21/08/2026
आज लोणेरे येथील इंजीनियरिंग युनिव्हर्सिटी मध्ये दोनशे विद्यार्थ्यांना भेटलो, या सर्व मराठी तरुणांना नोकरी नाही उद्योग केला पाहिजे असं वाटत होतं ,
होय मराठी मानसिकता हळूहळू बदलते आहे
मात्र यातील खूप कमी तरुणांना आपण कुठला उद्योग करायचा हे माहीत होतं , बाकी सर्वांना उद्योग करायचा आहे पण कुठला हे माहीत नव्हतं या पुढील काळात आपल्याला अगदी सातवी आठवी मध्येच ठरवावे लागेल आपल्याला काय आवडतं आणि आपण आयुष्यामध्ये कोणता उद्योग करायचा आणि शिक्षणाबरोबर याचा अभ्यास आपण सेकंडरी किंवा प्राथमिक एज्युकेशन पासूनच सुरू केला पाहिजे जो शाळेत असताना फटाके विकतो, छत्री विकतो , असा मुलगा तुम्हाला माहित असेल तर भविष्यात तो नक्की व्यावसायिक किंवा उद्योजक बनेल याची खात्री बाळगायला हरकत नाही
आपल्याला जो उद्योग आवडतो जो विषय आवडतो जे आपलं पॅशन आहे तो आपण व्यवसायाचा विषय केला तर यशस्वी होण्यापासून आपल्याला कोणीही थांबू शकणार नाही. मात्र जो उद्योग आपल्याला करायचा आहे या उद्योगात आपण दोन-चार वर्ष काम केलं पाहिजे, त्या उद्योगाचा सर्वांगाने अभ्यास केला पाहिजे आणि मग इतकं भांडवल आपल्याकडे आहे किंवा अगदी शून्य भांडवल आहे तरीही आपण हा उद्योग सुरू करू शकतो , अगदी भांडवल नसेल तर मार्केटिंग आणि सेल्स मधून आपण काम करू शकतो हळूहळू स्वतःचा उद्योग सुरू करण्याचा आत्मविश्वास आपोआप आपल्याला येतो त्या विषयात काम करणारे अन्य उद्योजक तुमच्याकडे भांडवल नसेल पण तुमच्याकडे टॅलेंट असेल काम करण्याची तयारी असेल तर तुम्हाला छोटी मोठी पार्टनरशिप देऊन काम सुरू करतील कारण प्रत्येकाला चांगला माणूस ज्याच्याकडे एंटरप्रेनरशिप क्षमता आहे तो हवा असतो
त्यामुळे तुमच्याकडे पैसे नाहीत उद्योजक म्हणून तुमच्या घरामध्ये कोणतीही बॅकग्राऊंड नाही , तुम्हाला अगदी तुमच्या आई-वडिलांपासून उद्योग करायला कोणीही सपोर्ट करणार नाही, अशी खूप प्रतिकूल परिस्थिती असेल तर ज्याला व्यवसायिक किंवा उद्योजक व्हायचे आहे त्याला कोणीही थांबू शकत नाही मात्र या पुढच्या काळात मराठी मुलांनी केवळ नोकऱ्यांच्या मागे न लागता गुजराती मारवाडी पंजाबी सिंधी व्यावसायिक कम्युनिटीप्रमाणे आपण सुद्धा उद्योगी कम्युनिटी व्हायला पाहिजे उद्योजक व्हायला पाहिजे असा ध्यास धरायला हवा ,
जय शिवराय
आज उद्योजक दिनानिमित्त एक मंथन
संजय यादवराव
शिवस्वराज्य मराठी उद्योजकता चळवळ
ग्लोबल कोकण
