https://www.facebook.com/1226742730711270/

Blood Donors Kerala Kollam District Committee, Kollam (2026)

14/07/2025

രക്തദാനത്തെ മനുഷ്യസ്നേഹത്തിന്റെ ദീപമായി മാറ്റിയ ഞങ്ങളുടെ പ്രിയപ്പെട്ട ജേഷ്ഠൻ
ഇനി ഓർമകളിൽ....🙏

BDK യുടെ സ്ഥാപകനും, പ്രസിഡന്റുമായ ശ്രീ വിനോദ് ഭാസ്കരനു പ്രണാമം

അദേഹത്തിന്റെ ആത്മാവിന് നിത്യശാന്തിനേരുന്നതോടൊപ്പം കുടുംബത്തിന്റെ ദുഃഖത്തിൽ പങ്കുചേരുന്നു.

ആദരാഞ്ജലികൾ.

Blood Donors Kerala

17/05/2020

ദാതാവിനും സ്വീകർത്താവിനും ഗുണം ചെയ്യുന്ന ഒന്നാണ് രക്തദാനം.
രക്തദാനത്തിന്റെ ഗുണങ്ങൾ....💞💉💞

💉ഹൃദയത്തിന്റെ ആരോഗ്യം മെച്ചപ്പെടുത്തുന്നു

രക്തദാനം ചെയ്യുന്നത് രക്തചംക്രമണത്തെ സഹായിക്കുന്നു . രക്തത്തിലെ ഇരുമ്പിന്റെ അളവ് ഉയരുന്നത് ഹൃദ്രോഗത്തിനുള്ള സാധ്യത ഉയർത്തുന്നു. രക്തദാനം ഹൃദയാഘാത സാധ്യത കുറയ്ക്കും.

💉പുതിയ രക്ത കോശങ്ങളുടെ ഉത്പാദനം മെച്ചപ്പെടുത്തുന്നു

രക്തദാനം ചെയ്യുമ്പോൾ , ദാതാവിന്റെ ദേഹം നഷ്ടപ്പെട്ട രക്തം വീണ്ടും നിറയ്ക്കുവാൻ തുടങ്ങുന്നു. 48 മണിക്കൂറിനുള്ളിൽ പുതിയ രക്ത കോശങ്ങൾ ഉത്പാദിപ്പിച്ച് തുടങ്ങുന്നൂ , ഒന്നോ രണ്ടോ മാസങ്ങൾക്കുള്ളിൽ ഇത് പൂർണമായും മാറ്റപ്പെടും . അതുകൊണ്ട് ഇത് നിങ്ങളുടെ ശരീരത്തിൽ ആരോഗ്യകരമായി തുടരാനും കൂടുതൽ കാര്യക്ഷമമായി പ്രവർത്തിക്കാനും സഹായിക്കും.

💉Burn calorie

പതിവായി രക്തം സംഭാവന ചെയ്യുന്നത് ഫിറ്റ്നസ് വർദ്ധിപ്പിക്കും. രക്തം (450 മില്ലി) രക്തം നൽകുന്നത് 650 കലോറി burn ചെയ്യും.
മുതിർന്ന ആളുകളിൽ ആരോഗ്യം നിരന്തരം രക്തം നൽകിക്കൊണ്ട് ഉത്തേജനം ഉറപ്പ് വരുത്തും.

💉കാൻസർ റിസ്ക് കുറയ്ക്കും

Miller-Keystone Blood Center അനുസരിച്ച്
ക്യാൻസർ സാധ്യത കുറയ്ക്കുന്നതിന് രക്തദാനം സഹായിക്കും. , കരൾ, ശ്വാസകോശം, വൻകുടൽ, വയറുവേദന, തുടങ്ങിയ cancer പ്രതിരോധിക്കാൻ സാധിക്കും

