22/06/2026
"പ്രാദേശിക സംഘർഷത്തെ രാഷ്ട്രീയ നേട്ടത്തിനായി ദുരുപയോഗം ചെയ്യുന്ന യൂത്ത് കോൺഗ്രസിന്റെയും ചില താൽപര്യകക്ഷികളുടെയും കപടമുഖം തിരിച്ചറിയുക!"
മാണൂരിൽ ജൂൺ 14-ന് നടന്ന ഒരു ചെറിയ പ്രാദേശിക സംഘർഷം പരിഹരിക്കാൻ ഇടപെട്ടവരിൽ ഒരാളായ ഡിവൈഎഫ്ഐ ജില്ലാ സെക്രട്ടറിയേറ്റ് അംഗം സഖാവ് എ. സിദ്ദീഖിനെ രാഷ്ട്രീയ വൈരാഗ്യത്തിന്റെ പേരിൽ വ്യാജ കേസിൽ ഉൾപ്പെടുത്തുകയും, ലഹരി മാഫിയയുമായി ബന്ധപ്പെടുത്തി അപകീർത്തിപ്പെടുത്താൻ ശ്രമിക്കുകയും ചെയ്യുന്ന യൂത്ത് കോൺഗ്രസിന്റെയും ചില തൽപരകക്ഷികളുടെയും കപട രാഷ്ട്രീയം ശക്തമായി അപലപിക്കുന്നു.
രണ്ട് പതിറ്റാണ്ടിലേറെയായി വിദ്യാർത്ഥി-യുവജന പ്രസ്ഥാനങ്ങളിൽ സജീവ സാന്നിധ്യമായും, നാട്ടിലെ പൊതുപ്രശ്നങ്ങളിൽ ക്രിയാത്മക ഇടപെടലുകളിലൂടെ ജനവിശ്വാസം നേടിയ വ്യക്തിയുമാണ് സഖാവ് സിദ്ദീഖ്. അദ്ദേഹത്തിന്റെ പൊതുപ്രവർത്തനങ്ങളും സാമൂഹിക ഇടപെടലുകളും പ്രദേശവാസികൾക്ക് നന്നായി അറിയാവുന്നതാണ്.
എടപ്പാൾ മേഖലയിലുടനീളം ലഹരി മാഫിയക്കെതിരെ ഡിവൈഎഫ്ഐ നടത്തിയ ശക്തമായ പോരാട്ടങ്ങൾക്കും ബോധവത്കരണ ക്യാമ്പയിനുകൾക്കും നേതൃത്വം നൽകിയവരിൽ മുൻനിരയിലുണ്ടായിരുന്നത് സഖാവ് സിദ്ദീഖാണ്. ലഹരി മാഫിയയുടെ ആക്രമണങ്ങൾക്കെതിരെ ഇരകളോടൊപ്പം നിന്ന് നിയമനടപടികൾ ഉറപ്പാക്കാനും പ്രതികളെ നിയമത്തിന് മുന്നിലെത്തിക്കാനും അക്ഷീണം പ്രവർത്തിച്ച ചരിത്രം അദ്ദേഹത്തിനുണ്ട്.
രണ്ടുവർഷം മുൻപ് കല്യാണിക്കാവ് പൂരത്തിനിടെ സുബീർ, മനാഫ് എന്നിവർക്കെതിരെ ഉണ്ടായ ലഹരി മാഫിയ ആക്രമണത്തിൽ ശക്തമായ നിയമനടപടികൾക്ക് നേതൃത്വം നൽകുകയും,അതിനെത്തുടർന്ന്
ലഹരി മാഫിയയുടെ ഭീഷണികളും വെല്ലുവിളികളും നേരിട്ടിട്ടും സമൂഹ നന്മയ്ക്കായി നിലകൊണ്ട ഒരാളെ ഇന്ന് ലഹരി മാഫിയയുടെ ആളായി ചിത്രീകരിക്കാൻ നടത്തുന്ന ശ്രമം രാഷ്ട്രീയ പാപ്പരത്തത്തിന്റെ തെളിവാണ്.
രാഷ്ട്രീയ ഭേദമന്യേ ജനപ്രതിനിധികളെയും സാമൂഹിക-രാഷ്ട്രീയ നേതാക്കളെയും ഉൾപ്പെടുത്തി ലഹരിക്കെതിരായ ജനകീയ മുന്നേറ്റങ്ങൾക്ക് കഴിഞ്ഞ കാലങ്ങളിൽ എടപ്പാൾ ബ്ലോക്ക് കമ്മിറ്റിക്ക് കീഴിൽ വിവിധ ക്യാമ്പയിനുകൾ ഏറ്റെടുത്ത സംഘടനയാണ് ഡിവൈഎഫ്ഐ.. അതിനു നേതൃത്വപരമായ പങ്കുവഹിച്ച വ്യക്തിക്കെതിരായ ഈ വ്യക്തിഹത്യാ ശ്രമം ജനങ്ങൾ തള്ളിക്കളയും..
സംസ്ഥാന സർക്കാർ സംവിധാനങ്ങളുടെ ലഹരിവിരുദ്ധ നടപടികൾ ലഹരി മാഫിയക്കെതിരെ ശബ്ദമുയർത്തിയവരെ പ്രതിക്കൂട്ടിലാക്കാനും പ്രാദേശിക സംഘർഷങ്ങളെ രാഷ്ട്രീയ മുതലെടുപ്പിനുള്ള ആയുധമാക്കാനും നടത്തുന്ന ശ്രമങ്ങൾ പ്രതിഷേധാർഹമാണ്. ലഹരിക്ക് നിറമില്ല, മതമില്ല, പാർട്ടിയില്ല; അത് സമൂഹത്തിന്റെ പൊതുശത്രുവാണ്. ലഹരിവിരുദ്ധ പോരാട്ടത്തിന് നേതൃത്വം നൽകിയവരെ അപകീർത്തിപ്പെടുത്തിയും വ്യക്തിഹത്യ നടത്തിയും രാഷ്ട്രീയ നേട്ടം കൊയ്യാമെന്ന യൂത്ത് കോൺഗ്രസിന്റെ സമീപനത്തെ ജനങ്ങൾ ഗൗരവത്തോടെ വിലയിരുത്തും.
സത്യത്തെ വളച്ചൊടിച്ചുള്ള വ്യാജ പ്രചാരണങ്ങളെയും രാഷ്ട്രീയ പ്രതികാര നടപടികളെയും നിയമപരമായും സംഘടനാപരമായും രാഷ്ട്രീയപരമായും ശക്തമായി പ്രതിരോധിക്കുമെന്ന് ഡിവൈഎഫ്ഐ എടപ്പാൾ ബ്ലോക്ക് സെക്രട്ടറിയേറ്റ് അറിയിക്കുന്നു.