Kerala NGO Union Kollam District

28/10/2026

*നവംബർ 21 സെക്രട്ടറിയേറ്റ് വളയൻ സമരം വിജയിപ്പിക്കുക കേരള എൻജിഒ യൂണിയൻ*


കേരള എൻജിഒ യൂണിയൻ കൊല്ലം ജില്ലാ കൗൺസിൽ സിഐടിയു ഹാളിൽ എൻ ജി ഒ യൂണിയൻ ജില്ലാ പ്രസിഡണ്ട് ബി സുജിത്തിന്റെ അധ്യക്ഷതയിൽ ചേർന്നു,കൊല്ലം ജില്ലാ കൗൺസിൽ യോഗത്തിൽ ജില്ലാ സെക്രട്ടറി വി ആർ അജു പ്രവർത്തന റിപ്പോർട്ടും, സംസ്ഥാന സെക്രട്ടറിയേറ്റ് അംഗം എം രഞ്ജിനി സംസ്ഥാന കൗൺസിൽ തീരുമാനങ്ങളും റിപ്പോർട്ട് ചെയ്തു,
തുടർന്ന് 11 ഏരിയ കമ്മറ്റിയിൽ നിന്നുള്ള പ്രതിനിധികൾ ചർച്ചയിൽ പങ്കെടുത്തു, ചർച്ചയ്ക്ക് യൂണിയൻ സംസ്ഥാന ട്രഷറർ ടി എം ഹാജിറ മറുപടി പറഞ്ഞു
ജില്ലാ സെക്രട്ടറിയേറ്റിൽ വന്ന ഒഴിവിലേക്ക് എസ് നിസാം, റോബിൻ സാമുവൽ,എസ് സതീഷ് കുമാർ, ജില്ലാ കമ്മിറ്റിയിൽ വന്ന ഒഴിവിലേക്ക്, എച്ച് അമൽചന്ദ്രൻ, വിനീഷ് കുമാർ വി, എസ് ആർ സുമേഷ്, എ സബീന, സജിത് എസ്, ഉഷാകുമാരി പി എന്നിവരെ ജില്ലാ കൗൺസിൽ യോഗം തെരഞ്ഞെടുത്തു

28/10/2026

🔴 ശമ്പളപരിഷ്കരണവും പെൻഷനും സംരക്ഷിക്കാനുള്ള പോരാട്ടത്തിൽ യോജിച്ച് അണിനിരക്കുക!

കേരളത്തിന്റെ സിവിൽ സർവീസിനെയും ജീവനക്കാരുടെ അവകാശങ്ങളെയും സംരക്ഷിക്കാൻ ശക്തമായ പോരാട്ടം അനിവാര്യം!

🔹 കേരളത്തിന്റെ വികസനത്തിൽ സിവിൽ സർവീസിന് നിർണായക പങ്ക്

1957-ലെ ഇ.എം.എസ്. സർക്കാരും തുടർന്നുവന്ന ഇടതുപക്ഷ സർക്കാരുകളും ആവിഷ്കരിച്ച് നടപ്പാക്കിയ പദ്ധതികളാണ് ആധുനിക കേരളത്തിന്റെ രൂപീകരണത്തിൽ നിർണായക പങ്കുവഹിച്ചത്. കേരളത്തിന്റെ സാമൂഹിക-സാമ്പത്തിക വളർച്ചയിൽ സംസ്ഥാന സിവിൽ സർവീസിന്റെ പങ്ക് വളരെ വലുതാണ്.

🔹 അഞ്ചുവർഷ ശമ്പളപരിഷ്കരണ തത്വം അട്ടിമറിക്കരുത്

* എൽഡിഎഫ് സർക്കാർ പന്ത്രണ്ടാം ശമ്പളപരിഷ്കരണ കമ്മീഷനെ നിയമിക്കുകയും അഞ്ചുവർഷ തത്വം ഉറപ്പാക്കുകയും ചെയ്തു.

