07/06/2026
मराठी एकीकरण समिती आयोजित शिवराज्याभिषेक दिन व ११ व्या वर्धापन दिन सोहळा संपन्न
मुंबई, दि. ७ जून — मराठी एकीकरण समितीच्या वतीने दरवर्षीप्रमाणे यंदाही #शिवराज्याभिषेक दिनानिमित्त एक भव्य कार्यक्रम छत्रपती शिवाजी महाराज पार्क, छत्रपती शिवाजी महाराजांचे स्मारक, दादर पश्चिम, मुंबई येथे शनिवार, दि. ६ जून रोजी सकाळी ९ वाजता आयोजित करण्यात आला होता.
मराठी एकीकरण समितीचा वर्धापन दिन हा दरवर्षी याच पवित्र स्थळी, शिवराज्याभिषेक दिनाच्या निमित्तानेच साजरा केला जातो, ही समितीची वर्षानुवर्षांची परंपरा आहे. यंदा समितीने आपला ११ वा वर्धापन दिन शिवराज्याभिषेक सोहळ्यासोबत एकत्रितपणे मोठ्या उत्साहात साजरा केला.
समितीचे अध्यक्ष मा. गोवर्धन देशमुख यांच्या प्रेरणादायी नेतृत्वाखाली व मार्गदर्शनाखाली हा सोहळा संपन्न झाला. कार्यक्रमास समितीचे पदाधिकारी, निष्ठावान शिलेदार तसेच मराठी बांधव उपस्थित होते.
छत्रपती शिवाजी महाराजांच्या राज्याभिषेकाच्या या पवित्र दिनी सर्व उपस्थितांनी महाराजांच्या स्मृतीस अभिवादन करून मराठी अस्मिता व एकतेचा संकल्प दृढ केला.
जय महाराष्ट्र! जय शिवराय!