💉Free ഹെൽത്ത് check up

മുകളിൽ പറഞ്ഞ ഗുണങ്ങൾക് പുറമെ സൗജന്യ ആരോഗ്യ സ്ക്രീനിംഗും mini blood test um ദാതാക്കൾക്ക് ലഭിക്കും. HB ലെവൽ ടെസ്റ്റ്, അതോടൊപ്പം രക്തസമ്മർദ്ദവും ശരീരം പരിശോധനയും ഉണ്ടാവും. രക്തത്തിലെ ചില പ്രധാന അസുഖങ്ങൾ പരിശോധിക്കുകയും അത് കണ്ടുപിടിച്ചാൽ ഉടൻ തന്നെ കർശനമായ രഹസ്യ സ്വഭവത്തോടെ തന്നെ അറിയിക്കുകയും ചെയ്യും .

💉ജീവൻ രക്ഷിക്കുന്നു

രക്ത ദാനം ചെയ്യുന്നതിലൂടെ അനേകജീവിതങ്ങൾ രക്ഷിക്കപ്പെടുകയും അനേകർക്ക് പ്രതീക്ഷകൾ നിരവധിയാകുന്ന അനേകരിലേയ്ക്കു പ്രതീക്ഷ നൽകുകയും ചെയ്യുന്നു. രക്തദാതാക്കൾ അത്തരം രോഗികൾക്ക് രണ്ടാമത്തെ ലൈസൻസ് നൽകുന്നു.

💉അനേകർക്ക് സന്തോഷം നൽകും

നിങ്ങൾ രക്തം സംഭാവന ചെയ്യുമ്പോൾ, നിങ്ങളുടെ സംഭാവനയെ ആശ്രയിച്ചിരിക്കുന്ന രോഗിയെ മാത്രമല്ല, ആ രോഗിയെ ആശ്രയിക്കുന്ന എല്ലാവർക്കും അത് ആശ്വാസമാകും. അതിൽ നിന്ന് മുഴു സമൂഹത്തിനും പ്രയോജനം ലഭിക്കും....

Donate Blood
Save YourSelf

( Points Adapted from various Newscuttings, Journels )

15/05/2020

ഒന്ന് വായിക്കണേ

🛑🛑🛑🛑🛑🛑🛑🛑

❓BDK യുടെ പോസ്റ്റുകളിൽ രോഗിയുടെ ബൈസ്റ്റാണ്ടറുടെ നമ്പർ വെക്കുന്നില്ലല്ലോ.. നിങ്ങളുടെ കോർഡിനേറ്ററിന്റെ നമ്പർ മാത്രമേ കാണാറുള്ളൂ.. അത് എന്താ അങ്ങനെ.. ബൈസ്റ്റാണ്ടറുടെ നമ്പർ വെച്ചാൽ ഡോണർക്ക് നേരിട്ട് അവരെ വിളിക്കാമല്ലോ... അതല്ലേ എളുപ്പം ??

ഉത്തരം :-*

നിങ്ങളുടെ സംശയം ന്യായമാണ്.. പക്ഷെ അതിനു ഞങ്ങൾക്ക് ചില കാരണങ്ങളുണ്ട്...

🩸 രക്തം ആവശ്യപ്പെട്ടു കൊണ്ട് ഞങ്ങൾ പുറത്തിറക്കുന്ന പോസ്റ്റുകൾ ആരൊക്കെയാണ് കാണുന്നത്, ആരൊക്കെയാണ് ഷെയർ
ചെയ്യുന്നത് എന്ന് ഞങ്ങൾക്ക് പോലും കൃത്യമായി അറിയില്ല.. പല കേസുകളിലും ഡൊണേറ്റ് ചെയ്യാൻ വരുന്ന ഡോണേഴ്‌സിനെ പോലും ഞങ്ങൾ കാണാറില്ല.. അതായത് ഈ പോസ്റ്റുകൾ പലതും നേരിട്ട് പരിചയം ഇല്ലാത്ത അനേകം ആളുകളിലൂടെ സഞ്ചരിക്കുന്നുണ്ട്. പരിചയം ഇല്ലാത്ത കുറെയധികം ആളുകൾക്ക് ഒരു വ്യക്തിയുടെ ഫോൺ നമ്പർ ലഭ്യമാകുന്നത് ശരി അല്ലല്ലോ. അത് ദുരുപയോഗത്തിനു വിധേയമാവരുത് എന്ന് ഞങ്ങൾ ആഗ്രഹിക്കുന്നു. കാര്യം നിങ്ങൾക്ക് മനസിലാകും എന്ന് കരുതുന്നു.