* കമ്മീഷന്റെ പ്രവർത്തനങ്ങൾ വേഗത്തിൽ മുന്നോട്ടുപോയ ഘട്ടത്തിലാണ് യുഡിഎഫ് സർക്കാർ അധികാരത്തിലെത്തിയത്.

* കമ്മീഷന്റെ കാലാവധി നീട്ടാനുള്ള ആവശ്യം പോലും അംഗീകരിച്ചിട്ടില്ലെന്നതാണ് ഉയരുന്ന വിമർശനം.

* അഞ്ചുവർഷത്തിലൊരിക്കൽ ശമ്പളപരിഷ്കരണം വാഗ്ദാനം ചെയ്തവർ ഇപ്പോൾ പത്തുവർഷത്തിലൊരിക്കൽ മാത്രമായി പരിഷ്കരണം പരിമിതപ്പെടുത്താനുള്ള നിലപാടാണ് സ്വീകരിക്കുന്നത്

* പന്ത്രണ്ടാം ശമ്പളപരിഷ്കരണത്തിന്റെ പ്രാബല്യ തീയതിയും കുടിശ്ശികയും അട്ടിമറിക്കപ്പെട്ടാൽ ഭാവിയിലെ ശമ്പളപരിഷ്കരണങ്ങളെയും കേരളത്തിന്റെ വേതനഘടനയെയും പ്രതികൂലമായി ബാധിക്കും.

* വിലക്കയറ്റം മൂലമുള്ള വേതനശോഷണം പരിഹരിക്കാൻ അടിയന്തരമായി ഇടക്കാലാശ്വാസം അനുവദിക്കണം.

🔹 ശമ്പളപരിഷ്കരണം നേടിയെടുത്തത് പോരാട്ടങ്ങളിലൂടെ

* 1968-ൽ ഇ.എം.എസ്. സർക്കാരാണ് അഞ്ചുവർഷത്തിലൊരിക്കലുള്ള ശമ്പളപരിഷ്കരണ തത്വം ആദ്യമായി അംഗീകരിച്ചത്.

* 1973-ൽ അഞ്ചുവർഷ തത്വം അട്ടിമറിക്കാനുള്ള നീക്കത്തിനെതിരെ 54 ദിവസത്തെ ഐതിഹാസിക പണിമുടക്ക് നടന്നു.

* 1973, 1978, 1984, 1992, 2004 വർഷങ്ങളിലെ യുഡിഎഫ് ഭരണകാലങ്ങളിൽ ശക്തമായ പ്രക്ഷോഭങ്ങളിലൂടെയാണ് ശമ്പളപരിഷ്കരണം നേടിയെടുത്തത്

* 1983-ൽ 21 മാസത്തെ ശമ്പളപരിഷ്കരണ കുടിശ്ശികയും 2002-ൽ 37 മാസത്തെ കുടിശ്ശികയും നിഷേധിക്കപ്പെട്ടു

* ക്ഷാമബത്ത കുടിശ്ശിക തീർത്ത് അനുവദിച്ചാണ് എൽഡിഎഫ് സർക്കാർ അധികാരമൊഴിഞ്ഞത്

* അനുവദിച്ച ക്ഷാമബത്തയുടെ പ്രാബല്യ തീയതി മുതലുള്ള കുടിശ്ശിക എട്ടു ഗഡുക്കളായി നൽകാൻ ഉത്തരവിറക്കുകയും ആദ്യ ഗഡുവിനുള്ള തുക ബജറ്റിൽ വകയിരുത്തുകയും ചെയ്തിരുന്നു.

* 2026 ജനുവരി മുതലുള്ള 2% ക്ഷാമബത്ത പ്രഖ്യാപിച്ചെങ്കിലും പത്തുമാസത്തെ കുടിശ്ശിക അനുവദിച്ചിട്ടില്ല.

