Salunke Rescue Team

21/09/2026

🚨 महाडमध्ये थरारक रेस्क्यू ऑपरेशन! सावित्री नदीच्या पुरात अडकलेल्या इसमाची सुखरूप सुटका; आपदा मित्र, साळुंखे रेस्क्यू टीम व NDRF चा संयुक्त पराक्रम 🚨
महाड येथील शेळव नाक्याजवळील सावित्री नदीच्या वेगवान प्रवाहामध्ये एक इसम अडकल्याची थरारक घटना घडली. या घटनेची माहिती मिळताच साळुंखे रेस्क्यू टीम क्षणाचाही विलंब न करता तात्काळ घटनास्थळी दाखल झाली.
जीव धोक्यात घालून 'आपदा मित्र' मोरे यांचे शौर्य:
घटना घडली तेव्हा परिस्थिती अत्यंत बिकट आणि धोकादायक होती. अशा वेळी 'मोरे आपदा मित्र' यांनी स्वतःच्या जीवाची पर्वा न करता लाईफ जॅकेट घालून पाण्याच्या तीव्र प्रवाहात उडी घेतली. अत्यंत धाडसाने त्या इसमापर्यंत पोहोचून मोरे यांनी आपले स्वतःचे लाईफ जॅकेट त्याला घातले आणि त्याला काही अंतरावर नदीतील एका उंच दगडावर सुरक्षितपणे बसवले.
यानंतर मोरे यांच्याकडे जॅकेट नसल्याने साळुंखे रेस्क्यू टीमने प्रसंगावधान राखून मोरे यांना सुखरूप किनाऱ्यावर बाहेर काढले.
रात्रीचा अंधार अन् एनडीआरएफ (NDRF) ला पाचारण:
वेळेसोबत रात्रीचा अंधार वाढू लागल्याने आणि नदीपात्रातील धोक्याची गांभीर्यता ओळखून प्रशांत साळुंखे यांनी तातडीने आपत्ती व्यवस्थापन अधिकारी पाठक सर यांच्याशी संपर्क साधला. प्रशासनाला परिस्थितीचे गांभीर्य पटवून देत तात्काळ NDRF च्या टीमला पाचारण करण्याची विनंती केली.
एनडीआरएफकडून अंतिम सुटका:
प्रशासनाच्या सूचनेनुसार NDRF ची टीम घटनास्थळी दाखल झाली. अंधारातही अत्यंत तत्परतेने NDRF च्या जवानांनी बोटीच्या साह्याने दगडावर अडकलेल्या त्या इसमाला किनाऱ्यावर सुखरूप आणले.
आपदा मित्र मोरे यांचे अतुलनीय धाडस, साळुंखे रेस्क्यू टीमचे वेळेवरचे नियोजन आणि NDRF च्या जवानांचे कौशल्य यामुळे एका व्यक्तीचे प्राण वाचवण्यात यश आले आहे. या सर्व रेस्क्यू टीमचे महाड परिसरातून जोरदार कौतुक होत आहे.
📍 घटनास्थळ: शेळव नाका, सावित्री नदी (महाड)
🤝 बचाव कार्य: मोरे आपदा मित्र, साळुंखे रेस्क्यू टीम, NDRF आणि आपत्ती व्यवस्थापन विभाग

16/09/2026

महाड: कुर्ला धरणाखालील डोहात बुडणाऱ्या २२ वर्षीय राहुल घाणेकरला 'साळुंखे रेस्क्यू टीम'ने काढले बाहेर
महाड:
महाड तालुक्यातील कुर्ला धरणाच्या पायथ्याशी असलेल्या डोहात पोहण्यासाठी गेला असता कोल विठ्ठल वाडी येथील राहुल दिलीप घाणेकर (वय २२) हा तरुण पाण्यात बुडाल्याची घटना घडली. घटनेचे गांभीर्य ओळखून 'साळुंखे रेस्क्यू टीम'ने तात्काळ घटनास्थळी धाव घेत पाण्यात शोधमोहीम राबवली आणि तरुणाला सुखरूप बाहेर काढून उपचारासाठी सरकारी दवाखान्यात दाखल केले.
घटना व तातडीचे बचावकार्य
कोल विठ्ठल वाडी येथील रहिवासी असलेला राहुल दिलीप घाणेकर हा कुर्ला धरणाच्या पायथ्याशी असलेल्या डोहामध्ये उतरला असता पाण्याचा अंदाज न आल्याने पाण्यात बुडू लागला. या घटनेची माहिती मिळताच रायगड जिल्हा आपत्ती व्यवस्थापनांतर्गत कार्य करणाऱ्या 'साळुंखे रेस्क्यू टीम'ला पाचारण करण्यात आले.
साळुंखे रेस्क्यू टीमने क्षणाचाही विलंब न करता तातडीने घटनास्थळी पोहोचून डोहाच्या पाण्यात शोधमोहीम सुरू केली. टीमच्या अथक प्रयत्नांनंतर राहुलला पाण्यातून शोधून बाहेर काढण्यात आले आणि त्याला त्वरित पुढील उपचारासाठी सरकारी दवाखान्यात रवाना करण्यात आले.परंतु येवढे पर्यत्न करुन पण तो वाचु शकला नाही याचे दुःख वाटते..

