Vizhi Foundation

19/01/2026

*தமிழகமெங்கும் வேகமாக பரவும் ‘சுகர் மம்மி - சுகர் பேபி’ கலாச்சாரம்: ஆந்தை ரிப்போர்ட்டரின் பிரத்யேக எச்சரிக்கை ரிப்போர்ட்!
தமிழகத்தின் கலாச்சாரத் தளத்தில் 'சுகர் டாடி' விவகாரங்கள் ஒருபுறம் விவாதிக்கப்பட, இன்னொரு பக்கம் 'சுகர் மம்மி' (Sugar Mommy) கலாச்சாரம் காட்டுத்தீயாய் பரவி வருகிறது. குறிப்பாக, கல்லூரி மாணவர்கள் மற்றும் வேலை தேடும் இளைஞர்களைக் குறிவைத்து வீசப்படும் இந்த 'வலை' குறித்து ஆந்தை ரிப்போர்ட்டர் நடத்திய ஆய்வில் திடுக்கிடும் தகவல்கள் கிடைத்துள்ளன.
*யார் இந்த சுகர் மம்மி?
பொதுவாக 40 வயதைக் கடந்த, வசதி படைத்த, தனிமையில் இருக்கும் அல்லது கணவன் வெளிநாட்டில் இருக்கும் பெண்கள் இந்த வரிசையில் வருகிறார்கள். இவர்களுக்குத் தேவை உடல் ரீதியான அல்லது மன ரீதியான 'துணை'. இதற்குப் பிரதிபலனாக, தங்களை விட வயதில் மிகச் சிறிய இளைஞர்களுக்கு (சுகர் பேபி) கைநிறையப் பணமும், விலை உயர்ந்த பரிசுப் பொருட்களும் வழங்குகிறார்கள்.
*ஆய்வில் தெரிந்த அதிர்ச்சி உண்மைகள்:*
சென்னை, கோவை, மதுரை போன்ற நகரங்களில் உள்ள உடற்பயிற்சிக் கூடங்கள் (Gyms), உயர்தர விடுதிகள் மற்றும் பிரத்யேக டேட்டிங் செயலிகள் வழியாக இந்தத் தொடர்புகள் ஏற்படுகின்றன.
விலையுயர்ந்த பைக், பிராண்டட் உடைகள், நட்சத்திர ஹோட்டல் விருந்துகள் எனத் தொடங்கும் இந்த உறவு, ஒரு கட்டத்தில் இளைஞர்களை முழுமையாக அந்தப் பெண்ணின் கட்டுப்பாட்டில் கொண்டு வந்துவிடுகிறது.
இன்ஸ்டாகிராம் 'டிஎம்' (DM) மற்றும் குறிப்பிட்ட 'சுகர் டேட்டிங்' தளங்கள் மூலம் 'சுகர் மம்மிகள்' தங்களுக்குப் பிடித்தமான இளைஞர்களைத் தேர்வு செய்கிறார்கள்.
*உளவியல் ரீதியான பாதிப்புகள்:
பணத்திற்காகத் தன்னை விட வயதில் மூத்த ஒரு பெண்ணுடன் உறவில் இருக்கும் இளைஞர்கள், காலப்போக்கில் கடும் தாழ்வு மனப்பான்மைக்கும், மன அழுத்தத்திற்கும் ஆளாகிறார்கள்.
உழைக்காமல் கிடைக்கும் இந்தப் பணம், இளைஞர்களின் லட்சியங்களையும் வேலை தேடும் ஆர்வத்தையும் அழித்துவிடுகிறது.
*சமூல மற்றும் சட்டப் பார்வையில் உள்ள ஆபத்துகள்:*
ஆரம்பத்தில் இனிமையாகத் தொடங்கும் இந்த உறவு, இளைஞர்கள் விலக நினைக்கும் போது 'பிளாக்மெயில்' ஆக மாறுகிறது. தனிப்பட்ட புகைப்படங்கள் அல்லது வீடியோக்களை வைத்து மிரட்டி அடிமையாக்கும் சம்பவங்கள் அதிகரித்துள்ளன.
சில நேரங்களில் 'சுகர் மம்மி' என்ற போர்வையில் வரும் மோசடிக் கும்பல்கள், இளைஞர்களைத் தங்கள் ஆசை வலைக்குள் இழுத்துப் பின்னர் அவர்களின் வங்கிக் கணக்குகளை முடக்குவதும் நடக்கிறது.
*ஆந்தை ரிப்போர்ட்டர் எச்சரிக்கை:*
"சர்க்கரை" பூசிய இந்தப் பாதையில் நடக்கும் இளைஞர்கள் கவனித்திற்கு... கஷ்டப்படாமல் வரும் பணம் உங்களை ஒருபோதும் வாழ வைக்காது. தற்காலிகச் சுகத்திற்காக உங்கள் மானத்தையும், எதிர்காலத்தையும் அடகு வைக்காதீர்கள். பெற்றோர்களே, உங்கள் மகன் திடீரென விலை உயர்ந்த பொருட்களைப் பயன்படுத்தினால், அதன் பின்னணியை விசாரிப்பது அவசியம்.
தமிழகத்தின் இளைய தலைமுறை இந்தப் 'போலி' வசீகரங்களில் சிக்காமல் தற்காத்துக் கொள்ள வேண்டியது அவசியம்!

