Vyakta Vha - व्यक्त व्हा

Vyakta Vha - व्यक्त व्हा Contact information, map and directions, contact form, opening hours, services, ratings, photos, videos and announcements from Vyakta Vha - व्यक्त व्हा, Charitable organisation, DADAR, Mumbai.

05/08/2026

शताब्दी पूर्ण केलेल्या शिवाजी पार्क येथील मुंबई महानगरपालिकेच्या क्रीडा भवनाची झालेली दुरवस्था – जबाबदार अधिकाऱ्यांवर कारवाई करून परिसर तात्काळ पूर्ववत करण्याबाबत.

मुंबई महानगरपालिकेच्या मालकीचे शिवाजी पार्कसमोरील ऐतिहासिक क्रीडा भवन (म्युनिसिपल जिमखाना) हे मुंबईच्या क्रीडा परंपरेचे एक महत्त्वाचे प्रतीक आहे. महानगरपालिकेनेच लावलेल्या माहिती फलकानुसार या वास्तूची स्थापना 26 एप्रिल 1926 रोजी झाली असून 26 एप्रिल 2026 रोजी या वास्तूने अभिमानाने शताब्दी वर्ष पूर्ण केले आहे.

एका बाजूला शताब्दी महोत्सवाचा गाजावाजा केला जातो आणि दुसऱ्या बाजूला त्याच वास्तूच्या परिसराची अक्षरशः कचराकुंडी करण्यात येते, ही बाब अत्यंत संतापजनक आणि मुंबईकरांचा अपमान करणारी आहे.

गेल्या काही दिवसांतील पावसानंतर शहरातील कोसळलेल्या झाडांचे बुंधे, फांद्या, लाकूड आणि इतर अवशेष या ऐतिहासिक क्रीडा भवनाच्या परिसरात मोठ्या प्रमाणावर टाकण्यात आले आहेत. संपूर्ण परिसर चिखलाने भरलेला असून दुर्गंधी, अस्वच्छता आणि निष्काळजीपणाचे चित्र पाहायला मिळत आहे. हा परिसर खेळाडू, ज्येष्ठ नागरिक, विद्यार्थी आणि नागरिकांसाठी असूनही त्याची अशी दुर्दशा का करण्यात आली आहे, याचे उत्तर मुंबई महानगरपालिकेने द्यावे.

प्रश्न असा आहे की – शंभर वर्षांचा इतिहास लाभलेल्या या वास्तूचा हा अपमान करण्याचा अधिकार कोणाला दिला?

जर झाडांचे अवशेष साठविण्यासाठी जागेची गरज होती, तर मुंबईत दुसरी कोणतीही जागा उपलब्ध नव्हती का? वारसा लाभलेल्या सार्वजनिक क्रीडा संकुलालाच डंपिंग यार्ड बनविण्याचा निर्णय कोणी घेतला? हा निर्णय कोणत्या अधिकाऱ्याच्या परवानगीने घेण्यात आला?

मुंबईकरांच्या कराच्या पैशातून उभारलेल्या आणि जपल्या जाणाऱ्या या ऐतिहासिक वास्तूची अशी दुर्दशा करणे हे केवळ प्रशासनाचे अपयश नसून वारसा जपण्यातील गंभीर निष्काळजीपणाचे उदाहरण आहे.

त्यामुळे आम्ही मुंबई महानगरपालिकेकडे पुढील मागण्या करीत आहोत:

क्रीडा भवन परिसरातील झाडांचे बुंधे, फांद्या आणि सर्व अवशेष तात्काळ हटविण्यात यावेत.

संपूर्ण परिसराची युद्धपातळीवर स्वच्छता करून तो पूर्ववत करण्यात यावा.

हा निर्णय घेणाऱ्या व देखरेखीत निष्काळजीपणा करणाऱ्या संबंधित अधिकाऱ्यांची चौकशी करून जबाबदारी निश्चित करण्यात यावी.

अशा ऐतिहासिक वास्तूंचा वापर भविष्यात कचरा किंवा अवशेष साठविण्यासाठी केला जाणार नाही, याबाबत स्पष्ट धोरण जाहीर करण्यात यावे.

या कार्यवाहीचा अहवाल सार्वजनिक करण्यात यावा.

मुंबई महानगरपालिकेने केवळ शताब्दीचे फलक लावून आपली जबाबदारी संपत नाही. त्या इतिहासाचा सन्मान प्रत्यक्ष कृतीतून दिसला पाहिजे. अन्यथा शताब्दी उत्सव हा केवळ दिखावा ठरेल आणि मुंबईकरांच्या भावनांची थट्टा ठरेल.

या गंभीर विषयाची तात्काळ दखल घेऊन त्वरित कार्यवाही करण्यात यावी. अन्यथा नागरिकांच्या वतीने लोकशाही मार्गाने पुढील पाठपुरावा करण्यात येईल, याची कृपया नोंद घ्यावी.