08/10/2025

teams Raigad

19/08/2024

11/07/2024

माननीय,
पोलीस निरीक्षक ,
श्री राजेंद्र जी पाटील सर .
आम्हाला अत्यंत दुःख वाटत आहे की आपण आमच्या गावातून दूर दुसऱ्या गावात जात आहात .आपण पोलीस अधिकारी नाही तर रेस्क्यू टीमचा आधारस्तंभ म्हणून कायम आमच्या पाठीशी खंबीरपणे उभे राहिलात.
अनेक लोकांच्या संकटात वाईट परिस्थितीमध्ये धैर्याने व शौर्याने खंबीरपणे आपण मदत केलीत.आमच्या टीमला बळ व प्रोत्साहन देण्याचे काम नेहमी आपण केलेत .
आपल्या माध्यमातून आमच्या टीमला एक 🚨ॲम्बुलन्स उपलब्ध करून दिल्याबद्दल आम्ही आयुष्यभर आपले ऋणी आहोत.
आपणा सारखा अधिकारी आम्हास लाभला हे आमचे नशीबच पण आपण जरी दूर गावी गेलात तरी नेहमी आपण आमच्या मनात राहणार याबाबत शंका नाही .
आपण जाताना आमची ताकद मात्र घेऊन जात आहे एवढं मात्र नक्की सर .
आपल्यासारखा अधिकारी आम्हाला व आमच्या माणगाव शहराला लाभला हे आमचे भाग्य
पुढील वाटचालीस तुम्हाला हार्दिक शुभेच्छा तुमच्या चांगल्या कामाने तुम्ही खूप मोठे होणार यात शंका नाही.तुमचा प्रेम आमच्यावर कायम असू दे एवढीच आमची प्रार्थना 🙏
🙏🙏🙏🙏धन्यवाद सर
शुभेच्छुक- साळुंके रेस्कु टिम सर्व मेंबर्स🙏🙏🙏

01/07/2024

धाडस नको रे बाबानो
भलतं धाडस करणं एका कुटुंबाच्या अंगाशी आलं आहे.
लोणावळ्यातील भुशी डॅम परिसरात 5 जण बुडाले. तिघांचे मृतदेह सापडले असून दोघांचा शोध अद्यापही सुरू आहे. आग्राहून आलेलं हे कुटुंब भुशी डॅमच्या मागच्या बाजूला असलेल्या धबधब्यात पोहोचलं गुडगाभर पाण्यानी रुद्र रुप धारण करुन कुटुंबावर घाला घातला..
हे सर्व 27 तारखेला आग्रा इथून ते एका लग्नासाठी आले होते. लग्नसोहळा पार पडला. 30 जूनला रिसेप्शन होतं ते देखील पार पडलं आणि त्यांनी लोणावळा फिरयाचा प्लॅन केला होता, 1 जुलैला ते मुंबईला जाणार होते. सकाळी सगळे निघाले, येता येता छोट्या धबधब्यावर थांबायचं होतं मात्र तिथे पार्किंग मिळालं नाही व ते पुढे आले. लोकांच्या मागून त्यांनी ही अडनिड्या धबधब्याची जागा शोधली.
भुशी डॅमऐवजी ते इथे लोकांच्या मागून धबधब्यावर जाण्यासाठी आले. तेथे ५०-६० लोक होते ते धबधब्याच्या ठिकाणी गेले आणि अचानक पाण्याचा प्रवाह वाढला आणि पाच जण वाहून गेले. आग्राहून आलेल्यांपैकी पती-पत्नी आणि त्यांची मेहुणी आणि चार वर्षांचं बाळ वाहून गेलं. अन्सारी कुटुंबातील चार जण वाहून गेलं आहे .
त्यामुळे आपला जीव धोक्यात घालून कोणत्याही धबधब्यावर जाऊ नका, कुठल्याही अडचणीच्या जागी जाऊ नका. खास करुन कुटुंबाला अशा ठिकाणी घेऊन जाऊ नका,पावसाळ्यात पाण्याचा अंदाज येत नाही त्यामुळे अशा पद्धतीने जीव धोक्यात घालून कुठेही जाऊ नका असं आवाहन साळुंके रेस्कु टिम कडुन वारंवार केलं जाते…अनेक म्रुतदेह आम्ही शोधुन काढतो ..काय कुटुंबाची परीस्थिती होते ते आम्हाला माहीते..या सोबत प्रशासकीय यंत्रणा सुध्दा आपण कामाला लावतो… म्हणुन सांगतो पाण्याशी खेळ करु नका आपला व आपल्या कुटुंबाचा जीव धोक्यात टाकु नका…🙏🙏🙏🙏
✍️प्रशांत साळुंके..अध्यक्ष साळुंके रेस्कु टिम. महाराष्ट्र@highlight