🩸 ചില കേസുകളിൽ സ്ത്രീകൾ ആണ് ബൈസ്റ്റാണ്ടർ എന്ന് കണ്ടു കഴിഞ്ഞാൽ സ്വന്തം ഗ്രൂപ്പിൽപ്പെട്ട രക്തം ആണെങ്കിലും അല്ലെങ്കിലും, രക്തം കൊടുക്കാൻ തയ്യാറല്ലെങ്കിലും "വിശാല ഹൃദയരായ ചില നല്ല സുഹൃത്തുക്കൾ" വെറുതെ വിളിച്ചു ക്ഷേമം അന്വേഷിച്ചുകൊണ്ടിരിക്കും.. ആശുപത്രിയിൽ നിൽക്കുന്നവരുടെ സമയം അങ്ങനെ കളയാനുള്ളതല്ലല്ലോ.

🩸ഒട്ടു മിക്ക ആശുപത്രികളിലും ബെസ്റ്റാൻഡേറായി ഒരാളെ മാത്രമാണ് രോഗിക്ക് ഒപ്പം നിർത്തുക.ആ ബെസ്റ്റാൻഡേർ വേണം രോഗിക്ക് മരുന്ന് വാങ്ങാനും,പരിചരിക്കാനും,ഡോക്ടറെ കാണുവാനും ഒക്കെ ആയി ഓടി നടക്കുന്നത് അതിനിടയിൽ തുടരെ ഉള്ള കോളുകൾ അവരെ ബുദ്ധിമുട്ടിക്കാം..ചില സമയങ്ങളിൽ, സ്ഥലങ്ങളിൽ ( സ്കാനിങ് റൂം, ICU,ബേസ്‌മെന്റ് ) ബെസ്റ്റാൻഡേറുടെ ഫോണിന് റേഞ്ച് ഉണ്ടാകണം എന്നില്ല. അവർ പ്രോപ്പർ ആയി റെസ്പോണ്ട് ചെയ്യുന്നില്ല എങ്കിൽ ദാതാക്കളെ നിരാശരുമാക്കാം.ചിലപ്പോൾ അവർ മടങ്ങി പോകാനും ഇട വരാം.

🩸ചില കേസുകളിൽ രോഗിയുടെ അസുഖം ഭേദപ്പെട്ടതിന്‌ ശേഷമോ, രോഗി മരണപ്പെട്ടതിന് ശേഷമോ പോലും ഇത്തരം രക്തദാന പോസ്റ്റുകൾ ഷെയർ ചെയ്യപ്പെടാറുണ്ട്. കൃത്യമായ തീയതിയും സമയവും ഒന്നും ഇല്ലാത്തത് കൊണ്ട് ആണിത്. പക്ഷെ മനസ്സിന്റെ നന്മ കൊണ്ട് അങ്ങനെ ഉള്ള പോസ്റ്റുകൾ കണ്ട ധാരാളം പേർ വിളിക്കാറുണ്ട്.. മരണപ്പെട്ടു കഴിഞ്ഞ ഒരു രോഗിക്ക് രക്തം തരാം എന്ന് പറയുമ്പോൾ അത് കേൾക്കുന്ന ബൈസ്റ്റാണ്ടറുടെ മാനസിക നില നമ്മൾക്ക് ഊഹിക്കാമല്ലോ..രോഗം ഭേദമായി കഴിഞ്ഞെങ്കിൽ പോലും അങ്ങനെയുള്ള വിളികൾ സഹിക്കാൻ കഴിയാതെ സിം തന്നെ മാറേണ്ടിവന്നവരുണ്ട്.