* 1967-ൽ ഇ.എം.എസ്. സർക്കാരാണ് കേന്ദ്രനിരക്കിലുള്ള ക്ഷാമബത്ത ആദ്യമായി അനുവദിച്ചത്.

* 1980-ൽ നായനാർ സർക്കാർ കേന്ദ്രസർക്കാർ അനുവദിക്കുന്ന അതേ പ്രാബല്യ തീയതിയിൽ ക്ഷാമബത്ത അനുവദിക്കുന്ന രീതി നടപ്പാക്കി.
1995 ൽ ഡി എ കുടിശ്ശിക 22%
* 2006-ൽ മൂന്ന് ഗഡു ക്ഷാമബത്ത കുടിശ്ശികയാക്കിയായിരുന്നു യുഡിഎഫ് സർക്കാർ അധികാരമൊഴിഞ്ഞത്. തുടർന്നുവന്ന എൽഡിഎഫ് സർക്കാർ കുടിശ്ശിക തീർക്കുകയും തുടർന്നുള്ള കാലയളവിൽ ക്ഷാമബത്ത അനുവദിക്കുകയും ചെയ്തു.

👉 ഉത്തരവാക്കിയ എട്ടു ഗഡു ക്ഷാമബത്ത കുടിശ്ശികയും അടിയന്തരമായി അനുവദിക്കുക.

🔹 ലീവ് സറണ്ടർ ആനുകൂല്യം പുനഃസ്ഥാപിക്കുക

* 2026 ജൂൺ 11-ലെ ഉത്തരവിലൂടെ ഏൺഡ് ലീവ് സറണ്ടർ പൂർണമായി മരവിപ്പിച്ചിരിക്കുകയാണ്.

* 1992-ൽ ലീവ് സറണ്ടർ 45 ദിവസത്തിൽനിന്ന് 15 ദിവസമായി കുറച്ചതും 2002-ൽ പൂർണമായി നിർത്തലാക്കിയതും യുഡിഎഫ് ഭരണകാലത്തായിരുന്നു.

* കടുത്ത സാമ്പത്തിക പ്രതിസന്ധിക്കിടയിലും എൽഡിഎഫ് സർക്കാർ ഗ്രൂപ്പ് ഡി ജീവനക്കാർക്ക് പണമായും മറ്റുള്ളവർക്ക് പി.എഫ്. നിക്ഷേപമായും ലീവ് സറണ്ടർ അനുവദിച്ചിരുന്നു.

* ജീവനക്കാരുടെ അവകാശമായ ലീവ് സറണ്ടർ പുനഃസ്ഥാപിക്കണം.

🔹 പഴയ പെൻഷൻ പദ്ധതി പുനഃസ്ഥാപിക്കുക

* 2002 ജനുവരി 16-ലെ ഉത്തരവിലൂടെയാണ് കേരളത്തിൽ പങ്കാളിത്ത പെൻഷൻ പദ്ധതി കൊണ്ടുവന്നത്. ഇതിനെതിരെ 32 ദിവസത്തെ അനിശ്ചിതകാല പണിമുടക്ക് ഉൾപ്പെടെയുള്ള പ്രക്ഷോഭങ്ങൾ നടന്നു.

* 2013 ഏപ്രിൽ 1 മുതൽ ഉമ്മൻചാണ്ടി സർക്കാർ എൻ.പി.എസ്. നടപ്പിലാക്കി.

* പഴയ പെൻഷൻ പദ്ധതി പുനഃസ്ഥാപിക്കണമെന്ന ആവശ്യം കേരളത്തിലും ദേശീയതലത്തിലും ശക്തമായ പ്രക്ഷോഭങ്ങൾക്ക് വഴിയൊരുക്കി.

* പഴയ പെൻഷൻ പദ്ധതിക്ക് പകരമായി കേന്ദ്രസർക്കാർ കൊണ്ടുവന്ന ഏകീകൃത പെൻഷൻ പദ്ധതി (യു.പി.എസ്.) പെൻഷൻ സുരക്ഷ സംബന്ധിച്ച ആശങ്കകൾ പരിഹരിക്കുന്നില്ല.

