Aashrayam Rural Development Society

12/10/2026

🌿 *പ്രകൃതിയുടെ ഹൃദയമിടിപ്പറിയാൻ ഒരു യാത്ര…..*
*കൊല്ലങ്കോട് - നെല്ലിയാമ്പതി മേഖലകളിലെ ജൈവ വൈവിധ്യ പഠനത്തിനു തുടക്കമായി* ! 🦋🌳

🌱 *മൂന്ന് ദിവസം… ഇരുനൂറിലധികം ജീവവർഗങ്ങൾ…* പ്രകൃതിയെ അറിയാനുള്ള വലിയൊരു തുടക്കം!
കൊല്ലങ്കോട് *ആശ്രയം റൂറൽ ഡെവലപ്മെന്റ് സൊസൈറ്റിയുടെയും* , തൃശൂർ *കാടകം പ്രകൃതി സ്നേഹികളുടെ കൂട്ടായ്മയുടെയും* സംയുക്താഭിമുഖ്യത്തിൽ *സംസ്ഥാന വനം-പരിസ്ഥിതി മന്ത്രാലയത്തിന്റെയും* , *കൊല്ലങ്കോട് ഗ്രാമപഞ്ചായത്തിന്റെയും,* കേരളത്തിലെ *വിവിധ സർവ കലാശാലകളിലെ* **സസ്യ ജന്തു ശാസ്ത്ര വിഭാഗങ്ങളുടെയും* സഹകരണത്തോടെയാണ് സമഗ്ര ജൈവവൈവിധ്യ പഠന പരിപാടി സംഘടിപ്പിക്കുന്നത് . *ആലത്തൂർ എസ്.എൻ. കോളേജിലെ ജന്തുശാസ്ത്ര വിദ്യാർത്ഥികളുടെ* പങ്കാളിത്തത്തോടെ നടന്ന ഫീൽഡ് സർവേ, ഈ മണ്ണിന്റെ ജൈവസമ്പത്തിനെ തിരിച്ചറിയാനും സംരക്ഷിക്കാനുമുള്ള മഹത്തായ ചുവടുവെപ്പായി.

🌿 വിരുത്തിയുടെ പച്ചപ്പിൽ… 🦋 നരിപ്പാറക്കുന്നിന്റെ വന്യഭംഗിയിൽ… 🌳 വെള്ളരിമേടിന്റെ പ്രകൃതിത്തണലിൽ… 🐦 നെല്ലിയാമ്പതിയുടെ കൽച്ചാടിത്താഴ്‌വരകളിൽ…
പ്രകൃതിയുടെ നിശ്ശബ്ദ ഭാഷ വായിച്ചെടുത്ത ഈ പഠനയാത്ര, വെറുമൊരു സർവേയല്ല; വരുംതലമുറയ്ക്കായി ജൈവസമ്പത്തിന്റെ അറിവുകൾ കാത്തുസൂക്ഷിക്കുന്ന ഒരു ദൗത്യമാണ്!

📚 *ജൈവവൈവിധ്യ രജിസ്റ്റർ — പ്രകൃതിയുടെ സ്വന്തം അറിവുപുസ്തകം!*
ശേഖരിക്കുന്ന വിവരങ്ങൾ ശാസ്ത്രീയമായി രേഖപ്പെടുത്തി സംരക്ഷിക്കുന്നതിലൂടെ, ഈ പ്രദേശത്തിന്റെ ജീവസമ്പത്തിനെ അറിയാനും ഭാവിയിലെ സംരക്ഷണ പ്രവർത്തനങ്ങൾക്ക് വഴിയൊരുക്കാനും സാധിക്കും.

🌏 ഒരു വർഷം നീളുന്ന തുടർപഠനങ്ങളിലൂടെ മേഖലയിലെ ജീവജാലങ്ങളെ കണ്ടെത്തി, നാടിനെയും കാടിനെയും ചേർത്തുനിർത്തിയുള്ള സംരക്ഷണ പദ്ധതികൾ ആവിഷ്കരിക്കുകയാണ് ലക്ഷ്യം.

*ഡോ. ആരതി ശശികുമാർ* (മേധാവി, സൂഓളജി വിഭാഗം, ആലത്തൂർ എസ്.എൻ. കോളേജ്) *ഡോ. ബ്രിനേഷ് ആർ.* (മേധാവി, സൂഓളജി വിഭാഗം, തൃശൂർ ശ്രീക്രിഷ്ണ കോളേജ്) *ഡോ. ജെയിൻ ജെ. തേറാട്ടിൽ* (മേധാവി, സൂഓളജി വിഭാഗം, തൃശൂർ സെന്റ് അലോഷ്യസ് കോളേജ്) *എസ്. ഗുരുവായൂരപ്പൻ* (സാമൂഹ്യശാസ്ത്രജ്ഞൻ) *നെന്മാറ ഡിവിഷൻ വനംവകുപ്പ് ഉദ്യോഗസ്ഥർ* തുടങ്ങിയവർ പഠന പ്രവർത്തനങ്ങൾക്കു നേതൃത്വം നൽകി.