08/01/2026

29/12/2025

பத்தாம் வகுப்பிற்கு மேல் இருக்கும் சிறுவர்கள் ஒருவேளை போதை பழக்கத்திற்கு அடிமையாகி இருந்தால் அவர்களைத் திருத்தி ஒழுங்குப்படுத்தும் சாத்தியம் மிகக்குறைவு. ஆனால் ஒரு பகுதியில் பத்தாம் வகுப்பிற்குட்பட்ட சிறுவர்கள் இருக்கிறார்கள் போதைப்பழக்க ஆரம்பக்கட்டத்தில் இருக்கிறார்கள் என்றால் நிச்சயம் அதிலிருந்து மீட்கலாம். மீட்டிருக்கிறோம்.
இதை பள்ளிகளோ பள்ளி ஆசிரியர்களோ முழுமையாக செய்ய முடியாது என்பது என் கருத்து. அரசோ இல்லை சமூகத்தின் மீது அக்கறை கொண்ட அமைப்புகளோ அரசின் உதவியோடு ஒவ்வொரு பகுதியிலும் குழந்தைகளை அணுகி ஒன்றுப்படுத்தி கலை, விளையாட்டு மூலம் சிறுவர்களை ஒழுங்குப்படுத்தலாம். போதைப்பழக்கத்தினால் இடைநிற்றல் அதிகமாகியிருக்கிறது என்பதை ஒத்துக் கொண்டாக வேண்டும்.
பெற்றோர்களே, போதைப் பழக்கத்திற்கு அடிமையான குழந்தைகளைக் கண்டு பயப்படுகிறார்கள் என்பது தான் உண்மை. பள்ளிகளுக்குள்ளே கூல் லிப் உபயோகம் சாதாரணமாகி விட்டது. சாதி மத பேதமின்றி போதையில் ஒன்றினைந்திருக்கிறார்கள்.
எனக்குத் தெரிந்த மிகவும் நன்றாக படிக்கக்கூடிய ஒரு மாணவன் போதைக்கு அடிமையாகி ஆசிரியரை அடிக்கச் சென்று போலீஸ் ஸ்டேஷன் வரை சென்று வாழ்க்கையை சீரழித்துக் கொண்டான். பேச முயற்சித்த போதும் மீண்டும் எங்களிடம் வரவில்லை. அவ்வளவு தான் அவன் வாழ்க்கை.
உங்களுக்கு சமூகத்தின் மீது அக்கறை இருந்தாலும் போதைக்கும்பலிடம் தனியாக போகாதீர்கள். அவர்கள் மீது தனியாளாக சென்று புகார் அளிக்காதீர்கள். அவர்களை பகைத்துக் கொள்ளாதீர்கள். இதனைக் கூட்டு முயற்சியாகத் தான் கையாள வேண்டும். இவ்வளவு எளிதில் எப்படி போதைப்பொருட்களை சப்ளை செய்கிறார்கள் என்பது தான் புரியவில்லை.
கிசா, ரவுடியிசம் போன்ற பாடல்களை கேள்வியின்றி தடை செய்ய வேண்டும்.
கூல் லிப்பை தடை செய்ய வேண்டும். ஏன் அரசு கண்டும் காணாமலும் செல்கிறது? இது கல்வியில் சிறந்த தமிழ்நாடு தானே, எப்படி போதையிலும் சிறந்திருக்கிறது?
ஆனால் நிச்சயமாக அரசு நினைத்தால் ஆரம்பக்கட்டத்தில் இருக்கும் மாணவர்களை வெளிக்கொண்டு வந்துவிடலாம். அரசு நினைக்க வேண்டும்.
இன்னொரு முக்கியமான விஷயம் சிறுவர்களை போலவே சிறுமிகளும் போதைக்கு அடிமையாகும் சூழல் ஏற்ப்பட்டு விட்டது. ஆச்சரியமாக இருந்தாலும் அது தான் உண்மை.