* പെൻഷൻ വാലിഡേഷൻ ആക്ടും പി.എഫ്.ആർ.ഡി.എ നിയമവും ഉൾപ്പെടെയുള്ള വിഷയങ്ങളിൽ ജീവനക്കാരുടെ പെൻഷൻ അവകാശങ്ങൾ സംരക്ഷിക്കണം.

* അവസാനമായി വാങ്ങിയ അടിസ്ഥാന ശമ്പളത്തിന്റെ 50% പെൻഷൻ, കുടുംബ പെൻഷൻ, ക്ഷാമാശ്വാസം എന്നിവ ഉറപ്പാക്കുന്ന അഷ്വേർഡ് പെൻഷൻ സ്കീം (എ.പി.എസ്.) 2026 ഏപ്രിൽ 1 മുതൽ പ്രാബല്യത്തിൽ വരുത്താൻ മുൻ എൽഡിഎഫ് സർക്കാർ ഉത്തരവിറക്കിയിരുന്നു.

* എന്നാൽ എ.പി.എസ്. നടപ്പാക്കില്ലെന്നും എൻ.പി.എസ്. ശക്തിപ്പെടുത്തുമെന്നുമുള്ള നിലപാടാണ് യുഡിഎഫ് സർക്കാർ സ്വീകരിക്കുന്നതെന്നാണ് ആരോപണം.

* പഴയ പെൻഷൻ പദ്ധതി പുനഃസ്ഥാപിക്കാനും പി.എഫ്.ആർ.ഡി.എ നിയമം പിൻവലിക്കാനുമുള്ള പോരാട്ടം ശക്തിപ്പെടുത്തണം.

🔹 സിവിൽ സർവീസിനെ ദുർബലപ്പെടുത്തുന്ന നടപടികൾക്കെതിരെ അണിനിരക്കുക

* അഞ്ചുവർഷ ശമ്പളപരിഷ്കരണം ഉറപ്പാക്കുക.

* ശമ്പളപരിഷ്കരണ കമ്മീഷന്റെ പ്രവർത്തനങ്ങൾ മുന്നോട്ടുകൊണ്ടുപോകുക.

* ഇടക്കാലാശ്വാസം അനുവദിക്കുക.

* ക്ഷാമബത്ത കുടിശ്ശിക പൂർണമായി നൽകുക.

* ലീവ് സറണ്ടർ പുനഃസ്ഥാപിക്കുക.

* എൻ.പി.എസ്. പിൻവലിച്ച് പഴയ പെൻഷൻ പദ്ധതി പുനഃസ്ഥാപിക്കുക.

* ഉത്തരവാക്കിയ എ.പി.എസ്. നടപ്പിലാക്കുകയും പെൻഷൻ സുരക്ഷ ഉറപ്പാക്കുകയും ചെയ്യുക.

* സിവിൽ സർവീസിനെയും ജീവനക്കാരുടെ അവകാശങ്ങളെയും സംരക്ഷിക്കുക.

📢 ചരിത്രം നമ്മെ പഠിപ്പിക്കുന്നത് സംഘടിതമായ പോരാട്ടങ്ങളിലൂടെയാണ് ജീവനക്കാർ അവകാശങ്ങൾ നേടിയെടുത്തിട്ടുള്ളത് എന്നാണ്.

ശമ്പളപരിഷ്കരണവും പെൻഷനും ക്ഷാമബത്തയും ലീവ് സറണ്ടറും സംരക്ഷിക്കാൻ യോജിച്ച് അണിനിരക്കുക!