വിവിധ വിഷയങ്ങളിൽവിവിധ വിഷയങ്ങളിൽ *എം. വിവേഷ്* (അധ്യാപകൻ), *ബിഞ്ചു ജേക്കബ്,* *അസ്സിസ്റ്റൻറ്പ്രൊഫ. വിഷ്ണു ദാസ്* നയിച്ചു.

12/10/2026

12/10/2026

മൂന്നുദിവസം നീണ്ടുനിന്ന ഇന്റേൺഷിപ് ക്യാമ്പിനു താൽകാലിക പര്യവസാനം. SN collage zoology വിഭാഗം, ആശ്രയം, കാടകം എന്നീ വിഭാഗങ്ങളുടെ പ്രവർത്തകർ ഒത്തുചേർന്നപ്പോൾ കുട്ടികൾക്ക് ഏറെ ഗുണം ചെയ്തു. പ്രകൃതി പഠനം, ശ്രമദാനം, സർവ്വേ, മറ്റു പ്രധാന വിഷയങ്ങളിൽ പ്രഗത്ഭരായ വ്യക്തികളുടെ ക്ലാസുകൾ എന്നിവ ഈ മൂന്നുദിവസം കുട്ടികളെ ആക്റ്റീവ് ആക്കി. ഒത്തിരി അറിവുകളും ഓർമകളുമായി മുന്നോട്ട്.

10/10/2026

ആലത്തൂർ SN കോളേജ് zoology വിദ്യാർത്ഥികയുള്ള ഇന്റേൺഷിപ് ക്യാമ്പ്‌ (9/10/26-11/10/26) ആദ്യദിന കാഴ്ചകൾ.. ഉദ്ഘാടനം Adv. അശ്വതിദാസ്, പ്രസിഡന്റ്‌ കൊല്ലെങ്കോട് ഗ്രാമപഞ്ചായത്ത്, സാന്നിധ്യം ശ്രീ. ശിവൻ,, വൈസ്പ്രസിഡന്റ്‌, മുഖ്യാഥിതി Dr. ബ്രിനേഷ്, അദ്ധ്യാപകൻ ശ്രീകൃഷ്ണ കോളേജ്, അധ്യക്ഷൻ ശ്രീ. അനിൽകുമാർ പി. ആർ., സെക്രട്ടറി ആശ്രയം, സ്വാഗതം ശ്രീ. എസ് ഗുരുവായൂരപ്പൻ ആശ്രയം, ആശംസകൾ ശ്രീ. വിഷ്ണുനാഥ്, അസിസ്റ്റന്റ് പ്രൊഫസർ SN കോളേജ് ആലത്തൂർ, ശ്രീ. വിനോദ്കുമാർ കോർഡിനേറ്റർ ഹരിജനോധാരണ വായനശാല, ശ്രീ. പി. അരവിന്ദ്ധാക്ഷൻ, റീത്ത അരവിന്ദ്, ആശ്രയം നന്ദി ശ്രീ. എ. ജി. ശശികുമാർ..... ക്യാമ്പിന്റെ ഭാഗമായി വിവിധ സെഷനുകൾ (വിവേഷ് മാഷ്, ഗുരുജി, ജയിംസ് സർ, ബ്രിനേഷ് സർ, ബിഞ്ചു സർ) കൽച്ചാടിയിലേക്കുള്ള യാത്ര, കൽച്ചാടി ഊരിലെ കുടുംബങ്ങൾക്ക് പച്ചക്കറി കിറ്റ് വിതരണം, നരിപാറ കുന്നിലേക്കുള്ള യാത്ര, തുടങ്ങിയവ സംഘടിപ്പിച്ചു.

06/10/2026

നെറ്റിപട്ട നിർമ്മാണ പരിശീലനം : @ എലവഞ്ചേരി

04/09/2026

22/07/2026

*പെൺകരുത്തിൽ മിന്നിത്തിളങ്ങാൻ നെറ്റിപ്പട്ടങ്ങൾ;* *ആലത്തൂർ ബോധിയിൽ 50 വനിതാ സംരംഭകർക്ക് പരിശീലനം പൂർത്തിയായി*

പരമ്പരാഗത കരകൗശല മേഖലയിൽ സ്വയംതൊഴിലിന്റെ പുതിയ വാതായനങ്ങൾ തുറന്ന് ആലത്തൂർ ബോധിയിൽ സംഘടിപ്പിച്ച 10 ദിവസത്തെ നെറ്റിപ്പട്ട നിർമാണ പരിശീലനം പ്രൗഢമായി സമാപിച്ചു.

