15/10/2024
പ്രിയപ്പെട്ടരെ,
വഴനാടിനെ വീണ്ടും നെഞ്ചോട് ചേർത്ത് പിടിച്ച് അമിഗോസ് മയ്യേരിച്ചിറ കരുതലോടെ മുന്നോട്ടു പോകുന്നു.
ആദ്യ ഘട്ടത്തിൽ, നമുക്ക് 100 ഭക്ഷണ കിറ്റുകൾ വിതരണം ചെയ്യാൻ സാധിച്ചു.
ഇപ്പോൾ രണ്ടാം ഘട്ടത്തിലേക്ക് കടക്കുമ്പോൾ, വഴനാട്ടിലെ ദുരന്തത്തിൽ നിന്ന് അതിജീവിച്ച നിരവധി കുടുംബങ്ങൾ ഇന്നും പ്രയാസം അനുഭവിക്കുന്നുണ്ട്. നമ്മുടെ പ്രവർത്തകർ നേരിട്ട് ബന്ധപ്പെട്ട് നടത്തിയ കൃത്യമായ ഇടപെടലുകളുടെ അടിസ്ഥാനത്തിൽ, രണ്ടു പേരടങ്ങുന്ന പത്ത് കുടുംബങ്ങൾക്ക് അഞ്ചു മാസത്തേക്ക് ഭക്ഷണ സാധനങ്ങൾ നൽകാൻ അമിഗോസ് ഉത്തരവാദിത്തം ഏറ്റെടുത്തു.
കൂപ്പൺ മുഖേന അവിടെയുള്ള സൂപ്പർമാർക്കറ്റിൽ നിന്ന് അവർക്കു ഭക്ഷണ സാധനങ്ങൾ കൈപ്പറ്റാനായി സംവിധാനമൊരുക്കിയിട്ടുണ്ട്. ഓരോ വ്യക്തിക്കും മാസത്തിൽ ₹750 മൂല്യമുള്ള കൂപ്പൺ ലഭ്യമാകും, അതിലൂടെ അവർക്കു വേണ്ട അനിവാര്യ സാധനങ്ങൾ ഏറ്റുവാങ്ങാം.
നമ്മുടെ ഗ്രൂപ്പിൽ നിന്ന് പിരിച്ച ₹21,800 ഉം, വിദേശത്തു നിന്നുള്ള നമ്മുടെ മെമ്പർ കൈമാറിയ ₹40,000 ഉം ചേർത്ത്, ₹61,800 അമിഗോസ് പ്രവർത്തകർ ഈ പദ്ധതി നടപ്പാക്കാൻ കൈമാറിയിട്ടുണ്ട്.
സഹകരിച്ച, സഹായിച്ച എല്ലാവർക്കും ഹൃദയപൂർവ്വം നന്ദി അറിയിക്കുന്നു. നിങ്ങളുടെ സ്നേഹമാണ് ഈ പ്രയാസകാലത്ത് പലരുടെയും ജീവിതത്തിൽ മാറ്റമുണ്ടാക്കുന്നത്. 🙏
