01/03/2026
🔴 ಆಸ್ತಲಿ ಊಂಚಿ; ಮಾರ್ಚಾಚಿ ಮಾಂಚಿ 🔴
✨*ರೊಬಿನ್ ಸಿಕ್ವೇರಾ ಲೈವ್*✨
01.03.2026 | 6.30 ವೊರಾರ್ | ಕಲಾಂಗಣ್, ಮಂಗ್ಳುರ್
ತಿಂ ತರ್ನಿಂ ಭುರ್ಗಿಂ. ತಿಂ ಸಂಗೀತಾಂತ್ ಹಾತ್ ಭೊಂವ್ಡಾಯ್ತಾತ್ ಆನಿ ಗಾಯಾನಾಂತ್ ತಾಳೊ ದಿತಾತ್. ಶಾಳೆಚಿ ನಿಮಾಣಿ ಪರಿಕ್ಷಾ ಮಾತ್ಯಾರ್ ಬಸ್ಲ್ಯಾ ತರೀ, ಬರ್ಯಾಂತ್ಲೆಂ ಬರೆಂ ದೀಜೆ ಮ್ಹಣ್ ಸದಾಂ ರಿಯಾಜ್ ಕರ್ತಾತ್. ಸದಾಂ ಮ್ಹಳ್ಳೆಪರಿಂ ಸಂಗೀತಾಚೊ ಅಭ್ಯಾಸ್ ಕರ್ತಾತ್. ಆನ್ಸೆಲ್ ಡಿಕೋಸ್ತಾ, ಡ್ಯೂಕ್ ರೊಡ್ರಿಗಸ್, ಈವಾ ಪಿರೇರಾ, ಜೇಡನ್ ಪಿಂಟೊ, ಕೇಟ್ ಪಿರೇರಾ, ರೇ ಕ್ಲಿಯೊನ್ ಸಿಕ್ವೇರಾ, ಲೂಕ್ ಡಿಸೋಜ, ರಿಯೊನ್ ಪಿಂಟೊ, ಶಾನ್ ದೇವಾಡಿಗ, ಶೊನ್ ಡಿಸೋಜ ಮಾಂಚಿಯೆರ್ ಧಲ್ತಲೆ ಆನಿ ತುಮ್ಚಿಂ ಮನಾಂ ವ್ಹಯ್ ಕರ್ತಲೆ.
ಹಿಂ ಹೆಳ್ಳಲಿ ಗಾವ್ಪಿ ನಕ್ತಿರಾಂ. ಕೊಂಕ್ಣಿ ಸಂಗೀತ್ ಸಂಸಾರಾಂತ್ ಎದೊಳ್ಚ್ ತಾಣಿಂ ಆಪಾಪ್ಲೆಂ ಕಂತ್ರೆಲ್ ಆಸಾ ಕೆಲಾಂ. ತಾಂಕಾಂ ಅಭ್ಯಾಸ್ ಗರ್ಜ್ ನಾ ತರೀ, ಹ್ಯಾ ಭುರ್ಗ್ಯಾಂಚ್ಯೆ ಹುಮೆದಿ ಮುಖಾರ್ ತಿಂಯ್ ಸುಡ್ಸುಡಿತ್ ಜಾತಾತ್. ಝೀನಾ ಪಿರೇರಾ, ಪ್ರಕಾಶ್ ಡಿಸೋಜ, ಕ್ಯಾರಲ್ ಸಿಕ್ವೇರಾ, ಮೀರಾ ಕ್ರಾಸ್ತಾ ಹಿಂ ನಾಂವಾಂಚ್ ಕಾರ್ಯಾಚಿ ವ್ಹಡ್ವಿಕ್ ಉಲಯ್ತಾತ್.
ಆನಿ ಹೆ ಸಂಗೀತ್ ಗಾರ್, ಏಕ್ ಮೇಟ್ ಮುಖಾರ್. ಎದೊಳ್ ಆಯ್ಕಲ್ಲ್ಯಾ ಪದಾಂಕ್ ನವ್ಯಾಚ್ ಸುರಾಯೆರ್ ಆನಿ ಸುರ್ಪಾಯೆರ್ ಸೊಭೊಂವ್ಕ್ ಚಿಂತ್ನಾ ಆಟಯ್ತಾತ್. ಡೆರಿಕ್ ಡಿಸೋಜ, ಐವನ್ ಪಿರೇರಾ, ರಾಜ್ ಗೋಪಾಲ್, ರೋಶನ್ ಡಿಸೋಜ, ಸ್ಟೀಫನ್ ಫ್ರ್ಯಾಂಕ್, ವೀಕ್ಷಿತ್ ಆನಿ ವಿಜಯ್ ರಸ್ಕಿನ್ಹಾ ಸುರಾಂಕ್ ಸಂಗೀತಾಂತ್ ಸೊಭಯ್ತಲೆ. ಕಾರ್ಯೆಂ ಅಪುರ್ಬಾಯೆನ್ ಸಜಯ್ತಲೆ.