10/12/2025

அருட்பெருஞ்ஜோதி
Request open:
கல்லூரியில் 2-ம் ஆண்டு பயிலும் மாணவிக்கு கட்டணம் ₹20000 கட்டாத காரணத்தால் வகுப்பிற்கு அனுமதிக்கவில்லை. 😔
இவரது தந்தை குடல் புற்றுநோயால் பாதிக்கப்பட்டு சற்றே மனவளர்ச்சி பாதிக்கப்பட்ட நிலையில் உள்ளார்☹️
இவருக்கு உதவ நினைக்கும் நல்உள்ளங்கள் தங்களால் இயன்ற உதவிகளை செய்யலாம் 🙏

07/12/2025

மதுரை அன்னை சத்யா நகர் மக்களுக்கு yoga lifecare and educational trust நண்பர்களுடன் சென்று அரிசி பை கொடுக்கப்பட்டது.

27/10/2025

இளைஞர்களின் கவனத்தை வேட்டையாடும் 'குறுகிய' உலகம்

இன்று, தமிழ்நாட்டில் கல்லூரி மாணவர்கள் முதல் இளம் பணியாளர்கள் வரை அனைவரின் கைகளிலும் ஒட்டிக்கொண்டிருக்கும் ஸ்மார்ட்போன்கள் வெறும் தகவல் தொடர்பு சாதனங்கள் அல்ல; அவை அவர்களின் கவனம் மற்றும் படைப்பாற்றலைத் தின்றுவிடும் டிஜிட்டல் அரக்கர்களாக மாறிவிட்டன.

டிக்டாக்-இல் தொடங்கி இன்று யூடியூப் ஷார்ட்ஸ், இன்ஸ்டாகிராம் ரீல்ஸ் எனப் பல தளங்களில் கோலோச்சும் இந்த குறுகிய வீடியோக்கள் (Short-form Videos), தகவல் துணுக்குகளை அதிவேகமாக வழங்குவதன் மூலம் மூளையில் ஒருவித உடனடி இன்பத்தை (Instant Gratification) உருவாக்குகின்றன. இந்த வேகம், இளைஞர்களின் மனநலத்திலும், சிந்தனைத் திறனிலும் எதிர்பாராத பாதிப்புகளை ஏற்படுத்தி வருகிறது.

