Care Club Charitable Trust

14/10/2024

എല്ലാവരും പങ്കെടുക്കുവാൻ ശ്രമിക്കുക. ....... നല്ല രസകരമായ വിജ്ഞാനപ്രദമായ ക്ലാസ് ആണ്.

19/01/2024

കിഡ്നി രോഗികളെ തുടക്കത്തിൽ തിരിച്ചറിയുകയും നല്ല ചികിത്സ നൽകി ഡയാലിസ് എന്ന ബുദ്ധിമുട്ടുകൾ ഒഴിവാക്കുന്നതിനും വേണ്ടി കൊണ്ടോണ്ടി ശിഹാബ് തങ്ങൾ ഡയാലിസ് സെൻ്ററുമായി ചേർന്ന് സംഘടിപ്പിച്ച കിഡ്നി രോഗ നിർണ്ണയ ക്യാമ്പും ബോധവൽക്കരണ ക്ലാസും ശ്രദ്ധേയമായി.

20/12/2023

*നമ്മുടെ വൃക്കകൾ സുരക്ഷിതമെന്ന് ഉറപ്പ് വരുത്തുക*
ചെറിയ പ്രശ്നങ്ങൾ ഉണ്ടങ്കിൽ തുടക്കത്തിലെ കണ്ടെത്തി അകറ്റി നിർത്താം ... മടി കാണിച്ചാൽ ഡയാലിസിസ് എന്ന മല ചുമക്കേണ്ടി വരും

കെയർ ക്ലബ്ബ് ചാരിറ്റബ്ൾ ട്രസ്റ്റ് മാറഞ്ചേരി സംഘടിപ്പിക്കുന്ന സൗജന്യ കിഡ്നി രോഗ നിർണ്ണയ ക്യാമ്പിലേക്ക് റജിസ്റ്റർ ചെയ്യാൻ താഴെ കാണുന്ന *ലിങ്കിൽ ക്ലിക്ക് ചെയ്ത് ഡീറ്റയിൽസ് നൽകുക.*👇

20/12/2023

30/11/2023

തുടക്കത്തിൽ ശ്രദ്ധിച്ചാൽ വൃക്കകളുടെ ആരോഗ്യം നിലനിർത്താം.

വൃക്ക തകരാറ് ഉള്ളവരിൽ പലപ്പോഴും ലക്ഷണങ്ങൾ പ്രകടമാവാതെ വരികയും വേണ്ട പരിചരണങ്ങളൊ പരിശോധനകളോ ചെയ്യാതെ വരുമ്പോഴാണ്* രോഗം അപകടാവസ്ഥയിലേക്ക് എത്തുന്നത്.

വൃക്കകൾ ശരീരത്തിൽ വഹിക്കുന്ന പങ്ക് നിസ്സാരമല്ല, വൃക്കകളുടെ ആരോഗ്യം പല വിധത്തിലാണ് നമ്മുടെ ദൈനംദിന ജീവിതത്തെ ബാധിക്കുന്നത്.

ജീവിത ശൈലി മാറ്റങ്ങൾ, ഭക്ഷണ രീതികൾ എല്ലാം കൊണ്ട് പലപ്പോഴും വൃക്കകളുടെ പ്രവർത്തനക്ഷമത കുറയാൻ ഇടയാകുന്നുണ്ട്. പ്രവർത്തനക്ഷമത കുറഞ്ഞ വൃക്കകളെങ്കിൽ പലപ്പോഴും മാലിന്യങ്ങൾ നീക്കം ചെയ്യുന്നതിന് സാധിക്കാത്ത അവസ്ഥയിലേക്ക് എത്തുന്നു. ഇത് വൃക്ക തകരാറ് എന്ന അവസ്ഥയിലേക്ക് നമ്മെ കൊണ്ടെത്തിക്കുകയും ചെയ്യുന്നു

എന്നാൽ രോഗത്തെ മനസ്സിലാക്കുന്നതിനും രോഗത്തെക്കുറിച്ച് അറിയുന്നതിനും പലപ്പോഴും നമ്മൾ ശ്രമിക്കാറില്ല എന്നതാണ് സത്യം.