*കേന്ദ്ര ഖാദി വില്ലേജ് ഇൻഡസ്ട്രീസ് കമ്മീഷൻ* (KVIC), *കൊല്ലങ്കോട് ആശ്രയം റൂറൽ ഡവലപ്മെന്റ് സൊസൈറ്റി* ,
*ബോധി ആലത്തൂർ* എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച പരിശീലനത്തിൽ 50 വനിതകളാണ് വിജയകരമായി നിറ്റിപട്ട നിർമാണ പരിശീലനം പൂർത്തീകര്ച്ചത്.

2026 ജൂലൈ 12 മുതൽ 21 വരെ നടന്ന പരിശീലന പരിപാടിയുടെ സമാപന സമ്മേളനം *ആലത്തൂർ ഗ്രാമപഞ്ചായത്ത് പ്രസിഡന്റ്* *ശ്രീമതി ഹരിത സുഭാഷ് ഉദ്ഘാടനം ചെയ്തു.* ആശ്രയം റൂറൽ ഡവലപ്മെന്റ് സൊസൈറ്റി പ്രസിഡന്റ് *പി.ആർ. അനിൽകുമാർ* അധ്യക്ഷത വഹിച്ചു. പ്രമുഖ നെറ്റിപ്പട്ട നിർമാണ വിദഗ്ദ്ധൻ *കുന്നംകുളം സുരേന്ദ്രൻ പി. കെ.യുടെ ശിക്ഷണത്തിലാണ് പരിശീലനം പൂർത്തിയാക്കിയത്.*

ഖാദി വില്ലേജ് ഇൻഡസ്ട്രീസ് കമ്മീഷൻ തൃശൂർ മൾട്ടി ഡിസിപ്ലിനറി ട്രെയിനിംഗ് സെന്റർ ഡെപ്യൂട്ടി ഡയറക്റ്ററും പ്രിൻസിപ്പലുമായ *ആർ. വാസ്സിരാജൻ ചടങ്ങിൽ മുഖ്യാതിഥിയായിരുന്നു* .
നടത്തറ മൾട്ടി ഡിസിപ്ലിനറി ട്രെയിനിംഗ് സെന്റർ അസിസ്റ്റന്റ് ഡയറക്ടർ *ആർ. എസ്. ദിലീപ് കുമാർ,* കുടുംബശ്രീ സി.ഡി.എസ് ചെയർപേഴ്സൺ
*എ. ഷൈനി,*
വാർഡ് മെമ്പർ
*കെ. മണികണ്ഠൻ,* കൃഷ്ണകുമാർ ബോധി, ആശ്രയം പ്രവർത്തകരായ *ഗംഗാധരൻ പുള്ളോട്,*
*എ.ജി. ശശികുമാർ, നിഷ എം.സി., പ്രശാന്ത് സി., അരവിന്ദാക്ഷൻ പി.,* പയ്യല്ലൂർ ഹരിജനോദ്ധാരണ വായനശാല കോ-ഓർഡിനേറ്റർ *വിനോദ് കുമാർ* എന്നിവർ സംസാരിച്ചു.

സമാപന ചടങ്ങുകൾക്ക് ആശ്രയം സൊസൈറ്റി പ്രവർത്തകരായ *ഗംഗാധരൻ പുള്ളോട്,* *നിഷ എം. സി., അഭിജിത് ജി.,* ഡീപ്പോൾ സാമൂഹ്യപ്രവർത്തന വിഭാഗം ഇന്റേൺഷിപ് വിദ്യാർത്ഥി *ഫാത്തിമത്ത് സുഹൈറ* എന്നിവർ നേതൃത്വം നൽകി.
തൊഴിൽപരമായ നൈപുണ്യം വികസിപ്പിക്കുന്നതിനൊപ്പം പാരമ്പര്യ കലാരൂപങ്ങൾ കേന്ദ്രീകരിച്ചുള്ള വനിതാ സംരംഭകത്വത്തിനും മികച്ച വരുമാന മാർഗങ്ങൾക്കും വഴിതുറക്കാനുള്ള സാധ്യതകൾക്ക് അവസരം ഒരുക്കുന്നതിന് പരിശീലനത്തിന് സാധിച്ചു.