आपली विश्वासू,

नेहा भगत
सामाजिक कार्यकर्त्या

MyBmc MNS Adhikrut

आषाढी एकादशीच्या हार्दिक शुभेच्छा! 💐विठ्ठल-रुक्मिणीच्या कृपेने आपल्या जीवनात सुख, समाधान, उत्तम आरोग्य, समृद्धी आणि अखंड...
25/07/2026

आषाढी एकादशीच्या हार्दिक शुभेच्छा! 💐

विठ्ठल-रुक्मिणीच्या कृपेने आपल्या जीवनात सुख, समाधान, उत्तम आरोग्य, समृद्धी आणि अखंड आनंद नांदो. भक्ती, श्रद्धा आणि सेवाभावाची प्रेरणा प्रत्येकाच्या जीवनात सदैव जागृत राहो.

"पांडुरंगाच्या नामस्मरणाने मनाला शांती, जीवनाला दिशा आणि प्रत्येक पावलावर यश लाभो."

आपणास व आपल्या संपूर्ण परिवारास
आषाढी एकादशीच्या मंगलमय हार्दिक शुभेच्छा!
॥ विठ्ठल विठ्ठल जय हरी विठ्ठल ॥

07/04/2026

आज इन्स्टंटचा जमाना आहे… आपल्याला कुठलीही वस्तू किंवा सेवा घरपोच मिळाली की खूप आनंद होतो, आपला वेळ वाचतो असं वाटतं. पण जिथे याचा फायदा आहे, तिथेच त्याचा दुरुपयोग होण्याची शक्यताही तितकीच मोठी आहे… आणि कधी कधी हीच सोय आपल्यासाठी धोकादायक ठरू शकते.

अलीकडे शिवाजी पार्क येथे घडलेली घटना याचं जिवंत उदाहरण आहे. एका वरिष्ठ नागरिकांनी घरात मसाज सेवा बोलावली… पण त्याच व्यक्तीकडून लूटमार झाली.

मसाज करताना आपण पूर्ण रिलॅक्स असतो… कधी डोळे बंद, कधी झोप लागलेली. अशा वेळी आपण ज्या व्यक्तीला घरात बोलावतो, त्याची कोणतीही खात्री न करता सेवा घेणं किती धोकादायक ठरू शकतं, हे आपण लक्षात घ्यायला हवं.

👉 म्हणूनच, सर्व वरिष्ठ नागरिकांना एक विनंती:

अनोळखी व्यक्तींना घरी बोलवताना शंभर वेळा विचार करा
नेहमी verified agency मधूनच सेवा घ्या
शक्यतो एकटे असताना अशा सेवा टाळा
घरात CCTV असणं खूप गरजेचं आहे
आज जागरूक राहणं हीच खरी सुरक्षा आहे.

🙏 हा संदेश प्रत्येक घरापर्यंत पोहोचवा.

#सुरक्षिततापहिले #जागरूकनागरिक
#वरिष्ठनागरिकसुरक्षा #सावधरहा
#प्रत्येकथेंबमहत्त्वाचा #फसवणूकटाळा
#मुंबईसुरक्षा #जागरूकतामोहीम #सुरक्षितजीवन
#काळजीघ्या






04/04/2026

पाणी वाचवा, जीवन वाचवा — हे फक्त पोस्टरवरील शब्द नाहीत, तर प्रत्येकाच्या जबाबदारीची जाणीव आहे.

आपण अनेकदा “पाणी वाचवा” असे वाचतो, शेअर करतो… पण प्रत्यक्षात किती जण त्याकडे लक्ष देतात?
आपल्या आजूबाजूला, आपल्या स्वतःच्या सोसायटीमध्ये किती ठिकाणी पाणी विनाकारण वाहत असतं — टाक्या ओव्हरफ्लो होतात, पाईप लाईन गळते, नळ सतत टपटपत असतात… आणि आपण दुर्लक्ष करतो.

अलीकडेच एका सोसायटीमध्ये मागील ४–५ महिन्यांपासून पिण्याचं पाणी सतत वाहत होतं. कुणालाही याची कल्पना नव्हती. एक जागरूक व्यक्तीने ते पाहिलं आणि पुढे येऊन सांगितलं, तेव्हा हा मोठा प्रश्न समोर आला.
विचार करा — रोज काही तास वाहणारं पाणी म्हणजे हजारो लिटर पाणी वाया जाणं!

ही फक्त एका ठिकाणची गोष्ट नाही… अशी परिस्थिती अनेक ठिकाणी असू शकते.

👉 म्हणूनच प्रत्येकाने सतर्क राहणं खूप गरजेचं आहे:
• सोसायटीमधील टाक्या, नळ, पाईप लाईन नियमित तपासा
• कुठे पाणी वाहत असेल तर लगेच संबंधित व्यक्तींना कळवा
• वॉचमन, सेक्रेटरी, मेंबर्स — सगळ्यांनी जबाबदारी घ्या
• घरातही पाणी वापरताना काळजी घ्या — हात धुताना नळ उघडा ठेवू नका

लक्षात ठेवा — “फक्त २ सेकंद” वाटणारा वेळही दररोज लिटरच्या लिटर पाणी वाया घालवतो.