യുഡിഎഫ് സര്‍ക്കാര്‍ അധികാരത്തില്‍ വന്ന സന്ദര്‍ഭങ്ങളിലെല്ലാം സിവില്‍ സര്‍വ്വീസിനെ പരിമിതപ്പെടുത്തുന്നതിനും ജീവനക്കാരുടെ ആനുകൂല്യങ്ങള്‍ നിഷേധിക്കുന്നതിനുമുള്ള തീരുമാനങ്ങളാണ് കൈക്കൊണ്ടത്. അതുകൊണ്ടുതന്നെ ത്യാഗപൂര്‍ണ്ണമായ പോരാട്ടത്തിലൂടെ നേടിയെടുത്ത അവകാശങ്ങള്‍ സംരക്ഷിക്കാന്‍ കൂടുതല്‍ ശക്തമായ പോരാട്ടം അനിവാര്യമാണ്.
12-ാം ശമ്പള പരിഷ്കരണവും ഇടക്കാലാശ്വാസവും ഉടന്‍ അനുവദിക്കണമെന്നും പഴയ പെന്‍ഷന്‍ പദ്ധതി, ലീവ് സറണ്ടര്‍, ക്ഷാമബത്ത എന്നിവയും അടിയന്തരമായി അനുഭവവേദ്യമാക്കണമെന്നും കേരള സര്‍ക്കാരിനോടും അതിനാവശ്യമായ അതിശക്തവും യോജിപ്പാര്‍ന്നതുമായ പ്രക്ഷോഭത്തിനണിനിരക്കാന്‍ മുഴുവന്‍ ജീവനക്കാരോടും ഈ സംസ്ഥാന കൗണ്‍സില്‍ ആവശ്യപ്പെടുന്നു.

#ശമ്പളപരിഷ്കരണം #പെൻഷൻസംരക്ഷണം #ക്ഷാമബത്ത #ലീവ്സറണ്ടർ #സിവിൽസർവീസ് #ജീവനക്കാരുടെഐക്യം

27/10/2026

ഡയറ്റിലെ ജീവനക്കാർക്ക് അടിയന്തരമായി ശമ്പള വിതരണം നടത്തണം എന്ന് ആവശ്യപ്പെട്ടുകൊണ്ട് കേരള എൻജിഒ യൂണിയന്റെയും KSTA യുടെയും നേതൃത്വത്തിൽ സംസ്ഥാനവ്യാപകമായി ഡയറ്റുകൾക്ക് മുമ്പിൽ പ്രകടനം നടത്തി

26/10/2026

കേരള എൻജിഒ യൂണിയന്റെ നേതൃത്വത്തിൽ നവംബർ14ന് കണ്ണൂരിൽ വച്ച് നടക്കുന്ന ജീവനക്കാരുടെ സംസ്ഥാനതല ക്രിക്കറ്റ്,ഫുട്ബോൾ മത്സരത്തിന് മുന്നോടിയായി കൊല്ലം ജില്ലാതല സെവൻസ് ഫുട്ബോൾ മത്സരം സംഘടിപ്പിച്ചു, സിവിൽ സ്റ്റേഷൻ,ടൗൺ, കോർപ്പറേഷൻ,ചാത്തന്നൂർ, കുണ്ടറ, കടയ്ക്കൽ,കൊട്ടാരക്കര,കുന്നത്തൂർ, എന്നീ ഏരിയ കമ്മിറ്റികളുടെ നേതൃത്വത്തിൽ എട്ടു ടീമുകൾ മത്സരിച്ചു, മത്സരത്തിൽ സിവിൽ സ്റ്റേഷൻ ഏരിയ ജേതാക്കളായി, കുണ്ടറ ഏരിയ രണ്ടാം സ്ഥാനം നേടി, മത്സരങ്ങൾ എൻജി ഒ യൂണിയൻ ജില്ലാ സെക്രട്ടറി വി ആർ അജു ഉദ്ഘാടനം ചെയ്തു

26/10/2026

26/10/2026

സംസ്ഥാനജീവനക്കാരും അധ്യാപകരും ആക്ഷന്‍ കൗണ്‍സില്‍ ഓഫ് സ്റ്റേറ്റ് എംപ്ലോയീസ് ആന്‍ഡ് ടീച്ചേഴ്സിന്‍റെ നേതൃത്വത്തില്‍ 2026 നവംബര്‍ 21 ന് സെക്രട്ടറിയേറ്റ് വളയുകയാണ്.
സെക്രട്ടറിയേറ്റ് വളയൻ സമരത്തിന്റെ പ്രചരണാർത്ഥം സംസ്ഥാനത്ത് പ്രചാരണ വാഹനജാഥകൾ സംഘടിപ്പിക്കുന്നു.

