14/06/2026
*പ്രിയരെ,*
2021 ൽ, കൊട്ടിയത്തിന്റെ സമഗ്ര വികസനത്തിനായുള്ള ഒട്ടേറെ നിർദേശങ്ങൾ മുന്നോട്ട് വച്ച്, കൊട്ടിയം വികസന സെമിനാർ നടത്തിക്കൊണ്ടാണ് *കൊട്ടിയം പൗരവേദി* എന്ന സംഘടന ആരംഭിക്കുന്നത്. അന്ന് മുതൽ ഇന്ന് വരെയുള്ള പ്രവർത്തനങ്ങളിൽ, നാടിന്റെ വിവിധ വികസന പ്രശ്നങ്ങളിൽ ഇടപെടുവാൻ പൗരവേദിയ്ക്ക് കഴിഞ്ഞിട്ടുണ്ട്.
ദേശീയ പാത വികസനവുമായി ബന്ധപ്പെട്ട് കൊട്ടിയത്തിനുണ്ടാകുവാൻ സാധ്യത ഉള്ള പ്രശ്നങ്ങൾക്ക് പരിഹാരം എന്ന നിലയിലാണ് കൊട്ടിയത്ത് *മൊബിലിറ്റി ഹബ്ബ്* സ്ഥാപിക്കണം എന്ന് നിർദ്ദേശം പൗരവേദി 2021ൽ മുന്നോട്ടുവച്ചത്. അതിനായി പൗരവേദി നിർദേശിച്ച സ്ഥലം കൊട്ടിയം - കണ്ണനല്ലൂർ റോഡിൽ കശുവണ്ടി വികസന കോർപ്പറേഷന്റെ ഉടമസ്ഥതയിലുള്ള സ്ഥലമാണ്. ഇത് സംബന്ധിച്ച് കൊട്ടിയം പൗരവേദി ബഹുമാന്യനായ *ഇരവിപുരം എംഎൽഎ അഡ്വ. വിഷ്ണു മോഹന്* കഴിഞ്ഞ ദിവസം നിവേദനം നൽകിയിരുന്നു.
കൊട്ടിയം മൊബിലിറ്റി ഹബ്ബുമായി ബന്ധപ്പെട്ട് *കാരുവേലിൽ ടി കെ എം ഇൻസ്റ്റിറ്റ്യൂട്ട് ഓഫ് ടെക്നോളജിയിലെ* സിവിൽ എഞ്ചിനീയറിങ് വിദ്യാർത്ഥികൾ തയ്യാറാക്കിയ പ്രോജക്ട് ഉടൻതന്നെ ബഹുമാനപ്പെട്ട *മന്ത്രി ശ്രീ പി സി വിഷ്ണുനാഥ്‌* അവർകൾക്കും ജില്ലയിലെ മറ്റു മന്ത്രിമാർക്കും മുൻപാകെ സമർപ്പിക്കുന്നതാണ്.
2022 മുതൽ പൗരവേദി ഉയർത്തിയ, കൊട്ടിയത്തു *ഫയർ സ്റ്റേഷൻ* വേണം എന്ന ആവശ്യം അംഗീകരിക്കപ്പെട്ട് കഴിഞ്ഞിട്ടുണ്ട്. കൊട്ടിയം കമ്പിവിളയിലുള്ള കെ ഐ പി വക ഭൂമിയാണ് ഇതിനായി നിർദേശിച്ചിട്ടുള്ളത്. ഉടൻ അവതരിപ്പിക്കപ്പെടുന്ന ബഡ്ജറ്റിൽ അതിനുള്ള തുക വകയിരുത്തുമെന്ന് ബഹു. അഡ്വ. വിഷ്ണു മോഹൻ എംഎൽഎ ഉറപ്പ് നൽകിയിട്ടുണ്ട്.
ഒറ്റപ്ലാംമൂട് കൂടി ഉൾപ്പെടുത്തിയുള്ള *ടൂറിസം സർക്യൂട്ട്* എന്ന ആവശ്യം ഉന്നയിച്ച് പൗരവേദി ബഹു.ടൂറിസം *മന്ത്രി ശ്രീ പി സി വിഷ്ണുനാഥ്‌, ബഹു. ബി ബി ഗോപകുമാർ എംഎൽഎ* എന്നിവർക്ക് നിവേദനം നൽകിയിട്ടുണ്ട്. അതിനുള്ള നടപടികൾ സ്വീകരിക്കാമെന്ന് ബഹു. ചാത്തന്നൂർ എം ഏൽ എ ഉറപ്പ് നൽകിയിട്ടുണ്ട്.
ഇന്നലെ വരെ നാഥനില്ലാ കളരി ആയ കൊട്ടിയത്തിന് ഒരു നാഥൻ ഉണ്ടാകണമെന്ന ലക്ഷ്യത്തോടെ പൗരവേദി 2022 ൽ മുന്നോട്ടുവച്ച നിർദ്ദേശമാണ് കൊട്ടിയം കേന്ദ്രീകരിച്ച് *നഗരസഭ* രൂപീകരിക്കുക എന്നത്. ആദിച്ചനല്ലൂർ മയ്യനാട് ഗ്രാമപഞ്ചായത്തുകൾ കൂട്ടിച്ചേർത്തും, തൃക്കോവിൽവട്ടം ഗ്രാമപഞ്ചായത്ത് വിഭജിച്ച് അതിന്റെ ഒരു ഭാഗം കൂടി ചേർത്തും കൊട്ടിയം നഗരസഭ രൂപീകരിക്കണം എന്ന ആവശ്യം. ഈ ആവശ്യത്തിനായി നിരവധി തവണ അധികാരികൾക്ക് മുൻപാകെ നിവേദനങ്ങൾ പൗരവേദി സമർപ്പിച്ചിരുന്നു. ഇനിയും ഈ ആവശ്യവുമായി പൗരവേദി മുന്നോട്ടു തന്നെ പോകും. അതിലൂടെ മാത്രമേ കൊട്ടിയത്തിന്റെ സമഗ്രമായ വികസനം സാധ്യമാവുകയുള്ളൂ..
*ഈ എസ് ഐ ആശുപത്രിയുടെ വികസനം, പേരയം റോഡിന്റെ പുനർ നിർമ്മാണം* തുടങ്ങിയ ആവശ്യങ്ങളിലും, മറ്റ് ജനകീയ പ്രശ്നങ്ങളിലുമുള്ള ഇടപെടലുകളും പൗരവേദി ഈ ചുരുങ്ങിയ കാലം കൊണ്ട് നടത്തിയിട്ടുണ്ട്..
പൗരവേദി ഇനിയും മുന്നോട്ട് പോകും *ജനകീയ ആവശ്യങ്ങൾക്കായി* ..ഏവരും ഒപ്പം ഉണ്ടാകണം...
പൗരവേദി എന്നും നാടിനൊപ്പം.. നാട്ടാർക്കൊപ്പം.... *ടീം പൗരവേദി*
