माहितीच्या आधारे, व्हॉट्सॲपच्या अफवांच्या जोरावर,
संस्थेची बदनामी करण्याचा, बालिश आणि नीच प्रयत्न करीत आहे!
संस्थेचे साधे सभासदही नसलेले हे लोक,
ज्येष्ठ विश्वस्तांना दमदाटी करतात, 75–80 वर्षांच्या वयोवृद्धांशी धक्काबुक्की करतात,
शिवीगाळ करतात, दादागिरी करतात, आणि म्हणे समाज सुधारायला निघाले आहेत!
लाज वाटली पाहिजे!
कार्यक्रमात विघ्न, आनंदावर आघात, आणि असुरी समाधान —
हेच यांचे ध्येय!
आमचा स्पष्ट इशारा आहे —
🛑 संस्थेच्या प्रतिष्ठेशी खेळू नका.
🛑 संयमाचा अंत झाला तर उत्तर कठोर असेल.
🛑 खोट्या आरोपांना आता पुरावे द्यावेच लागतील!
भ्रष्टाचाराचे आरोप करणाऱ्यांना आम्ही विचारतो
➡️ तुम्ही संस्थेसाठी कधी, किती आणि काय दिले?
➡️ बांधकामात तुमचा वाटा किती?
➡️ आर्थिक, वस्तूरूप किंवा श्रमदान काय?
➡️ एक तरी पुरावा आहे का?
फक्त आरोप नव्हे, उत्तर द्या!
आज ही संस्था केवळ वास्तू नाही —
ती 100 हून अधिक कुटुंबांच्या उदरनिर्वाहाचा आधार आहे.
बँक, कर्मचारी, कॅटर्स, डेकोरेटर्स यांचे कामचारी—
सगळ्यांचे जीवन या व्यवस्थेवर चालते.
यावर हल्ला म्हणजे
समाजाच्या पोटावरच घाव!
संस्थेचे व्यवहार,
हिशोब, कर, ऑडिट, वेतन, सुरक्षा —
सर्व काही कायद्याने, नीटनेटके आणि पारदर्शक सुरू आहे.
याचा पुरावा म्हणजे सहाय्यक धर्मादाय आयुक्त यांनी
संस्थेचे दैनंदिन व्यवहार आमच्याकडेच दिले आहेत
पण अफवांच्या आधारे नव्हे!
ही संस्था कोणाची खासगी मक्तेदारी नाही.
ही आहे —
क्षत्रिय मराठा, आरमारी मराठा, गोमंतक क्षत्रिय मराठा,
गाबीत, दर्यावर्दी मराठा समाजाची सामूहिक धरोहर!
संस्थेची घटना आमचा धर्म आहे,
आणि त्यानुसारच आम्ही चालतो.
एक विचार, एक दिल, एक निष्ठा —
हीच आमची खरी ताकद आहे!
आम्ही समाजाला सांगतो —
🚫 या अफवांच्या नागोबांना दारात उभे करू नका.
🚫 खोट्या पोस्ट्सना बळी पडू नका.
🚫 समाजात तेढ निर्माण करणाऱ्यांना थारा देऊ नका.
आज संघटित होण्याची वेळ आहे.
पुढच्या पिढीसाठी
आता निर्भयपणे उभे राहण्याची वेळ आहे!
आमचा विश्वास अढळ आहे —
सदाचारी माणूस कधीही घाबरत नाही.
सत्याला तलवारीची गरज नसते,
ते स्वतःच तेजस्वी असते!
आणि म्हणूनच…
आम्ही आजही ठामपणे सांगतो —
👉 आम्ही इथेच आहोत.
👉 आम्ही काम करत आहोत.
👉 आणि करतच राहणार!
आणि शेवटी तुकोबांच्या शब्दात —
“भले तरी देऊ कासेची लंगोटी,
नाठाळांच्या माथी हाणू काठी!”
🚩 जय जय राम कृष्ण हरी! 🚩
🙏🏻🙏🏻
— विश्वस्त व कार्यकारी मंडळ
मराठा क्षत्रिय विद्यावर्धक मंडळ, मुंबई (मक्षवी)
