24/08/2026
🚨 सफाळे पोलिसांची मोठी कामगिरी: घरफोडीचा गुन्हा उघडकीस आणून आरोपीला केले जेरबंद; ५२,८०० रुपयांचा मुद्देमाल हस्तगत! 🚨
पालघर: सफाळे येथील ‘देवभूमी कॉम्प्लेक्स’मधील एका हेल्थ न्यूट्रिशन सेंटरचे शटर उचकटून आत प्रवेश करत ५२ इंची टीव्ही व रोकड मिळून तब्बल ५२,८०० रुपयांचा मुद्देमाल लांबवणाऱ्या अज्ञाताचा सफाळे पोलीस ठाण्याच्या पथकाने कसून शोध घेतला आहे. या प्रकरणी आरोपी राजू बबलू मिश्रा (वय २२ वर्षे, रा. भोईरपाडा, सफाळे) याला निष्पन्न करून अटक करण्यात आली असून त्याच्याकडून चोरीस गेलेला संपूर्ण मुद्देमाल हस्तगत करण्यात आला आहे.
📌 घटनेचा सविस्तर तपशील:
#घटनेची_वेळ: दिनांक २२/०८/२०२६ रोजी रात्री ०८:१५ वा. ते दिनांक २३/०८/२०२६ रोजी पहाटे ०५:३० वा. च्या दरम्यान.
#घटनास्थळ: देवभूमी कॉम्प्लेक्स, सफाळे येथील हेल्थ न्यूट्रिशन सेंटर.
#चोरीस_गेलेला_मुद्देमाल: ऑनलाईन क्लासेससाठी वापरण्यात येणारा TCL कंपनीचा ५२ इंची LCD TV (किंमत ₹४८,०००/-) आणि रोख रक्कम ₹४,८००/-, असा एकूण ₹५२,८००/- चा मुद्देमाल.
#तक्रारदार: विजय बाबू पवार (वय ३३ वर्षे, न्यूट्रिशन क्लब व्यावसायिक).
#दाखल_गुन्हा: सफाळे पोलीस ठाणे येथे भारतीय न्याय संहिता २०२३ चे कलम ३३१(४), ३०५ अन्वये गुन्हा नोंद.
🔍 तपासातील कामगिरी:
गुन्ह्याची गांभीर्य लक्षात घेऊन सफाळे पोलीस ठाण्याच्या पथकाने घटनास्थळाची पाहणी केली. तांत्रिक विश्लेषण आणि गोपनीय माहितीच्या आधारे कौशल्याने तपास करत आरोपी राजू बबलू मिश्रा याला ताब्यात घेतले. कसून चौकशी केली असता त्यानेच हा गुन्हा केल्याचे निष्पन्न झाले. पोलिसांच्या या तत्परतेमुळे संपूर्ण मुद्देमाल जप्त करण्यात यश आले असून पुढील तपास पोलीस हवालदार / ८५० का्हाणी करत आहेत.
👮♂️ ही यशस्वी कारवाई मार्गदर्शनाखाली पार पडली:
ही कारवाई श्री. यतीश देशमुख (पोलीस अधीक्षक, पालघर), श्री. विनायक नरळे (अपर पोलीस अधीक्षक, पालघर), श्री. उमेश गवळी (उपविभागीय पोलीस अधिकारी, पालघर) यांच्या मार्गदर्शनाखाली सपोनि/दत्ता शेळके (प्रभारी अधिकारी, सफाळे पोलीस ठाणे), पोउपनि दीपविजय भवर, ज्ञानेश्वर सावंत, तसेच पोलीस अंमलदार कल्पेश किणी, शिवाजी चिमकर, भावेश देशमुख आणि रामदास ठाणगे यांच्या पथकाने यशस्वीरीत्या पूर्ण केली.
official
