24/03/2026
മരണത്തിന് തൊട്ടടുത്തെത്തി വിദ്യാർത്ഥിനി; ബൈക്കിൽ കുതിച്ചെത്തി ഷഫീഖിന്റെ സാഹസിക രക്ഷാപ്രവർത്തനം; പുഴയിലേക്ക് ചാടാനൊരുങ്ങിയ വിദ്യാർത്ഥിനിക്ക് പുതുജീവൻ..!
ഇരവഴിഞ്ഞിപ്പുഴ പാലത്തിൽനിന്ന് പുഴയിലേക്ക് ചാടി ആത്മഹത്യയ്ക്ക് ശ്രമിച്ച വിദ്യാർത്ഥിനിയെ സമയോചിതമായ ഇടപെടലിലൂടെ രക്ഷപ്പെടുത്തി യുവാവ്. എടവണ്ണപ്പാറ വെട്ടത്തൂർ ചീക്കപ്പള്ളി സ്വദേശി ഷഫീഖ് ആണ് സ്വന്തം ജീവൻ പോലും വകവെക്കാതെ പെൺകുട്ടിയെ മരണമുഖത്തുനിന്ന് പിടിച്ചുയർത്തിയത്.
ഇന്ന് ഉച്ചക്ക് മുന്നെയാണ് സംഭവം. ചെറുവാടിയിൽനിന്ന് മൽസ്യം വാങ്ങി മടങ്ങുകയായിരുന്ന ഷഫീഖ്, പാലത്തിന്റെ കൈവരിയിൽ തനിച്ച് നിൽക്കുന്ന വിദ്യാർത്ഥിനിയെ കണ്ട് സംശയം തോന്നി വാഹനം അല്പം മാറി ഒതുക്കി നിർത്തി.
സൈഡ് ഗ്ലാസിലൂടെ നിരീക്ഷിച്ചുകൊണ്ടിരിക്കെ പെൺകുട്ടി പുഴയിലേക്ക് ചാടാൻ തയ്യാറെടുക്കുന്നത് കണ്ട ഷഫീഖ് നിമിഷനേരം കൊണ്ട് ബൈക്ക് തിരിച്ചു പെൺകുട്ടിയുടെ അടുത്തേക്ക് പാഞ്ഞെത്തി.
പെൺകുട്ടി പുഴയിലേക്ക് ചാടാൻ ആഞ്ഞ നിമിഷം ബൈക്കിലിരുന്നുകൊണ്ട് തന്നെ ഷഫീഖ് കുട്ടിയുടെ വസ്ത്രത്തിൽ ബലമായി പിടിച്ചു. വസ്ത്രം കീറിപ്പോയെങ്കിലും ഉടൻ തന്നെ മുടിയിൽ പിടിത്തം കിട്ടിയത് രക്ഷയായി. തുടർന്ന് മറ്റ് യാത്രക്കാരും ഓടിയെത്തിയതോടെ കുട്ടിയെ സുരക്ഷിതമായി പാലത്തിന് മുകളിലേക്ക് കയറ്റുകയായിരുന്നു.
വീട്ടിൽ രക്ഷിതാക്കളുമായി വഴക്കിട്ട് ഇറങ്ങിയതായിരുന്നു വിദ്യാർത്ഥിനിയെന്ന് പറയപ്പെടുന്നു. കുട്ടിയെ നിലവിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
രക്ഷാപ്രവർത്തനത്തിനിടെ ഷഫീഖിന്റെ കൈയ്ക്ക് സാരമായ പരിക്കേറ്റു. മുക്കത്തെ സ്വകാര്യ ആശുപത്രിയിൽ ചികിത്സ തേടിയ അദ്ദേഹം ഇപ്പോൾ വീട്ടിൽ വിശ്രമത്തിലാണ്.
കൃത്യസമയത്തെ ഷഫീഖിന്റെ നിശ്ചയദാർഢ്യവും ഇടപെടലും ഒരു വലിയ ദുരന്തമാണ് ഒഴിവാക്കിയത്.
![ചൂട് കൂടുകയാണ്...ശ്രദ്ധിക്കണം...××××××××××××××××××××[ മലപ്പുറം tok ]====================മലപ്പുറത്തിന്റെ കിസ്സകളും, വിശേഷ...](https://img4.ngos1.com/293/740/122162532782937409.jpg)
![Eid Mubarak 😍××××××××××××××××××××[ മലപ്പുറം tok ]====================മലപ്പുറത്തിന്റെ കിസ്സകളും, വിശേഷങ്ങളും വിനോദങ്ങളും....](https://img5.ngos1.com/093/740/122162083880937409.jpg)
