YMA Sub Hqtr Lunglei

03/09/2026

Kohhran Hruaitu Te Kawm

03 Mim K*t 2026

Nimin Ni 02.09.2026 (Nilaini) hian YMA-in Kumpuan Ruihhlo Do kalpui mekah kohhran hruaitute kawm nise tih a nih angin Presbyterian Church of India, Administrative Secretary leh The Salvation Army Southern Division - DC te kawm an ni a. Kan hma lawka Ruihho Do Kawng zawh leh Salvation Camping kan neih turah te kohhrante nena kan ṭan ho theih dan turte sawi ho niin PCI leh SA Kohhran hruaitu te hian inhawng takin kan hruaitute an lo dawngsawng a ni.

02/09/2026

Lawm thu sawina leh ngenna

01/09/2026

31/08/2026

YMA SUB- HEADQUARTERS LUNGLEI HRUAITUTE LEH SP LUNGLEI-IN INKAWM HONA AN NEI

31 August 2026 | Thawhṭanni

Pu Shivam Siddharth (IPS), SP Lunglei District chuan YMA Sub-Hqrs Lunglei Office Bearers-te a Office ah leng tura a sawm angin Dt. 31.08.26 (Thawhtanni) dar 2:00 PM khan SP hi a Office-ah an len chilh a.

Pu K. Lalfakzuala , President chuan District thuneitu te nen a bik takin dan leh thupek kenkawh kawngah thawhhona tha an neih thin thu sawiin Pu Shivam pawhin Police te leh YMA te thawh hona tha tak an neih zel a beisei thu a sawi a.

YMA Sub-Hqrs Lunglei OB te hian Ruihhlo Do kalpui mekah a ṭul anga in lam tawna ṭan lak tlan an duh thu sawiin YMA Sub-Hqrs Lunglei-in Ruihhlo Dona tura hmachhawp a neihah te thawh hona ṭha tak neih nise tiin SP leh OB te hian hmalak dan tur inpawh takin an sawi ho a ni.

29/08/2026

BUILDING LEI : YMA Sub-Hqrs Lunglei chuan YMA Office Venglai Lunglei kianga In sak sa chu Mizoram Rural Bank, Venglai atangin
nimin Ni.28.08.2026 (Zirtawpni) khan an lei fel a. MRB Main Branch Manager leh Asst. Manager te hnen aṭangin LSC Office Bearers te'n an dawng a ni.

He building hi YMA-in ram leh hnam tana rawng a bawl zelna turah ṭangkai taka hman a ni dawn a ni.

28/08/2026

YMA BAZAR VENG BRANCH TE'N KUMPUAN HAWNNA HUN AN HMANG

28.08.2026 | Zirtawpni

Nizan (27.08.2026) khan YMA Bazar Veng Branch te chuan Kumpuan Hawnna hun, Bazar Veng Community Hall-ah an hmang a. Kumpuan hawngtu atan Pu K Lalfakzuala, President, YMA Sub Headquater Lunglei chu sawm a ni.

Kumpuan hawnna inkhawm hi Pu Hmingthanghluana, Vice President, YMA Bazar Veng Brqnch chuan kaihruaiin, Pu Lalrammuana Chawngthu, Adviser chuan hunserh a hmang a. Khuallian, Pu K.Lalfakzuala, chuan thusawiin, ruihhlo do turin YMA member-te a sawm a. Ruihhlovin a tihbuai ni lovin, Ruihhlo tihbuai-te chhan chhuaktu nih tum zâwk ṭheuh tura chahin, hmanlai zawlbuk ral rèl ṭhin angin, tunlai ruihhlo zuartu laka kan hnam chhan chhuak tur hian YMA chuan 'Operation Zawlbuk' kan ṭan a ngai a ni, a ti.

Khuallian thusawi bakah hian, Tv.H.Lalramdinliana, President, YMA Bazar Veng Branch leh NGO/Local Council aiawh aṭangtein fuihna thusawi ṭha tak tak ngaihthlak a ni bawk.

Inkhawmah hian YMA, Local Council, MHIP, leh MUP aiawhte bakah YMA Sub-Hqrs. Lunglei Executive Committee member engemawzat an tel a ni. Tun dinhmunah YMA Bazar Veng Branch-ah hian member 2,000 chuang an awm mek a ni.

27/08/2026

YMA Sub-Hqrs Lunglei Executive Committee Meeting:

YMA Sub-Hqrs Lunglei chuan k*m 2026 -2028 term an hman mek ah Executive Committee meeetig vawi 5-na chu Dt. 26.08 2026 (Nilaini) khan YMA Office, Venglai, Lunglei ah an nei.