🩸മറ്റൊരു പ്രധാന പ്രശ്നം.. അതി സ്നേഹസമ്പന്നരായ വേറെ കുറച്ചു പേരുണ്ട്.. രക്തം ആവശ്യമുള്ളവരെ തേടിപ്പിടിച്ചു വില പറഞ്ഞു രക്തം കൊടുക്കുന്നവർ. ചുരുക്കി പറഞ്ഞാൽ പൈസയ്ക്ക് രക്തം വിൽക്കുന്നവർ.. അങ്ങനെ ഉള്ളവർക്ക് ബൈസ്റ്റാണ്ടറുടെ നമ്പർ കിട്ടിയാൽ പിന്നെ പറയേണ്ടതില്ലല്ലോ.. ഏത് വിധേനയും രോഗിയെ രക്ഷിക്കാൻ ഉള്ള കുടുംബക്കാരുടെ വ്യഗ്രതയെ മുതലാക്കി കാശുണ്ടാക്കുന്നർക്ക് ഞങ്ങളുടെ ബൈസ്റ്റാണ്ടറുടെയോ, ഡോണർമാരുടേയോ നമ്പർ കിട്ടരുത് എന്ന് ഞങ്ങൾക്ക് വാശിയുണ്ട്. തികച്ചും സൗജന്യമായി ആണ് BDK രക്തദാന സേവനങ്ങൾ ജനങ്ങളിലേക്ക് എത്തിക്കുന്നത്. ഏതെങ്കിലും ഒരു BDK വോളന്റീയർ പണമായോ, പാരിതോഷികമായോ പ്രതിഫലം ആവശ്യപ്പെട്ടു എന്ന് നിങ്ങളുടെ ശ്രദ്ധയിൽപ്പെട്ടാൽ ഞങ്ങളെ അറിയിക്കുക.. തീർച്ചയായും നിജസ്ഥിതി അറിഞ്ഞതിനു ശേഷം വേണ്ട നടപടികൾ ഞങ്ങൾ കൈക്കൊള്ളുന്നതാണ്*

🩸ഒത്തിരി കോളുകൾ ചെന്ന് ഒത്തിരി വാഗ്ദാനങ്ങൾ ലഭിക്കുമ്പോൾ ബെസ്റ്റാൻഡേർ കൺഫ്യൂസ്ഡ് ആകാനും ചാൻസസ് ഉണ്ട്. ചിലപ്പോൾ രക്തം കിട്ടാം, ചിലപ്പോൾ പ്രതീക്ഷിച്ചതിൽ കൂടുതൽ ആളുകൾ വന്ന് മടങ്ങി പോകേണ്ടതായിയും വരാം

ഇതൊക്കെ കൊണ്ടാണ് ബൈസ്റ്റാണ്ടറുടെ നമ്പർ ഞങ്ങൾ രക്തദാന പോസ്റ്റുകളിൽ ഉൾപ്പെടുത്താത്തത്..

❓ _അപ്പൊ രക്തം ദാനം ചെയ്യാൻ തയ്യാറായ ഒരാൾക്ക് രോഗിയുടെ ബൈസ്റ്റാണ്ടറുമായി സംസാരിക്കാൻ പോലും കഴിയില്ലേ..?_

