Snehitha Gender Help Desk, Kollam

22/09/2026

കൊല്ലം സ്നേഹിത ജൻഡർ ഹെൽപ്പ് ഡെസ്‌കിൻയും കരുനാഗപ്പള്ളി ജി.ആർ.സി.യുടെയും നേതൃത്വത്തിൽ Beyond Boundaries Mental Wellness and Resilience for Girls എന്ന പേരിൽ കരുനാഗപ്പള്ളി ഗേൾസ് ഹൈസ്‌കൂളിലെ എസ്.പി.സി കേഡറ്റുകൾക്കായി കൗമാരകാല ബോധവൽക്കരണ ക്ലാസ് സംഘടിപ്പിച്ചു. ഈ പ്രോഗ്രാമിൽ സ്വാഗതം ആശംസിച്ചത് എസ്.പി.സി ഇൻചാർജ്ജുള്ള സുജടീച്ചറാണ്.
കൗമാരകാലഘട്ടത്തിൽ ഉണ്ടാകുന്ന ശാരീരിക, മാനസിക, വൈകാരിക മാറ്റങ്ങളെ ആരോഗ്യകരമായും ആത്മവിശ്വാസത്തോടെയും കൈകാര്യം ചെയ്യുന്നതിനുള്ള മാർഗങ്ങളെക്കുറിച്ച് വിദ്യാർഥികൾക്ക് വിശദമായ അവബോധംനൽകി. കൂടാതെ സെൽഫ് കോൺഫിഡൻസ്, വ്യക്തമായ ഗോൾസ് രൂപീകരിക്കുന്നതിൻ്റെ പ്രാധാന്യം, നല്ല ശീലങ്ങൾ വളർത്തിയെടുക്കേണ്ടതിന്റെ ആവശ്യകത എന്നിവയും ക്ലാസിൽ പങ്കുവെച്ചു. കുട്ടികൾക്കിടയിൽ വർധിച്ചുവരുന്ന മേക്കപ്പ് ഉൽപ്പന്നങ്ങളുടെ അമിത ഉപയോഗം, അതിൻ്റെ ആരോഗ്യപരവും മാനസികവുമായ പ്രത്യാഘാതങ്ങൾ എന്നിവയെക്കുറിച്ചും കുട്ടികളുമായ് ചർച്ച ചെയ്‌തു. സ്നേഹിതാ കൗൺസിലർ ഫസീലാണ് ഈ പ്രോഗ്രാമിൽ ക്ലാസ്സ് നയിച്ചത്.
തുടർന്ന് ജി.ആർ.സി, സ്നേഹിത സേവനങ്ങളെക്കുറിച്ച് കമ്മ്യൂണിറ്റി കോർഡിനേറ്റർ അഖില വിദ്യാർഥികൾക്ക് വിശദീകരണം നൽകി. അറിയിച്ചു. വിദ്യാർഥികളുടെ സജീവ പങ്കാളിത്തത്തോടെ പരിപാടി സമാപിച്ചു. ഇതിൽ 123 കുട്ടികൾ പങ്കെടുത്തു. സ്‌കൂൾ എസ്.പി.സി ലീഡർ ഈ പ്രോഗ്രാമിന് നന്ദി രേഖപെടുത്തി.

