12/07/2026
!! गड गणपती ! गड मारुती !!
किल्ले दातेगड (सुंदरगड), सातारा जिल्ह्यातील पाटण तालुक्यात आहे. या गडाच्या खंजीर दरवाजात (महादरवाजा) दगडात (कातळात) कोरलेल्या श्री हनुमान आणि श्री गणेशाच्या प्राचीन मूर्ती आहेत. पश्चिमेकडील महादरवाज्यातून आत प्रवेश केल्यानंतर सुमारे ६ फूट उंचीची गणेश मूर्ती पाहायला मिळते. या मूर्तीचे कान जास्वंदीच्या पाकळीसारखे आहेत आणि बाप्पांच्या पोटावर तसेच हाता-पायांवर नाग कोरलेले आहेत. या मूर्तीच्या सिंदूर लेपनामुळे ही गडावरील रक्षक देवता म्हणून पुजली जाते. याच मूर्तीवरून या गडाला पूर्वी 'दंतगिरी' असेही नाव होते. प्रवेशद्वाराजवळच श्री गणेशाच्या उजव्या बाजूला सुमारे १० फूट उंचीची भव्य व प्रभावशाली अशी हनुमानाची मूर्ती दगडात कोरलेली आहे. या गडाचे वैशिष्ट्य म्हणजे, सकाळी सूर्योदयाची पहिली किरणे गणपतीच्या मूर्तीवर पडतात, तर सूर्यास्ताची किरणे हनुमानाच्या मूर्तीवर पडतात.
