03/03/2026
एकदा तुझा चेहरा दिसण्या, जीव हा झुरत राहावा,
एका भेटीच्या आशेवरती, श्वास हा उरत राहावा..
स्वप्नांच्या त्या दुनियेत, तुलाच सतत शोधत राहावं,
तुझ्यावर प्रेम मात्र, मी अविरत करत राहावं..
तू असावीस सुखात नेहमी, हेच देवाकडे मागावं,
माझ्या मुक्या वेदनेला, तू कधीतरी जाणावं..
तुझ्या हसऱ्या आयुष्याला, लांबूनच बघत राहावं,
तुझ्यावर प्रेम मात्र, मी लपून छपून करत राहावं..
नशिबात नसलीस तू, तरीही माझी तक्रार नसावी,
माझ्या मनाच्या गाभाऱ्यात, फक्त तुझी मूर्ती असावी..
कधीतरी कळेल तुला म्हणून, वाट मी पाहत राहावं,
तुझ्यावर प्रेम मात्र, मी शेवट पर्यंत करत राहावं..