പുറമേക്ക് പ്രകടമാകാത്ത രീതിയിലുള്ള വൃക്കയുടെ വ്യതിയാനങ്ങൾ ഇന്നുള്ള ആധുനിക സംവിധാനങ്ങൾ ഉപയോഗിച്ച് കണ്ടെത്താനുള്ള സംവിധാനങ്ങൾ നിലവിലുണ്ട്

ഇതൊന്നും എന്നെ ബാധിക്കില്ല എന്ന തോന്നൽ കൊണ്ടാണ് രോഗത്തെ പലർക്കും തിരിച്ചറിയാതിരിക്കാനും രോഗം കൂടുതൽ അപകടകാവസ്ഥയിലേക്ക് എത്തുന്നതിനും കാരണമാകുന്നത്.

ഓരോ വ്യക്തിയിലും രോഗലക്ഷണങ്ങൾ വ്യത്യാസപ്പെട്ടിരിക്കുന്നു. അതുകൊണ്ട് ഇത്തരം അവസ്ഥകൾ കാര്യമായി ശ്രദ്ധിക്കേണ്ടതുണ്ട് .
രോഗലക്ഷണം ചെറുതാണെങ്കിലും കൃത്യമായ പരിചരണം നൽകണം .

ചെറിയവരായാലും വലിയവരായാലും രോഗലക്ഷണങ്ങൾ ഉള്ളവരൊ ഇല്ലാത്തവരൊ എന്ന വിത്യാസമില്ലാതെ നിങ്ങളുടെ വൃക്കകളുടെ ആരോഗ്യം പരിശോധിച്ച് ഉറപ്പ് വരുത്തേണ്ടത് കാലഘട്ടത്തിന്റെ ആവശ്യമാണ്.

ചെറിയ തകരാറുകൾ തുടക്കത്തിലെ കണ്ടെത്തിയാൽ എളുപ്പത്തിൽ ചികിത്സിച്ച് മാറ്റാം ... രോഗം വർധിച്ച് വൃക്കകൾ തകരാറിലായി ഡയാലിസ് എന്ന ബുദ്ധി മുട്ടും സാമ്പത്തിക ചെലവുകളും ഒഴിവാക്കുക.

കെയർ ക്ലബ്ബ് ചാരിറ്റബ്ൾ ട്രസ്റ്റിന്റെ കീഴിലുള്ള 250 ഡയാലിസ് ക്ലബ്ബും കൊണ്ടോട്ടി ശിഹാബ് തങ്ങൾ ഡയാലിസ് സെന്റർ ലാബും ചേർന്ന് നടത്തുന്ന രോഗ നിർണ്ണയ ക്യാമ്പിലേക്ക് റജിസ്റ്റർ ചെയ്ത് നമ്മുടെ വൃക്കകളെ സംരക്ഷിച്ചു നിർത്താം

കൂടുതൽ വിവരങ്ങൾ ഉടനെ അറിയിക്കുന്നതാണ്

കെയർ ക്ലബ്ബ് ചാരിറ്റബ്ൾ ട്രസ്റ്റ് ... മനസ്സറിഞ്ഞ കരുതൽ

26/01/2023

പ്രിയ സുഹൃത്തുക്കളെ

എല്ലാവർക്കും ക്ഷേമം നേരുന്നു

മാറഞ്ചേരി കെയർ ക്ലബ് ചാരിറ്റബിൾ ട്രസ്റ്റിന്റെ കീഴിൽ നടന്നു വരുന്ന 250 ഡയാലിസിസ് ക്ലബ്ബ് നമ്മുടെ സംസ്ഥാനത്തിന് തന്നെ മാതൃകയാകുന്ന രീതിയിൽ ഡയാലിസ് ചെയ്യുന്ന കിഡ്നി രോഗികൾക്ക് ആശ്വാസമേകുന്ന പദ്ധതിയാണ് .
ഒരു രൂപ പോലും നീക്കിയിരിപ്പൊ മറ്റ് മൂലധനങ്ങളൊ ഇല്ലാതെയാണ് ഈ പ്രവർത്തനത്തിന്റെ തുടക്കം. മാറഞ്ചേരിയിലെ ഒരോ സാധാരണക്കാരനും പങ്കാളികളാകാൻ ഉതകുന്ന രീതിയിൽ ഓരോരുത്തരിൽ നിന്നും മാസത്തിൽ ലഭിക്കുന്ന 250 രൂപയാണ് പദ്ധതിയുടെ മൂലധനം...