02/09/2026

BUDS Conclave 2026 – ജില്ലാ തല BUDS ദിനാഘോഷം

കുടുംബശ്രീ കൊല്ലം ജില്ലാ മിഷന്റെ നേതൃത്വത്തിൽ സംഘടിപ്പിച്ച BUDS Conclave 2026" അരികെ "– ജില്ലാ തല BUDS ദിനാഘോഷത്തിന്റെ ഭാഗമായി സ്നേഹിത ജെൻഡർ ഹെൽപ് ഡെസ്കിന്റെ നേതൃത്വത്തിൽ സ്നേഹിത സ്റ്റാൾ ഒരുക്കി.
പരിപാടിയുടെ ഭാഗമായി ബഹു. തദ്ദേശ സ്വയംഭരണ വകുപ്പ് മന്ത്രി കെ. എം. ഷാജി, കൊല്ലം മേയർ എ. കെ. ഹഫീസ്, കുടുംബശ്രീ എക്സിക്യൂട്ടീവ് ഡയറക്ടർ വി. വിഘ്നേശ്വരി എന്നിവർ സ്നേഹിത സ്റ്റാൾ സന്ദർശിക്കുകയും സ്നേഹിതയുടെ പ്രവർത്തനങ്ങളെ സംബന്ധിച്ച് ചോദിച്ചറിയുകയും ചെയ്തു.
BUDS വിദ്യാർത്ഥികൾക്ക് മാനസികോല്ലാസവും സന്തോഷവും പകരുന്നതിനായി സ്റ്റാളിൽ വിവിധ വിനോദ ഗെയിമുകളും രസകരമായ പ്രവർത്തനങ്ങളും സംഘടിപ്പിച്ചു. കുട്ടികൾക്ക് സജീവമായി പങ്കെടുക്കാനും പരസ്പരം ഇടപഴകാനും സന്തോഷകരമായ അന്തരീക്ഷത്തിൽ സമയം ചെലവഴിക്കാനും ഇതിലൂടെ അവസരം ലഭിച്ചു. ഗെയിമുകളിലും പ്രവർത്തനങ്ങളിലും സജീവമായി പങ്കെടുത്ത കുട്ടികളെ പ്രോത്സാഹിപ്പിക്കുന്നതിനായി സമ്മാനങ്ങളും വിതരണം ചെയ്തു.
BUDS കുട്ടികൾക്ക് സന്തോഷവും മാനസികോല്ലാസവും നൽകുന്നതിനോടൊപ്പം, സ്നേഹിത ജെൻഡർ ഹെൽപ് ഡെസ്കിന്റെ പ്രവർത്തനങ്ങളും സേവനങ്ങളും പൊതുസമൂഹത്തിന് പരിചയപ്പെടുത്തുന്നതിനും സ്റ്റാൾ സഹായകമായി. സ്നേഹിതയുടെ പ്രവർത്തനങ്ങളെക്കുറിച്ച് പൊതുജനങ്ങൾക്കും പരിപാടിയിൽ പങ്കെടുത്തവർക്കും കൂടുതൽ മനസ്സിലാക്കുന്നതിനുള്ള അവസരവും ഇതിലൂടെ ലഭിച്ചു.
BUDS Conclave 2026-ന്റെ ഭാഗമായി സ്നേഹിതയുടെ നേതൃത്വത്തിൽ സംഘടിപ്പിച്ച സ്റ്റാൾ BUDS വിദ്യാർത്ഥികളുടെ സജീവ പങ്കാളിത്തത്തോടെയും സന്തോഷകരമായ അന്തരീക്ഷത്തോടെയും വിജയകരമായി പൂർത്തിയാക്കി. കുട്ടികളുടെ മാനസികോല്ലാസം ഉറപ്പാക്കുന്നതിനും സ്നേഹിതയുടെ പ്രവർത്തനങ്ങൾ കൂടുതൽ ജനങ്ങളിലേക്ക് എത്തിക്കുന്നതിനും പരിപാടി ഏറെ പ്രയോജനകരമായി.

