17/05/2026
দ্বিতীয়বাৰৰ বাবে নিৰ্বাচিত মাননীয় বিধায়ক শ্ৰীযুত ভূৱন গাম ডাঙৰীয়াক আজি তেখেতৰ বাসগৃহত মাজুলী জিলা কৰ্মচাৰী পৰিষদৰ হৈ এখনি ফুলাম গামোচাৰে সন্মানসূচক শুভেচ্ছা জ্ঞাপন কৰিলোঁ।পৰিষদৰ জিলা সমিতিৰ হৈ সন্মানীয় সভাপতি শ্রীযুত ত্ৰিদিপ হীজৰিকা, সাধাৰন সম্পাদক শ্ৰীযুত সত্যেন্দ্ৰনাথ পামেগাম আৰু সহ-সম্পাদক শ্ৰীযুত যাদব বৰা দেৱে মাননীয় বিধায়ক মহোদয়ক শুভেচ্ছা জ্ঞাপন কৰে। বিধায়ক মহোদয়ৰ লগত প্ৰায় ১৫ মিনিট সময় মাজুলীৰ সমস্যা তথা তেখেতে অগ্ৰাধিকাৰ ভিত্তিত সমাধানৰ পৰিকল্পনা লোৱা কৰ্মৰাজিৰ ওপৰত আলোচনা কৰা হয়। মাজুলীৰ উন্নয়নকলৈ পৰিষদৰ চিন্তাও তেখেতৰ সন্মুখত দাঙি ধৰা হয়। অতি সৰল মনৰ অধিকাৰী বিধায়ক মহোদয়ে পৰিষদৰ পৰামৰ্শ গুৰুত্ব সহকাৰে লয় আৰু তেখেতৰ কৰ্মসূচীত অন্তভুক্ত কৰাৰ আশ্বাস দিয়ে। মাজুলীৰ সৰ্বাংগীন উন্নয়নৰ স্বাৰ্থত তথা কৰ্মচাৰীসকলৰ হিতৰ অৰ্থে মাজুলী জিলা কৰ্মচাৰী পৰিষদে অবিৰতভাৱে কাম কৰি যাব। বিধায়ক মহোদয়ৰ দ্বিতীয়টো কাৰ্যকালো সফল হওক, মাজুলীৰ মৌলিক সমস্যা সমুহ সমাধান হওক তাৰেই প্ৰাৰ্থনা জনাঁলো।