പദ്ധതിയെ കുറിച്ച് അറിഞ്ഞവരെല്ലാം ഈ കാരുണ്ണ്യപ്രവർത്തനത്തിൽ ചേരുകയും പരിചയക്കാരെ ഇതിലേക്ക് എത്തിക്കുകയും ചെയ്തപ്പോൾ നമ്മൾ ഉദ്ദേശിച്ചതിലും ഭംഗിയായി രണ്ട് വർഷം പൂർത്തിയാക്കി മൂന്നാം വർഷത്തിലേക്ക് കടന്നിരിക്കുകയാണ് .

കിഡ്നി രോഗികൾക്കപ്പുറം അവശത അനുഭവിക്കുന്ന മറ്റ് പലരേയും കൂടി ചേർത്ത് നിർത്താൻ ഇതിനോടകം നമുക്ക് സാധിച്ചു. അത്യാവശ്യം മെഡിക്കൽ ഉപകാരണങ്ങൾ നമ്മൾ വാങ്ങിവെച്ചത് ഇന്നും പലർക്കും അനുഗ്രഹമായി മാറിയിട്ടുണ്ട് .

നമ്മൾ നൽകുന്ന 250 രൂപയിൽ നിന്നാണ് ഇത്രയും വലിയ സാന്ത്വനമേകാൻ നമുക്ക് കഴിഞ്ഞത് ... നമ്മൾ നൽകുന്ന സംഖ്യ പല രോഗികൾക്കും അവരുടെ ആവശ്യങ്ങൾ പൂർണ്ണമായും നിവൃത്തിക്കാൻ തികയില്ലന്നറിയാം, എങ്കിലും അതൊരു വലിയ ആശ്വാസമായി മാറുന്നുണ്ട്.

ഈ പ്രക്രിയ അണമുറിയാതെ മുന്നോട്ട് കൊണ്ടുപോകുന്നതും നില നിർത്തേണ്ടതും നമ്മളാണ്. നമ്മൾ ഒരോരുത്തരും ജീവിത പ്രാരാബ്ധങ്ങൾക്കിടയിലാണ് എന്നറിയാം ... ദാനം ധനത്തെ കുറക്കില്ലന്നും ദാനം നമ്മുടെ ആപത്തുകളെ തടുക്കുമെന്ന വിശ്വാസത്തോടെയും നമ്മൾക്ക് മുന്നോട്ട് നീങ്ങാം...

ഇതിൽ സഹകരിക്കുന്നവർ നൽകുന്ന വരിസംഖ്യ മാത്രമാണ് നമ്മുടെ കരുത്ത് .. മെമ്പർഷിപ്പ് കുടിശ്ശികയുണ്ടങ്കിൽ എത്രയും വേഗത്തിൽ നിങ്ങൾക്ക് കഴിയുന്ന സംഖ്യകൾ നൽകി സഹകരിക്കുക ...
നമ്മുടെ സഹജീവികളുടെ ജീവന്റെ തുടിപ്പ് നിലനിർത്താൻ നമുക്ക് ഒറ്റമനസ്സോടെ മുന്നോട്ട് നീങാം .

