http://www.thanneerpanthal.com/

തണ്ണീർ പന്തൽ - ആഘോഷപ്പന്തൽ, Marancehry, Malappuram (2026)

15/01/2026

Congratulations to our Royal Enfield Bullet Winner.
Red Pepper Karama Aghoshapanthal 2025 - Season 10

06/01/2026

മാറഞ്ചേരി തണ്ണീർ പന്തൽ – യു എ ഇ സെൻട്രൽ കമ്മിറ്റി രൂപീകരിച്ചു

യു എ ഇയിലെ മാറഞ്ചേരി പ്രവാസി കൂട്ടായ്മയായ തണ്ണീർ പന്തൽ സംഘടനയുടെ പ്രവർത്തനങ്ങൾ കൂടുതൽ കാര്യക്ഷമവും ഏകോപിതവും ആക്കുന്നതിനായി യു എ ഇ സെൻട്രൽ കമ്മിറ്റി രൂപീകരിച്ചതായി അറിയിച്ചു. ദുബായ്, അബുദാബി, ഷാർജ & നോർത്തേൺ എമിറേറ്റ്സ് എന്നീ പ്രാദേശിക ഘടകങ്ങളുടെ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും, വിവിധ യൂണിറ്റുകളുടെ പരിപാടികളും പദ്ധതികളും പൊതുവായ പ്രവർത്തനങ്ങളിൽ ഏകീകരണം കൊണ്ടുവരുന്നതിനുമാണ് സെൻട്രൽ കമ്മിറ്റി രൂപീകരിച്ചിരിക്കുന്നത്.

സെൻട്രൽ കമ്മിറ്റിയിലേക്ക് മുഖ്യ രക്ഷാധികാരി ബഷീർ സിൽസില, ചെയർമാൻ സുധീർ മന്നിങ്ങയിൽ, ജനറൽ കൺവീനർ ജാഫർ മാളിയക്കൽ, ഫിനാൻസ് കൺട്രോളർ അക്ബർ വടിക്കിനിത്തേൽ, വൈസ് ചെയർമാൻ നിയാസ് നടുവിൽ കോവിലകത്ത്‌, ജോയിന്റ് കൺവീനർ റയീസ് കൊട്ടിലുങ്ങൽ, നാട്ടിലെ കോർഡിനേറ്റർ അബൂബക്കർ കൂംവീട്ടിൽ എന്നിവരെ ഭാരവാഹികളായി തെരഞ്ഞെടുത്തു.
ഭാരവാഹികളോടൊപ്പം പ്രാദേശിക ഘടകങ്ങളിലെ പ്രധാന ഭാരവാഹികൾ ഉൾപ്പെടെ ആകെ 24 അംഗങ്ങളുള്ള കമ്മിറ്റിയാണ് യുഎഇ സെൻട്രൽ കമ്മിറ്റിയായി രൂപീകരിച്ചിരിക്കുന്നത്.