பெரும்பாலான குறுகிய வீடியோக்கள் 15 வினாடிகள் முதல் 60 வினாடிகள் வரை மட்டுமே நீடிப்பதால், ஒரு பயனரின் கவனத்தை ஒருமுகப்படுத்தும் ஆற்றல் (Attention Span) வெகுவாகக் குறைந்து வருகிறது. ஒரு மணி நேரம் நீளும் ஒரு ஆவணப்படத்தை அல்லது ஒரு நாவலை முழுமையாகப் படிக்கும் பொறுமை இன்றைய இளைஞர்களிடம் இல்லாமல் போகிறது. ஒரு சிக்கலான பிரச்சினையைப் பற்றி ஆழமாகச் சிந்தித்து, பல தகவல்களை அலசி ஆராய்ந்து ஒரு முடிவுக்கு வரும் திறன் குறைகிறது. ஏனெனில், குறுகிய வீடியோக்கள், சிக்கலான உள்ளடக்கத்தைக்கூட உடனடியாக எளிமைப்படுத்தி, சுருக்கி வழங்குவதால், ஆழமான கற்றல் மற்றும் பகுப்பாய்வுத் திறன் மழுங்கிவிடுகிறது.

கல்வி மற்றும் உழைப்பில் தாக்கம்: சோம்பலாகும் மூளை

ஸ்மார்ட்போன் அடிமைத்தனம், மாணவர்களின் கல்வித் திறனை நேரடியாகப் பாதிக்கிறது. பாடங்களைப் படிக்கும்போது சீக்கிரமே சோர்வடைவது, தேர்வுக்குத் தயாராகும்போது கவனம் சிதறுவது எனப் பல பிரச்சினைகளை அவர்கள் சந்திக்கின்றனர்.

ஒரு மணி நேரப் படிப்பிற்குப் பிறகு ஐந்து நிமிடங்களுக்கு ரீல்ஸ் பார்த்தால் போதும், மீண்டும் படிப்பில் கவனம் செலுத்தப் பல நிமிடங்கள் தேவைப்படுகின்றன. இதன் காரணமாக, கல்வியில் தேர்ச்சி குறைவதுடன், இளைஞர்கள் தங்களின் உண்மையான படைப்பாற்றல் திறனை வெளிப்படுத்தவும் தவறவிடுகின்றனர்.

மேலும், இந்த தளங்களில் வரும் உள்ளடக்கங்கள் பெரும்பாலும் பொழுதுபோக்கு, சவால்கள் மற்றும் பகட்டான வாழ்க்கை முறையைக் காட்டுவதால், நிஜ வாழ்க்கைப் பிரச்சினைகளைச் சமாளிக்கத் தேவையான உறுதியான மனப்பான்மை (Resilience) இளைஞர்களிடம் குறைந்து வருகிறது.

சமூக வலைத்தளங்களில் வரும் போலியான வெற்றிகளைக் கண்டு, தாங்கள் பின்தங்கிவிட்டோமோ என்ற மன அழுத்தத்திற்கு ஆளாகின்றனர். இது தூக்கமின்மை, மனப்பதற்றம் (Anxiety) மற்றும் சமூகத்திலிருந்து தனிமைப்படுதல் போன்ற உளவியல் சிக்கல்களுக்கும் வழிவகுக்கிறது.

வெளியேறும் வழி: டிஜிட்டல் கட்டுப்பாடு

இந்த அச்சுறுத்தலில் இருந்து மீள, இளைஞர்களும், பெற்றோர்களும் சில கட்டுப்பாடுகளை விதிப்பது அவசியம்.

நேரக் கட்டுப்பாடு: ரீல்ஸ் பார்ப்பதற்குக் குறிப்பிட்ட நேரத்தை மட்டும் ஒதுக்கி, மீதமுள்ள நேரத்தைப் புதிய திறன்களைக் கற்றுக்கொள்வதற்கும், உடற்பயிற்சிக்கும், குடும்பத்துடன் பேசுவதற்கும் பயன்படுத்த வேண்டும்.