കാസർഗോഡ് കണ്ണൂർ വയനാട് കോഴിക്കോട് ജില്ലകളിൽ പര്യടനം നടത്തുന്ന ജാഥ നവംബർ ഒമ്പതാം തീയതി എം വിജിൻ എംഎൽഎ കാസർഗോഡ് ഉദ്ഘാടനം ചെയ്യും.
കേരള എൻജിഒ യൂണിയൻ സംസ്ഥാന പ്രസിഡണ്ട് എം എ അജിത് കുമാർ ക്യാപ്റ്റനും KSTA സംസ്ഥാന പ്രസിഡണ്ട് എ കെ ബീന വൈസ് ക്യാപ്റ്റനും,KGOA സംസ്ഥാന വൈസ് പ്രസിഡണ്ട് പി പി സുധാകരൻ മാനേജറുമായുള്ള ജാഥ നവംബർ പത്തിന് കാഞ്ഞങ്ങാട് നിന്ന് പ്രയാണം ആരംഭിച്ച് നവംബർ പതിമൂന്നാം തീയതി കോഴിക്കോട് സമാപിക്കും

26/10/2026

സംസ്ഥാനജീവനക്കാരും അധ്യാപകരും ആക്ഷന്‍ കൗണ്‍സില്‍ ഓഫ് സ്റ്റേറ്റ് എംപ്ലോയീസ് ആന്‍ഡ് ടീച്ചേഴ്സിന്‍റെ നേതൃത്വത്തില്‍ 2026 നവംബര്‍ 21 ന് സെക്രട്ടറിയേറ്റ് വളയുകയാണ്. ജീവനക്കാരുടെയും അധ്യാപകരുടെയും സാമ്പത്തികാനുകൂല്യങ്ങള്‍ സംബന്ധിച്ച് നിഷേധാത്മകമായ നിലപാടാണ് മുഖ്യമന്ത്രി നിയമസഭയില്‍ കൈക്കൊണ്ടത്. ഇക്കാര്യത്തില്‍ മുന്‍ യു.ഡി.എഫ് സര്‍ക്കാരുകളുടെ മാതൃക പിന്തുടരുന്ന സമീപനമാണ് വി.ഡി സതീശന്‍ സര്‍ക്കാര്‍ സ്വീകരിക്കുന്നത്. കേരളം വിവിധ മേഖലകളില്‍ ആര്‍ജ്ജിച്ച നേട്ടങ്ങളും പൊതു സംവിധാനങ്ങളുടെ മികവും തകര്‍ക്കുന്ന നിലപാടാണ് സര്‍ക്കാറിനുള്ളത്. വിദ്യാഭ്യാസ സര്‍വീസ് മേഖലകളെ ദുര്‍ബലപ്പെടുത്തി കോര്‍പ്പറേറ്റുവല്‍ക്കരണത്തിന് അരങ്ങൊരുക്കുന്ന സംസ്ഥാന സര്‍ക്കാരിനെതിരെ ജനകീയ പ്രക്ഷോഭം അനിവാര്യമായിരിക്കുന്നു. ഈ സന്ദര്‍ഭത്തിലാണ് കാല്‍ലക്ഷം ജീവനക്കാരെയും അധ്യാപകരെയും പങ്കെടുപ്പിച്ചുകൊണ്ട് നടത്തുന്ന സെക്രട്ടറിയേറ്റ് വളയല്‍ സമരത്തിന്‍റെ പ്രചരണാര്‍ത്ഥം 2026 നവംബര്‍ 9 മുതല്‍ 13 വരെ സംസ്ഥാനത്ത് മേഖലാതലത്തില്‍ വാഹന ജാഥ സംഘടിപ്പിക്കുന്നത്.