ഈ പ്രവർത്തനത്തിൽ ഓരോരുത്തർക്കുമുള്ള അഭിപ്രായങ്ങളും നിർദേശങ്ങളും അറിയിക്കാൻ മടികാണിക്കരുത്

മനസ്സറിഞ്ഞ കരുതൽ
സ്നേഹത്തോടെ
കെയർ ക്ലബ്ബ് ചാരിറ്റബിൾ ട്രസ്റ്റ്‌ ( CCCT )

03/11/2022

02/11/2022

കെയർ ക്ലബ്ബ് ചാരിറ്റബിൾ ട്രസ്റ്റിന്റെ കുടിവെള്ള പദ്ധതി പ്രകാരം പുറങ്ങിലുള്ള മാറഞ്ചേരി ഗവർമെന്റ് ഹോസ്പിറ്റലിൽ എത്തുന്ന രോഗികൾക്കും നാട്ടുകാർക്കും പരിസരത്തെ വാഹന തൊഴിലാളികൾക്കും ഉപകാരമാകുന്ന രീതിയിൽ സ്ഥാപിച്ച വാട്ടർ കൂളർ പഞ്ചായത്ത് പ്രസിഡണ്ട് സമീറ എളയേടത്ത് ഉദ്ഘാടനം ചെയ്തു ... വാർഡ് മെമ്പർമാർ അടക്കം വിവിധ മേഖലയിലുള്ളവർ ചടങ്ങിൽ സന്നിഹിതരായിരുന്നു.
കൂളർ സംഭാവനയായി നൽകിയ കുവൈറ്റിലുള്ള കുടുംബത്തിന് ദൈവത്തിന്റെ കാരുണ്യം സദാ വർഷിക്കുമാറാകട്ടെ ... അമീൻ

Drinking water cooler

Donated by

Ahmed Abdulla Mohamed Al Darweesh
Abdul Rahman Abdulla Mohamed Al Darweesh
Dalal Abdulla Mohamed Al Darweesh
Late Ali Abdulla Mohamed Al darweesh
Late Ayisha Abdulla Mohamed Al Darweesh
Late Sheikha Abdulla Mohamed Al Darweesh

22/10/2022

പ്രിയ സുഹൃത്തെ,

രണ്ട് വർഷമായി മാറഞ്ചേരിയിലെ കിഡ്നി രോഗികളേയും മറ്റ് അവശത അനുഭവിക്കുന്ന രോഗികളേയും ചേർത്തു നിർത്തി മുന്നോട്ട് നിങ്ങുന്ന കെയർ ക്ലബ്ബ് ചാരിറ്റബ്ൾ ട്രസ്റ്റിന്റെ കീഴിലുള്ള 250 ഡയാലിസ് എന്ന ആശയം പത്ത് ലക്ഷത്തിൽ പരം രൂപ ഇതിനോടകം നിർദ്ധനരായ രോഗികൾക്ക് നൽകിക്കഴിഞ്ഞു.

അനുദിനം വർദ്ധിച്ചു വരുന്ന കിഡ്നി രോഗികളെ ഇനിയും ചേർത്തു നിർത്തി മുന്നോട്ട് പോകുന്നതിനും ഇതുവരെയുള്ള പ്രവർത്തനങ്ങളും കണക്കുകളുടെ അവതരണവും ഭാവി പരിപാടികളെ കുറിച്ച് രൂപരേഖ തയ്യാറാക്കുന്നതിനും വേണ്ടി ഒക്ടോബർ 23 ന് ഞായറാഴ്ച മാറഞ്ചേരി മാസ്റ്റർപടി MUMLP സ്ക്കൂളിൽ കാലത്ത് 10 ന് ഒത്തുച്ചേരുകയാണ്.

താങ്കളെ പോലെയുള്ള ഉദാരമതികളുടെ സഹായങ്ങൾ മാത്രമാണ് ഈ പദ്ധതിയുടെ വിജയം ആയതിനാൽ പ്രസ്തുത ജനറൽ ബോഡിയിലേക്ക് താങ്കളുടെ സാന്നിദ്ധ്യം ഉണ്ടാവണമെന്ന് അഭ്യർത്ഥിക്കുന്നു.

ആസാദ് ഇളയേടത്ത്
ചെയർമാൻ കെയർ ക്ലബ്ബ് ചാരിറ്റബ്ൾ ട്രസ്റ്റ്