07/01/2025
കോഴിക്കോട് നെഹ്റു യുവ കേന്ദ്രയുടേയും മാവൂർ ഫെയ്മസ് ക്ലബ്ബിന്റെയും സംയുക്ത ആഭിമുഖ്യത്തിൽ കുന്നമംഗലം ബ്ലോക്ക് തല കായിക മത്സരങ്ങൾ സംഘടിപ്പിച്ചു.
വോളിബോൾ മത്സരത്തിൽ ടാസ്ക് തെങ്ങിലക്കടവ് ചാമ്പ്യന്മാരായി. ആർ.സി. എസ് കോട്ടൂൽതാഴമാണ് റണ്ണറപ്പ്.
ഫുട്ബോളിൽ ഡയമണ്ട് മാവൂർ ജേതാക്കളായി. ഭാവന ചെത്തുകടവാണ് റണ്ണറപ്പായത്. വനിതാ വിഭാഗം ബാഡ്മിൻറണിൽ ഷിൻജൽ അലോഷ്യസാണ് ജേതാവ്. അത് ലറ്റിക്സിൽ ആർ. കെ അനന്തു വ്യക്തിഗത ചാമ്പ്യനായി. മത്സരങ്ങൾ നെഹ്റു യുവകേന്ദ്ര ജില്ലാ യൂത്ത് കോ-ഓഡിനേറ്റർ സി. സനൂപ് ഉത്ഘാടനം ചെയ്തു.
വിജയികൾക്ക് വാർഡ് മെമ്പർ ശ്രീജാ ആറ്റാഞ്ചേരി മേത്തൽ സമ്മാനങ്ങൾ വിതരണം ചെയ്തു.
ഫെയ്മസ് ക്ലബ് പ്രസിഡണ്ട് സി. ഹംനാസ് അധ്യക്ഷത വഹിച്ചു. എം.പി മുഹമ്മദാലി, പി.ടി റസൽ ഇബ്രാഹിം, സി.കെ അലീഫ് അഹമ്മദ്, സാമി എൻ വി, എൻ സ്വരാഗ്, അക്മൽ മുഹമ്മദ് എന്നിവർ പ്രസംഗിച്ചു. സി.കെ അഷറഫ് സ്വാഗതവും നസൽ സലാം നന്ദിയും പറഞ്ഞു.