മലപ്പുറം പാലക്കാട് തൃശൂർ ജില്ലകളിൽ പര്യടനം നടത്തുന്ന ജാഥ നവംബർ ഒമ്പതാം തീയതി 4 മണിക്ക് നിലമ്പൂരിൽ പി എ മുഹമ്മദ്‌ റിയാസ് എംഎൽഎ ഉദ്ഘാടനം ചെയ്യും.
FSETO സംസ്ഥാന പ്രസിഡണ്ട് ടി കെ എ ഷാഫി ക്യാപ്റ്റനും കേരള എൻജിഒ യൂണിയൻ സംസ്ഥാന ട്രഷറർ ടി എം ഹാജറ വൈസ് ക്യാപ്റ്റനും,KGNA സംസ്ഥാന ട്രഷറർ എൻ ബി സുധീഷ് കുമാർ മാനേജരുമായുള്ള ജാഥ നവംബർ പത്തിന് പെരിന്തൽമണ്ണയിൽ നിന്നും പ്രയാണം ആരംഭിച്ച് നവംബർ പതിമൂന്നാം തീയതി ചാലക്കുടിയിൽ സമാപിക്കും.

26/10/2026

സംസ്ഥാനജീവനക്കാരും അധ്യാപകരും ആക്ഷന്‍ കൗണ്‍സില്‍ ഓഫ് സ്റ്റേറ്റ് എംപ്ലോയീസ് ആന്‍ഡ് ടീച്ചേഴ്സിന്‍റെ നേതൃത്വത്തില്‍ 2026 നവംബര്‍ 21 ന് സെക്രട്ടറിയേറ്റ് വളയുകയാണ്.
സെക്രട്ടറിയേറ്റ് വളയൽ സമരത്തിന്റെ പ്രചരണാർത്ഥം സംസ്ഥാനത്ത് പ്രചാരണ വാഹനജാഥകൾ സംഘടിപ്പിക്കുന്നു.

ഇടുക്കി, എറണാകുളം, ആലപ്പുഴ, കോട്ടയം ജില്ലകളിൽ പര്യടനം നടത്തുന്ന ജാഥ നവംബർ ഒമ്പതാം തീയതി 4 മണിക്ക് പി രാജീവ്‌ വണ്ടിപ്പെ രിയാറിൽ ഉദ്ഘാടനം ചെയ്യും.

KGOA ജനറൽ സെക്രട്ടറി എം ഷാജഹാൻ ക്യാപ്റ്റനും KSTA സംസ്ഥാന ട്രഷറർ കെ രാഘവൻ വൈസ് ക്യാപ്റ്റനും, കേരള എൻജിഒ യൂണിയൻ സംസ്ഥാന വൈസ് പ്രസിഡണ്ട് എസ് ഗോപകുമാർ മാനേജരുമായുള്ള ജാഥ നവംബർ പത്തിന് കട്ടപ്പന യിൽ നിന്ന് പ്രയാണം ആരംഭിച്ച് നവംബർ പതിമൂന്നാം തീയതി വൈക്കത്ത് സമാപിക്കും.

26/10/2026

സംസ്ഥാനജീവനക്കാരും അധ്യാപകരും ആക്ഷന്‍ കൗണ്‍സില്‍ ഓഫ് സ്റ്റേറ്റ് എംപ്ലോയീസ് ആന്‍ഡ് ടീച്ചേഴ്സിന്‍റെ നേതൃത്വത്തില്‍ 2026 നവംബര്‍ 21 ന് സംഘടിപ്പിക്കുന്ന സെക്രട്ടറിയേറ്റ് .വളയൽ സമരത്തിന്റെ മുന്നോടിയായി നടത്തുന്ന മേഖലാ പ്രചാരണ വാഹനജാഥ നവംബർ 9ന് ആരംഭിക്കും