आज पाणी आहे म्हणून आपण त्याची किंमत करत नाही… पण उद्या पाण्याचा प्रत्येक थेंब मिळवण्यासाठी संघर्ष करावा लागू शकतो.
मे महिना जवळ येतोय, पाऊस किती पडेल याची शाश्वती नाही — त्यामुळे आत्तापासूनच पाण्याची बचत करणं अत्यावश्यक आहे.

आपण प्रत्येकाने फक्त २ मिनिटं काढून आपल्या आजूबाजूला लक्ष दिलं, तर मोठा बदल घडू शकतो.

चला, आजच ठरवूया —
पाणी वाचवणं ही सवय नाही, तर आपली जबाबदारी आहे.

💧 पाणी वाचवा — कारण पाणी म्हणजेच जीवन!

धन्यवाद वॉटर डिपार्टमेंट, बीएमसी-शैलेश कदम सर, अतुल सर आणि jain ट्रस्टीचे मेंटेनेन्स डिपार्टमेंटचे कपिल सावला सर.

आपल्या तत्पर कार्यवाहीमुळे पाण्याच्या समस्येवर जलद तोडगा निघाला.
आपल्या सहकार्याबद्दल मनःपूर्वक आभार! 💧

#पाणीवाचवा #पाणीम्हणजेजीवन




#पाणीसंकट #जबाबदारनागरिक #सतर्कराहा #पाणीअडवापाणीवाचवा #नळबंदठेवा #पाणीवाया_जाऊदेऊ_नका
#आजचीजाणीवउद्याचेसंरक्षण #पाण्यासाठीजागृती #पाणीहाचखराजीवनआहे #आपलीजबाबदारी #पर्यावरणसंरक्षण #पाणीम्हणजेजीवन
#प्रत्येकथेंबमहत्त्वाचा

जी उत्तर विभागातील सह-आयुक्तांच्या कार्यालयाबाहेर रोज अनेक नागरिक आपापल्या समस्या घेऊन येतात. परंतु सध्या कडक उन्हाळा अस...
12/03/2026

जी उत्तर विभागातील सह-आयुक्तांच्या कार्यालयाबाहेर रोज अनेक नागरिक आपापल्या समस्या घेऊन येतात. परंतु सध्या कडक उन्हाळा असल्यामुळे नागरिकांना बाहेरच्या कॉरिडॉरमध्येच बसून प्रतीक्षा करावी लागते.

या ठिकाणी ना पिण्याच्या पाण्याची व्यवस्था आहे, ना पंख्यांची सोय. एका बाजूला अधिकारी थंडगार कार्यालयात बसलेले असतात आणि दुसऱ्या बाजूला सामान्य नागरिकांना या उकाड्यात तासन्तास थांबावे लागते.

आपण सर्व नागरिक प्रामाणिकपणे टॅक्स भरतो, त्यामुळे किमान मूलभूत सुविधा मिळणे हा आपला अधिकार आहे.

माझी कळकळीची विनंती आहे की Brihanmumbai Municipal Corporation च्या संबंधित अधिकाऱ्यांनी तात्काळ लक्ष देऊन येथे
✔ पिण्याच्या पाण्याची व्यवस्था
✔ पंख्यांची सुविधा

लवकरात लवकर उपलब्ध करून द्यावी, जेणेकरून नागरिकांना या उष्णतेत त्रास सहन करावा लागणार नाही.

🙏 नागरिकांच्या सोयीसाठी कृपया तातडीने कार्यवाही करावी.








#मुंबई
#मुंबईकर #नागरिकांचा_आवाज
#सामान्य_नागरिक #मूलभूत_सुविधा
#नागरिकांची_मागणी

‘रंगांनी नाही, मनांनी माणसं जोडू या.या होळीला प्रेम, शांतता आणि मानवी मूल्यांचं रंगोत्सव साजरा करू या.’ ...
02/03/2026

‘रंगांनी नाही, मनांनी माणसं जोडू या.
या होळीला प्रेम, शांतता आणि मानवी मूल्यांचं रंगोत्सव साजरा करू या.’

27/02/2026

कुसुमाग्रज यांच्या जन्मदिनी आपण साजरा करतो मराठी दिन.
चला, आज एक मराठी पुस्तक वाचूया,
एक मराठी नाटक पाहूया,
आणि मराठी भाषेचा अभिमान जपूया.

मराठी दिनाच्या हार्दिक शुभेच्छा

Address

DADAR
Mumbai
400028

Website

Alerts

Be the first to know and let us send you an email when Vyakta Vha - व्यक्त व्हा posts news and promotions. Your email address will not be used for any other purpose, and you can unsubscribe at any time.

Shortcuts

Share

Category