14/07/2026
मराठी एकीकरण समिती वसई विरार शहर
मराठी शिलेदार बैठक मोठ्या उत्साहात पार पडली..
अध्यक्ष गोवर्धन देशमुख, उपाध्यक्ष प्रमोद पार्टे यांच्यासह वसई विरार शहर अध्यक्ष सागर पाटील संघटक निनाद सावंत, सुरज चव्हाण यांचे मार्गदर्शन बैठकीस लाभले.
वसई विरार शहरातील सर्व मराठी शिलेदारांना पुढील कार्यासाठी शुभेच्छा दिल्या. महाराष्ट्रावर होत असलेले परकीय आक्रमण त्यातल्या त्यात वसई विरार शहर हातातून निसटून जातेय यासाठी मराठी एकजूट गरजेची आहे, संघटन वाढवून मराठी भूमी परकीय शक्तींपासून आणि परकीय संस्कृतीपासून वाचवली पाहिजे असे मत अध्यक्ष देशमुख यांनी व्यक्त केले. प्रसन्न जंगम, विक्रम डांगे, विवेक सरवणकर, अमित तावडे, हेमंत गुरव, उमेश राऊळ यांनी शहरातील मुख्य समस्या आणि अडचणी मांडल्या, अनेक शिलेदारांनी विविध विषयांवर आपल्या समस्या मांडून त्यावर मार्गदर्शन घेतले, एकजुटीने संघटन वाढविण्यासाठी कार्यक्रम आखणे आणि विविध आंदोलने मोर्चे आणि मोहिमा राबवून समिती मार्फत मराठी अस्मितेचे कार्य आणखीन ताकदीने वसई विरार शहरात घडावे अशी ग्वाही सर्व शिलेदारांनी व्यक्त केली.
शहरात मराठी भाषा भवन उभारणीवर सर्वांचे एकमत झाले असून त्यासाठी पाठपुरावा करणे आणि समितीच्या मराठी अस्मितेसाठी शासनाकडून शासकीय दालन मिळविणे यावर महापौर व आयुक्तांची लवकरच भेट घेणे याचा ठराव मंजूर केला गेला.
#मराठीएकीकरणसमिती