02/09/2026

കുടുംബശ്രീ ജില്ലാ മിഷൻ,കൊല്ലം
നെടുവത്തൂർ
EVHSS-ലെ SPC Cadets നായി “ Personality Development” എന്ന വിഷയത്തിൽ ബോധവത്കരണ ക്ലാസ് സംഘടിപ്പിച്ചു.SPC കോർഡിനേറ്റർ ഗംഗ ടീച്ചർ ഈ പ്രോഗ്രാമിന് സ്വാഗതമാശംസിച്ചു. സ്നേഹിത കൗൺസിലർ ഫസീലയാണ് പരിപാടി ക്ലാസ് നയിച്ചത്
ആത്മവിശ്വാസം, positive attitude, communication skills, emotional control, discipline, responsibility, teamwork, leadership തുടങ്ങിയ വ്യക്തിത്വ വികസനവുമായി ബന്ധപ്പെട്ട വിഷയങ്ങൾ ക്ലാസിൽ അവതരിപ്പിച്ചു.
കുട്ടികളുടെ സജീവ പങ്കാളിത്തം ഉറപ്പാക്കുന്നതിനായി stories, interactive activities, games, group discussions എന്നിവ ഉൾപ്പെടുത്തി ക്ലാസ് വളരെ engaging ആയ രീതിയിൽ നടത്തി.
SPC പരിശീലനത്തിലൂടെ ലഭിക്കുന്ന അച്ചടക്കം, ഉത്തരവാദിത്വം, സഹകരണം, സേവനമനോഭാവം എന്നിവ വ്യക്തിത്വ വികസനവുമായി ബന്ധപ്പെടുത്തി കുട്ടികൾക്ക് മനസ്സിലാക്കിക്കൊടുത്തു. ഇതിൽ 86 കുട്ടികൾ പങ്കെടുത്തു. സ്നേഹിതയെ ക്കുറിച്ചും ജി ആർ സി യെ കുറിച്ചും ഉള്ള ഒരു അവബോധം കമ്മ്യൂണിറ്റി കോഡിനേറ്റർ ശുക്ര നൽകി. പല കുട്ടികളും ക്ലാസ്സിനെ കുറിച്ചുള്ള അഭിപ്രായം രേഖപ്പെടുത്തി. 9 th സ്റ്റാൻഡേർഡിലെ അലോക് ഈ പ്രോഗ്രാമിന് നന്ദി രേഖപ്പെടുത്തി.

02/09/2026

കുടുംബശ്രീ ജില്ലാ മിഷൻ, കൊല്ലം
🌹 സ്നേഹിത 🌹
9-ാമത് സ്നേഹിത വാർഷികാഘോഷം – സമ്പൂർണ GRC പ്രഖ്യാപനം

