07/11/2025
माणसातलं माणूसपण जपताना..
पुणे जिल्ह्यातील शिरूर तालुक्यात नुकतीच एक कटू घटना घडली. पिंपरखेड गावातील रोहन विलास बोंबे या १३ वर्षांच्या मुलाचा बिबट्याने केलेल्या हल्ल्यात मृत्यू झाला होता. आज पुणे दौऱ्यावर असताना उपमुख्यमंत्री मा.ना.श्री. एकनाथजी शिंदे साहेबांनी त्याच्या कुटुंबीयांची भेट घेऊन त्यांचे सांत्वन केले. मात्र, यावेळी केवळ शब्दांनीच आधार न देता शिंदे साहेबांनी बोंबे कुटुंबीयांना मायेनं जवळ घेतलं, आधार दिला. आपलं हक्काचं माणूस गेल्यावरचं काय दु:ख होतं हे एकनाथ शिंदे साहेब जाणून आहेत. यावेळी या प्रश्नावर कायमस्वरूपी तोडगा काढणार असल्याचंही त्यांनी उपस्थितांना सांगितलं. अखेर माणसातलं माणूसपण जपणारे ते नेते आहेत.
