28/08/2026
मासिक सभा कोल्हापूर चेंबर ऑफ कॉमर्स अँड इंडस्ट्रीज ची कार्यकारणी मंडळाची मासिक सभा संस्थेचे अध्यक्ष मा. संजय शेटे यांच्या अध्यक्षतेखाली बुधवार दिनांक 26 ऑगस्ट 2026 रोजी सायंकाळी सात वाजता सुरू झाली.
उपस्थित यांचे स्वागत मानद सचिव मा. प्रशांत शिंदे यांनी केले.
सुरुवातीला ज्ञात अज्ञात संस्था संबंधित व्यक्तींचे दुखद निधनाबद्दल🥀 श्रद्धांजली म्हणून दोन मिनिटे स्तब्धता पाळण्यात आली.
सभेच्या सुरुवातीला मागील सभेचे इतिवृत्त वाचून कायम करण्यात आले. सभासदासाठी आलेल्या नवीन अर्जांना मंजुरी देण्यात आली. तसेच जुलै महिन्यांमधील जमाखर्चाचे वाचन संस्थेचे खजानिस विज्ञान मुंडे यांनी केल्यानंतर त्यास मंजुरी देण्यात आली.
या महिन्यामध्ये कृषी उत्पन्न बाजार समिती सेस रद्द होण्याबाबत झालेल्या राज्यव्यापी व्यापारी परिषदेचा संपूर्ण आढावा या बैठकीत घेण्यात आला. त्याची सविस्तर माहिती मा. अजित कोठारी यांनी दिली. सैनिक टाकळी येथील एमआयडीसी, पंतप्रधान नरेंद्र मोदी यांच्या वाढदिवसानिमित्त रोजगार मेळाव्याचे नियोजन करण्याबाबत जिल्हा कौशल्य विकास रोजगार व उद्योजकता मार्गदर्शक केंद्राकडून आलेल्या पत्रावर चर्चा, स्मार्ट ट्रेडर्स,स्मार्ट इन्फॉर्मेशन,स्मार्ट डिसिजन अंतर्गत चेंबरच्या सहाय्याने प्रशिक्षण उपक्रमाचे नियोजन लवकरच करण्यात येणार आहे त्याची माहिती सभेमध्ये देण्यात आली. महानगरपालिका व्यवसाय परवाना व गाळेधारकांच्या भाडे प्रश्नासंबंधी राज्यातील संघटनेकडे केलेल्या पत्रव्यवहाराची माहिती सभेमध्ये देण्यात आली.
कोल्हापूर जीएसटी कार्यालयामध्ये कोल्हापुरातील यशस्वी उद्योजिका व जीएसटी आयुक्त यांचे समवेत नियोजित बैठक घेण्यात आली त्याचा सविस्तर आढावा मा.सीमा जोशी यांनी दिला.
आजच्या सभेमध्ये महाराष्ट्र चेंबर ऑफ कॉमर्स, इंडस्ट्रीज अँड एग्रीकल्चर या महाराष्ट्रातील शिखर संस्थेवर निवड झालेल्या सर्वांचा 💐सत्कार करण्यात आला.👏
ऐनवेळी आलेल्या विषयावर चर्चा झाल्यानंतर सभा संपन्न झाली. आभार प्रदर्शन मा. विज्ञान मुंडे यांनी केले.
आजच्या सभेमध्ये मा.राजू पाटील, राहुल मेंच, सीमा जोशी, लक्ष्मण पटेल यांनी प्रामुख्याने भाग घेतला