🩸 തീർച്ചയായും കഴിയും.. ഞങ്ങൾക്ക് ഒരു റിക്വസ്റ്റ് വന്നു കഴിഞ്ഞാൽ ഞങ്ങളുടെ കയ്യിലെ ഡാറ്റയിൽ ഉള്ള ഡൊണാർമാരെ വിളിച്ചു രക്തദാനത്തിന് തയ്യാറാണോ എന്ന് തിരക്കും.. രക്തത്തിന് ക്ഷാമം ഉള്ള അവസരങ്ങളിൽ ആവശ്യം അറിയിച്ചു വിവരങ്ങൾ ഉൾപ്പെടുത്തി രക്തദാന റിക്വസ്റ്റുകൾ തയ്യാറാക്കി സമൂഹമാധ്യമങ്ങൾ വഴി പ്രചരിപ്പിക്കും. ആരെങ്കിലും രക്തം നൽകാൻ സന്നദ്ധത അറിയിച്ചാൽ അവരുടെ നമ്പർ ബൈസ്റ്റാണ്ടറിനു നൽകി ബൈസ്റ്റാണ്ടറിനെ കൊണ്ട് നേരിട്ട് വിളിപ്പിക്കും.. അതായത് ഡോണറിന്റെ നമ്പർ ബൈസ്റ്റാണ്ടറും, ബൈസ്റ്റാണ്ടറിന്റെ നമ്പർ ഡോണറും മാത്രമേ അറിയുന്നുള്ളൂ. സ്വകാര്യത അവിടെ മാനിക്കപ്പെടുന്നു. ഫലത്തിൽ രക്തം ആവശ്യമുള്ളവർക്ക് അത് നല്കാൻ തയ്യാറായവരെ ഒന്ന് കണ്ടെത്തി നൽകുക മാത്രമേ ഞങ്ങൾ ചെയ്യുന്നുള്ളൂ..

മാത്രമല്ല കോഓർഡിനേറ്റർ നമ്പർ വയ്ക്കുന്നത് വഴി തങ്ങളെ വിളിക്കുന്ന ദാതാക്കളുടെ വിവരങ്ങൾ സൂക്ഷിക്കുകയും ഓരോ മൂന്ന് മാസം കൂടുമ്പോഴും കൃത്യമായി ഫോളോ അപ്പ്‌ ചെയ്ത് രക്തം കിട്ടാതെ ബുദ്ധിമുട്ടുന്ന മറ്റ് രോഗികളെ സഹായിക്കാനും സാധിക്കുന്നു

