Aabha Parivartanvadi Sanstha

आभा परिवर्तनवादी संस्था ही परिवर्तनवादी विचार करणाऱ्या संवेदनशील तरुणांची संस्था आहे. 2013 पासुन आजतागायत संस्थेने विविध क्षेत्रात सामाजिक योगदान दिले आहे. जस जसे वर्ष सरत गेली तस तसे आभाने कार्यक्षेत्र अधिक निश्चित करण्यास सुरुवात केली.

सध्या संस्था 5 महत्वाचे उपक्रम राबवितेते खलील प्रमाणे आहेत.
1. खारीचा वाटा : या उपक्रमाच्या माध्यमातून रायगड आणि रत्नागिरी जिल्ह्यातील पोलादपूर, खेड आणि महाड ता

लुक्यातील शाळांमधील गरजु आणि होतकरू विद्यार्थ्यांना शालेय वस्तूंचे वाटप केले जाते. सोबत वर्षभर विविध विषयांवर मार्गदर्शन सत्र आयोजित केले जातात. मागील 2017,18,19, 21 आणि 22 या वर्षांत 2455 विद्यार्थ्यांना मदत पोहचवण्यात संस्था यशस्वी झाली आहे.

2. जागर संविधानाचा : या उपक्रमांत मागील 7 वर्षांपासून ते आजतागायत मुंबई, ठाणे, रायगड आणि रत्नागिरी जिल्ह्यातील 50 पेक्षा जास्त शाळांमधुन स्पर्धांच्या माध्यमातून संविधानाचा प्रचार प्रसार आणि जागृती करण्याचे काम केले जाते. आता पर्यंत 7500 पेक्षा जास्त विद्यार्थ्यांनी यात सहभाग घेतला आहे.

3. Project Lantern : या उपक्रमाच्या माध्यमातून अंध विद्यार्थ्यांच्या परीक्षांचे पेपर लिहिण्यासाठी लेखक (scribe) पुरवण्याचे काम संस्था करीत आहे. मागील मार्च 2019 पासून आतापर्यंत 483 पेक्षा जास्त अंध विद्यार्थीना याचा लाभ झाला आहे.

4. संकल्प अवयवदानाचा : आपल्या देशातील अवयवदानाची गरज लक्षात घेता; यावर प्रबोधन होणे गरजेचे आहे. तरी संस्था शासनाच्या ROTTO आणि SOTTO या संस्थांच्या मार्गदर्शनाखाली अवयवदाना बद्दल मार्गदर्शन करीत असते सोबत नोंदणीचे फॉर्म भरून घेत असते. आतापर्यंत 112 जागरूक नागरिकांनी संस्थेमार्फत यासाठी नोंदणी केली आहे.

5. Covid-19 Pandemic : कोविड महामारीच्या काळात सर्व समाजघटकांना नानाप्रकारच्या समस्यांना सामोरेजावे लागले; यात हातावरचे पोट असणाऱ्यालोकांचे प्रचंड हाल झाले. या भयंकर काळात आभा शक्य तितक्या लोकांच्या पाठीशी खंबीरपणे उभी राहिली. आभाच्या माध्यमातून या कालखंडात २५० पेक्षा जास्त कुटुंबांना आणि १०० तृतीयपंथींना महिना - दोन महिने पुरतील अश्या जीवनावश्यक वस्तूंचे किट उपलब्ध करून दिले. पहिल्या lockdown च्या काळात वस्तूंचा प्रचंड तुटवडा झाला होता. त्या काळात १००० पेक्षा जास्त सॅनिटरी पॅड्सचे वाटप वरळी परिसरात करण्यात आले. वरळी प्रभादेवी दादर या परिसरातील फुटपाथ वर राहणाऱ्या लोकांना सलग ५१ दिवस दुपारचे पोटभर जेवण उपलब्ध करून दिले. या उपक्रमात ९८५० लोकांना दुपारचे जेवण उपलब्ध करून देण्यात आले. (या उपक्रमाचे जेवण खाना चाहिये या संस्थेच्या माध्यमातून मिळत होते.)

6. पर्यावरण गणपती : हा उपक्रम पर्यावरण पूरक गणेशोत्सव साजरा करण्यास लोकांना प्रोत्साहित करीत असतो. या उपक्रमांतर्गत 150 जास्त भाविकांनी पर्यावरण पूरक गणपतीचा पुरस्कार केला आहे.

सोबतच संस्था कालानुरूप येणारी कामे नेहमीच करीत असते.जसे की कोल्हापूर सांगली पूरग्रस्तांना मदत, दर आठवड्याला बीच क्लीन अप ची मोहीम, कोविडमुळे झालेल्या lockdown मध्ये गरीब कुटुंबाना जीवनावश्यक वस्तूंचे वाटप आणि महिलांना सॅनिटरी नॅपकिन्स चे वाटप अशी महत्वाची आणि गरजेची कामे सातत्याने चालु असतात.

आगामी काळात ग्रामीण भागातील कार्यक्षेत्रात विद्यार्थ्यांसाठी पूर्णवेळ मार्गदर्शन केंद्र उभारण्याचा संस्थेचा मानस आहे. ज्यात शैक्षणिक सोबत विविध स्वयंरोजगाराचे इत्यंभूत मार्गदर्शन आणि प्रशिक्षण दिले जाईल. सोबत जगार संविधानाचा आणि संकल्प अवयावदानाचा या उपक्रमांचा जास्तीत जास्त प्रचार आणि प्रसार करण्यासाठी विविध प्रकारच्या स्पर्धा, ऑनलाईन माध्यमातून प्रबोधन सोबत कार्यक्रम आयोजित करण्यावर भर असेल. पुढील काळात Project Lantern या उपक्रमाचा आवाका वाढविण्यावर भर असेल. सोबत कालानुरूप येणारी इतर कामे सुद्धा संस्था करीत राहील.