25/06/2026
*चिल्लर पार्टी ,कोल्हापूर , निसर्गप्रेमी मित्र मंडळ, पेठ वडगाव आणि श्रीराम सिटीप्लेक्स* यांच्या विद्यार्थ्यांसाठी रविवारी *सुमी* चित्रपटाचे मोफत प्रदर्शन....
'सुमी' (सुमती) ही ग्रामीण भागातील एक १२ वर्षांची एका गरीब कुटुंबातील मुलगी. तिचे वडील दगडखा0णीत मजुरी करतात आणि आई गृहिणी आहे. सुमीला शिकून डॉक्टर व्हायचे आहे, परंतु तिची शाळा घरापासून खूप दूर आहे. तिथे जाण्यासाठी तिला सायकलची गरज आहे, जी विकत घेण्याची तिची आर्थिक परिस्थिती नाही. प्रतिकूल परिस्थितीतही सुमी शिक्षण सोडत नाही. ती सायकल चालवायला शिकते. तिचा मित्र चिन्मय तिला सायकल शिकण्यास मदत करतो आणि तिचे मनोबल वाढवतो. सुमी सायकलसाठी पैसे वाचवते, परंतु दुर्दैवाने तिचे पैसे चोरीला जातात. त्यातच तिच्या वडिलांची नोकरी जाते, कुटुंबावर आर्थिक संकट येते. पुढे सुमी आणि तिचे कुटुंब पुन्हा उभे राहतात का? वडील आणि आई काय करतात? सुमीचे शिक्षण सुरू राहते का या आणि इतर प्रश्नांची उत्तरे हवी असतील तर रविवारी चिल्लर पार्टी चित्रपट चळवळीमार्फत विनामूल्य दाखवण्यात येणारा हा सिनेमा पाहायला या. आपल्या बालमित्रांना सोबत आणण्यास विसरू नका. भेटूया, रविवार, दि. २८ जून २०२६ रोजी सकाळी ८.३० वाजता श्रीराम सिटीप्लेक्स मध्ये...
चित्रपट : सुमी
दिग्दर्शक : अमोल गोळे
स्थळ : श्रीराम सिटीप्लेक्स, पेठ वडगाव
वेळ : सकाळी ८.३० ते १०.३०