படைப்பாற்றல் செயல்பாடு: Passive Consumption (உள்ளடக்கத்தை வெறும் பார்ப்பது) என்பதிலிருந்து Active Creation (உள்ளடக்கத்தை உருவாக்குவது) என்பதற்கு மாறுவது அவசியம். கதை எழுதுதல், படம் வரைதல், இசை கற்றுக்கொள்ளுதல் போன்ற படைப்பாற்றல் சார்ந்த பொழுதுபோக்குகளில் ஈடுபட வேண்டும்.

ஆழமான வாசிப்பு: வாரத்திற்கு ஒரு முறையாவது நாளிதழ்களின் முழுமையான கட்டுரைகள் அல்லது ஒரு புத்தகத்தைப் படிக்கப் பழகுவதன் மூலம், இழந்த கவனத்தை மீண்டும் பெறலாம்.

இளம் தலைமுறைதான் ஒரு நாட்டின் எதிர்காலம். அவர்களின் படைப்பாற்றல் திறனை குறுகிய வீடியோக்களின் இன்பத்திற்காகப் பலியிடுவது என்பது சமூகத்தின் மிகப் பெரிய இழப்பாகும்.

26/10/2025

A Progressive Step for Women in the Workforce! 💫
Karnataka becomes the first state in India to approve 12 days of menstrual leave annually for women employees — applicable to both government and private sectors.
This move not only acknowledges women’s health needs but also opens an important conversation around empathy, inclusivity, and gender-sensitive workplace policies.
It’s encouraging to see policy evolving towards a more supportive and humane work culture — one where well-being is prioritized as much as productivity.
Let’s hope this inspires other states and organizations to follow suit. 🌸

