Parousia Ministries

10/10/2026

10/10/2026

പറൂസിയ മിനിസ്ട്രീസ്: 10/10/2026

സർവ്വശക്തനായ ദൈവത്തിന് മഹത്വമുണ്ടായിരിക്കട്ടെ.
പുതിയ ദിവസത്തിനായി കർത്താവിനു മഹത്വം.

എന്റെ ശക്തിയും എന്റെ കയ്യുടെ ബലവും ഈ സമ്പത്തുണ്ടാക്കി എന്നു നിന്റെ ഹൃദയത്തിൽ പറയാതിരിപ്പാനും സൂക്ഷിച്ചുകൊള്ളേണം. ആവർത്തനം 8:17

ഇത്തരത്തിൽ പണത്തിനു പിന്നാലെ പരക്കം പായുന്നവർ പലപ്പോഴും തങ്ങളുടെ പ്രവർത്തിയെ ന്യായീകരിക്കുന്നത്, എല്ലാക്കാലവും ഇതുപോലെ സമ്പാദിക്കാൻ കഴിഞ്ഞെന്നു വരികയില്ല; ഇപ്പോൾ എങ്ങനെയും ധനം സമ്പാദിക്കാം, ആവശ്യത്തിനായി കഴിയുമ്പോൾ പിന്നെ വേണമെങ്കിൽ കുറെയൊക്കെ എന്തെങ്കിലും സൽപ്രവർത്തികൾക്ക് ചിലവഴിക്കാം, എന്നാണ്. പക്ഷേ, ആ ചിന്താഗതിയിലെ ഭോഷത്തം തുറന്നുകാട്ടി യഹോശുവ നമ്മെ ഓർമ്മിപ്പിക്കുകയാണ്, നമ്മുടെ അന്ത്യം എപ്പോഴെത്തുമെന്നത് നമുക്ക് അജ്ഞാതമാണ്. "ഹൃദയത്തിലെ നിരൂപണങ്ങൾ മനുഷ്യന്നുള്ളവ; നാവിന്റെ ഉത്തരമോ യഹോവയാൽ വരുന്നു. (സദൃശ്യവാക്യങ്ങൾ 16:1). ആയതിനാൽ ദൈവം ജീവിതത്തിൽ തന്നിരിക്കുന്ന എല്ലാ അനുഗ്രഹങ്ങൾക്കും നന്ദി പറയാം. ദൈവം എല്ലാവരെയും സമൃദ്ധമായി അനുഗ്രഹിക്കട്ടെ.

യഹോശുവയുടെ നാമത്തിൽ തന്നെ ആമേൻ.

09/10/2026

പറൂസിയ മിനിസ്ട്രീസ്: 09/10/2026

സർവ്വശക്തനായ ദൈവത്തിന് മഹത്വമുണ്ടായിരിക്കട്ടെ.
പുതിയ ദിവസത്തിനായി കർത്താവിനു മഹത്വം.

സൈന്യങ്ങളുടെ ദൈവമായ യഹോവ തന്നോടുകൂടെയുണ്ടായിരുന്നതു കൊണ്ടു ദാവീദ് മേൽക്കുമേൽ പ്രബലനായിത്തീർന്നു (2ശമൂ.5:10).

ജീവിതത്തിലെ കഷ്ടപ്പാടുകൾ ഒരിക്കൽ മാറും. ജീവിതത്തിൽ വിജയിച്ചിട്ടുള്ളവർ എല്ലാവരും വളരെ അധികം പ്രതികൂലങ്ങൾ നേരിട്ടവരാണ്. ഒരു പക്ഷേ, ഇന്ന് അനുഭവിച്ചുകൊണ്ടിരിക്കുന്ന ജീവിതത്തിലെ പ്രതിസന്ധികളെ ഓർത്ത് വ്യാകുലപ്പെടുന്നുണ്ടാകാം. നിരാശയുടെ വാക്കുകൾ നാവിൽ നിന്നും വീഴുന്നുണ്ടാകാം. ദാവീദിന്റെയും, ജോസഫിന്റെയും ജീവിതത്തിലും ഇതുപോലെയായിരുന്നു. എന്നാൽ ദൈവം തന്നെ മേൽക്കുമേൽ പ്രബലനാക്കി.

പ്രിയ ദൈവമക്കളേ, കർത്താവിൽ പൂർണ്ണമായി ആശ്രയിക്കുക. എല്ലാറ്റിനും ഒരു കാത്തിരിപ്പും, സാവാകാശവും വേണം. ദൈവം എല്ലാവരെയും സമൃദ്ധമായി അനുഗ്രഹിക്കട്ടെ.

യഹോശുവയുടെ നാമത്തിൽ തന്നെ ആമേൻ.

08/10/2026

പറൂസിയ മിനിസ്ട്രീസ്: 08/10/2026

സർവ്വശക്തനായ ദൈവത്തിന് മഹത്വമുണ്ടായിരിക്കട്ടെ.
പുതിയ ദിവസത്തിനായി കർത്താവിനു മഹത്വം.

കാറ്റു അമർന്നു വലിയ ശാന്തത ഉണ്ടായി. (മർക്കൊസ്.4:39)

യഹോശുവ എഴുന്നേറ്റു കാറ്റിനെ ശാസിച്ചു കടലിനോട് അടങ്ങുക എന്ന് പറഞ്ഞു; ഉടനെ വലിയ ശാന്തത ഉണ്ടായി. ജീവിതത്തിൽ നാം പ്രതീക്ഷിക്കാത്ത സമയത്ത് പല പ്രശ്നങ്ങൾ ഉണ്ടാകാം. ഒരു പക്ഷേ നാം നമ്മോട് തന്നെ ചോദിക്കും യഹോശുവ കൂടെ ഉണ്ടായിട്ടും എന്താ ഇങ്ങനെ സംഭവിക്കുന്നത്? ഇവ ഒന്നും നമ്മെ നശിപ്പിക്കാനല്ല മറിച്ച് യഹൊശുവയുടെ കരുതലുകൾ അധികം അറിയാനുള്ള വഴികൾ ആണ്.

പ്രിയ സഹോദരരെ, നമ്മുടെ ജീവിതത്തിൽ വരുന്ന ഒരോ പ്രതിസന്ധികളും ഇയ്യോബ് പറഞ്ഞതുപോലെ ഞാൻ നിന്നെക്കുറിച്ച് ഒരു കേൾവി മാത്രമേ കേട്ടിരുന്നുള്ളു; ഇപ്പോഴോ, എൻ്റെ കണ്ണാൽ നിന്നെ കാണുന്നു എന്ന് അനുഭവിച്ചറിയുവാൻ ഇടയാകട്ടെ. ദൈവം എല്ലാവരെയും സമൃദ്ധമായി അനുഗ്രഹിക്കട്ടെ.

യഹോശുവയുടെ നാമത്തിൽ തന്നെ ആമേൻ.