🩸 _രക്തദാനം മഹാദാനം.._🩸

ഹൃദയപൂർവ്വം BDK KLM ❤️

BLOOD DONORS KERALA
🩸🩸🩸🩸🩸🩸🩸

29/01/2019

രക്തം ഹൃദയത്തില്‍ നിന്നൊരു സമ്മാനം

രക്തദാാനം മഹാദാനം എന്ന സ്നേഹവാക്യം ഉള്‍ക്കൊണ്ടു കൊണ്ട് 2011
സാമൂഹ്യ മാധ്യമങ്ങള്‍ വഴി തുടക്കമിട്ട
ബ്ളഡ് ഡോണേഴ്സ് കേരള എന്ന സ്നേഹകൂട്ടായ്മ വളര്‍ന്നു വലുതായി കേരളത്തിന് അകത്തും പുറത്തും പല ഗള്‍ഫ് രാജ്യങ്ങളിലും നിറഞ്ഞ സേവനവുമായി എത്തി നില്‍ക്കുന്നു.
2014ല്‍ ഈ കൂട്ടായ്മ ചാരിറ്റബിള്‍ സൊസൈറ്റിയായി രജിസ്റ്റര്‍ ചെയ്ത് സമൂഹ നന്മയ്ക്കായി പ്രവര്‍ത്തിക്കാന്‍ സുമനസ്സുകളായ അനവധി പേര്‍ ചേര്‍ന്ന് ഒരു കൂട്ടുകുടുംബം പോലെ മുന്നേറുന്നു.
സ്ഥാനമാനങ്ങള്‍ക്കും അംഗീകാരങ്ങള്‍ക്കും പുറകെ പോകാതെ ഒാരോ ബി ഡി കെ
(ബ്ലഡ് ഡോണേഴ്സ് കേരള) അംഗവും ആഗ്രഹിക്കുന്നത് രക്തം ലഭിക്കാതെ ഒരു രോഗി പോലും മരണപ്പെടരുത്, അർഹിക്കുന്ന സഹായം ലഭിക്കാതെ ആരുംതന്നെ ഒറ്റപ്പെടരുത് എന്നു മാത്രമാണ്. രക്തത്തിനു പകരമായി പണമോ പാരിതോഷികമോ ബി ഡി കെ വാങ്ങാറില്ല.
എന്തു നല്‍കിയാലും അത് വാങ്ങുന്നവന്‍റെ ദയനീയത ക്യാമറ കണ്ണുകളില്‍ പകര്‍ത്തരുത് എന്ന സ്നേഹോപദേശം ബി ഡി കെ യുടെ മൂല്യം ഉയര്‍ത്തുന്നു.
ക്യാന്‍സര്‍ ബാധിച്ച കുഞ്ഞുങ്ങള്‍ക്ക് കളിപ്പാട്ടങ്ങള്‍ വിതരണം ചെയ്തു കൊണ്ട് ബി ഡി കെ സ്നേഹക്കിലുക്കമാകുമ്പോള്‍ എല്ലാ ജൂണ്‍ മാസങ്ങളിലും സ്ക്കൂളിലേയ്ക്കു പോകുന്ന കുട്ടികള്‍ക്കും ബി ഡി കെ സ്നേഹപാഠം എന്നപേരിൽ പഠനോപകരണങ്ങളായി സ്നേഹോപഹാരം പകര്‍ന്നു നല്‍കുന്നു. കേരളത്തിൽ ദിവസവും 300 നു മേല്‍ രക്തദാതാക്കളെ വിവിധ ആശുപത്രികളില്‍ എത്തിച്ച് സാന്ത്വനമായി ബി ഡി കെ മാറുന്നു. ലോകരക്തദാതൃദിനം, ലോകരക്തദാനദിനം , പരസ്ഥിതിദിനം തുടങ്ങിയ വിശേഷ ദിനങ്ങളിൽ നിരവധി രക്തദാന ക്യാമ്പുകളും,
രകതദാന/അവയവദാന ബോധവക്കരണ ക്ളാസുകളും ശില്പശാലകളും, റാലികളും കൂടാതെ തൃശ്ശൂര്‍പൂരം, ആലുവ ശിവരാത്രി, ക്രിസ്തുമസ്, ബക്രീദ്, തുടങ്ങിയ ആഘോഷവേളകൾ എന്നിവിടങ്ങളിൽ ഒത്തുചേരുന്നവരിൽ നിന്ന് ഈ നന്മപ്രവർത്തനങ്ങൾക്ക് വേണ്ട മാതൃകാപരമായ ഡാറ്റാ കളക്ഷന്‍ പോലെയുള്ള കാര്യങ്ങൾ നടത്തി ജീവന്‍ രക്ഷാപ്രവര്‍ത്തനങ്ങള്‍ മാത്രം ലക്ഷ്യമിട്ട് നീങ്ങുന്ന ഈ കുടുംബത്തിന് നിരവധി സുമനസ്സുകളുടെ മാനസിക പിന്തുണയും ലഭിക്കുന്നു.ബ്ലഡ് ഡോണേഴ്സ് കേരളയുടെ നന്‍മവഴിയിലൂടെ തണൽ ചാരിറ്റബിൾ ട്രസ്റ്റ്, കളേഴ്സ് ചാരിറ്റബിൾ ട്രസ്റ്റ് എന്നിങ്ങനെ സമാനമായ നിരവധി കൂട്ടായ്മകള്‍ രൂപം കൊണ്ടു എന്നതും ശ്രദ്ധേയമാണ്.
രക്തദാനത്തിനും പുറമേ ഏറ്റവും അര്‍ഹിക്കുന്നവര്‍ക്ക് ചെറിയ സാമ്പത്തിക പിന്തുണയും ചില അവസരങ്ങളില്‍ നല്‍കാന്‍ സാധിക്കുന്നതും ബി ഡി കെ യുടെ വിജയം.