22/10/2025

தாமினி என்றொரு செயலி. இடி, மின்னல்களை வருமுன் கணிக்கிறது.
இது மழைக்காலம். இடியும் மின்னலும் இருக்கத்தான் செய்யும். பாதுகாப்பாக இருப்பது நமது பொறுப்பு.
மின்னல் தானே? நொடிப்பொழுது தோன்றி மறையப் போகிறது. ஜன்னலோரம் அமர்ந்து பாட்டுக்கேட்டுக்கொண்டே ரசிக்கலாம்.
உண்மை தான். ஆனால் வாழ்க்கை எல்லோருக்கும் இப்படி இருப்பதில்லை. திறந்தவெளிகளில் வேலை செய்பவர்கள் எண்ணற்றோர். இவர்களுக்கெல்லாம் இது ஒரு மரண பயம் தரும் பிரச்சினை.
மனிதகுலம் தோன்றிய காலம் முதலே கண்டஞ்சியவற்றுள் மின்னல் முதன்மையானது. ஒவ்வொரு நொடியிலும் ஐம்பதிலிருந்து நூறு மின்னல்கள் பூமியைத் தாக்குகின்றவாம்.
ஆண்டுதோறும் இருபதாயிரம் நபர்களை மின்னல் தாக்குகிறது. இந்தியாவில் மட்டும் இரண்டாயிரம் பேர் மின்னல் தாக்கி இறக்கின்றனர். அதிலும் குறிப்பாக வயல் போன்ற திறந்தவெளிகளில் வேலை செய்பவர்கள்.
மின்னல் நேரடியாகத் தாக்குவது ஒருபுறம். இதனால் ஏற்படும் தொடர் விளைவுகளும் அதிகம். மின்சாரக் கட்டமைப்புகள் நிலைகுலைந்து போவது, காட்டுத்தீ ஏற்படுவது. இப்படியொரு நீண்ட பட்டியல் உள்ளது.
மின்னலோடு நாம் சண்டை செய்ய முடியாது. தற்காத்துக்கொள்வது தான் ஒரே வழி. இதற்குத் தொழில்நுட்பத்தைத் துணைக்கு அழைத்துள்ளனர். இந்திய அரசின் சார்பாக உருவாக்கப்பட்டிருக்கும் மொபைல் செயலி தான் தாமினி.
எப்படிப் பயன்படுத்துவது?
மிக எளிது. ப்ளே ஸ்டோரில் கிடைக்கிறது. இன்ஸ்டால் செய்துவிடுங்கள். இதற்கு மேல் நீங்கள் எதுவுமே செய்ய வேண்டாம். தாமினியே பார்த்துக்கொள்ளும்.
வெளியில் செல்லும் வேலை இருக்கிறதா? அல்லது திறந்த வெளியில் தான் இருக்கிறீர்களா? மின்னல் வரும் சூழல் உள்ளதா?
தாமினி செயலியைத் திறக்கவும். நீங்கள் இருக்கும் இடத்தை அதுவே கண்டறிந்து கொள்ளும். உங்கள் இடத்தைச் சுற்றி இரண்டு வட்டங்கள் போடும் (செயலியில்).
வட்டம் சிவப்பென்றால் ஆபத்து. ஏழு நிமிடங்களுக்குள் மின்னல் தாக்கும் வாய்ப்புள்ளது. ரெட் அலர்ட். மஞ்சள் நிறமாக இருந்தால் பதினான்கு நிமிடங்கள். நீலமென்றால் இருபத்தி ஒன்று.
இம்மூன்றும் இல்லாமல் பசுமையாக இருக்கிறதென்றால் மின்னல் இல்லை என்று பொருள். அவர்களே “No Lightning in your area” என்று அறிவித்துவிடுகின்றனர்.
தாமினிக்குப் பல்வேறு இந்திய மொழிகளும் தெரிந்திருக்கிறது. தமிழ், மலையாளம், ஹிந்தி என்று நீங்கள் விரும்பும் மொழியைத் தேர்வு செய்யலாம். ஆங்கிலம் வாசிக்கத் தெரியாத நபர்களுக்கு இது மிகவும் பயனுள்ளதாக இருக்கும்.
இதுபோக, மின்னலிலிருந்து தற்காத்துக்கொள்ளும் பல்வேறு வழிமுறைகளைப் பட்டியலிடுகிறது தாமினி. செய்யத்தக்கன, செய்யக்கூடாதன என்றொரு பட்டியல் போட்டிருக்கிறார்கள். நிச்சயம் படித்துத் தெரிந்துகொள்ளுங்கள்.
ஒருவரை மின்னல் தாக்கிவிட்டால் என்னவிதமான முதலுதவிகள் செய்ய வேண்டும் என்றும் தெளிவாக விளக்கியுள்ளனர்.
எதையெதையோ மொபைலில் இன்ஸ்டால் செய்திருப்போம். தாமினி என்னும் மின்னல் தேவதைக்கும் இடம் கொடுங்கள்.

04/06/2025

madurai theppakulam

02/06/2025

தமிழ்நாட்டில் ‘எளிமை ஆளுமை’ திட்டம் - இனி இந்த 10 அரசு சேவைகளை எளிதாக, விரைவாகப் பெறலாம்!

Read more at:

பொதுமக்களின் வசதிக்காக 10 அரசு சேவைகளை எளிதாக்கும் ‘எளிமை ஆளுமை’ (Simple Gov ) திட்டத்தை தொடங்கி வைத்துள்ளார் முதல்வர்...

