14/03/2026
साहेब प्रतिष्ठान गोराई आयोजित व व्हि. एम. ज्वेलर्स प्रायोजित जागतिक महिला दिन सोहळा २०२६ 🌸
प्रतिवर्षीप्रमाणे यंदाही साहेब प्रतिष्ठान गोराई या संस्थेच्या वतीने रविवार दिनांक ८ मार्च रोजी जागतिक महिला दिनाचे औचित्य साधून “सखी आनंद मेळावा” आयोजित करण्यात आला होता. कार्यक्रमाच्या सुरुवातीस सौ बंगेरा यांनी महिलांचे विविध खेळ घेतले. सौ आरती बनसोडे यांचे विविध विषयावर प्रबोधनात्मक मार्गदर्शन झाले. डॉ सरिता जोशी यांनी देखील अवयवदान या विषयावर प्रबोधन केले. मान्यवरांच्या हस्ते महिलांच्या उत्थानासाठी कार्यरत असणाऱ्या सौ संचिता चव्हाण, सौ अनिता शिवाजी शेलार व सौ दीप्ती दिलीप देसाई या ३ महिलांचा मानपत्र, शाल, श्रीफळ, तुळशीचे रोप आणि मुसळूनकर ज्वेलर्स यांच्याकडून चांदीची वस्तू देऊन सन्मान करण्यात आला. तसेच विविध क्षेत्रात उल्लेखनीय कामगिरी केलेल्या कु वैष्णवी शिंगटे, कु संस्कृती भंडारी यांचा देखील सन्मानचिन्ह व तुळशीचे रोप देऊन सत्कार करण्यात आला.
कार्यक्रमास प्रमुख अतिथी नात्याने मुसळूनकर ज्वेलर्सच्या सौ भक्ती मुसळूनकर, नायब तहसीलदर सौ अनुराधा माने, राष्ट्रीय कीर्तनकार सौ प्रवेशा भोईर, उद्योजिका सौ संगीता शिंगटे, शिवसेना विभाग क्रमांक १ च्या महीला विभाग संघटक सौ शुभदा शिंदे, समन्वयक सौ सुजाता शिंगाडे, शाखा १७ च्या शाखा संघटक कु स्वाती बोरकर उपस्थित होत्या. तसेच सुविद्यालयच्या माजी मुख्याध्यापिका स्मिता अभ्यंकर, शिव आरोग्य सेनेच्या डॉ सौ हिमांगी राऊत, डॉ अश्विनी पाटील, शिवसेना शाखा ९ च्या महिला शाखा समन्वयक सौ विनया भोगले, शाखा १८ च्या सौ अनिता कुपेकर, शाखा १८ च्या माजी शाखा संघटक सौ श्रुती परब, महिला उपविभाग समन्वयक सौ पूजा घोलप, व्यवसाय समुपदेशक अपर्णा घिके तसेच विभागातील साधारण ३००-३५० महिला उपस्थित होत्या.
कार्यक्रम प्रसंगी उपस्थित सर्व महिलांना अल्पोपहार व आठवण भेट म्हणून साड्या देण्यात आल्या. कार्यक्रमाचे सूत्र संचालन कु अंकिता चव्हाण, प्रास्ताविक सौ प्रियांका साळगावकर आठवले, अतिथी परीचय सौ संगीता नलावडे, समारोप प्रसंगी पसायदान सौ मधुरा घोरपडे यांनी केले.
कार्यक्रमाचे प्रायोजकत्व १९४९ पासून सराफउद्योगात अग्रगण्य व सध्या विलेपार्ले येथे कार्यरत असलेले आणि नविन दुकान अर्थात शाखा बोरीवली मध्ये सुरु करत असलेले मेसर्स व्ही एम मुसळूनकर ज्वेलर्स यांनी भूषविले.
कार्यक्रम यशस्वी होण्यासाठी मुंबई महानगर पालिका आर मध्य विभाग, बोरीवली पोलीस ठाणे, अखिल गोराई सार्वजनिक उत्सव समिती, विभागीय सहकारी गृहनिर्माण संस्था तसेच विभागातील रहिवाशी आणि प्रतिष्ठानचे समस्त महिला पुरुष सदस्य यांचे विशेष सहकार्य लाभले.