പത്തനംതിട്ട,കൊല്ലം, തിരുവനന്തപുരം മേഖലാജാഥ അഡ്വ.കെ യു ജനീഷ് കുമാർ എംഎൽഎ ഉദ്ഘാടനം ചെയ്യും നവംബർ 9 ന് 4 മണിക്ക് തിരുവല്ല കെഎസ്ആർടിസി ബസ് സ്റ്റാൻഡ് പരിസരത്താണ് ഉദ്ഘാടനം. FSETO ജനറൽ സെക്രട്ടറി എം വി ശശിധരൻ ക്യാപ്റ്റനും കെ എസ് ടി എ സംസ്ഥാന സെക്രട്ടറി എസ് നജീബ് വൈസ് ക്യാപ്റ്റനും KSEA സംസ്ഥാന പ്രസിഡണ്ട് ആർ നിഷ ജാസ്മിൻ മാനേജരുമായുള്ള ജാഥ പത്താം തീയതി രാവിലെ റാന്നിയിൽ നിന്ന് പര്യടനം ആരംഭിച്ച് പതിമൂന്നാം തീയതി തിരുവനന്തപുരം പാളയത്ത് സമാപിക്കും

ജീവനക്കാരുടെയും അധ്യാപകരുടെയും സാമ്പത്തികാനുകൂല്യങ്ങള്‍ സംബന്ധിച്ച് നിഷേധാത്മകമായ നിലപാടാണ് മുഖ്യമന്ത്രി നിയമസഭയില്‍ കൈക്കൊണ്ടത്. ഇക്കാര്യത്തില്‍ മുന്‍ യു.ഡി.എഫ് സര്‍ക്കാരുകളുടെ മാതൃക പിന്തുടരുന്ന സമീപനമാണ് വി.ഡി സതീശന്‍ സര്‍ക്കാര്‍ സ്വീകരിക്കുന്നത്. കേരളം വിവിധ മേഖലകളില്‍ ആര്‍ജ്ജിച്ച നേട്ടങ്ങളും പൊതു സംവിധാനങ്ങളുടെ മികവും തകര്‍ക്കുന്ന നിലപാടാണ് സര്‍ക്കാറിനുള്ളത്. വിദ്യാഭ്യാസ സര്‍വീസ് മേഖലകളെ ദുര്‍ബലപ്പെടുത്തി കോര്‍പ്പറേറ്റുവല്‍ക്കരണത്തിന് അരങ്ങൊരുക്കുന്ന സംസ്ഥാന സര്‍ക്കാരിനെതിരെ ജനകീയ പ്രക്ഷോഭം അനിവാര്യമായിരിക്കുന്നു. ഈ സന്ദര്‍ഭത്തിലാണ് കാല്‍ലക്ഷം ജീവനക്കാരെയും അധ്യാപകരെയും പങ്കെടുപ്പിച്ചുകൊണ്ട് സെക്രട്ടറിയേറ്റ് വളയല്‍ സമരം സംഘടിപ്പിക്കുന്നത്.സമരത്തിന്‍റെ പ്രചരണാര്‍ത്ഥം 2026 നവംബര്‍ 9 മുതല്‍ 13 വരെ സംസ്ഥാനത്ത് മേഖലാതലത്തില്‍ വാഹന ജാഥകൾ പര്യടനം നടത്തുകയാണ് .പ്രചരണ പ്രവര്‍ത്തനങ്ങള്‍ ഏറ്റെടുക്കുന്നതിനും സ്വീകരണ കേന്ദ്രത്തില്‍ എത്തിച്ചേര്‍ന്ന് ജാഥ വിജയിപ്പിക്കുന്നതിനും മുഴുവന്‍ ജീവനക്കാരോടും അധ്യാപകരോടും അഭ്യര്‍ത്ഥിക്കുന്നു.