ಕಾವ್ಯಾಳ್ ಜಡಾಯೆಚಿಂ, ವರ್ಹಾ ಮೊಲಾಂಚಿ ಉತ್ರಾಂ ಘೆವ್ನ್ ಕವಿ ಲೊಯ್ಡ್ ರೇಗೊ ಸಗ್ಳ್ಯಾ ಕಾರ್ಯಾಚೆಂ ಸೂತ್ರ್ ಸಾಂಬಾಳ್ತಲೊ ತರ್, ಅರ್ಬನ್ ಗ್ರೂವ್ ನಾಚ್ಪಾ ಪಂಗಡ್ ತೆಮೆಟ್ಯಾಂನಿ ನಾಚಯ್ತಲೆ.
ಆಪ್ಣಾಕ್ ಏಕ್ ಮಾಂಚಿ ಜಾಯ್, ಸೊಭಿತ್ ಕರ್ನ್ ಸೊಭೊವ್ನ್ ಎರಿಕ್ ಬಾಬಾಚ್ಯಾ ಮಾನಾಕ್ ಆಪ್ಣೆಂ ತಿ ಅರ್ಪುಂಕ್ ಜಾಯ್ ಮ್ಹಣ್ ಲೆಕುನ್, ಸೋದ್ – 4 ರಾಯ್ ಕೊಗುಳ್ ವಿಜೇತ್ ಆನಿ ಗಲ್ಫ್ ವೊಯ್ಸ್ ಒಫ್ ಮ್ಯಾಂಗ್ಳುರ್ – 5 ಜಿಕ್ಪಿ ದೋನ್ ಪಾವ್ಟಿಂ ಜಾಗತಿಕ್ ಕೊಂಕ್ಣಿ ಸಂಗೀತ್ ಪುರಸ್ಕಾರ್ ಕಾರ್ಯಾಂತ್ ಶ್ರೇಶ್ಟ್ ಗಾವ್ಪಿ ಪ್ರಶಸ್ತಿ ಜೊಡ್ಲಲೊ ಆನಿ ಆಪ್ಲ್ಯಾ ಖಾಸ್ ಶೈಲೆಚ್ಯಾ ಡಿಜೆಕ್ ಲಾಗುನ್ ಗಾಂವಾರ್ ಫಾಮಾದ್ ಜಾಲ್ಲೊ ರೊಬಿನ್ ಸಿಕ್ವೇರಾ ವಾಲೆನ್ಸಿಯಾ ಹ್ಯಾ ಸಗ್ಳ್ಯಾ ಕಾರ್ಯಾಚೊ ಕಾಳಿಜ್ ಆನಿ ಮೆಂದು. ಕಾರ್ಯೆಂ ಸೊಭಿತ್ ಜಾಲ್ಯಾರ್, ಲೊಕಾಚ್ಯೊ ಹಾತ್ ಭರ್ ತಾಳಿಯೊ ಮೆಳ್ಳ್ಯಾರ್ ಕಲಾಕಾರ್ ಖುಶ್, ಕೊಂಕ್ಣಿ ಮಾಂಯ್ ಧಾದೊಸ್.
ಬೋನಸ್ ಜಾವ್ನ್, ಮಾಂಚಿಯೆ ಆದಿಂ ಆಪ್ಲ್ಯಾ ವಿಶೇಸ್ ಶೈಲೆಕ್ ಆನಿ ವಿಶಿಶ್ಟ್ ಭಾಶೆಕ್ ನಾಂವಾಡ್ಲಲೊ ಸಾಹಿತಿ ಹೇಮಾಚಾರ್ಯಾನ್ ಲಿಕ್ಲಲೆಂ, ಆಮ್ಚ್ಯೆ ಮಾತಿಯೆಂತ್ಲ್ಯಾ ಕೊಂಕ್ಣಿ ಮನ್ಶಾಂಕ್, ಕೊಂಕ್ಣಿ ಕಾಳ್ಜಾಂನಿ ದೆಂವಂವ್ಚೆಂ ʻಆಮ್ಚಿ ಮಾತಿ ಆಮ್ಚಿ ಮನ್ಶಾಂ ಭಾಗ್ – 2ʼ ಪುಸ್ತಕ್ ಲೊಕಾರ್ಪಣ್ ಜಾತಲೆಂ. ಜೊಯ್ಸ್ ಒಝೇರಿಯೊ, ವಾಲ್ಟರ್ ನಂದಳಿಕೆ, ರೊಯ್ ಕ್ಯಾಸ್ತೆಲಿನೊ, ಸ್ಟ್ಯಾನಿ ಆಲ್ವಾರಿಸ್ ಆನಿ ಲುವಿ ಪಿಂಟೊ ವೆದಿರ್ ಆಸ್ತಲೆ.
ಆಜ್, ಮಾರ್ಚ್ಯಾಚ್ಯೆ 01 ತಾರಿಕೆರ್ ಆಯ್ತಾರಾ ಸಾಂಜೆರ್ 6.30 ವೊರಾರ್, ಕಲಾಂಗಣಾಕ್ ಯೆಯಾ, ಕಲಾಕಾರಾಂಕ್ ಹುಮೆದ್ ದಿಯಾ. ಅಪ್ರೂಪ್ ಆನಿ ಅಪ್ವಂತ್ ತಾಲೆಂತಾಂಚ್ಯೆ ಮೆಳಿಂತ್ ಘಡ್ಚ್ಯಾ ಕಾರ್ಯಾಕ್ ಸಾಕ್ಸ್ ಜಾಯಾ.
🔴✨ 🔴✨ 🔴