സമൂഹത്തിന്‍റെ നാനാതുറകളില്‍ പ്രവര്‍ത്തിച്ചു വരുന്നവരാണ് ഈ സംഘടനയിലെ വോളന്‍റിയര്‍മാര്‍.ഇവരില്‍ വിദ്യാര്‍ത്ഥികള്‍ മുതല്‍ സര്‍ക്കാര്‍ ജീവനക്കാര്‍ വരെയുള്ള ആളുകള്‍ സജീവമാണ്.
സാമൂഹ്യസേവനത്തില്‍ തല്‍പരരായ ആര്‍ക്കും എപ്പോള്‍ വേണമെങ്കിലും ജാതി-മത-പ്രായ-ലിംഗ ഭേദമന്യേ ബി ഡി കെയില്‍ അംഗമാകാം.
#പ്രവര്ത്തനങ്ങള്‍
•രക്തദാന ക്യാമ്പുകള്‍
•അവയവദാന ക്യാമ്പുകള്‍

•ബോധവല്‍ക്കരണ ക്ലാസ്സുകള്‍/സെമിനാറുകള്‍

•കൗണ്‍സിലിംഗ്

•രക്തദാന ക്യാമ്പയിനുകള്‍

•സ്റ്റെംസെല്‍ ദാന ക്യാമ്പുകള്‍

എന്നിവ ബി ഡി കെ യുടെ മുഖ്യ പ്രവര്‍ത്തനങ്ങളാണ്.
ആളുകള്‍ക്ക് രക്ത/അവയവ ദാനത്തിന്‍റെ ആവശ്യകതയെ ബോധ്യപ്പെടുത്തി,അവരുടെ ആശങ്കകളെയും ഭയത്തെയും ഇല്ലാതാക്കി ഒരു പുണ്യ പ്രവര്‍ത്തിയുടെ ഭാഗമാക്കുക എന്നതാണ് ബി ഡി കെ യുടെ ലക്ഷ്യം.
2011ല്‍ `തണല്‍' എന്ന പേരില്‍ പുതിയൊരാശയം ബി ഡി കെ മുന്നോട്ടു വച്ചു.നിര്‍ദ്ധനരായ വിദ്യാര്‍ത്ഥികള്‍ക്ക് പഠനസഹായം,വീല്‍ചെയര്‍ വിതരണം, ഭക്ഷണ വിതരണം എന്നിവയാണ് തണലിന്‍റെ ആഭിമുഖ്യത്തില്‍ നടക്കുന്ന സല്‍പ്രവര്‍ത്തികള്‍.
കൂടാതെ ബി ഡി കെ യുടെ മറ്റു ചില വേറിട്ട ആശയങ്ങളാണ്

*സ്നേഹസദ്യ*
തെരുവില്‍ കഴിയുന്ന നിര്‍ദ്ധനര്‍ക്ക് എല്ലാ ദിവസവും ആഹാരം എത്തിക്കുന്നു. ആശുപത്രിയില്‍ കിടക്കുന്ന രോഗികള്‍ക്കും കൂട്ടിരിപ്പുകാര്‍ക്കും,ആര്‍ സി സി യിലും അനാഥാലയങ്ങളിലും എല്ലാ ഞായറാഴ്ച്ചകളിലും ഭക്ഷണം നല്‍കുന്നു.

*സ്നേഹപ്പുതപ്പ്*
ആശുപത്രികളിലും തെരുവുകളിലും അനാഥ മന്ദിരങ്ങളിലും കഴിയുന്ന ആളുകള്‍ക്ക് പുതപ്പും വസ്ത്രവും നല്‍കുന്നു.ആദിവാസികള്‍ക്കും ഈ സേവനം ലഭ്യമാക്കുന്നു.

*സ്നേഹക്കിലുക്കം*
ക്യാന്‍സര്‍ ബാധിച്ച കുട്ടികള്‍ക്ക് കളിപ്പാട്ടങ്ങള്‍ ശേഖരിച്ച് നല്‍കുന്നു.