30/05/2025

“அம்மணப் புகைப்படங்கள்” - பொள்ளாச்சி வல்லுறவுக்கு எதிர்ப்பு தெரிவிக்கும் வகையில் 2019 இல் வந்த போதும்,
தற்போது கூடுதலாக 2 புகைப்படங்களுடன் எழுதிய போதும்,
எனது பேட்டியிலும்
என் உடல் என் ஆயுதம் என்கிறேன்! என் உடல் என் உரிமை என்பதை “கட்டற்ற பாலியல் சுதந்திரம்” என்னும் கருத்தையா முன் வைக்கிறேன்!
கட்டற்ற பாலியல் சுதந்திரம் பேசிய லூலு குழுவினருக்கு எதிராக நான் அப்போது எழுதியதும், 3 மனி நேரம் கானொளியில் பேசியதும் சாட்சியாக இருக்கும் போதே நானும் அந்த கும்பலும் பேசுவது ஒன்று தான் என்று திரித்துப் பேச அறிவோ, தத்துவமோ தேவையில்லை, வன்மம் இருந்தால் போதும்! (பெண்களின் அடையாளத்தை மறைத்து போடச் சொன்னதில் வந்த முரண், மற்றும் எனக்கு இருக்கும் உடல் நிலை / stress levels அதிகரிப்பு காரணமாகவும் நான் விலகினேன்! பாம்புக்கு பால் வார்த்தாலும் அது விசத்தையே கக்கும் என்பது சரியாக உள்ளது)
என் பதிவு தெளிவாக சொல்கிறது - பெண் உடலை பாலியல் பண்டமாகக் காணும் ஆண்களை பண்படுத்த வேண்டும், பெண்
உடல் மீது கட்டுப்பாடு செலுத்துவதன் மூலம் அது வக்கிரவாதிகளையும், வல்லுறவாளர்களையும் அதிகாரமிக்கவர்களாக்குகிறது!
ஆண் உடல், பெண் உடல் கருத்தியல் பேதம் களைய வேண்டும்! நிர்வணம் ஆபாசமில்லை!
இதில் எங்கே பாலுறவு பற்றிய பேச்சு வருகிறது!
உருட்டுக்கு அளவே இல்லையா!
எதிர்காலத்தில் திரைப்படம் இயக்கும் ஆர்வம் இருப்பதால் பெண்களின் பிரச்சினைக்கு எதிராக நான் எடுக்கும் சில புகைப் படங்கள், பதிவுகளை உதிறியாக சமூக வலை தளத்தில் போடுவதா, திரையில் பேசுவதா என்ற சிந்தனையில் அப்படியே வைத்திருப்பேன்! சில வேளைகளில், சில வக்கிரங்கள் மூட்டும் தீயால், அதை வெளியிட்டு கலகம் செய்வேன்!
அந்த புகைப்படங்கள் அப்படியானவை! இதுல என்ன குழப்பம்! குழப்பமே இருந்தாலும் என்ன?
படிப்பவர்கள் அதன் சாரத்தை, நோக்கத்தை புரிந்து கொண்டு அதற்கு தம் ஆதரவை தந்தால் அவர்களையும் Target செய்வதெல்லாம் வன்மத்தின் உச்சம்!
உற்பத்தி சக்திகள் மாறாமல் பெண் விடுதலை கிடையாது, மானுட விடுதலை கிடையாது என்று மார்க்சிய நூல்களை மொழிபெயர்த்தும், எழுதியும், பேசியும் வரும் எனக்கு இவர்களின் முத்திரை குத்தல்கள் நகைப்பைத் தருகிறது!
சாதிய விடுதலையும் அப்போது தான் சாத்தியம் அதற்காக இன்றைய பூர்சுவா ஜனநாயக, மனித உரிமை போராட்டங்களை நாம் நடத்துவதில்லையா? உத்தி, தந்திரம், உடனடி அதிரடி, நீண்ட கால செயல்திட்டம், பண்படுத்துதல், நிலவும் மூளைச் சலவைக்கு சவால் விடுதல் எல்லாம் போராட்ட வடிவமே! அதில் உங்களுக்கு உடலும், பாலியல் சுதந்திரமும் மட்டுமே தெரிகிறதெனில் கோளாறு உங்களிடமே! அதற்கு பெயர் ஆணாதிக்கம், “இடதுசாரி” என்று முலாம் பூசிக் கொண்டு செய்யும் அராஜகம்!
ஆணாதிக்க அராஜகம் ஒழிக!
அம்மணப் போராட்டம் தொடரும்!
பெண் உடல் மீதான ஆணாதிக்க வக்கிரப் பார்வை மாறும் வரை தொடரும்!
இப்படிக்கு சீரியல் நடிகை 😊