സ്നേഹിത വാർഷികാഘോഷത്തിന്റെ ഭാഗമായി വിവിധ മേഖലകളിൽ പ്രവർത്തിക്കുന്ന പ്രമുഖരുടെ സാന്നിധ്യത്തിൽ വിപുലമായ പരിപാടികൾ സംഘടിപ്പിച്ചു. ചടങ്ങിൽ ശ്രീ. എ.കെ. ഹഫീസ് (മേയർ കൊല്ലം കോർപ്പറേഷൻ )അധ്യക്ഷത വഹിച്ചു. ശ്രീ. ആർ. രതീഷ് കുമാർ (ADMC) സ്വാഗതം ആശംസിച്ചു.
ബഹു. ടൂറിസം, സാംസ്കാരിക വകുപ്പ് മന്ത്രി ശ്രീ. വി.സി. വിഷ്ണുനാഥ് ഉദ്ഘാടനം നിർവഹിക്കാനായിരുന്നു നിശ്ചയിച്ചിരുന്നത്. എന്നാൽ അന്നത്തെ പ്രളയസാഹചര്യം മൂലം അദ്ദേഹത്തിന് പത്തനംതിട്ടയിലേക്ക് പോകേണ്ടിവന്നതിനാൽ, അദ്ദേഹത്തിന്റെ നിർദേശപ്രകാരം ഉദ്ഘാടനം ബഹുമാനപ്പെട്ട മേയർ നിർവഹിച്ചു.
തുടർന്ന് ശ്രീ. ആർ. വിമൽ ചന്ദ്രൻ (DMC) വാർഷിക റിപ്പോർട്ട് അവതരിപ്പിച്ചു. കമ്മ്യൂണിറ്റി കൗൺസിലർമാരുടെ വാർഷിക റിപ്പോർട്ട് ശ്രീമതി. ആനി ജുല തോമസ്, ഐ.എ.എസ്. (ജില്ലാ കളക്ടർ, കൊല്ലം) പ്രകാശനം ചെയ്തു. ധീരം സ്വയംപ്രതിരോധ പരിശീലനാർഥികൾക്കുള്ള ജേഴ്‌സി വിതരണവും കളക്ടർ നിർവഹിച്ചു.
മുഖ്യപ്രഭാഷണം ശ്രീ. എസ്.ആർ. അരുൺ ബാബു (വൈസ് പ്രസിഡന്റ്, ജില്ലാ പഞ്ചായത്ത്, കൊല്ലം) നിർവഹിച്ചു. ആശംസകൾ അർപ്പിച്ച് ശ്രീ. കുരുവിള ജോസഫ് (കൗൺസിലർ വടക്കും ഭാഗം ഡിവിഷൻ, കൊല്ലം ) ശ്രീമതി. കുഞ്ഞുമണി(ചെയർപേഴ്സൺ- കൊല്ലംഈസ്റ്റ്‌ CDS)എന്നിവർ സംസാരിച്ചു.ജൻഡർ & FNHW ഡി.പി.എം. ശ്രീമതി. ബീന ആർ. നന്ദി രേഖപ്പെടുത്തി.
തുടർന്ന് കലാ-സാംസ്കാരിക, ബോധവത്കരണ പരിപാടികൾ നടന്നു. " പ്രതിസന്ധിയിൽ നിന്ന് സാധ്യതകളിലേക്ക് " എന്ന വിഷയത്തിൽ ശ്രീമതി. ശൈലജ ജല വർത്തമാനം പറഞ്ഞു .
ഓപ്പറേഷൻ തൂഫാന്റെ ഭാഗമായി " ക്രീയേറ്റീവ് കോർണർ " സംഘടിപ്പിച്ച് ലഹരി വിരുദ്ധ സന്ദേശം ഉൾക്കൊള്ളുന്ന കയ്യൊപ്പ് ബാനർ ഒരുക്കി. നിരവധി പേർ ബാനറിൽ ഒപ്പുവെച്ച് ലഹരിക്കെതിരായ സാമൂഹിക പ്രതിബദ്ധത പ്രകടിപ്പിച്ചു.
ചലച്ചിത്രതാരം ശ്രീ. മീന രാജ് അവതരിപ്പിച്ച " മത്തായിയുടെ *മരണം 'എന്ന നാടകം വാർദ്ധക്യത്തിലെ ഒറ്റപ്പെടലും കുടുംബബന്ധങ്ങളുടെ പ്രാധാന്യവും ഹൃദയസ്പർശിയായി അവതരിപ്പിച്ചു.
തുടർന്ന് എസ്. ജാനകി അമ്മയുടെ അനുസ്മരണാർത്ഥം " ജാനകീയം – നിത്യഹരിത ഗാനങ്ങളുടെ പാട്ടുവഴികൾ " എന്ന പരിപാടി ഡോ. സജിത്ത് ഏവൂർ അവതരിപ്പിച്ചു. സംഗീതവും ഓർമ്മകളും കോർത്തിണക്കിയ ഈ പരിപാടി പ്രേക്ഷകരുടെ ഹൃദയം കീഴടക്കി.
സ്നേഹിത വാർഷികാഘോഷം സാമൂഹിക പ്രതിബദ്ധതയും കലാ-സാംസ്കാരിക മികവും കൂട്ടായ്മയുടെ കരുത്തും വിളിച്ചോതിയ അവിസ്മരണീയമായ ഒരു വേദിയായി മാറി. പങ്കെടുത്ത എല്ലാവരുടെയും ഹൃദയങ്ങളിൽ മായാത്ത ഓർമ്മയായി ഈ ആഘോഷം സമാപിച്ചു.

07/03/2026

𝐌𝐚𝐫𝐜𝐡 𝟖 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐖𝐨𝐦𝐞𝐧'𝐬 𝐃𝐚𝐲
𝐊𝐮𝐝𝐮𝐦𝐛𝐚𝐬𝐡𝐫𝐞𝐞 𝐖𝐨𝐦𝐞𝐧 𝐄𝐦𝐩𝐨𝐰𝐞𝐫𝐦𝐞𝐧𝐭 𝐂𝐨𝐧𝐠𝐫𝐞𝐬𝐬 - 𝟐𝟎𝟐𝟔

03/03/2026

17/02/2026

തുണയായി, കാവലായി, കരുത്തായി......സ്നേഹിത

03/02/2026

നയി ചേതന 4.0 സംസ്ഥാന കലാജാഥ

03/02/2026

സ്നേഹിത ജെന്റർ ഹെൽപ്പ് ഡെസ്ക്ക് പോസ്റ്റർ പ്രകാശനം ബഹു. ജില്ലാ പഞ്ചായത്ത് പ്രസിഡന്റ് ഡോ. ലതാദേവി ആർ നിർവ്വഹിച്ചു.

03/02/2026

Nayi Chetna 4.0