*സ്നേഹപാഠം*
നിര്‍ദ്ധനരായ വിദ്യാര്‍ത്ഥികള്‍ക്ക് പഠന സാമഗ്രികള്‍ ശേഖരിച്ചു നല്‍കുന്നു.വികലാംഗരുടെമക്കള്‍ക്കും ആദിവാസികള്‍ക്കും ഈ സേവനം ലഭ്യമാക്കുന്നു.
സമാന സ്വഭാവമുള്ള സാമൂഹ്യസേവനം ലക്ഷ്യമാക്കിയുള്ള വിവിധ സംഘടനകളുമായി ചേര്‍ന്നും ബി ഡി കെ പ്രവര്‍ത്തിച്ചു വരുന്നു.സ്റ്റെംസെല്‍ ദാന സംഘടനയായ `ധാത്രി' ഇതിലൊന്നാണ്.എല്ലാ മാസവും ബി ഡി കെ യുടെ നേതൃത്വത്തില്‍ രക്തദാന ക്യാമ്പുകള്‍ നടത്തി വരുന്നു.മിഡില്‍ ഈസ്റ്റിലെ മലയാളി അസോസിയേഷനുമായി ചേര്‍ന്ന് ബി ഡി കെ പ്രവര്‍ത്തനങ്ങള്‍ ഗള്‍ഫ് രാജ്യങ്ങളിലേയ്ക്കും വേരു പടര്‍ത്തിയിരിക്കുന്നു.ഒരു ദിവസം ചുരുങ്ങിയത് 100 പേര്‍ക്കാണ് ബി ഡി കെ രക്തം എത്തിച്ചു കൊടുക്കുന്നത്.ഹര്‍ത്താല്‍ ദിനങ്ങളിലും അവധി ദിവസങ്ങളിലും പോലും കാര്യക്ഷമമായി പ്രവര്‍ത്തിച്ച് ഇതിനോടകം ബി ഡി കെ സമൂഹശ്രദ്ധ നേടിക്കഴിഞ്ഞു.

13/06/2018

❤ജൂൺ 14 ലോകരക്തദാന ദിനം❤

ജൂൺ 14 നു ഒരല്പ സമയം നീക്കി വച്ച് കുറച്ചു പേരുടെ ജീവൻ രക്ഷിക്കാൻ നിങ്ങൾക്കാകില്ലേ? ലോക രക്തദാതൃ ദിനത്തോട് അനുബന്ധിച്ചു,ഇന്ത്യയിലെ ഏറ്റവും വലിയ സൗജന്യ രക്തദാന സംഘടനയായ ബ്ലഡ് ഡൊണേഴ്‌സ് കേരള കൊല്ലം ജില്ലാ കമ്മിറ്റി ആഭിമുഖ്യത്തിൽ കൊല്ലം ജില്ലാ ആശുപത്രി ബ്ലഡ് ബാങ്കിൽ നടത്താനിരുന്ന രക്തദാന ചടങ്ങിലേക്ക് സന്മനസ്സുള്ള എല്ലാ രക്തദാതാകളെയും ക്ഷണിച്ചു കൊള്ളുന്നു... ഈ മഹത് കർമ്മത്തിൽ പങ്കാളികൾ ആകാൻ താല്പര്യമുള്ള സുമനസ്സുകൾ ഫോൺ കോളിലൂടെയോ,വാട്സ് ആപ്പ് മുഖാന്തിരമോ ഞങ്ങളുമായി ബന്ധപ്പെടുക

Rahul Sr Arjun:
+919633646592

Nidheesh Vimal Chandu : +919846672732

Panchavadiyil Sasidharan Sonu : +919633828182

Sooraj Surendran Karikkathil : +919539867594

ബ്ലഡ് ഡൊണേഴ്‌സ് കേരളാ കൊല്ലം ടീം

❤ "രക്തദാനം മഹാദാനം...രക്തം ഹൃദയത്തിൽ നിന്നൊരു സമ്മാനം" ❤

BDK KOLLAM

Blood Donors Kerala Kollam District Committee

14/07/2025

17/05/2020

15/05/2020

29/01/2019

13/06/2018

Address

Telephone

Website

Alerts

Shortcuts

Share

Category

Listing takedown request