Meeting hian YMA Rorel vawi 5-na tur, 22nd October 2026 a neih tura SYMA-Lunglei atanga Agenda thlen tur thlir/thlitfim niin hei bakah hian ECI ruahmanna a SIR 2026 kalpui mek a YMA Sub-Hqrs Lunglei in Electoral Roll dik, Rintlak, felfai leh India khua leh tui diktak te chauh an chuan theih na tura hma a lakna te thlir let in Office Bearers leh SEC member te Thorang AC leg West Tuipui AC tum 5 zet fehchhuak in an hnuai a Group leh Branch te an huamchhunga SIR Hearing ah ERO leh AERO te tawiawm a tha an thawh bakah Indo-Bangla Border hnaih YMA Khawthlangtuipui Group leh YMA Thorang Group hruaitu te leh an hnuai Branch te tha leh zung sengin an fehchhuak tha hle bawk a, YMA in SIR 2026 atana theih tawp an chhuah thei leh DEO, EO bakah ERO leh AERO ten uluk taka SIR 2026 an kalpui dan chu lawmawm an tih thu an tarlang bawk.

Hetih rual hian E/Roll a dan in a phal loh te an chuan theih nana Document lem siamtu chhuichhuah anih theih nan hmalak chhunzawm nise an ti bawk a. A tul angin thuneitu te hnen ah BLO leh Regustrar of Birth and Death rintlak zawk ramri hrul ah neih a tul thu thlen nise an ti bawk.

Nimin meeting hian Ruihhlo Do na tur atana hmalakna kawngkhat atan Kohhran Hruaitu te an kawm kual mek tih tarlang in October thla hian Ruihho Do kawng zawh liantham tak buatsaih tum a nih thu leh Town Branch te nen Ruihho Do Hnatlang koh an rel a, tin Ruihhlo Ngaite pual in Camping buatsaih tura hmalak mek a nih dan te an thlirho bawk a ni.

YMA Sub-Hqrs Lunglei hnuai ah hian YMA Group - 11 awmin YMA Branch - 119 an awm mek bawk a, heng zingah hian Town Branch - 21 an awm a. YMA member - 50,430 an awm mek bawk a ni.

26/08/2026

“Chittagong Hill Tracts hi Chakma ram bil a ni ngai lova,
Tlabung pawh Chakma khua a ni ngai hek lo” - YMA Sub Hqtr. Lunglei

24/08/2026

YMA SUB HEADQUARTER LUNGLEI HRUAITUTE LEH KOHHRAN HRUAITUTE AN INKAWM

YMA-in k*mpuan ah 'Ruihhlo Do' a kalpui mek chungchangah kohhran te nena a ṭul anga hmalakna kalpui zel a nih theih nan YMA Sub Hqrs. Lunglei Office Bearers te chuan Lunglei khawpui chhunga kohhran hruaitute tlawhin 'Ruihhlo Do' kawnga inkawm hona neih tura ruahmanna an siamte chu an kalpui ṭan mêk a.

Ni 24.08.2026 (Thawhṭanni) khan Baptist Church of Mizoram hruaitu Rev Dr. H Lalthlamuana - General Secretary, Rev R Lalrintluanga – AGS (Mission), Rev. Vanlalmuankima – AGS (Service), Rev. RC Lalthanzama – Director Social Concerned Department leh Rev. Lalzarliana Khiangte – Administrative Officer te nen BCM Headquarters Office, Serkawn-ah inkawmin Ruihhlo Do kalpui mekah kohhran-in hma a lakna leh YMA-in hmachhawp a neihte inpawh tlang taka sawi ho niin a ṭùl ang zela ṭan tlan zel ni se an ti. BCM hruaitute chuan YMA-in ruihhlo a dona atan a ṭul hun leh remchan ang zelin hmunhma te pawh an hman a remchan tur thu an sawi bawk.

BCM bakah hian YMA Sub-Hqrs Lunglei hruaitute hian United Pentecostal Church (NEI) District hruaitute kawm bawkin, Rev Pu C.Lalrintluanga – District Superintendant, Rev PC.Lalfakawma – District Secretary leh Rev. K.Vanlalhruaia – District Treasurer ten UPC (NEI) Office, Chanmari, Lunglei-ah YMA hruaitu te hi an lo dawngsawng a. Ruihhlo do kawnga hmalak hona awm thei tur hrang hrangte inpawh tlang takin an sawi ho a ni.

YMA hruaitute hian Kohhran hruaitu te nena inkawmna hi neih chhunzawm zel an tum thu sawiin, YMA Sub-Headquarters Lunglei President Pu K.Lalfakzuala chuan ‘Ruihhlo Do’ hi k*m liam tawhah pawh YMA, Kohhran, Sawrkar leh NGO dangte nen theihtawpa an kalpui ṭhin thu a sawi a. Kan ram leh hnam nasa taka min ei chhia a, ṭhalai te nunna nasa taka suat mektu ruihhlo hi kohhran leh sawrkar mai bakah NGO dangte leh khawtlang hruaitute nen lungrual taka do zel turin hmalakna pawh an chhunzawm zel dawn tih a sawi a. Kohhran hote hmalakna chuan thla a tihmuan thu leh kohhran te inhuamna leh inpekna chu an chakna leh inghahna pawimawh tak pakhat a ni, tih sawiin a ṭul ang zela in lam tawn a, inko tawn tura ke pen tura an ṭan ho tur thu a sawi bawk.

20/08/2026

Mualṭhuam North tleirawl H Ramdinpuii thattu man chhuah an nih kawnga YMA Sub Headquarter Lunglei thuchhuah